नवी दिल्ली–
केंद्रीय अन्वेषण विभागाने (सीबीआय) देशभरात लहान मुलांची तस्करी करणाऱ्या टोळीचा पर्दाफाश केला. तपास यंत्रणेने शुक्रवारी (5 एप्रिल) दिल्ली आणि हरियाणामधील 7 ठिकाणी छापे टाकले होते. यावेळी दिल्लीतील केशवपुरम येथील घरातून तीन नवजात बालकांची सुटका करण्यात आली.
त्यांच्यामध्ये दोन मुले असून त्यापैकी एक दीड दिवसांचा, तर दुसरा 15 दिवसांचा आहे. एक मुलगी साधारण एक महिन्याची आहे. सीबीआयने हॉस्पिटलच्या वॉर्ड बॉयसह 7 जणांना अटक केली आहे. यामध्ये अनेक महिलांचा समावेश आहे.
सीबीआयच्या सूत्रांनी दिलेल्या माहितीनुसार, आरोपींना एनसीआर भागातून पकडण्यात आले आहे. हे लोक हॉस्पिटलमधून नवजात बालके चोरायचे. मग त्यांची काळ्याबाजारातील मालासारखी खरेदी-विक्री झाली. मुलासाठी सुमारे 4 ते 5 लाख रुपयांचा सौदा व्हायचा. एकट्या मार्च महिन्यात सुमारे 10 मुलांची विक्री झाली.
देशातील अनेक मोठी रुग्णालये तपास यंत्रणेच्या रडारवर
शोध मोहिमेदरम्यान 5.5 लाख रुपये रोख आणि अनेक कागदपत्रांसह आक्षेपार्ह वस्तू जप्त करण्यात आल्या. सीबीआय अनेक राज्यांमध्ये बाल तस्करी प्रकरणाचा तपास करत आहे. देशातील अनेक मोठी रुग्णालये बाल तस्करीच्या रॅकेटच्या कचाट्यात आली आहेत.