पुणे :- पॅराडाईम कन्स्ट्रकशन कंपनी प्रा. लि.ला ‘इंटरनॅशनल स्टार फॉर लीडरशिप इन क्वालिटी
२०१५’ या पुरस्काराने पॅरिस येथे झालेल्या अधिवेशनात नुकतेच सन्मानित करण्यात आले.
बिझनेस इनिशीएटिव डायरेक्शन्स (बी.आय.डी)यांच्या हस्ते कंपनीचे व्यवस्थापकीय
संचालक अजय कंग्राळकर यांना देण्यात आला.
इंटरनॅशनल स्टार फॉर लीडरशिप इन क्वालिटी कन्व्हेन्शन पॅरिस २०१५ हा बी.आय.डीच्या
पुरस्कार सोहळ्यातील वार्षिक कार्यक्रमाचा भाग होता. ह्या पुरस्काराची रचना जगासमोर
उल्लेखनीय काम करणार्या कंपन्या, संस्था तसेच उद्योजक यांच्या कर्तुत्वाला दाद देण्यासाठी
केली आहे. कौशल्यप्रधान व्यवसायिकांची निवड,काम करण्याच्या प्रक्रियेतील समन्वय, बांधकाम
करताना पाळली जाणारी प्रमाणबध्दता, कडक नियमांचे पालन,कामाच्या सर्व स्तरांवरील गुणवत्ता
तपासणी यासर्व अवघड निकषांच्या आधारावर पॅराडाईमला सन्मानित करण्यात आले.
कंग्राळकर म्हणाले, ह्या पुरस्कारासाठीची निवड अतिशय पारदर्शक पद्धतीने विविध क्षेत्रातील
जागतिक अग्रगण्य व्यावसायिकांच्या निवड समितीने केली आहे. यासाठी अत्यंत कठीण मतदान
प्रक्रियेतून विजेत्यास हा सन्मान प्राप्त झाला असल्यामुळे हा पुरस्कार घेताना अतिशय आनंद
होत आहे.
बी.आय.डीविषयी …
बिझनेस इनिशीएटिव डायरेक्शन्स (बी.आय.डी)च्या माध्यमातून विविध क्षेत्रात यशस्वीरीत्या
काम करणार्या कंपनींना कौतुकाची थाप दिली जाते.