मुंबई-कर्नाटक विधानसभा निवडणुकीच्या मतदानानंतर सुरु झालेली इंधन दरवाढ अद्यापही कायम आहे. आज सलग दहाव्या दिवशी पेट्रोल आणि डिझेलच्या दरात ३० पैशांची वाढ झाली. सध्या मुंबईत प्रतिलिटर पेट्रोलचे दर ८४.९९ म्हणजे ८५ रुपये तर डिझेलचा ७२.७६ म्हणजे ७३ रुपये आहे. पेट्रोल-डिझेलच्या या वाढत्या किंमतीमुळे संपूर्ण देशात संताप वाढत चालला असून इंधनाच्या या वाढत्या दरांमुळे महागाई सुद्धा भडकू शकते.अण्णा हजारेंबरोबर रामलीला मैदानावर आंदोलनात सहभागी झालेला अमीर खान आता भाजपच्या मुख्यमंत्र्यांसमवेत आपली टीम रंगवून आहे. अमिताभ बच्चनचे हि तसेच काही आहे .सलमान खान ,अनुपम खेर,अक्षय कुमार ..अशा अनेक अभिनेत्यांना ..ज्यांना ज्यांना जनतेचा पुळका अनेकदा आलेला आहे . त्यांना आता पेट्रोल डिझेलची दरवाढ दिसत नाही काय ? असा सवाल सोशल मीडियातून होवू लागला आहे . जॅकी श्रॉफ ने एकदा भाजपने क्या किया ? या वाक्यावर सोशल मिडिया वर प्रतिक्रिया दिली होती ..हा कॉंग्रेस होती तो ..१० /१२ घोटाळे कर चुकी होती ‘ अशी ती प्रतिक्रिया होती .या सर्व गोष्टींवर सोशल मीडियामध्ये चर्चा होत आहे.
पेट्रोल आणि डिझेलच्या वाढत्या किंमतीमुळे सर्वसामन्यांमध्ये प्रचंड संताप असून सोशल मीडियावर व्यक्त होत आहे. यावेळी नेटकऱ्यांनी काही सेलिब्रेटी आणि राजकारण्यांनाही टार्गेट केलं आहे, ज्यांनी काँग्रेसच्या कार्यकाळात इंधन दरवाढीवरुन रोष व्यक्त केला होता. ट्विटरकरांनी तर नरेंद्र मोदींसहित अमिताभ बच्चन, सलमान खान, अक्षय कुमार आणि काही सेलिब्रेटींचे जुने ट्विट शोधून काढले असून, आता गप्प का बसला आहात ? असा प्रश्न विचारला आहे.