ससून रुग्णालया समोरील सार्वजनिक बांधकाम विभागाच्या जागेमध्ये अद्ययावत कॅन्सर हॉस्पिटल उभारा

पुणे-ससून रुग्णालया समोरील सार्वजनिक बांधकाम विभागाच्या जागेमध्ये अद्ययावत कॅन्सर हॉस्पिटल उभारा अशी मागणी माजी विरोधी पक्षनेते उज्वल केसकर , सुहास कुलकर्णी आणि माजी नगरसेवक प्रशांत बधे यांनी केली आहे . उपमुख्यमंत्री अजित पवार यांनी दिलेल्या पत्रात या तिन्ही नेत्यांनी म्हटले आहे कि,’आज आपल्या हस्ते ससून रुग्णालयाच्या विस्तारित इमारतीचा शुभारंभ अनावरण होत आहे.पुणे महानगर आणि जिल्ह्याची लोकसंख्या ही एक दीड कोटी पर्यंत झाली आहे.
पुण्यामध्ये शासकीय अथवा खाजगी कॅन्सर उपचाराचे हॉस्पिटल नाही.पुणे शहरातील व जिल्ह्यातील तसेच महाराष्ट्रातून येणाऱ्या गरजू रुग्णांना उपचारासाठी मुंबईला टाटा कॅन्सर सेंटर येथे जावे लागते.आज ज्या ससून रुग्णालयाच्या आवारातील इमारतीचे आपण उद्घाटन करणार आहात त्या इमारती समोरील डॉ. बाबासाहेब आंबेडकर सांस्कृतिक भवना शेजारील सर्व्हे नंबर ४६ वरील सार्वजनिक बांधकाम विभागाच्या भूखंडावर अद्ययावत कॅन्सर हॉस्पिटल उभारणे शक्य होईल आणि या दोन्ही वास्तूंना जोडणारा पूल मुंबईच्या हिंदुजा या हॉस्पिटलच्या धरतीवर करणे सहज शक्य आहे.आपण जिल्ह्याचे पालकमंत्री आहात याशिवाय राज्याचे अर्थमंत्री देखील आहात त्यामुळे या विषयाचा गांभीर्याने विचार करावा अशी विनंती आहे.