पुणे- औंध बाणेर रोड सिंध हौसिंग सोसायटीतील बंगला नंबर १७ सुमा अनामिका दुपारी कुलूप बंद असताना अज्ञात चोरट्याने ते तोडून घरातील ६६ लाख ४२ हजार रुपयांचा ऐवज चोरून नेला . हि घरफोडी काल भर दुपारी दीड ते चार वाजण्याच्या दरम्यान झाली .
घराच्या मुख्य दरवाजाचे कुलूप तोडून , आतील बेडरूम मध्ये प्रवेश करून तेथील कपाट फोडून २ लाखाची भारतीय चलनातील रोख रक्कम आणि ३ लाखाची परदेशी चलनातील रक्कम तसेच सोन्या चांदीचे आणि हिऱ्या चे ६१ लाख ४२ हजार रुपये किंमतीचे दागिने चोरून नेले .चतुर्श्रुंगी पोलीस ठाण्यातील उपनिरीक्षक रुपेश चाळके याप्रकरणी अधिक तपास करीत आहेत.
हडपसर ते वैदवाडी बस प्रवासात ४८ हजार ५०० चा ऐवज चोरी
हडपसर ते चिंचवड गाव या बस मधून प्रवास करणाऱ्या एका महिलेच्या पर्स मधून अज्ञात चोरट्याने रोख रक्कम , दागिने असा ४८ हजार ५०० रुपयांचा ऐवज पळविला . हि चोरी हडपसर ते वैदवाडी दरम्यान बस मधील गर्दीचा फायदा घेऊन करण्यात आली हडपसर पोलीस ठाण्यातील अंमलदार वाय बी टिळेकर अधिक तपास करत आहेत.