वाडिया कॉलेज विद्यार्थी कृती समितीच्या शिष्टमंडळाची
सार्वजनिक न्यास नोंदणी कार्यालयातील उपायुक्त नवनाथ जगताप यांच्याकडे मागणी
पुणे-मॉडर्न एजुकेशन सोसायटी या शैक्षणिक संस्थेचे खाजगीकरण करू नये , तसेच हि संस्था धनदांडग्यांच्या घशात घालू नये अशी मागणी वाडिया कॉलेज विद्यार्थी कृती समितीच्या शिष्टमंडळाने सार्वजनिक न्यास नोंदणी कार्यालयातील उपायुक्त नवनाथ जगताप यांच्याकडे निवेदनाद्वारे केली .
ढोलेपाटील रोडवरील सार्वजनिक न्यास नोंदणी कार्यालयात हे निवेदन देण्यात आले . वाडिया कॉलेज विद्यार्थी कृती समिती पदाधिकारी राहुल तायडे , प्रकाश साळवे , सुरेश खुरपे , प्रशांत वर्मा , श्रीनिवास दिसले , केशव शिंदे , अनिल शेवरे , नितीन पत्की , महिपाल वाघमारे , नितीन रोकडे आदी मान्यवर उपस्थित होते . गेल्या अनेक वर्षांपासून घटनेतील तरतुदीनुसार या संस्थेचा कारभार सुरु असताना काही धनदांडग्या मंडळींनी मॉडर्न एजुकेशन सोसायटीची घटना अधिकृत नाही असे म्हटले आहे . हे हास्यास्पद आहे . लाखो विद्यार्थी या शैक्षणिक संस्थेतून शिक्षण घेऊन उच्चं पदावर काम करीत आहे . जर घटना अधिकृत नसेल तर या संस्थेतून शिक्षण घेतलेले लाखो विद्यार्थी अनधिकृत मानायचे का ? असा सवाल शिष्टमंडळाने उपस्थित केला . तसेच घटना गहाळ झाली सार्वजनिक न्यास नोंदणी कार्यालयाचे म्हणणे संशयला वाव देणारे आहे याची जाणीव शिष्टमंडळाने करून दिली . काही धनदांडग्यांनी हि संस्था ताब्यात घ्यायचा कट रचला आहे . त्यामुळे धनदांडग्यांचे म्हणणे न ऐकता विद्यार्थी हिताचा विचार करून मॉडर्न एजुकेशन सोसायटीने सादर केलेल्या घटनेला आपण ताबडतोब मान्यता दयावी व त्याप्रमाणे कारभार करण्याचा आदेश आपण संस्थेला द्यावा अशी विनंती शिष्टमंडळाने केली .
जर मागण्या मान्य न झाल्यास शिक्षण प्रेमी पुणेकरांना बरोबर घेऊन आंदोलन करावे लागेल . असा इशारा शिष्टमंडळाने दिला .
सार्वजनिक न्यास नोंदणी कार्यालयातील उपायुक्त नवनाथ जगताप यांनी मॉडर्न एजुकेशन सोसायटी या शैक्षणिक संस्थेचे खाजगीकरण होऊ देणार नाही असे आश्वासन शिष्टमंडळाला दिले .
