पुणे महापालिकेच्या तक्रार निवारण समितीचे सदस्य सतीश लालबिगे यांची मागणी
पुणे- सफाई कामगारांना उच्चं न्यायालयाच्या आदेशानुसार कायमस्वरूपी करण्याची मागणी पुणे महापालिकेच्या तक्रार निवारण समितीचे सदस्य सतीश लालबिगे यांनी केली .
राष्ट्रीय सफाई कामगार आयोगाचे सदस्य दिलीप हत्तीबेद हे महाराष्ट्र दौऱ्यावर पुणे भेटीवर आले असता नवीन शासकीय विश्रामगृहात त्यांच्याकडे केली . यावेळी सतीश लालबिगे यांनी सफाई कर्मचाऱ्याच्या समस्यांविषयी चर्चा केली . यावेळी सफाई कामगारांना डॉ. बाबासाहेब आंबेडकर श्रम साफल्य योजनेसाठी असणारी २५ वर्षाची अट शिथिल करून २० ते १५ वर्षापर्यंत करण्यात यावी , भ्रष्ट्राचार करणाऱ्या अधिकाऱ्याना काळ्या यादीत टाकावे तसेच त्यांना नोकरीतून बडतर्फ करण्यात यावे . तसेच सफाई कामगारांच्या कंत्राटी पध्दतीवर चर्चा करण्यात आली .
यावेळी कविराज संघेलिया ,पुणे महापालिकेच्या तक्रार निवारण समिती सदस्य दीपक निनारिया , प्रताप सोळंकी , मनोज पटेलीया , स्वराज्य निर्माण सेना पार्टीचे अध्यक्ष मन्नू कागडा , मेहेतर वाल्मिकी एकता आंदोलनाचे संस्थापक अध्यक्षा परवीन लालबिगे , महाराष्ट्र प्रदेश अध्यक्षा शिवानी लालबिगे आदी मान्यवर उपस्थित होते .
