पुणे- अरविंद लेले यांच्या परिवाराच्या भेटी समवेत पीएम नरेंद्र मोदी यांनी आज पुणे दौऱ्यावर आलेले असताना स्वर्गीय गिरीश बापट यांचा मुलगा गौरव आणि सून स्वरदा बापट या दोघांची भेट घेऊन,त्यांची विचारपूस केली आणि चर्चा केली . काही आठवणी त्यांनी स्वर्गीय गिरीश बापट यांच्या सांगितल्या आणि त्यांच्या मुलाचे आणि सुनेच्या बाबत काही जाणून घेण्याचा प्रयत्न केला .
कॉंग्रेसने यापासून काही शिकावे …..
पीएम मोदी पुण्यात आल्यावर आपल्या पक्षातील सहकाऱ्यांच्या, आणि नागरिकांच्या कसे समोर जातात याबाबत कॉंग्रेसच्या स्थानिक नेत्यांनी खास याबाबतची दखल घेतली पाहिजे असे राजकीय वर्तुळात बोलले गेले . राहुल गांधी पुण्यात आले होतेउजाळा मिळाला तेव्हा विश्वजित कदम यांनी राहुल गांधींना भारती विद्यापीठात शिकायला आलेल्या बहुसंख्य अमहाराष्ट्रीयन विद्यार्थ्यांपुढे नेले होते .मागणी असूनही शहरातून त्यांची फेरी निघू दिली नव्हती कि कार्यकत्यांच्या भेटीगाठी होऊ दिल्या नव्हत्या आणि पत्रकार परिषद देखील होऊ दिली नव्हती .या घटनेला पुन्हा उजाळा दिला गेला .राहुल गांधी आणि प्रियांका गांधी या भावंडांचे पुण्यात कार्यक्रम ठेऊ पाहणाऱ्यांना कॉंग्रेसच्याच नेत्यांनी सातत्याने विरोध केला .पीएम मोदी, तसेच अमित शहा यांच्या पुणे दौऱ्यावर यांचा अनुभव मात्र याहून एकदम विरोधी जाणवला , एवढेच नव्हे तर राष्ट्रवादीत देखील असेच चालते असेही यावेळी म्हटले गेले.
