३०,००० टनांहून अधिक सामग्रीचे उत्पादनामुळे भारतातील
फार्मा श्रेणीच्या पॅकेजिंग उत्पादक कंपन्यांमध्ये एसीजीची गणना
पुणे- : शिरवळ येथे अत्याधुनिक अशी लॅमिनेशन प्रकल्प उभारल्यानंतर एसीजी ही भारतातील आरोग्य गोळ्यांसाठी एकाच ठिकाणी संपूर्ण पॅकेजिंग सोल्युशन पुरविणारी आरोग्य क्षेत्रातील पहिली कंपनी बनली आहे. मूलभूत कच्च्या मालापासून (राळ) तयार फिल्मस् तसेच कच्च्या अॅल्युमिनियम फॉइलपासून पूर्ण लॅमिनेटपर्यंतचे प्राथमिक पॅकेजिंग सामग्रीचे उत्पादन करणारी एसीजी फिल्मस् अॅण्ड फॉइल्स ही देशातील पहिली कंपनी ठरली आहे.
युरोपीयन तंत्रज्ञानावर आधारित मशिनचा वापर करण्यात येत असून त्याद्वारे कोल्ड फॉर्म लॅमिनेशनस, ब्लिस्टर लिड फॉइल्स आणि विस्तृत अशा वैशिष्ट्यपूर्ण अॅल्युमिनयम लॅमिनेट्ससाठी लेपण, लॅमिनेशन आणि दोन्ही प्रक्रिया करता येतात. या मशीनद्वारे उत्पादित करण्यात आलेल्या लॅमिनेटचा वापर गोळ्या तसेच कॅप्सुलचे पॅकेजिंग तसेच संरक्षण करण्यासाठी औषधनिर्मिती कंपन्यांकडून करण्यात येतो. याशिवाय, एसीजी फिल्म्स अॅण्ड फॉइल्सच्या उत्पादनांचा दर्जा आंतरराष्ट्रीय स्तरावरील डीएमएफ- यूएसएफडीए, युरोपीयन फार्माकोपिया, कॅनडा –डीएमएफ, आयएसओ प्रमाणपत्र यासारखा आहे.
या प्रसंगी एसीजी फिल्मस् अॅण्ड फॉइल्सचे मुख्य कार्यकारी अधिकारी एस. आर. शिवशंकर म्हणाले, `आमच्या शिरवळ येथील प्रकल्पामुळे औषधनिर्मिती कंपन्यांना कॅप्सुल्स आणि गोळ्यांच्या पॅकेजिंग मटेरिअल एकाच ठिकाणी मिळण्याची सुविधा उपलब्ध झाली आहे. या नव्या प्रकल्पामुळे आमच्या कंपनीची उत्पादनक्षमता आणखी मजबूत झाली आहे. पॅकेजिंगचे काम करण्याच्या दृष्टीने सुरक्षा, संरक्षण, अनुकूलता, दर्जावर नियंत्रण आणि पॅकेजिंग सामग्रीची उपलब्धता यासारख्या गरजांचे नियमनही करण्यात येत आहे. आम्ही आमच्या ग्राहकांशी पूर्णपणे बांधिलकी ठेवली असून त्यांना पुरविण्यात येणाऱ्या प्रत्येक सामग्री ही दर्जेदार आणि संपूर्ण तपशीलासह पुरविण्यात येते.`
एसीजी फिल्मस् अॅण्ड फॉइल्सचे भारत आणि ब्राझील अशा दोन ठिकाणी उत्पादन प्रकल्प असून त्याच्या माध्यमातून जगभरातील औषधनिर्मिती आणि त्याच्याशी संलग्न उद्योगांना सेवा पुरविण्यात येते. औषध कंपन्या, मेडिकल डिव्हाईस आणि आरोग्यसेवा उद्योगासाठी विविध प्रकारच्या आणि उच्च दर्जाच्या सुरक्षित पॅकेजिंग फिल्मचे उत्पादन ते करतात. उच्च दर्जाच्या सुरक्षित सामग्रीमुळे गोळ्या किंवा कॅप्सुलच्या पॅकेजमधून किंवा पॅकेजमध्ये पाणी, ऑक्सिजन, प्रकाश आणि गॅस आत-बाहेर जाण्यापासून प्रतिबंध केला जातो.
एसीजी फिल्मस् अॅण्ड फॉइल्सची जगभरात विक्री कार्यालये, स्लेटिंग युनिट्स आणि वेअरहाऊसेस आहेत.
एसीजीबद्दल माहिती
एसीजी समूह हा औषधनिर्मिती उद्योगाला एकत्रित अशी मॅन्युफॅक्चरिंग सोल्युशन्स उपलब्ध करून देणारी जगातील एकमेव पुरवठादार करणारा समूह आहे. आंतरराष्ट्रीय नियमनांच्या अधिन राहून कंपनी कॅप्सुल्स, फिल्मस् अॅण्ड फॉइल्स, अभियांत्रिकी अशी विविध आणि तपासणी प्रणाली आदी विविध प्रकारचे उत्पादन करते. कॅप्सुल आणि गोळ्या उत्पादनासाठी आवश्यक असलेली सर्व प्रकारची सामग्री उपलब्ध करून देणे हे एकमेव उद्दीष्ट एसीजीचे आहे. पाच दशकांचा अनुभव असलेल्या एसीजीचा सुमारे १०० देशांमध्ये विस्तार असून जगभरात कंपनीचे सुमारे ४,५०० कर्मचारी आहेत. ग्राहकाभिमुख भूमिकेमुळे अनेक प्रामाणिक, समाधानी ग्राहक आणि भागीदार आम्ही मिळवू शकलो. त्यांच्याशी आम्ही प्रतिष्ठेचे आणि पारदर्शक नाते राखले आहे.
एसीजी फिल्मस् अॅण्ड फॉइल्स
पॅकेजिंग क्षेत्रातील एसीजी फिल्मस् अॅण्ड फॉइल्स या कंपनीची जगभरातील उद्योगांना सेवा पुरवणारी कंपनी म्हणून निर्विवाद ओळख आहे. औषध कंपन्या, मेडिकल डिव्हाईस आणि आरोग्यसेवा उद्योगासाठी विविध प्रकारच्या आणि उच्च दर्जाच्या सुरक्षित पॅकेजिंग फिल्मच्या उत्पादनाबद्दल एसीजीचा पुरस्कार देऊन गौरव करण्यात आला आहे. फार्मास्युटिकल श्रेणीच्या तसेच अॅल्युमिनियम आधारित फॉइल्स, स्पेशॅलिटी पॅकेजिंग फिल्मस्, अत्यंत प्रतिबंधात्मक, बनवाटपणा रोखणारी आणि पॉलिमर फिल्मस् अशी कॅमेरा-इन्स्पेक्टेड विविध उत्पादने एसीजीची आहेत. सर्व उत्पादने डीएमएफ टाईप ३ म्हणून नोंदवण्यात आली असून युरोपीयन फर्माकोपिया आणि सीएफडीएच्या नियमांनुसार आहेत.
