मुंबई 3.0 मध्ये 92 एकर क्षेत्रातील संयुक्त विकास प्रकल्प
सच डेव्हलपर्स या प्रकल्पासाठी जमीन भागीदार आहेत.
मुंबई२४ जानेवारी, २०२५: भारतातील आघाडीची रिअल इस्टेट डेव्हलपमेंट कंपनी अरविंद स्मार्टस्पेसेस लिमिटेड (ASL) कंपनीने मुंबई महानगर क्षेत्र (MMR) मध्ये सुमारे ~92 एकर एकूण क्षेत्रफळ असलेल्या आणि सुमारे 1,500 कोटी रु. च्या टॉप-लाइन क्षमतेच्या मोठ्या हॉरिझॉन्टल मल्टीयूज प्रकल्पासाठी करार केला असल्याचे आज जाहीर केले. हा प्रकल्प खोपोली, मुंबई 3.0 जवळ आहे आणि हा कंपनीचा MMR प्रदेशातील पहिला प्रकल्प आहे. हा प्रकल्प संयुक्त विकास मॉडेल (70.5% महसूल वाटा) अंतर्गत असून त्यायोगे कमी भांडवली तीव्रता आणि उच्च परतावा मिळतो.
मुंबई 3.0 हे हॉरिझॉन्टल विकासासाठी, विशेषतः प्लॉट्स आणि व्हिलांसाठी प्रमुख स्थळ म्हणून उदयास येत आहे. अटल सेतू आणि JNPT पोर्टसारख्या परिवर्तनशील पायाभूत प्रकल्पांनी याला आणखी चालना मिळाली आहे. त्यामुळे संपूर्ण मुंबई महानगर क्षेत्राचे (MMR) स्वरूप बदलत आहे. याशिवाय, आगामी नवी मुंबई आंतरराष्ट्रीय विमानतळ, विरार-अलिबाग मल्टीमोडल कॉरिडॉर, मुंबई-पुणे-MTHL इंटरचेंज आणि इतर महत्त्वाचे पायाभूत सुधारणा प्रकल्प हे कनेक्टिव्हिटीला लक्षणीय बळकटी प्रदान करतील. त्यामुळे मुंबई 3.0 ला प्रमुख आर्थिक केंद्रांशी जोडत प्रवासाचा वेळ कमी होणार आहे.
हा प्रकल्प परिसरातील पहिला मोठ्या प्रमाणातील हॉरिझॉन्टल प्रकल्प म्हणून विकसित होण्याची शक्यता आहे. त्यामध्ये गोल्फ कोर्स आणि मोठे क्लबहाउस यासारख्या सुविधा समाविष्ट असतील. आधुनिक, समकालीन हॉरिझॉन्टल विकास स्मार्ट, सुरक्षित आणि आलिशान जीवनशैलीची इच्छा पूर्ण करतो, तसेच सामाजिक सुरक्षितता, एकत्र समुदायाची भावना जोपासतो. या विकासाच्या प्रमुख वैशिष्ट्यांमध्ये डिझाइनवर खोलवर लक्ष केंद्रित करणे, आधुनिक सुविधा, कमी गर्दी असलेल्या मनोरंजन सुविधांचे नियोजन, प्रीमियम कस्टमायझेशन्स आणि विस्तीर्ण हरित क्षेत्र असणार आहे. त्यामुळे ग्राहकांना उन्नत जीवनशैली अनुभवता येईल.
या विकासावर भाष्य करताना अरविंद स्मार्टस्पेसेसचे व्यवस्थापकीय संचालक आणि मुख्य कार्यकारी अधिकारी श्री. कमल सिंगल म्हणाले, “मुंबईच्या रिअल इस्टेट बाजारपेठेमध्ये आमच्या प्रवेशाची घोषणा करताना आम्हाला आनंद होत आहे. यातून आमच्या विकासाच्या प्रवासात महत्त्वाचा टप्पा गाठला गेला आहे. MMR प्लॉटेड/व्हिला मार्केटमधील मोठ्या संधीबद्दल आम्हाला खात्री असून आमचा हॉरिझॉन्टल मूल्य प्रस्ताव तिथे सादर करण्यासाठी आम्ही उत्सुक आहोत.
MMR मध्ये प्रवेश करणे हे गुजरात, कर्नाटक आणि महाराष्ट्र यांच्यातील संतुलित भौगोलिक विविधतेच्या आमच्या धोरणाला बळकटी देते. डिझाइन, गुणवत्ता आणि मूल्य निर्मिती यांसारख्या आमच्या ब्रँड मूल्यांशी सुसंगत असलेला एक लँडमार्क प्रकल्प मुंबईत वितरित करण्यासाठी आम्ही उत्सुक आहोत. हा प्रकल्प ASL च्या MMR प्रवासात तसेच प्रदेशातील हॉरिझॉन्टल विकासाच्या पटलावर महत्त्वाची भूमिका बजावेल.या संपादनासह, चालू वर्षासाठी एकत्रित नवीन व्यवसाय विकासाच्या टॉपलाइन क्षमतेची किंमत 2,500 कोटी रु. वर पोहोचली आहे. पुढील तिमाहीत, आम्ही MMR आणि अहमदाबाद आणि बंगळुरू यांसह आम्ही निश्चित केलेल्या बाजारपेठांमध्ये अधिकाधिक प्रकल्पांची भर घालण्यासाठी प्रयत्न करत आहे.”
JLL इंडिया चे पश्चिम व उत्तर प्रदेश भांडवल बाजार प्रमुख निशांत काबरा म्हणाले, “उद्योगातील एकत्रीकरण आणि सुव्यवस्थित नियामक चौकटीच्या संगमामुळे अरविंद स्मार्टस्पेसेससारख्या चांगल्या भांडवलाच्या ब्रँडेड विकसकांसाठी MMR बाजारपेठेमध्ये स्थान मिळविण्याची सुवर्णसंधी निर्माण झाली आहे.”JLL इंडिया या प्रकल्पासाठी विशेष जमीन व्यवहार सल्लागार होते.
