समाजकार्य अभासक्रमाच्या विद्यार्थ्यांची उल्लेखनीय कामगिरी
पुणे- सावित्रीबाई फुले पुणे विद्यापीठ व कर्वे समाज सेवा संस्थेच्या प्रथम वर्ष समाजकार्याच्या राष्ट्रीय सेवा योजनेच्या विद्यार्थ्यांनी मावळ तालुक्यातील मलवंडी ठुले या गावी नुकत्याच पार विशेष राष्ट्रीय सेवा योजना शिबिरादरम्यान उल्लेखनीय कामगिरी करीत पी आर ए व सर्वेक्षणाच्या आधारे गावचा कृती आराखडा व विकास आराखडा बनविण्याची किमया करून दाखविली आहे.
सावित्रीबाई फुले पुणे विद्यापीठ व कर्वे समाज सेवा संस्थेच्या संयुक्त विद्यमाने मलवंडी ठुले गावी राष्ट्रीय सेवा योजने च्या विशेष ७ दिवसीय निवासी शिबिराचे आयोजन संस्थेचे संचालक डॉ दीपक वलोकर व सावित्रीबाई फुले पुणे विद्यापीठाच्या राष्ट्रीय सेवा योजना विभागाचे संचालक डॉ. देसाई यांच्या मार्गदर्शनाखाली कार्यक्रम अधिकारी डॉ. महेश ठाकूर व प्रा. चेतन दिवाण यांनी केले होते.
शिबिरार्थी विद्यार्थ्यांनी शिबीर कालावधीमध्ये मशाल फेरी, प्रभात फेरी, शिवार फेरी, मूल्य साखळी, गाव सामाजिक नकाशा, संसाधन नकाशा, महिला व विद्यार्थी बैठका, सर्वेक्षण आणि पी. आर. ए. आदी व्यावसायिक पद्धतींचा अवलंब करीत संपूर्ण गावचा सखोल अभ्यास व आढावा घेऊन शिबिराच्या सांगता समारोप समारंभावेळी आयोजित ग्रामसभेमध्ये ग्रामस्थ व पदाधिकाऱ्यासमोर गावचा कृती आराखडा व विकास आराखडा सादर केला.
कर्वे समाज सेवा संस्थेचे संचालक दीपक वलोकर, मावळ पंचायत समितीचे गटविकास अधिकारी श्री निलेश काळे, मावळ जि. प. शिक्षण विभाग केंद्र प्रमुख रामराव काळे, जि. प. शाळेचे मुख्याध्यापक अभिमन्यू ओतारी, पुणे जिल्हा शिक्षण मंडळाचे उपाध्यक्ष राजेश राऊत आदी मान्यवरांनी शिबिरास भेट देऊन शुभेच्छा दिल्या तसेच शिबीर समारोपावेळी आयोजित ग्रामसभेस गणेश धानिवले, मलवंडी ठुले विकास सेवा सोसायटीचे चेअरमन संतोष ठुले, माजी चेअरमन आप्पा आमले, संचालक दशरथ लोहर, मारुती तोंडे, नामदेव राक्षे, सरपंच लहू सुतार, ग्रा. प. सदस्य सतिका पवार, ग्रामसेवक सौ. बाबर तसेच ग्रामस्थ यांनी उपस्थित राहून विद्यार्थ्यांच्या उपक्रमांचा गौरव केला.
प्रा. महेश ठाकूर, प्रा. चेतन दिवाण, चयन पारधी, रुपेश पवार, श्याम खोंड यांनी शिबिरार्थी विद्यार्थ्यांना शिबिरामधील उपक्रमांसंबंधी व्यावसायिक मार्गदर्शन केले.