पुणे- कसबा विधानसभा मतदार संघाच्या पोटनिवडणुकीत राष्ट्रवादी , शिवसेना यांनी जरी महाविकास आघाडीच्या वतीने दंड थोपटले असले तरी कसबा कॉंग्रेसला सोडला जाईल आणि कॉंग्रेसच्या वतीने धंगेकर किंवा दाभेकर यांच्यातील एकाला उमेदवारी मिळेल अशी शक्यता आज मुंबईतील कॉंग्रेसच्या गोटातून वर्तविण्यात आली .भाजपा आज रात्री उशिरा आपल्या उमेदवारांच्या नावाची घोषणा करणार असल्याने ती झाल्यावर कदाचित दाभेकर किंवा धंगेकर यांचातील शर्यतीत सुद्धा कोण पुढे राहिले हे स्पष्ट होईल असे दिसते आहे.
कॉंग्रेसच्या वतीने अगदी शहर अध्यक्ष अरविंद शिंदे आणि माजी महापौर कमल व्यवहारे, नीता परदेशी ,गोपाल तिवारी यांच्यासह अगदी १६ जणांनी इच्छुक म्हणून नावे नोंदविली होती आणि मुलाखती देखील दिल्या होत्या . मात्र यातील केवळ धंगेकर आणि दाभेकर हे दोघेच निवडणूक लढविण्यासाठी गंभीर असल्याचे स्पष्ट झाले आहे. जरी प्रदेश कॉंग्रेसच्या कमिटीने ३ नावे दिल्लीतील वरिष्ठांना पाठविली असली तरी दाभेकर आणि धंगेकर यांच्यातच उमेदवारीसाठी खरी शर्यत असणार आहे या पूर्वीच्या निवडणुकांत भाजप विरोधी मते विभागली जात होती .या मतांची बेरीज केली तरी भारतीय जनता पक्ष अल्पमतात असल्याचे कोणालाही लक्षात येऊ शकते, असे रवींद्र धंगेकर यांनी सांगितले .तर आजपर्यंत भाजपच्या खांद्यावर शिवसेनेचा ठाकरेंचा हाथ होता आता भाजपा एकाकी आहे असे शिवसेनाप्रमुख संजय मोरे यांनी सांगितले .राष्ट्रवादी आणि कॉंग्रेसची यापूर्वीही आघाडी होतीच . मात्र कॉंग्रेसला हा मतदार संघ आता प्रथा परंपरे प्रमाणे सोडला आणि सहयोगी पक्षाने जर मनापासून साथ दिली तर कॉंग्रेसचा येथे निश्चित विजय होईल असे कॉंग्रेसचे ज्येष्ठ नेते मोहन जोशी , रमेश बागवे , अरविंद शिंदे यांनी म्हटले आहे.शिवाय भाजपचे खासदार गिरीश बापट यावेळी सक्रियतेने उतरू शकले नाहीत तर त्याचा मोठा फटका भाजपाला बसणार आहे असाही दावा केला जातो आहे.
