पुणे-नव्याने व्यवसाय सुरु करायचा असेल तर भांडवल कसे उपलब्ध करायचे हा प्रश्न प्रत्येक नव व्यावसायिकांच्या समोर असतो. याच विषयावर अधिक माहिती देण्यासाठी देआसरा फाउंडेशन ने नुकतीच कार्यशाळा आयोजित केली होती. ही कार्यशाळा मोफत होती यात एकूण ७० नवउद्योजक यासाठी उपस्थित होते. या कार्यशाळेत लघुउद्योग चालू करणाऱ्यांना कर्ज कशा पद्धतीने बँकांमधून उपलब्ध होते,त्यासाठी कोणती कागदपत्रे आवश्यक असतात या बद्दलची सविस्तर माहिती या कार्यशाळेत देण्यात आली.
या वेळी मार्गदर्शन करताना देआसराचे उद्योगमित्र श्री. प्रतिक बुडगुडे म्हणाले की, “योग्य भांडवलाचा प्रकार हीच यशस्वी व्यवसायाची गुरुकिल्ली आहे. आणि याच द्वारे कोणत्याही उद्योजकाने आपल्या व्यवसायाचा प्रभावीपणे विकास कसा करायचा हे जाणून घेणे अतिशय महत्वाचे आहे.”
अनेक लघु उद्योगांसाठी वाढ ही प्राथमिकता आहे, परंतु योग्य व सुरक्षित भांडवलपुरवठा मिळणे ही आजच्या काळाची गरज आहे. तसेच या कार्यशाळेत सरकारच्या कोणत्या योजना कार्यरत आहेत, त्या योजनांचे वैशिष्ठ व त्यासाठी लागणाऱ्या आवश्यक बाबींची माहिती देखील त्यांनी यात दिली.
त्याच बरोबर व्यवसायासाठी कर्ज किती प्रमाणात घ्यावे, कर्जाची आवश्यकता किती आहे,त्यासाठी कोणती बँक योग्य आहे,घेतलेले कर्ज कशा प्रकारे फेडावे त्याचे नियोजन कसे असले पाहिजे या विषयाची सर्व माहिती यावेळी उद्योजकांना देण्यात आली.