बंगलोर-
आघाडीची गुंतवणूक कंपनी कॅटामारनने चेअरमनपदी श्री. एम. डी. रंगनाथ यांची नियुक्ती केल्याची घोषणा आज केली. गेली तीन वर्षे या कंपनीचे प्रेसिडेंट असलेले श्री. रंगनाथ यांनी कंपनीच्या गुंतवणुकी आणि त्यांच्या कामगिरीच्या वृद्धीचा मजबूत पाया उभारण्यामध्ये भरीव भूमिका बजावली आहे.
कॅटामारनचे प्रेसिडेंट म्हणून श्री. दीपक पदकी यांची नेमणूक करण्यात आल्याची घोषणा देखील कंपनीने केली आहे. उद्यमींच्या संकल्पनांना खतपाणी घालून त्यातून प्रभावी व्यवसाय परिणाम साध्य करण्याच्या मिशनमध्ये कंपनीच्या गुंतवणूक व्यवस्थापन धोरणाला चालना देण्याची जबाबदारी प्रेसिडेंट म्हणून श्री पदकी यांच्यावर असेल. श्री. पदकी जागतिक आयटी सेवा आणि सॉफ्टवेयर उत्पादन उद्योगक्षेत्रात गेली तीस वर्षे काम करत असून स्ट्रॅटेजी, एमअँडए, व्हेंचर फंडिंग व रिस्क मॅनेजमेंट यामध्ये त्यांनी विविध जबाबदाऱ्या सांभाळल्या आहेत.
संस्थापक व चेअरमन एमिरिटस श्री. एन. आर. नारायण मूर्ती म्हणाले, “चेअरमनपदी श्री. रंगनाथ यांची नेमणूक झाल्याचा मला आनंद होत आहे. गेल्या काही वर्षात वेगाने वृद्धी करून बाजारपेठेतील महत्त्वाची कंपनी म्हणून अधिक बळकट बनण्यात या कंपनीला त्यांनी मदत केली आहे.” ते पुढे म्हणाले, “श्री दीपक यांचे स्वागत करताना देखील मला खूप आनंद होत आहे. वाटचालीतील नव्या टप्प्यामध्ये पुढे झेप घेण्याच्या तयारीत असलेल्या कॅटामारनला त्यांच्या अनुभवांचा आणि नेतृत्वाचा खूप लाभ मिळेल.”
कॅटामारन
कॅटामारन ही एक अनेक बिलियन डॉलर्सची गुंतवणूक करणारी कंपनी असून तिचे मुख्यालय भारतात बंगलोरमध्ये आहे. नाविन्यपूर्ण व्यवसाय निर्माण करून त्यांची वाढ व्हावी यासाठी स्टेज-इग्नोस्टिक उत्प्रेरक म्हणून आम्ही काम करतो. आम्ही जगभरातील वैविध्यपूर्ण संपत्ती वर्गांमध्ये गुंतवणूक करतो.