मुंबई : पीबीजी पुणे जॅग्वार्सने इंडियनऑइल अल्टिमेट टेबल टेनिस सीझन ६ साठी एक मजबूत संघ तयार केला आहे. ज्यामुळे संघ बंगळुरूहून पुण्याला स्थलांतरित होत असताना एक नवीन अध्याय सुरू झाला आहे. त्यांच्या रोस्टरचे नेतृत्व स्पॅनिश स्टार अल्वारो रोब्लेस (जागतिक क्रमवारीत ३६) करणार आहे, तर त्यांच्या महिला संघाला इजिप्तची टेबल टेनिस सेन्सेशन दिना मेशरेफ (जागतिक क्रमवारीत ३८) आणि २०२३ यूटीटी चॅम्पियन रीथ रिश्या यांच्या समावेशाने मोठी ताकद मिळाली आहे. या हंगामाचा लिलाव महत्त्वपूर्ण होता, कारण त्यात पहिल्यांदाच खेळाडूंनी लिलाव पूलमध्ये प्रवेश केला, ज्यामुळे संघ निवडीमध्ये रणनीतीचा एक नवीन स्तर जोडला गेला.
गेल्या वर्षीचे कर्णधार आणि दुहेरीतील मुख्य खेळाडू, अल्वारो रोब्लेस यांना जॅग्वार्सने १८.१ लाख टोकनमध्ये निवडले, ज्यामुळे तो सीझन ६ मधील तिसऱ्या क्रमांकाची सर्वाधिक बोली लावणारा खेळाडू ठरला. पुण्याने नाशिकमधील उदयोन्मुख प्रतिभा तनीशा कोटेचा यांना कायम ठेवण्यासाठी त्यांच्या आरटीएम कार्डचा वापर केला. दिना मेशरेफसाठी ११ लाख टोकन्स, २०२३ मध्ये गोव्याच्या विजेतेपदात महत्त्वाची भूमिका बजावणारी रीथ रिश्या व अनिर्बन घोष यांच्यासाठी प्रत्येकी ४ लाख टोकन्स आणि मुदिती दानीसाठी २.२ लाख टोकन्स त्यांनी मोजले.
” अल्वारो परत आल्याने आम्हाला खूप आनंद झाला आहे. गेल्या हंगामात त्याने उत्कृष्ट कामगिरी केली होती आणि तो प्रचंड अनुभव घेऊन येतो. तनीशासाठी राईट टू मॅच कार्ड वापरणे हे सातत्य निर्माण करण्याच्या आमच्या हेतूचे प्रतिबिंब आहे. दिना, रीथ, मुदित आणि अनिर्बन यांना समाविष्ट केल्याने आम्हाला एक संतुलित आणि स्पर्धात्मक संघ मिळाला आहे. या हंगामात आमचे लक्ष केवळ पुण्याचे अभिमानाने प्रतिनिधित्व करणारा संघ तयार करण्यावर नाही, तर आमच्या महिला खेळाडूंच्या कौशल्यपूर्ण खेळाचा फायदा घ्यायचा आहे. ज्या सामन्याच्या निकालांना आणि आमच्या एकूण रणनीतीला आकार देण्यात महत्त्वाची भूमिका बजावतील,” असे पुणे जॅग्वार्सचे मालक पुनीत बालन म्हणाले.
यूटीटीचे प्रशिक्षक स्लोव्हेनियाच्या अनुभवी वेस्ना ओज्टेरसेक आणि सुभाजित साहा हे सीझन ६ मध्ये जॅग्वार्ससाठी कोचिंग रोस्टर्सचे नेतृत्व करतील.
अल्टिमेट टेबल टेनिस (यूटीटी) च्या सह-प्रवर्तक विटा दानी लिलावाबद्दल बोलताना म्हणाल्या, “या लिलावाने संघ कसे तयार करतात यात एक नवीन सखोलता जोडली आहे. अनुभवी आंतरराष्ट्रीय खेळाडू आणि तरुण भारतीय प्रतिभेला समान लक्ष दिले जात आहे, हे पाहून उत्साह वाढला. हे संतुलन इंडियनऑइल यूटीटीने गेल्या काही वर्षांत भारतीय टेबल टेनिस परिसंस्थेवर कसा प्रभाव पाडला आहे हे प्रतिबिंबित करते. सीझन ६ मध्ये काय आहे आणि ते कोणत्या पातळीचे स्पर्धेचे आश्वासन देते याबद्दल आम्ही उत्सुक आहोत.”
सर्व आठही संघ पाच साखळी सामने खेळतील, तर अव्वल चार संघ उपांत्य फेरीसाठी पात्र ठरतील. टेबल टेनिस फेडरेशन ऑफ इंडियाच्या नेतृत्वाखाली नीरज बजाज आणि विटा दानी यांनी सह-प्रमोट केलेली फ्रँचायझी-आधारित लीग २९ मे ते १५ जून दरम्यान अहमदाबादमधील EKA अरेना येथे होईल.
पीबीजी पुणे जॅग्वार्स स्क्वॉड: अल्वारो रोब्लेस (स्पेन) – १८.१ लाख टोकन, दिना मेशरेफ (इजिप्त) – ११ लाख टोकन, तनीशा कोटेचा – ४ लाख टोकन (RTM), अनिर्बन घोष – ४ लाख टोकन, रीथ रिश्या – ४ लाख टोकन्स, मुदीत दानी – २.२ लाख टोकन्स
UTT २०२५ लिलाव – सर्वोच्च बोली लावलेले खेळाडू (Top Buys)
फॅन सिकी – १९.७ लाख (चेन्नई लायन्स)
अॅड्रियाना डाएझ – १९.३ लाख (कोलकाता थंडर ब्लेड्स)
अल्वारो रोब्लेस – १८.१ लाख (PBG पुणे जॅग्वार्स)
झेंग जियान – १७.२ लाख (गोवा चॅलेंजर्स TTC)
बेर्नाडेट सॉक्स – १५.३ लाख (यू मुंबई TT)
दिया चितळे – १४.१ लाख (दबंग दिल्ली TTC)
हर्मीत देसाई – १४ लाख (गोवा चॅलेंजर्स)
अल्टिमेट टेबल टेनिस (यूटीटी) बद्दल
२०१७ मध्ये सुरू झालेला अल्टिमेट टेबल टेनिस (यूटीटी) हा भारताचा प्रमुख फ्रँचायझी-आधारित टेबल टेनिस लीग आहे, जो नीरज बजाज आणि विता दानी यांनी टेबल टेनिस फेडरेशन ऑफ इंडिया (टीटीएफआय) च्या छत्रछायेखाली प्रचारित केला आहे. आज, यूटीटी ही आठ संघांची स्पर्धा आहे, ज्यामध्ये ४८ जागतिक दर्जाचे खेळाडू प्रतिष्ठित विजेतेपदासाठी लढतात. ही लीग भारत आणि जगभरातील अव्वल खेळाडू आणि प्रशिक्षकांना आकर्षित करते, ज्यामध्ये ऑलिम्पिक, आशियाई खेळ आणि राष्ट्रकुल खेळांचे पदक विजेते सामील आहेत. यूटीटी राष्ट्रीय रँकिंग स्पर्धांना प्रायोजित करून, टेबल टेनिस सुपर लीग आणि देशात डब्ल्यूटीटी इव्हेंट्सचे सह-आयोजन करून खेळाला प्रोत्साहन देते. प्रत्येक आवृत्तीसह, यूटीटी जागतिक टेबल टेनिसचा उत्सव म्हणून आपले स्थान मजबूत करते, खेळाचा दर्जा उंचावते आणि पुढील पिढ्यांना प्रेरणा देते.
