गेल्या बऱ्याच दिवसांपासून सोशल मीडियावर अमृता खानविलकर या नावाला धरून खूप चर्च्या झाल्या, अमृताचा हिंदी मधला वाढता प्रवास असो कि तिच्या फॅशनीस्टां असण्याची चर्चा असो. मात्र खास चर्चा होती ती तिच्या ट्विटर अकाऊंटची. 90K ट्विटर फॉलोअर्स झाल्यानंतर अमृता खानविलकरच्या सगळ्या फॅन्स ना उत्सुकता होती ती 100k ची आणि अवघ्या काही दिवसातच अमृताने 100k चा टप्पा गाठला आणि ट्विटरवर १००K फोल्लोअर्स असणारी अमृता खानविलकर पहिली मराठी अभिनेत्री ठरली.
अमृताची आणि तिच्या फॅन्सची कनेक्टिविटी खूप आहे. ट्विटरवर जवळपास ५० च्या घरात तिच्या नावाचे फॅनक्लब्स आहेत. सगळ्या सोशल मीडिया साईट्सवर अमृताचा असणारा कमाल अँपिअरन्स हा खरंच वाखाणण्याजोगा आहे. अमृता खानविलकरची प्रसिद्धी आपण मराठी तसेच हिंदी सिनेसृष्टीतही पाहू शकतो. तिची आणि बॉलीवूडस्टार रणवीर सिंगची घट्ट मैत्रीही आपल्याला तिच्या ट्विटर अकाउंटवरून दिसते.
यासगळ्यावर अमृता म्हणते कि ”खूप छान वाटतंय आज, जेव्हा ट्विटर अकाउंट ओपन केलेलं तेव्हा 100k फोल्लोअर्स असणं म्हणजे काय हे माहीतही न्हवतं. पण आज ते शक्य झालंय याचं सगळं श्रेय जातं ते माझ्यावर भरभरून प्रेम करणाऱ्या माझ्या फॅन्सना. त्यांच्यामुळेच खरंतर हे घडून आलंय. 100k हा फक्त मी एक नंबर नाही समजत तर पुढे काम करण्यासाठीची मिळालेली एक ऊर्जा मानते.”
