ठळक वैशिष्ट्ये
· 24 नोव्हेंबर 2018 रोजी दाखल होणार
· हाय एंड एसयूव्ही श्रेणीमध्ये स्पर्धा करणार
· डीलरशिपमध्ये आजपासून प्री-बुकिंग सुरू
मुंबई-: महिंद्रा अँड महिंद्रा लि. (एमअँडएम) या 20.7 अब्ज डॉलर उलाढालीचा भाग असलेल्या कंपनीने आपल्या अत्यंत प्रतीक्षेच्या व कोडनेम Y400 असणाऱ्या हाय-एंड एसयूव्हीचे नाव अल्तुरास G4 हे असल्याचे आज जाहीर केले आहे.
अल्तुरास G4 विषयी बोलताना, एमअँडएम लि.चे सेल्स व मार्केटिंग प्रमुख वीजय नाकरा म्हणाले, “अल्तुरास याचा अर्थ ‘उंची’ किंवा ‘शिखर’. आयुष्यामध्ये यशाचे शिखर गाठलेल्या व्यक्तींना लक्झरीमध्ये प्रवेश करण्याच्या द्वाराचे प्रतिनिधित्व अल्तुरास G4 करते. हे वाहन अतिशय लक्झरिअस असल्याने, त्याचे डिझाइन व निर्मिती उत्कृष्ट असल्याने, त्याचे अल्तुरास G4 हे नाव या वाहनाची वैशिष्ट्ये अचूकपणे स्पष्ट करते, असे आम्हाला वाटते.”
हाय एंड एसयूव्ही सेग्मेंटमध्ये समाविष्ट असलेली अल्तुरास G4 30+ लाख रुपये (एक्स–शोरूम) किंमत असणाऱ्या वाहनांशी स्पर्धा करणार आहे. अल्तुरास G4 च्या ठसठशीत व आकर्षक डिझाइन व लक्झरिअस अंतर्भागामध्ये लक्झरी व वैशिष्ट्यपूर्णता समाविष्ट आहे. उल्लेखनीय कामगिरी व ऑफ-रोड क्षमता, अतिशय सुरक्षितता व या श्रेणीतील सर्वोत्तम वैशिष्ट्ये यामुळे अल्तुरास G4 अधिक आकर्षक ठरते.
अल्तुरास G4 ची निर्मिती महाराष्ट्रातील चाकण येथील कंपनीच्या उत्दन प्रकल्पामध्ये केली जाणार आहे आणि ती 24 नोव्हेंबर 2018 रोजी दाखल केली जाणार आहे. अल्तुरास G4 साठी डीलरशिपमध्ये आजपासून प्री-बुकिंग सुरू होणार आहे.
