विरोधकांकडे प्रचारांचे मुद्देच नाहीत- उज्ज्वल केसकर
पुणे-महायुतीचे कार्यकर्ते आक‘मक व सकारात्मक पद्धतीने सरकारने केलेली विकासकामे मतदारांपर्यंत पोहाचवत आहेत. या उलट विरोधी पक्षांकडे प्रचारांचे मुद्दे नसल्याने सत्ताधारी महायुतीला घेरण्यात त्यांना अपयश आले असून महायुतीचे उमेदवार गिरीश बापट यांचा विक‘मी मताने विजय होईल असा विश्वास शहर भाजपचे सरचिटणीस उज्ज्वल केसकर यांनी व्यक्त केला.
महायुतीचे उमेदवार गिरीश बापट यांच्या प्रचारार्थ आयोजित केलेल्या पत्रकार परिषदेत श्री. केसकर बोलत होते. शिवसेनेचे प्रसिद्धी प्रमुख राजेंद्र शिंदे, आरपीआयचे (ए) प्रसिद्धी प्रमुख ऍड. मंदार जोशी यांची प्रमुख उपस्थिती होती.
पुण्याच्या स्थानिक प्रश्नांविषयी बोलताना केसकर यांनी काही गोष्टींचा आवर्जून उल्लेख केला. केसकर म्हणाले, ‘पुण्याच्या मेट्रोविषयी भाजपच्या केंद्र, राज्य व मनपा प्रशासनाने उचललेली सकारात्मक पावले आणि त्यामुळे पुणे मेट्रोच्या कामामध्ये झालेली लक्षणीय प्रगती, समान पाणीपुरवठा योजना, रिंगरोडच्या कामात झालेली प्रगती, ई बसेसची खरेदी पीएमआरडीएच्या माध्यमातून झालेली प्रगती, मुळा-मुठा नदी शुद्धीकरण ही विकासकामे वेगात सुरू असल्याने विरोधक भांबावून गेले आहेत. त्यामुळे विरोधक वैयक्तिक स्तरावर चर्चा करीत आहेत.’