मुंबई-आज आदित्य ठाकरे यांनी मुख्यमंत्री एकनाथ शिंदे यांना खुलं आव्हान दिलं आहे.घटनाबाह्य मुख्यमंत्र्यांमुळे महाराष्ट्रातील प्रकल्प गुजरातमध्ये गेलेत. या विषयावर हिंमत असेल तर त्यांनी माध्यमांसमोर माझ्याशी १० मिनीटं चर्चा करावी, असं खुलं आव्हान आदित्य ठाकरे यांनी एकनाथ शिंदे यांना दिलं. मुळात मुख्यमंत्र्यांना प्रकल्पाबाबत माहित होतं का, असा प्रश्न उपस्थित करण्यात येत आहे. यावेळी आदित्य ठाकरे यांनी माहिती अधिकारात मिळालेलं पत्र वाचून दाखवलं.
आदित्य ठाकरे यांनी आज पत्रकार परिषद घेऊन शिंदे सरकारवर अनेक आरोप केले. ते म्हणाले की, वेदांता-फॉक्सकॉन प्रकल्प एकनाथ शिंदे यांच्या सरकारमुळेच गुजरातला गेला. एकनाथ शिंदें हे घटनाबाह्य मुख्यमंत्री आहेत. त्यांना उद्योग गुजरातमध्ये गेले, त्यावरून काही बोलायचंच नाही. यावेळी आदित्य ठाकरे यांनी माहिती अधिकारात मिळवलेल्या माहितीचा संदर्भ देत शिंदे यांच्यावर आरोप केलेत.
दरम्यान आम्ही ब्लेम गेम करत नसून तरुणांच्या रोजगाराचा प्रश्न आहे. जी गुंतवणूक आपल्या राज्यात येणार होती, ती दुसरीकडे पाठवण्यात आली, याचा पुरावा मिळाल्याचं आदित्य ठाकरे यांनी नमूद केलं.