पुणे-
बावधन बुद्रुकमधील RMC प्लांट्सविरोधात नगर सेवक किरण दगडे पाटील यांनी उभारलेल्या लढ्याला आज महत्त्वपूर्ण यश मिळाले आहे. नागरिकांचा RMC प्लांट्सला सातत्यपूर्ण विरोध, माझी अधिकाऱ्यांसोबत प्रत्यक्ष पाहणी आणि पुणे महानगरपालिकेकडे केलेल्या पाठपुराव्यामुळे तब्बल पाच RMC प्लांट्सवर कारवाई करण्यात आली आहे.हा विजय माझ्या एकट्याचा नाही तर आपल्या परिसराचे आरोग्य, सुरक्षितता आणि पर्यावरण जपण्यासाठी एकजुटीने उभ्या राहिलेल्या प्रत्येक नागरिकाचा आहे. नागरिकांनी दाखवून दिले की, आपल्या हक्कासाठी एकत्र आलेला जनसमुदाय प्रशासनाला ठोस कारवाई करण्यासाठी प्रवृत्त करू शकतो.आपली एकजूट, आपला आवाज आणि आपला संघर्ष हाच बदलाचा खरा आधार आहे! बावधनच्या हितासाठी हा लढा यापुढेही असाच ठामपणे सुरू राहील.असे नगरसेवक किरण दगडे पाटील यांनी म्हटले आहे .
पुणे महानगरपालिकेच्या परवाना व आकाशचिन्ह विभाग, बांधकाम अतिक्रमण विभाग आणि बांधकाम विभागाच्या संयुक्त पथकाने बावधन परिसरातील पाच आरएमसी (रेडी मिक्स काँक्रीट) प्लांटवर कारवाई करत ते सील केले. महापालिकेच्या तीन विभागांनी एकत्रितपणे केलेल्या या कारवाईमुळे परिसरातील आरएमसी प्लांटच्या कामकाजाचा मुद्दा पुन्हा चर्चेत आला आहे.
परवाना व आकाशचिन्ह विभागाचे उपआयुक्त संदीप कदम, बांधकाम अतिक्रमण विभागाचे उपआयुक्त सोमनाथ बनकर आणि कोथरूड-बावधन क्षेत्रीय कार्यालयाचे सहाय्यक आयुक्त सुहास जाधव यांच्या मार्गदर्शनाखाली ही संयुक्त कारवाई करण्यात आली.या मोहिमेत पुणे महानगरपालिकेच्या संबंधित विभागांनी समन्वय साधत बावधन येथील पाच आरएमसी प्लांटवर कारवाई केली. कारवाईदरम्यान संबंधित प्लांट सील करण्यात आले. शहरातील बांधकामविषयक कामकाजावर नियंत्रण ठेवणे, तसेच महापालिकेच्या नियमांची अंमलबजावणी करणे, या दृष्टीने संबंधित विभागांची भूमिका महत्त्वाची मानली जाते.
बावधन परिसरात नागरीकरण आणि बांधकाम क्षेत्राचा विस्तार होत असताना आरएमसी प्लांटच्या कामकाजाबाबत प्रशासनाकडून करण्यात येणाऱ्या कारवाईला महत्त्व प्राप्त झाले आहे. अशा प्लांटच्या कामकाजामुळे परिसरातील नागरिकांना कोणत्याही प्रकारचा त्रास होऊ नये, यासाठी संबंधित विभागांनी आवश्यक त्या नियमांची अंमलबजावणी करावी, अशी अपेक्षा व्यक्त केली जात आहे.सदरचे क्षेत्र HCMRL प्रतिबंधित क्षेत्र आहे त्यामुळे कारवाई करण्यात आली आहे.
