तामिळनाडूच्या विरुधुनगर जिल्ह्यातील एका फटाक्यांच्या कारखान्यात रविवारी स्फोट झाला. पोलिसांनी दिलेल्या माहितीनुसार, या दुर्घटनेत २३ जणांचा मृत्यू झाला आहे. सहा जखमींना आयसीयूमध्ये दाखल करण्यात आले आहे.
आतापर्यंत १९ मृतदेहांची ओळख पटली आहे. यामध्ये १६ महिला आणि तीन पुरुषांचा समावेश आहे. दुर्घटनेच्या वेळी कारखान्यात तीस कामगार काम करत होते.
एएनआय या वृत्तसंस्थेनुसार, बचावकार्यादरम्यान आणखी एक स्फोट झाला, ज्यात पोलीस, अग्निशमन आणि बचाव पथकाचे १३ सदस्य जखमी झाले. सर्वांना रुग्णालयात दाखल करण्यात आले आहे.
प्राथमिक तपासात असे समोर आले आहे की, हा स्फोट कारखान्याच्या पुढील भागात झाला, जिथे कामगार कच्च्या मालावर काम करत होते. प्रशासनाने एफआयआर दाखल करून तपास सुरू केला आहे.
