पुणे-कोरोना आहे म्हणून कामे बंद करून चालणार आहे काय ? शेखर गायकवाड यांनी तेव्हाच सांगितले होते कोरोना समवेत जगायला शिकावं लागेल आणि आता अखेर सारेच कोरोना समवेत कामाला हि लागलेले आहे . एकीकडे कोरोना का वाढतोय म्हणून सातत्याने अधिकाऱ्यांच्या मिटींगा घेणाऱ्या अजित पवारांनी आज चक्क पुण्यात पहाटे 6 वाजता मेट्रो ची भेट आयोजित केली अजित पवारांनी पहाटे पिंपरी-चिंचवड शहरात दाखल झाल्यानंतर मेट्रो संदर्भातील बैठक घेतली. यावेळी मेट्रोचे ब्रिजेश दीक्षित उपस्थित होते. बैठक झाल्यानंतर अजित पवार यांच्या गाड्यांचा ताफा संत तुकाराम नगर मेट्रो स्थानकाकडे वळाला. मेट्रोचे आढावा घेतल्यानंतर मेट्रोचे पहिले तिकीट हे राज्याचे उपमुख्यमंत्री अजित पवार यांना देण्यात आले. संत तुकाराम नगर ते पिंपरी (खराळवाडी) असा मेट्रोने त्यांनी प्रवास केला. यावेळी अजित पवार हे मेट्रो चालकाच्या केबिनमधून आढावा घेत होते, तर ब्रिजेश दीक्षित त्यांना मेट्रोबद्दल माहिती देत होते. पाहणी दौऱ्यात मोजके पोलीस अधिकारी आणि मेट्रो कर्मचारी उपस्थित होते. मेट्रो संदर्भात अजित पवार यांनी काही सूचना देखील केल्या .मेट्रोच्या रस्त्यातील काही झाडं काढली जाणार आहेत, त्यांचं पुनर्रोपण कसं केलं जाणार याचीही माहिती त्यांनी यावेळी घेतली. याचा एक व्हिडिओसमोर आला आहे.