पुणे– गणेशोत्सवाच्या शतकोत्तर रौप्य महोत्सवी वर्षानिमित्त पुणे महापालिकेच्या वतीने सारसबागे जवळील सणस मैदानावर शाडू मातीच्या बाप्पाच्या मूर्ती साकारण्याच्या कार्यक्रमाचे आयोजन करण्यात आले होते. या उपक्रमाची नोंद गिनीज वर्ल्ड रेकॉर्डमध्ये होणार असून यामध्ये तब्बल 3 हजार 82 विद्यार्थी सहभागी झाले आहेत.
यावेळी केंद्रीय मनुष्यबळ मंत्री प्रकाश जावडेकर, पालकमंत्री गिरीश बापट, महापौर मुक्ता टिळक आणि महापालिका आयुक्त कुणाल कुमार उपस्थित होते. या रेकॉर्डमध्ये सहभागी होणा-या प्रत्येक विद्यार्थ्याला 3 किलो मातीची पिशवी आणि 2 बिया त्यामध्ये टाकण्यासाठी देण्यात आल्या आहेत. तयार करण्यात आलेल्या मूर्ती विद्यार्थी घरी नेऊन प्राणप्रतिष्ठा करणार आहे, असे सांगण्यात आले आहे. पहिले रेकॉर्ड हाँगकाँगमधील 1082 गणपती बनवण्याचे होते ते मोडीत काढले. पुण्यातील रेकॉर्ड 1 तास 31मिनिट 3082 विद्यार्थी सहभागी झाले आहे.
तर यावेळी केंद्रीय मंत्री प्रकाश जावडेकर यांनी सहभागी झालेल्या काही विद्यार्थी संवाद साधत गप्पा देखील मारल्या. त्यानंतर या उपक्रमास सुरुवात झाली. तसेच आपल्या लाडक्या गणरायाच्या स्वागताला काही तास शिल्लक असताना या उपक्रमातून विद्यार्थीच्या कलागुणांना वाव देण्याचे काम या उपक्रमातून केल्याची भावना व्यक्त केली तर आपल्या लाडक्या गणरायाची मूर्ती साकारताना विद्यार्थ्याच्या चेह-यावर एक वेगळाच आनंद पाहावयास मिळाला.
