पुणे, : बेरोजगार विद्युत अभियंत्यांना महावितरण, महापारेषण, महानिर्मिती या कंपनीमधील ठराविक नवीन व
देखभाल दुरुस्ती संबंधीची कामे थेट लॉटरी पद्धतीने देण्याच्या राज्य शासनाच्या निर्णयाची अंमलबजावणीला सुरवात महावितरणसह तिन्ही वीज कंपन्यांमधील विभागांतर्गत एकूण वार्षिक कामांपैकी किमान 50 टक्के ठराविक नवीन आणि देखभाल व दुरुस्तीची कामे बेरोजगार विद्युत अभियंत्यांना लॉटरी पद्धतीने देण्यात येणार आहे. पहिल्या वर्षी प्रत्येकी
10 लाखांपर्यंत ची;वार्षिक 50 लाखांची कामे मिळणार आहे. ही कामे मुदतीत पूर्ण केल्यानंतर दुसर्या वर्षी 15
लाखांपर्यंतची एकूण वार्षिक पाच कामे अशी एकूण 75 लाखांपर्यंतची कामे देण्यात येणार आहे.
महावितरण अंतर्गत कामे मिळविण्यासाठी बेरोजगार विद्युत अभियंत्यांना कार्यकारी अभियंता, विभाग
कार्यालयात नोंदणीसाठी अर्ज व आवश्यक कागदपत्रे सादर करावा लागेल. अर्ज व कागदपत्रांची पडताळणी केल्यानंतर संबंधीत बेरोजगार विद्युत अभियंत्यांच्या नोंदणीचा प्रस्ताव सात दिवसांत अधीक्षक अभियंता, मंडल कार्यालयामध्ये पाठविला जाईल. या कार्यालयात कागदपत्रांची शहनिशा करून तसेच नोंदणी शुल्क 15 हजार रुपये भरल्यानंतर कंत्राटदार नोंदणी प्रमाणपत्र देण्यात येणार आहे. सोबतच बेरोजगार अभियंत्यांना मंडल कार्यालयातून पासबूक देण्यात येणार असून त्यामध्ये दिलेल्या कामांची सविस्तर नोंद करण्यात येणार आहे.
बेरोजगार विद्युत अभियंत्यांना थेट लॉटरी पद्धतीने कामाचे वाटप केल्यानंतर कार्यादेश देण्यापूर्वी बयाणा रक्कम
(अर्नेस्ट मनी) भरण्यापासून पूर्ण सूट व सुरक्षा ठेव (सिक्यूरीटी डिपॉझिट) भरण्यापासून 50 टक्के सूट देण्यात येणार आहे. बेरोजगार अभियंत्यांना विनास्पर्धा कामे वाटप करण्यासाठी जिल्हावार काम वाटप समिती स्थापन करण्यात आली आहे. संबंधीत मंडल कार्यालयाचे अधीक्षक अभियंता हे समितीचे अध्यक्ष आहेत. मंडल कार्यालयातील कार्यकारी अभियंता समितीचे सदस्य सचिव आणि सदस्य म्हणून व्यवस्थापक (वित्त व लेखा), कामे वाटप करावयाच्या विभागातील कामांशी संबंधीत कार्यकारी अभियंता आणि उपकार्यकारी / अतिरिक्त कार्यकारी अभियंता काम पाहणार आहेत. सुशिक्षित बेरोजगार विद्युत अभियंत्यांनी नोंदणीसाठी व योजनेच्या अधिक माहितीसाठी कार्यकारी अभियंता, विभाग कार्यालयांशी संपर्क साधावा असे आवाहन करण्यात आले आहे.