पुणे-काँग्रेस पक्षाच्या राजवटीतच पुणे शहराला उद्योगनगरी, क्रीडानगरी,आयटीनगरी, उद्याननगरी, महोत्सवाची नगरी असे स्वरूप प्राप्त झाले आहे. त्यातून पुणे शहराला भरभराटीचे स्वरूप आले आहे. लाखो तरुण व महिलांना चांगला रोजगार येथे निर्माण झाला. त्यामुळेच पुणे शहराच्या विकासात काँग्रेसचे योगदान अमूल्य आहे याची जाणीव सर्वसामान्य पुणेकर नागरिकांना आहे. म्हणून ते या लोकसभा निवडणुकीत महाविकास आघाडी व इंडिया आघाडीचे काँग्रेस पक्षाचे उमेदवार रवींद्र धंगेकर यांच्या पाठीशी उभे राहतील असा विश्वास पुण्यातील महाविकास आघाडी व इंडिया आघाडीचे काँग्रेस पक्षाचे उमेदवार रवींद्र धंगेकर यांनी व्यक्त केला.
या प्रसंगी पुणे लोकसभा निवडणूक प्रचारप्रमुख व माजी आमदार मोहन जोशी म्हणाले की, या निवडणुकीतील ही पहिलीच पदयात्रा असून नागरिकांचा मोठा उत्स्फूर्त प्रतिसाद उमेदवार रवींद्र धंगेकर यांना मिळत आहे. असेच वातावरण सर्व पुण्यात असून रवींद्र धंगेकर हे चांगल्या मताधिक्याने विजयी होतील याची प्रचीतीच या पदयात्रेला मिळत असलेल्या उत्स्फूर्त प्रतिसादावरून दिसून येते.
![](https://mymarathi.net/wp-content/uploads/2024/04/रवींद्र-धंगेकर-कसबा-पदयात्रा-फोटो-1-1-1024x601.jpeg)
निवडणूक उमेदवारी अर्ज दाखल केल्यानंतर आज पासून लगेच धंगेकर यांनी पुणे शहरातील मतदारांच्या भेटीगाठीसाठी आपल्या धडाकेबाज पदयात्रांना प्रारंभ केला. आज कसबा विधान मतदार संघात ग्रामदैवत कसबा गणपतीची आरती करून त्यांची जीप यात्रा / पदयात्रा सुरु झाली व स. प. महाविद्यालय चौक येथे समाप्त झाली त्यानंतर ते बोलत होते.
पुण्यातून निवडून गेलेल्या काँग्रेसच्या सर्वच खासदारांनी प्रयत्नांची शिकस्त करून शहराच्या वैभवात भर घातली आहे याची जाणही पुणेकरांना आहे असे ते म्हणाले. आपणही अशीच दैदिप्यमान कामगिरी करून पुणेकरांचा विश्वास सार्थ ठरवू असा विश्वास त्यांनी शेवटी व्यक्त केला.
प्रारंभी रवींद्र धंगेकर यांनी पुण्याचे ग्राम दैवत श्री. कसबा गणपतीचे दर्शन घेत आरती केली. ढोलताशांचा गजर, रविंद्र धंगेकर यांच्या विजयाच्या घोषणा व फटाक्यांची आतषबाजी, ठिकठिकाणी महिलांकडून धंगेकर यांचे औक्षण, पदयात्रेवर होणारी पृष्पवृष्टी, प्रत्येक घरांतून धंगेकर यांना हात दाखवून भाऊ विजय तुमचाच होणार, असा उत्स्फूर्त प्रतिसाद कसबा विधानसभा मतदार संघातील पदयात्रेत रविंद्र धंगेकर यांना मिळाला.
पुणे शहर जिल्हा काँग्रेस कमिटीचे अध्यक्ष व लोकसभा निवडणूक समन्वयक अरविंद शिंदे, पुणे लोकसभा निवडणूक प्रचारप्रमुख व माजी आमदार मोहन जोशी, राष्ट्रवादी काँग्रेस शरदचंद्र पवार पक्षाचे शहराध्यक्ष प्रशांत जगताप, शिवसेना उद्धव बाळासाहेब ठाकरे पक्षाचे शहरप्रमुख गजनान थरकुडे, माजी गृहराज्य मंत्री रमेश बागवे, माजी आमदार दीप्ती चवधरी, डॉ. रोहित टिळक, ज्येष्ठ नेते रविंद्र माळवदकर संगिता तिवारी, निता परदेशी, नाना करपे, गौरव बोराडे, स्वाती शिंदे, गोरख पळसकर, गणेश नलावडे, दीपक जगताप, रोहन पायगुडे, दीपक पोकळे, अजिंक्य पालकर, अप्पा जाधव, आम आदमी पक्षाचे सुदर्शन जगदाळे, धनंजय बेनकर यांच्यासह पदाधिकारी, कार्यकर्ते मोठ्या संख्येने उपस्थित होते.
सकाळी 8 वाजता पदयात्रेला सुरुवात झाली त्यांच्यासमवेत काँग्रेस पक्ष, राष्ट्रवादी काँग्रेस शरदचंद्र पवार पक्ष, शिवसेना उद्धव बाळासाहेब ठाकरे पक्ष, आम आदमी पार्टी आणि अन्य मित्र पक्षांचे प्रमुख पदाधिकार्यासह कार्यकर्ते मोठ्या संख्येने उपस्थित होते.
सुरुवातीला धंगेकर यांनी लाल महाल परिसर, शनिवार पेठ, नारायण पेठ, सदाशिव पेठेतील नागरिकांच्या भेटी घेतल्या. विविध ठिकाणी महिलांनी त्यांचे औक्षण केले. ठिकठिकाणी पाणी, लिंबू सरबत पदयात्रेतील सहभागींना देण्यात येते होते. फटाक्यांच्या आतषबाजीत त्यांचे स्वागत करण्यात येते होते. केसरीवाड्यातील लोकमान्य टिळक यांच्या पुतळ्याला पुष्पहार अर्पण करुन धंगेकर यांनी अभिवादन केले. त्यानंतर पदयात्रा पुढे जात असताना नागरिक धंगेकर यांचा जयजयकार करीत होते. ज्येष्ठ नेते बाळासाहेब दाभेकर यांनी धंगेकरांचे स्वागत केले. राजाराम गणेश मंडळाच्या श्रीचे दर्शन धंगेकरांनी घेतले तसेच कसबा विधानसभा मतदार संघातील विविध भागातील गणेश मंडळ तसेच सामाजिक संस्थेच्या वतीने रविंद्र धंगेकर यांचे स्वागत करण्यात आले.
![](https://mymarathi.net/wp-content/uploads/2024/04/रवींद्र-धंगेकर-कसबा-पदयात्रा-फोटो-1-1024x601.jpeg)
लाल महाल-एच. व्ही. देसाई कॉलेज-कडबे आळी तालीम-हरिहरेश्वर मंडळ – वीर मारूती-आहिल्या देवी चौक-गाडगीळ निवास-मेहुणपुरा-मंदार लॉज – कन्या शाळा-बालविकास-सुयोग मंगल कार्यालय- शिंदे पार – रमणबाग शाळा – केसरी वाडा – माती गणपती – गोगटे शाळा – मोदी गणपती – बाळासाहेब दाभेकर यांचे कार्यालय – पत्र्या मारूती चौक – लोखंडे तालीम – कुंठे चौक – लक्ष्मी रोड – विजय टॉकीज चौक- गरूड गणपती – जोंधळे चौक – कुमठेकर रोड – खालकर तालिम चौक – कुंजीर तालिम हौद – स्विट होम – श्री मिसळ – विष्णुप्रसाद सभागृह – रिध्दी सिध्दी गणपती – सावजी बिर्याणी – राजाराम मंडळ – ज्ञानप्रबोधीनी – निंबाळकर सायकल मार्ट – ब्राम्हण मंगल कार्यालय – नागनाथ पार – शनी पार – लक्ष्मीड्राय फ्रुट – सुजाता मस्तानी – खुन्या मुरलीधर चौक – शिवाजी मंदिर – पेरूगेट पोलीस चौकी – भावे हायस्कूल – हत्ती गणपती – दुर्वांकुर हॉटेल – महाराष्ट्र मंडळ – टिळक स्मारक मंदिर – शेडगे आळी – भरत नाट्य मंदिर – सहस्त्रबुध्दे दत्त मंदिर – चिमण्या गणपती – वंदे मातरम चौक – भिकारदास मारूती चौक – खजिना विहिर – एस.पी. कॉलेज चौक येथे पदयात्रेचा समारोप झाला.
पुण्याचे ग्रामदैवत श्री कसबा गणपतीचा आशिर्वाद घेऊन प्रचाराला सुरुवात केली आहे. पुणे लोकसभा मतदार संघातील प्रत्येक विधानसभा मतदार संघासह कान्याकोपर्यातील मतदारांपर्यंत जाणार आहे. महाविकास आघाडी व इंडिया आघाडीचे सर्व मित्र पक्षांच्या ज्येष्ठ नेत्यांसह सर्वांचाच प्रचारात सहभाग आहे. नागरिकांडून मला प्रचंड प्रतिसाद मिळत असून माझा विजय निश्चत आहे. सध्या विरोधाकडून आचारसंहितेचा भंग केला जात आहे. अचारसंहितेचा भंग करण्यार्यावर कारवाई करण्यात यावी.
– रविंद्र धंगेकर, (उमेदवार) महाविकास आघाडी व इंडिया आघाडी.