‘TVS Apache RTR 200 4V’ या मोटरसायकलवरून स्टंटबाजांच्या 5 पथकांनी केल्या रोमांचक कसरती
पुणे: सलग सहा तास ‘नॉन-स्टॉप स्टंट शो’ करून टीव्हीएस मोटर कंपनीच्या अपाचे या प्रीमिअम बाईकने नवा विक्रम व नवा इतिहास प्रस्थापित केला आहे. या विक्रमाची नोंद ‘एशिया बुक ऑफ रेकॉर्ड्स’मध्ये करण्यात आली आहे. Apache Pro Performance X या उपक्रमाचा एक भाग म्हणून कोईमतूर, बंगळूर, जयपूर, इंदूर आणि दिल्ली येथील 5 स्टंट पथकांनी ‘TVS Apache RTR 200 4V’ मोटरसायकली वापरून सहा तास स्टंट शो केले. पुण्यातील सीझन्स मॉल येथे जोराच्या पावसामध्ये हा शो आयोजित करण्यात आले होते.
स्टंटबाजांनी या कार्यक्रमात प्रेक्षकांना आपल्या टीव्हीएस अपाचेवरील विविध कसरतींनी आणि कौशल्याने मंत्रमुग्ध केले. जीझस ख्राईस्ट पोल, पिलियन थ्रिल राईड, 360 अंशातील फ्रंट व्हीली, सिंक्रोनाईज्ड फ्लॉवर बर्नआऊट, आदी कसरतींनी प्रेक्षकांच्या डोळ्यांचे पारणे फिटले. ही स्टंट्स करीत असताना स्टंटबाज थकले, दमले; मात्र जोरदार पावसाच्या सरी कोसळत असतना देखील आपला पूर्वीचा विक्रम तोडण्याच्या इर्षेने ते कसरती करीत राहिले आणि जिंकले.
टीव्हीएस अपाचे स्टंट पथकाने 2017 मध्ये असेच स्टंट्स सलग 5 तास केले होते. त्यावेळी ‘Apache Pro Performance (APP)’ या त्यावेळच्या लोकप्रिय कार्यक्रमाचे नामकरण ‘टीव्हीएस Apache Pro Performance X असे करण्यात आले होते. ‘टीव्हीएस रेसिंग’च्या माध्यमातून सुरू झालेला हा उपक्रम (नियंत्रित वातावरणातील) साहसी खेळाला प्रोत्साहन देण्याच्या उद्देशाने सुरू करण्यात आलेला आहे. ‘टीव्हीएस अपाचे आरटीआर’ श्रेणीतील मोटरसायकलींवर हे खेळ प्रेक्षकांच्या समोर घेण्यात येतात. यातून ‘रेसिंग डीएनए अनलीश्ड’ हा ब्रॅन्ड प्रेक्षकांच्या मनावर ठसविण्यात येतो.
सीझन मॉलमधील या विक्रमी साहसी खेळाला 25,000 हून अधिक प्रेक्षक संख्या लाभली.
टीव्हीएस अपाचे या श्रेणीबद्दल :
टीव्हीएस अपाचे ही श्रेणी 2006 मध्ये सर्वप्रथम सादर करण्यात आली व लगेचच ती युवा ग्राहकांमध्ये लोकप्रिय झाली. ‘भारतीय बाजारपेठेतील सर्वोत्तम मोटरसायकल’ अशी तिची गणना झाली. गेल्या अनेक वर्षांत, या ब्रँडच्या पोर्टफोलिओमध्ये टीव्हीएस अपाचे आरटीआर 160, 180, 200 आणि टीव्हीएस अपाचे आरआर 310 यांचा समावेश झाला आहे. या पुरस्कार-विजेत्या मालिकेतील मोटरसायकलींची रचना ‘रेस ट्रॅक’मधून प्रेरणा घेऊन करण्यात आली आहे. अत्यंत कार्यक्षम, तांत्रिकदृष्ट्या सरस अशा या मोटरसायकली ग्राहकांना आनंद व समाधान देण्यासाठी बनविलेल्या असतात. टीव्हीएस अपाचे या श्रेणीने आपल्या ग्राहकांशी नातेसंबंध जुळवून घेण्यासाठी अनेक अनुभवात्मक उपक्रम तयार केले आहेत. ‘अपाचे रेसिंग एक्सपीरियन्स’ (एआरई) हे अशाच स्वरुपाचे एक व्यासपीठ आहे, जेथे अपाचे बाळगणाऱ्या ग्राहकांना त्यांच्या मोटरसायकलमध्ये ‘रेसिंग डीएनए’चा समावेश करुन ‘टीव्हीएस रेसिंगमधील नॅशनल रोड रेसिंग चॅम्पियन्स’च्या मार्गदर्शनाखाली एक विशेष अनुभव मिळतो. अनेक ठिकाणी ‘टीव्हीएस अपाचे ओनर्स ग्रूप’ (एओजी) तयार करण्यात आले आहेत. यामध्ये ग्राहकांना मोटारसायकल चालविण्यात त्यांना आलेली मजा व थरार यांचे अनुभव एकमेकांना सांगता येतात. आज 35 हून अधिक शहरांमध्ये 3,000 हून अधिक ग्राहकांचा सहभाग असलेले ‘एओजी ग्रूप’ कार्यरत आहेत. तसेच, अपाचे या ब्रॅन्डच्या माध्यमातून ‘अपाचे प्रो परफॉर्मन्स’ (एपीपी) सारखे शोदेखील आयोजित करण्यात येतात. यात सध्याच्या ग्राहकांना सहभागी करून घेण्यात येते व संभाव्य ग्राहकांशी संवाद साधण्यात येतो