पुणे, दि.३: बांगलादेश सरकारने १९७१ च्या बांगलादेश मुक्ती युद्धात पूर्व विभागामध्ये सहभागी झालेल्या भारतीय सेनेतील शहीद व जखमी सैनिक, सैन्य अधिकारी यांच्या नातवांसाठी शैक्षणिक वर्ष २०२१-२२ व २०२२-२३ करीता सुरू केलेल्या ‘मुजीब शिष्यवृत्ती’साठी अर्ज करण्याचे आवाहन करण्यात आले आहे.
दहावी ते बारावी आणि पदवी अभ्यासक्रमात या दोन शैक्षणिक वर्षात शिकणाऱ्या नातवांसाठी बांगलादेश सरकारद्वारे एकवेळ शिष्यवृत्ती योजना ‘मुजीब शिष्यवृत्ती’ नावाने सुरु केली आहे. जिल्ह्यातील बांगलादेश युद्धात सहभागी शहीद, जखमी सैनिक व सैन्य अधिकारी यांच्या नातवांनी, अवलंबितांनी सर्व संबंधित कागदपत्रासह जिल्हा सैनिक कल्याण कार्यालयाशी संपर्क करावा, असे आवाहन जिल्हा सैनिक कल्याण अधिकारी ले. कर्नल (नि.) एस. डी. हंगे यांनी केले आहे.