पुणे : सभागृहात सदस्यांची भाषणे सुरू असतानाच त्यांच्या आक्षेपांचा सामना न करता मुंडे यांनी सभागृहच सोडले. यामुळे तमाम नगरसेवकांना मुंडे यांनी टोलवून लावल्याची भावना पसरली आणि मुंडे यांनी पुणेकरांचा ,सभागृहाचा अवमान केल्याचा आरोप करण्यात आला .यावेळी मुंडे यांच्या कृत्याबाबत सभापती किंवा कोणालाही उत्तरे देता न आल्याने , सभेच्या शेवटी पीठासीन अधिकारी उपमहापौर धेंडे यांनी हि मुंडेंचा निषेध करूनच सभा संपविली .
मुंडे सभागृहात आल्यानंतर प्रथम त्यांनी आपली ओळख करून द्यावी असा आग्रह कॉंग्रेसचे अरविंद शिंदे यांनी केला तेव्हा त्यांनी आपले नाव सांगून ,मी आल्यानंतर काय केले याबाबत अर्धा तास विवेचन केले .त्यानंतर सभासद बोलू लागले , प्रशांत जगताप, धीरज घाटे , यांची भाषणे झाली , पल्लवी जावळे या बोलायला उभ्या राहातच मुंडे हे तरातरा सभागृहाबाहेर पडले आणि चेतन तुपे पाटील ,अरविंद शिंदे,अविनाश बागवे, यांनी ते कुठे गेले अशी विचारणा केली. पिठासन अधिकारी डॉ. सिद्धार्थ धेंडे यांना ते सांगता आले नाही. त्यावरून सदस्यांनी गोंधळ सुरू केला. महापौरांना न विचारता गेले सभागृहाचा अपमान झाला अशी भूमिका घेत त्यांनी घोषणा देण्यास सुरुवात केली. खुलासा करा अशी मागणी विरोधी पक्षनेते चेतन तुपे यांनी केली. मुंडे यांच्या निषेधाच्या घोषणा देण्यात आल्या. सभागृह नेते भिमाले विरोधकांची समजूत घालण्याचा प्रयत्न करीत होते. आम्ही शहराच्या हितासाठी काम सोडून आलो आहोत, त्यांना काही घेणे दिसत नाही, अशी टीका शिंदे यांनी केली. त्यांना परत बोलवा अशी मागणी होऊ लागली. धेंडे यांनी या गोंधळातच कामकाज सुरू केले. भाजपाच्या सदस्यांना त्यांनी बोलण्यास सांगितले.
पहा सुरुवातीच्या सभेची हि व्हिडीओ झलक – संपूर्ण सविस्तर सभा पाहू इच्छिणाऱ्यांनी कृपया आमच्या फेसबुक वरील https://www.facebook.com/MyMarathiNews/ या पेजला भेट द्यावी .या पेजवर हि सभा मुंडे यांचे विवेचन आणि सर्वांची भाषणे लाइव्ह करण्यात आली आहे .
