नाशिकमध्ये आयोजित छत्रपती संभाजी महाराज महानाट्याच्या पार्श्वभूमीवर खा.डॉ.अमोल कोल्हे यांनी घेतली माजी उपमुख्यमंत्री छगन भुजबळ यांची भेट
खा.डॉ.अमोल कोल्हे यांच्या हस्ते छगन भुजबळ यांनी खरेदी केले छत्रपती संभाजी महाराज महानाट्याचे पहिले तिकीट
नाशिक,दि.९ जानेवारी :- नाशिकमध्ये जगदंब क्रिएशन आयोजित छत्रपती संभाजी महाराज महानाट्याच्या पार्श्वभूमीवर खा.डॉ.अमोल कोल्हे यांनी आज नाशिक येथील कार्यालयात माजी उपमुख्यमंत्री छगन भुजबळ यांची भेट घेतली. यावेळी डॉ.अमोल कोल्हे यांनी महानाट्याबाबत माहिती देत या महानाट्याचे पहिले तिकीट छगन भुजबळ यांना दिले. यावेळी हे पहिले तिकीट छगन भुजबळ यांनी खरेदी केले.
यावेळी आमदार हिरामण खोसकर, शहराध्यक्ष रंजन ठाकरे, प्रदेश पदाधिकारी नानासाहेब महाले, बाळासाहेब कर्डक, शहराध्यक्ष कविता कर्डक, युवक शहराध्यक्ष अंबादास खैरे, समाधान जेजुरकर, सचिन कळमकर, अमोल नाईक, अमर वझरे यांच्यासह पदाधिकारी उपस्थित होते.
यावेळी छगन भुजबळ म्हणाले की, महापुरुषांचा इतिहास पुढच्या पिढीकडे पोहचविण्यासाठी अशा स्वरूपातील महानाट्य अतिशय उपयुक्त आहे. नाशिक शहर व जिल्ह्यातील नागरिकांनी छत्रपती संभाजी महाराज महानाट्य बघावे असे आवाहन त्यांनी केली.
यावेळी डॉ.अमोल कोल्हे म्हणाले की, छत्रपती संभाजी महाराज यांचा इतिहास पुढच्या पिढीपर्यंत पोहचविण्यासाठी या महानाट्याचे आयोजन करण्यात आले आहे. नाशिककरांनी मोठ्या संख्येने सहभागी व्हावे असे आवाहन त्यांनी यावेळी केले.