पुणे :
‘महाराष्ट्र इमर्जन्सी मेडिकल सर्व्हिसेस’च्या सुसज्ज ‘डायल 108’ सेवेच्या जनजागृतीसाठी दौंडमधील पारगांव येथे 500 ग्रामस्थांसाठी प्रात्यक्षिकांचे सादरीकरण करण्यात आले. यावेळी पारगांव चे सरपंच दत्तात्रय शिवराम कुंभार, उपसरपंच संभाजी दत्तात्रय ताकवणे आणि ग्रामस्थ उपस्थित होते. अशी माहिती ‘महाराष्ट्र इमर्जन्सी मेडीकल सर्व्हिस’चे मुख्य संचालन अधिकारी डॉ. ज्ञानेश्वर शेळके यांनी दिली.
राज्य शासनाच्या आरोग्य विभागाच्यावतीने आणि ‘बीव्हीजी इंडिया लिमिटेड’ या सेवा क्षेत्रातील कंपनीच्या माध्यमातून चालविण्यात येणार्या या सेवेची जनजागृती होण्यासाठी ही मोहिम राबविण्यात आली. या प्रात्यक्षिकाद्वारे उपस्थित 500 ग्रामस्थांना ‘डायल 108’ सेवेच्या कार्याची माहिती देण्यात आली.
या जनजागृती प्रात्यक्षिकाचे संयोजन डॉ. रूपाली भागवत, डॉ. हनुमंत अर्जुन, विजय वाघ, गजानन बिवटे, बी.आर.कोळी यांनी केले.
अत्याधुनिक वैद्यकीय सेवेसाठी ‘108’ या दूरध्वनी क्रमांकावर डायल केल्यास विनामूल्य सेवा देणारी सुसज्ज रुग्णवाहिका डॉक्टरांसह येते. अत्याधुनिक उपकरणांनी सुसज्ज अशा 937 रुग्णवाहिका राज्यभर आहेत. यामध्ये 233 ‘अॅडव्हान्स लाईफ सपोर्ट’ रुग्णवाहिका असून, 704 ‘बेसिक लाईफ सपोर्ट’ रूग्णवाहिका समाविष्ट आहेत. अपघात, हृदयविकार, भोवळ येणे, अर्धांगवायू, विषबाधा, आगीत भाजणे अशा अनेक प्रकारच्या आपत्कालीन स्थितीमध्ये ही रुग्णवाहिका बोलावता येते’ याबाबत माहिती देऊन ग्रामस्थांना त्याबाबत प्रात्यक्षिके दाखविण्यात आली.
