‘ससून’ ची विश्वासार्हता जपणे गरजेचे -पश्चिम महाराष्ट्रातील अनेक रुग्णांची वैद्यकीय गरज भागवणाऱ्या ‘ससून सर्वोपचार रुग्णालयाची विश्वासार्हता आणि सेवाभावी प्रतिमा जपली जावी, याकरीता सरकारने आणि प्रशासनाने जागरूक रहावे, अशी अपेक्षा आमदार सिद्धार्थ शिरोळे यांनी आज, गुरुवारी विधानसभेत बोलताना व्यक्त केली.अलीकडेच पॉस्को अंतर्गत गंभीर गुन्ह्यात अटकेत असलेला आरोपी ससून रुग्णालयातून पळून गेला. या संदर्भातील लक्षवेधी सूचनेवर आमदार शिरोळे यांनी मत व्यक्त केले.ससून सर्वोपचार रुग्णालय केवळ एक हॉस्पिटल नसून पुणे, सातारा, सांगली आणि आसपासच्या अनेक जिल्ह्यांतील रुग्णांसाठी आशेचा किरण आहे. कित्येक दशकांपासून रुग्णालयात सर्वसामान्य जनतेला मोफत आणि दर्जेदार आरोग्य सेवा पुरवत आहे.अलीकडच्या काही घटनांमुळे ससूनच्या प्रतिमेला धक्का पोहोचत आहे. ही बाब अत्यंत संवेदनशील आहे. ज्याप्रमाणे मुंबईतील जे.जे.हॉस्पिटलमधील घटनांचा परिणाम शहराच्या प्रतिमेवर होतो, तसाच परिणाम ससून मधील घडामोडींचा पुण्यावरही होऊ शकतो, असे आमदार शिरोळे यांनी सभागृहात सांगितले. ‘ससून’ची गौरवशाली परंपरा आणि सेवाभावी वृत्ती टिकवून ठेवणे आवश्यक आहे. प्रशासकीय निवडी करताना अधिक पारदर्शकता आणि संवेदनशीलतेची गरज आहे, असे मत आमदार शिरोळे यांनी व्यक्त केले.
पुणे : जुन्या पुणे – मुंबई महामार्गावर बोपोडी येथे ३०० खाटांचे शासकीय रुग्णालय मंजूर व्हावे , अशी मागणी आमदार सिद्धार्थ शिरोळे यांनी आज (गुरुवारी ) विधान सभेत केली.
जुन्या पुणे-मुंबई महामार्गावर नाशिक फाटा ते संचेती हॉस्पिटल या पट्ट्यात एकही मोठे शासकीय रुग्णालय नाही.या मार्गावर अवजड वाहनांची वाहतूक जास्त असल्याने अपघातांचे प्रमाण मोठे असते. तसेच महामार्गावर कासारवाडी, फुगेवाडी, दापोडी, बोपोडी आणि खडकी अशा मोठ्या परिसराचा समावेश आहे. येथील अपघातातील रुग्णाला ससून किंवा वायसीएम रुग्णालयात नेताना ‘गोल्डन अवर’ निघून जातो.तरी सरकारकडे मागणी आहे की, खडकी-बोपोडी दरम्यान किमान ३०० बेडचे सुसज्ज शासकीय रुग्णालय तातडीने मंजूर करावे, जेणेकरून ससून आणि औंध रुग्णालयावरील ताण ही कमी होईल , असे आमदार शिरोळे यांनी सांगितले.शासकीय रुग्णालयात मानसिक तणाव ( स्ट्रेस ) निवारण केंद्र सुरु करावे, अशीही मागणी आमदार शिरोळे यांनी केली.
सध्या हृदयविकार, मेंदूच्या आजारांचे प्रमाण मानसिक ताण तणावाने वाढले आहे याकडे आ. शिरोळे यांनी वेधले .
