उत्तराखंड-पिथौरागढ़–
मुख्य निवडणूक आयुक्त राजीव कुमार यांच्या हेलिकॉप्टरचे उत्तराखंडमधील मुनसियारी येथील रालम येथे आपत्कालीन लँडिंग करण्यात आले आहे. याचे कारण खराब हवामान असल्याचे सांगितले जात आहे. हेलिकॉप्टर मिलमच्या दिशेने जात होते. त्यांच्यासोबत राज्याचे उपमुख्य निवडणूक अधिकारी विजयकुमार जोगदंडे हेही आहेत.
CEC नी मिलम ते नंदा देवी बेस कॅम्पला ट्रेकिंगसाठी जाण्याचा बेत आखला होता, पण दरम्यान दुपारी 1 वाजता हवामान बिघडले. पायलटला धोका लक्षात येताच त्याने शहाणपण दाखवत जवळच्या शेतात हेलिकॉप्टरचे सुरक्षित लँडिंग केले.
अधिकाऱ्यांनी सांगितले कि , ते सुरक्षित आहेत. उतरल्यानंतर मुख्य निवडणूक आयुक्त आणि त्यांच्यासोबत उपस्थित असलेल्या इतर अधिकाऱ्यांना जवळच्या अतिथीगृहात नेण्यात आले.राजीव कुमार हे 1984 च्या बॅचचे आयएएस अधिकारी आहेत. 15 मे 2022 रोजी त्यांना मुख्य निवडणूक आयुक्त बनवण्यात आले. राजीव कुमार हे देशाचे 25 वे मुख्य निवडणूक आयुक्त आहेत. ते 18 फेब्रुवारी 2025 पर्यंत हे पद सांभाळतील.
