पुणे, 24ऑक्टोबर 2021- पाथ-वे फाउंडेशन यांच्या वतीने आयोजित दोशी इंजिनियर्स करंडक आंतरक्लब 25 वर्षांखालील निमंत्रित क्रिकेट स्पर्धेत अखेरच्या साखळी फेरीच्या सामन्यात अँबिशियस क्रिकेट अकादमी, युनायटेड स्पोर्ट्स क्लब या संघानी अनुक्रमे पीवायसी हिंदू जिमखाना व क्लब ऑफ महाराष्ट्र संघांचा पराभव केला.
पूना क्लब क्रिकेट मैदानावर झालेल्या लढतीत तनिश जैन(3-32 व 48धावा) याने केलेल्या अष्टपैलू खेळीच्या जोरावर अँबिशियस क्रिकेट अकादमी संघाने पीवायसी हिंदू जिमखाना संघाचा 7 गडी राखून पराभव करत आपली विजयाची मालिका कायम ठेवली. प्रथम फलंदाजी करताना अँबिशियस क्रिकेट अकादमीच्या नरेंद्र पाटील(3-30), तनिश जैन(3-32), तनय सांघवी(1-22) यांनी केलेल्या सुरेख गोलंदाजीपुढे पीवायसी हिंदू जिमखाना संघाचा डाव 43षटकात सर्वबाद 168 धावावर आटोपला. यात श्रेयश वाळेकर 59, नचिकेत वेर्लेकर 34, तेजस तोलसनकर 17, साहिल छुरी 16, अमेय भावे 13, यांनी धावा केल्या. हे आव्हान अँबिशियस क्रिकेट अकादमी संघाने 26.5षटकात 3गड्यांच्या बदल्यात 169धावा करून पूर्ण केले. यात तनिश जैन 48, सिद्धांत दोशी 40, अनिकेत पोरवाल नाबाद 23, ऋषिकेश राऊत नाबाद 19 यांनी धावा काढून संघाच्या विजयात मोलाचा वाटा उचलला.
दुसऱ्या ब्रिलियंटस स्पोर्ट्स अकादमी मैदानावर झालेल्या सामन्यात आनंद ठेंगे 5-26)याने केलेल्या भेदक गोलंदाजीच्या जोरावर युनायटेड स्पोर्ट्स क्लब संघाने क्लब ऑफ महाराष्ट्र संघाचा 8 गडी राखून पराभव केला. स्पर्धेत अ गटातून अँबिशियस क्रिकेट अकादमी, केडन्स क्रिकेट अकादमी या संघानी तर, ब गटातून व्हेरॉक वेंगसरकर क्रिकेट अकादमी, डेक्कन जिमखाना संघाने नेटरनरेट सरासरीच्या जोरावर उपांत्य फेरीत प्रवेश केला.
स्पर्धेचा सविस्तर निकाल: साखळी फेरी:पीवायसी हिंदू जिमखाना: 43षटकात सर्वबाद 168 धावा(श्रेयश वाळेकर 59(87,6×4), नचिकेत वेर्लेकर 34(36,3×4,1×6), तेजस तोलसनकर 17, साहिल छुरी 16, अमेय भावे 13, नरेंद्र पाटील 3-30, तनिश जैन 3-32, तनय सांघवी 1-22) पराभूत वि.अँबिशियस क्रिकेट अकादमी: 26.5षटकात 3बाद 169धावा(तनिश जैन 48(58,6×4,1×6), सिद्धांत दोशी 40(50,6×4), अनिकेत पोरवाल नाबाद 23(26), ऋषिकेश राऊत नाबाद 19, साहिल छुरी 1-45, रोहित जना 1-15);सामनावीर-तनिश जैन; अँबिशियस क्रिकेट अकादमी संघ 7 गडी राखून विजयी;
क्लब ऑफ महाराष्ट्र: 16.4षटकात सर्वबाद 73 धावा(अतुल विटकर 34(25,5×4,1×6), राजवर्धन उंडरे 14, आनंद ठेंगे 5-26, सुदीप पाठक 2-35, रौनक राठी 3-12) पराभूत वि.युनायटेड स्पोर्ट्स क्लब: 10.1षटकात 2बाद 77धावा(ऋतुराज धुलगुडे 29(21,4×4,1×6), संदीप शिंदे नाबाद 29(24,1×4,3×6), अभिमन्यू जाधव नाबाद 14, संकेत चव्हाण 2-27);सामनावीर-आनंद ठेंगे; युनायटेड स्पोर्ट्स क्लब 8 गडी राखून विजयी.
