पुणे:- पुणे विभागात एकूण 206 शिवभोजन केंद्रे असून सर्व सुरु असून 21 हजार 766 गरजूंनी लाभ घेतला आहे.
पुणे विभागामध्ये स्वस्तधान्य दुकानांची संख्या 9 हजार 95 असून 4 हजार 438 दुकाने सुरू आहेत. (ऑनलाईननुसार) स्वस्तधान्य दुकानांमधून पंतप्रधान गरीब कल्याण अन्न योजनेचे माहे जून 2020 साठी मोफत तांदळाचे मंजूर नियतन 62 हजार 26.36 मे टन असून आज अखेर त्यापैकी 1 हजार 309 मे टन (2.11%) धान्य लाभार्थ्यांना वितरीत करण्यात आलेले असल्याची माहिती विभागीय आयुक्त डॉ. दीपक म्हैसेकर यांनी दिली.
पुणे विभागात अंत्योदय व प्राधान्य कुटुंब लाभार्थ्यांना माहे जून महिन्याचे नियमित मंजूर 66 हजार 574.22 मे टन असून आज अखेर 58 हजार 42 .43 मे टन (87.18%) धान्याची उचल झालेली आहे. त्यापैकी नियमित धान्य वितरण 9.65 % आहे. या अंतर्गत एकूण 11.96 लाख कुटुंबातील लाभार्थ्यांना 6 हजार 426 मे टन अन्नधान्याचे वाटप करण्यात आलेले आहे.
जिवनावश्यक वस्तुंचा तसेच औषधांचा तुटवडा नाही. जिवनावश्यक वस्तु व औषधे यांचा पुरवठा सुरळीत ठेवण्यासाठी सर्वोतोपरी प्रयत्न करण्यात येत असल्याचेही विभागीय आयुक्त डॉ.म्हैसेकर यांनी सांगितले. 
