हुक्का पार्लरवरील बंदी सुप्रीम कोर्टाने उठवली
मुंबई – सर्वोच्च न्यायालयाने हुक्का पार्लरवरील बंदी उठवली आहे. त्यामुळे आता रेस्टॉरंटच्या स्मोकिंग झोनमध्ये हुक्का सर्व्ह करता येणार आहे. मुंबई महानगरपालिकेने हॉटेलमध्ये हुक्का सर्व्ह करण्यावर बंदी घातली होती. त्याविरोधात हुक्का पार्लर असोसिएशनने मुंबई उच्च न्यायालयात याचिका दाखल केली होती. उच्च न्यायालयाने ही याचिका फेटाळत महापालिकेचा आदेश योग्य ठरवलं होतं.
मुंबई उच्च न्यायालयाच्या निर्णयाविरोधात हुक्का पार्लर असोसिएशनने सर्वोच्च न्यायालयात अपील केलं. त्यावर सुनावणी करताना न्यायालयाने, जर हॉटेलमध्ये सिगारेट ओढण्यास बंदी नाही तर हुक्का पिण्यास बंदी का आहे, असा सवाल राज्य सरकार आणि मुंबई महापालिकेला विचारला.
स्मोकिंग झोनमधे सिगारेट ओढण्यासाठी असलेली मार्गदर्शक तत्त्व पाळली तर हॉटेल्समध्ये हुक्क्यावर बंदी घालता येणार नाही, असंही न्यायायलयाने नमूद केलं.