लेहर एंटरटेनमेंट, हर्षादीप सासन निर्मित आणि शीतल राजवीर सहनिर्मित, जमील खान दिग्दर्शित ओळख माय आयडेंटिटी हा मराठी चित्रपट येत्या ३१ जुलै रोजी संपूर्ण महाराष्ट्रात प्रदर्शित होत असून चित्रपटाचा दबंग नायक भूषण पाटील, अलका कुबल-आठल्ये आणि खुशबु तावडे यांनी पाच दिवसात महाराष्ट्रातील पाच जिल्ह्यात १७ महाविद्यालयातील सुमारे १ लाख ७५ हजार विद्यार्थ्यांशी सवांद साधला.
मराठीतही होतील दबंग हिरो…
भूषण पाटील म्हणाला , मराठीतही या पुढे स्टायलिश आणि दबंग हिरो दिसतील … आता तो काळ आला आहे . धुळ्यातील शेतकरी कुटुंबातून आलेला ,अभियंता झालेला, अभिनय क्षेत्रात दाखल झालेला भूषण पाटीलने अलका कुबल आणि खुशबू तावडे या दोन नायीकांसमवेत संपूर्ण महाराष्ट्र या चित्रपटाच्या प्रमोशन साठी पिंजून काढला प्रत्येक ठिकाणचे उत्तुंग गर्दीचे फोटो पाहाल तर दंग व्हाल .
आता मराठीत लोकांना दबंग हिरो ची प्रतीक्षा होतीच हा माझा समज लोकांनी महाराष्ट्र भर दिलेल्या उत्तुंग प्रतिसादामुळे आणखी गडद झाला आहे . मी केलेली मेहनत वाया जाणार नाही.चित्रपट क्षेत्रात करियर करताना खूप संघर्ष आणि मेहनत करावी लागते हे मला चांगले ठाऊक आहे येथे यशासाठी सातत्य ठरवावे लागते ध्येय निश्चित करूनच यावे लागते. मी सिक्स पैक दबंग नायक देण्याचा सातत्याने प्रयत्न करेल . सातत्याने जिम सुरु होती आणि आहेच शिवाय मी नाशिकच्या पोलिस अकादमीत हि सराव केला. मराठीत आता एक्शन हिरो हवा आणि मी तर तो देणारच , कुस्तीचे डावपेच हि मला दिग्दर्शक जमील खान यांच्याकडून शिकता आले असेही भूषण म्हणाला . तारक मेहता का उलटा चष्मा मधील बुलबुल म्हणजेच खुशबू तावडे या चित्रपटाची नायिका आहे , ती म्हणाली, अभिनय हा विषय आता मौजमजेचा राहिलेला नाही , इथे एनर्जी खूप लागते आणि पेशन्स ठेवून जे टिकतात तेच उरतात हे मला ठावूक आहे . अलका कुबल -आठल्ये सांगतात की, मराठीत वास्तववादी कथा हवी असली तरी बदलत्या काळानुसार त्यात आता बदल ही होत आहेत . रडणे , हसणे हे जीवनाचे अविभाज्य अंग आहे तसेच कोटुंबिक कथांना स्वप्नांचा मुलामा हि असतोच कि स्वप्नरंजन वाईट नाहीच . पण ‘ओळख’ हा चित्रपट तरुणाईचा वास्तववादी संघर्ष अधोरेखित करणारा असाच सिनेमा आहे . तरुणाईचा हा सिनेमा तरुणाई ला बळ देणारा च आहे असेही त्या म्हणाल्या.
