तज्ज्ञांनी सांगितले -वेळीच सावध व्हा अन्यथा परिस्थिती आणखी बिकट होईल, काळजी घ्या

दिल्ली-दिवाळीच्या रात्रीपासून दिल्ली-एनसीआरमधील हवा विषारी राहिली आहे. बहुतेक भागात हवेचा दर्जा निर्देशांक (AQI) १००० पेक्षा जास्त होता. सर्वोच्च न्यायालयाच्या निर्देशांना न जुमानता, लोकांनी मोठ्या प्रमाणात फटाके जाळले. परिणामी, २५ ऑक्टोबर रोजी सकाळी अनेक भागात AQI ४०० पेक्षा जास्त झाला.पंजाब आणि हरियाणामध्ये या वर्षी पऱ्हाटी जाळण्याच्या घटनांमध्ये ७७.५% घट झाली असली तरी, दिल्लीच्या हवेच्या गुणवत्तेत सुधारणा झालेली नाही. WHO च्या मते, PM २.५ ची पातळी प्रति घनमीटर १५ मायक्रोग्रॅमपेक्षा जास्त नसावी, परंतु दिल्लीत ही पातळी मानकापेक्षा जवळजवळ २४ पट जास्त होती.

लोकलसर्कलच्या सर्वेक्षणानुसार, दिल्ली-एनसीआरमधील २५% कुटुंबांमध्ये डोळ्यांची जळजळ, डोकेदुखी किंवा निद्रानाशाचा त्रास आहे. प्रत्येक चार कुटुंबांपैकी तीन कुटुंबांमध्ये कोणीतरी वैद्यकीय आजाराने ग्रस्त आहे.४२% घरांमध्ये, कोणीतरी घसा खवखवणे किंवा खोकल्याची तक्रार करतो. दिल्ली-एनसीआरमधील ४४,००० हून अधिक लोकांनी सर्वेक्षणात भाग घेतला. त्यापैकी ६१% पुरुष आणि ३९% महिला होत्या.

फलटण- उपजिल्हा रुग्णालयातील महिला वैद्यकीय अधिकाऱ्याच्या आत्महत्येप्रकरणी फरार झालेला पोलिस उपनिरीक्षक गोपाळ बदने शनिवारी रात्री उशिरा शरण आला. तत्पूर्वी दुसरा संशयित प्रशांत बनकरला शुक्रवारी रात्री अटक करण्यात आली. सध्या या दोघांचीही पोलिसांकडून कसून चौकशी केली जात आहे.मृत डॉक्टर फलटणला ज्यांच्या घरात भाडेकरू म्हणून राहत होती, त्याचा प्रशांत बनकर हा मुलगा आहे. न्यायालयाने त्याला तीन दिवसांची पोलिस कोठडी सुनावली. डॉक्टर महिलेने आत्महत्येपूर्वीच्या सुसाइड नोटमध्ये पोलिस उपनिरीक्षक बदनेने माझ्यावर 4 वेळा अत्याचार केला, असे म्हटले होते. तो फरार झाला होता. त्याचा शोध सुरू असताना तोच शरण आला. दुसरीकडे या प्रकरणात भाजपचे माजी खासदार रणजितसिंह निंबाळकर यांच्या चौकशीची मागणी होत आहे. दरम्यान, वडवणी (जि. बीड) तालुक्यातील मूळ गावी त्या महिला डॉक्टरवर अंत्यसंस्कार झाले.

पोस्टममॉर्टेम करणारी मुलगी स्ट्राँग नसेल का?

मृत डॉक्टरच्या बहिणीने सांगितले की, मागील महिन्यात माझे तिच्याशी बोलणे झाले. ती म्हणाली, पोस्टमॉर्टेमसाठी माझ्यावर दबाव येत आहे. अनफिट असेल तर फिट म्हणून दाखवण्यासाठी दबाव येत होता. त्याला नकार दिल्यामुळे तिला त्रास वाढत गेला. आम्ही पाच पानांचे पत्र दिले. त्याची चौकशी झाली. मात्र त्यातून काहीही निष्पन्न झाले नाही. 80 ते 90 पोस्टममॉर्टेम करणारी मुलगी स्ट्राँग नसेल का? ती आत्महत्या करूच शकत नाही, असेही तिच्या बहिणीचे म्हणणे आहे.

फलटणच्या उपजिल्हा रुग्णालयात कार्यरत डॉक्टर महिलेने 23 ऑक्टोबर रोजी रात्री फलटण येथील एका लॉजवर गळफास लावून घेऊन आत्महत्या केली होती. या घटनेमुळे संपूर्ण महाराष्ट्रात खळबळ उडाली आहे. या गंभीर घटनेच्या तपासासाठी अपर पोलिस अधीक्षक वैशाली कडूकर फलटणमध्ये ठाण मांडून आहेत, तर जिल्हा पोलिस अधीक्षक तुषार दोशी यांनीही फलटणला भेट देऊन तपासाचा आढावा घेतला आहे. आत्महत्या केलेल्या महिलेने तळहातावर लिहिलेल्या मजकुरात प्रशांत बनकरवर मानसिक छळाचा आरोप केला होता. त्याला 24 ऑक्टोबर रोजी मित्राच्या फार्महाऊसवरून अटक करण्यात आली. न्यायालयाने त्याची 28 ऑक्टोबरपर्यंत पोलिस कोठडीत रवानगी केली आहे.

मुंबई : जाने भी दो यारो ,मै हू ना सारख्या चित्रपटासह अनेक भूमिकांमधून प्रेक्षकांच्या चेहऱ्यावर हास्य फुलवणारे ज्येष्ठ विनोदी अभिनेते सतीश शहा यांचे मुंबईतील हिंदुजा रुग्णालयात आज निधन झाले. किडनीच्या आजारामुळे ते त्रस्त होते. वयाच्या 74 व्या वर्षी या अभिनेत्याने अखेरचा श्वास घेतला.भारतीय चित्रपटसृष्टी आणि दूरदर्शन क्षेत्रातील एक महत्त्वपूर्ण पर्व संपल्याची भावना व्यक्त होत आहे. चार दशकावून अधिक काळ प्रेक्षकांच्या मनावर अधिराज्य गाजवले .आपल्या अफाट विनोदी बुद्धी आणि अनोख्या अभिनय शैलीमुळे प्रेक्षकांच्या मनात सतीश शहा यांनी कायमचे स्थान मिळवले. 1983 मध्ये प्रसिद्ध झालेल्या व्यंगचित्रपट जाने भी दो यारो मधील त्यांच्या अनेक भूमिकांनी त्यांना घराघरात लोकप्रिय केले. त्यांच्या फिल्मोग्राफीमध्ये हम साथ साथ है ,मै हू ना ,कल हो ना हो ,कभी हा कभी ना ,दिलवाले दुल्हनिया ले जायेंगे आणि ओम शांती ओम सारख्या अनेक हिट चित्रपटां चा समावेश आहे.

दूरदर्शनवरही सतीश शहा यांनी प्रचंड लोकप्रियता मिळवली. साराभाई वर्सेस साराभाई मालिकेत त्यांनी साकारलेली इंद्र वदन साराभाई ही व्यक्तिरेखा आजही भारतीय टेलिव्हिजन इतिहासातील सर्वाधिक संस्मरणीय कॉमिक रोल्स पैकी एक मानली जाते. सतीश शहा यांच्या जाण्याने भारतीय मनोरंजन विश्वाने आपल्या विनोद आणि संवेदनशीलतेचा एक अनमोल खजिना हरवला आहे. उद्या 26 ऑक्टोबर रोजी त्यांच्यावर अंत्यसंस्कार करण्यात येईल अशी माहिती आहे.

सतीश शाह यांनी आपल्या अफाट विनोदबुद्धी आणि अनोख्या अभिनयशैलीमुळे प्रेक्षकांच्या मनात कायमचे स्थान मिळवले. 1983 मध्ये प्रदर्शित झालेल्या प्रसिद्ध व्यंगचित्रपट ‘जाने भी दो यारो’ मधील त्यांच्या अनेक भूमिकांनी त्यांना घराघरात लोकप्रिय केले. त्यांच्या फिल्मोग्राफीमध्ये ‘हम साथ-साथ हैं’, ‘मैं हूं ना’, ‘कल हो ना हो’, ‘कभी हां कभी ना’, ‘दिलवाले दुल्हनिया ले जाएंगे’ आणि ‘ओम शांती ओम’ सारख्या अनेक हिट चित्रपटांचा समावेश आहे. प्रत्येक भूमिकेतून त्यांनी वेगवेगळ्या प्रकारचा अभिनय सादर करत आपल्या बहुगुणी व्यक्तिमत्त्वाची झलक दाखवली.

दूरदर्शनवरही सतीश शाह यांनी प्रचंड लोकप्रियता मिळवली. ‘साराभाई वर्सेस साराभाई’ मालिकेत त्यांनी साकारलेली इंद्रवदन साराभाई ही व्यक्तिरेखा आजही भारतीय टेलिव्हिजन इतिहासातील सर्वाधिक संस्मरणीय कॉमिक रोल्सपैकी एक मानली जाते. याआधी त्यांनी 1984 मधील प्रसिद्ध सिटकॉम ‘ये जो है जिंदगी’ मधून प्रेक्षकांच्या घरात पोहोचत लोकांची मने जिंकली होती. सतीश शाह यांच्या जाण्याने केवळ एक प्रतिभावान कलाकार गमावला गेलेला नाही, तर भारतीय मनोरंजन विश्वाने आपल्या विनोद आणि संवेदनशीलतेचा एक अनमोल खजिना हरवला आहे. त्यांच्या कलाकृती आणि व्यक्तिरेखा प्रेक्षकांच्या मनात सदैव जिवंत राहतील.

तळहातावर सुसाइड नोट लिहून फलटण येथील उपजिल्हा रुग्णालयातील महिला डॉक्टरने भाऊबीजेच्या दिवशी जीवन संपवले होते. या प्रकरणातील प्रशांत बनकरला आता पोलिसांनी अटक केली आहे. तर गोपाल बदनेचाही कसून शोध सुरु आहे.या प्रकरणातील महिला डॉक्टर या बीड जिल्ह्यातील वडवणी येथील मूळ रहिवासी होत्या. त्यांचे वडील अल्पभूधारक शेतकरी आहेत. या प्रकरणी पोलिस उपनिरीक्षक गोपाल बदने अद्यापही फरार आहेत. मूळ परळी येथील रहिवासी असलेल्या बदनेवर निलंबनाची कारवाईही करण्यात आली आहे. बनकर सामान्य नागरिक असल्याचा पोलिस अधिकाऱ्यांचा दावा आहे.सुसाइड नोटमध्ये जे म्हटले ते शब्दश: असे,माझ्या मरण्याचे कारण पोलिस निरीक्षक गोपाल बदने ज्याने माझा 4 वेळा rape केला आणि प्रशांत बनकर ज्याने मागच्या 5 महिने शारीरिक व मानसिक छळ केला.तळहातावर उपनिरीक्षक गोपाळ बदने यांचे नावही लिहिलेले होते. गेल्या पाच महिन्यांत बदने यांनी डॉक्टरवर चार वेळा बलात्कार केल्याचा आरोप आहे. आरोपींवर बनावट फिटनेस प्रमाणपत्रे सादर करण्यासाठी दबाव आणत होते.गोपाळ बदनेयांच्यावर बलात्कार आणि आत्महत्येस प्रवृत्त केल्याचा आरोपही आहे. मुख्यमंत्री देवेंद्र फडणवीस यांनी सातारा पोलिस अधीक्षकांना आरोपी उपनिरीक्षकाला निलंबित करण्याचे आदेश दिले आहेत.

ही महिला डॉक्टर बीड जिल्ह्यातील रहिवासी होती आणि फलटण तहसीलमधील सरकारी रुग्णालयात काम करत होती. पोलिसांना आणखी एक चार पानांची सुसाईड नोट सापडली आहे, ज्यामध्ये एका खासदार आणि त्यांच्या दोन पीएचे नाव आहे.असा आरोप आहे की हे लोक डॉक्टरवर आरोपीसाठी बनावट फिटनेस प्रमाणपत्र देण्यासाठी दबाव आणत होते. जेव्हा तिने नकार दिला तेव्हा खासदाराने महिला डॉक्टरला बोलावले

या प्रकरणात मुख्य आरोपी प्रशांत बनकरला पोलिसांनी अखेर अटक केली आहे. या घटनेनंतर पोलिसांनी वेगवान तपास सुरू करत अनेक ठिकाणी छापे टाकले. प्रशांत बनकर फरार झाल्यानंतर तो आपल्या एका मित्राच्या फार्महाऊसमध्ये लपून बसल्याची माहिती पोलिसांना मिळाली. त्यानंतर सातारा ग्रामीण पोलिसांच्या पथकाने मध्यरात्री सापळा रचून पहाटे चारच्या सुमारास पुणे परिसरात ही कारवाई केली. पोलिसांनी फार्महाऊसला वेढा घालून त्याला बेड्या ठोकल्या. अटकेनंतर बनकरला फलटण शहर पोलिस ठाण्यात आणण्यात येणार असून, त्याची सखोल चौकशी केली जाणार आहे. दरम्यान, दुसरा आरोपी जो पोलिस असल्याचे सांगितले जाते, तो अद्याप फरार असून त्याचा शोध सुरू आहे. प्रशांत बनकरला अटक झाल्याने या प्रकरणाच्या तपासाला वेग येण्याची शक्यता व्यक्त केली जात आहे.

सूत्रांनी दिलेल्या माहितीनुसार ही अविवाहित महिला डॉक्टर दोन वर्षांपासून फलटण येथे कार्यरत होती. गेल्या काही महिन्यांपासून ती पोलिस आणि आरोग्य विभागाच्या वादात भरडली जात होती. कारण वैद्यकीय तपासणी अहवालाविषयीच्या वादातून तिची चौकशी सुरु होती. त्यामुळे ती खूप मानसिक तणावात होती. तिने वारंवार वरिष्ठांकडे याबाबत तक्रार केली होती. माझ्यावर अन्याय होत आहे. मी आयुष्याची अखेर करेन, असे ती वारंवार म्हणत होती. मात्र, त्याची दखल घेतली गेली नाही. अखेर तिने नामांकित हॉटेलात गळफास घेऊन आपल्या आयुष्याचा अखेर केला. त्या फलटण शहरातील विद्यानगर परिसरात पेईंग गेस्ट म्हणून राहत होत्या.या प्रकरणात निलंबित पोलिस उपनिरीक्षक बदने बीड जिल्ह्यातील परळीचा रहिवासी आहे. परळीतच त्याचे शिक्षण झालेले आहे. फलटणमध्ये त्याची या महिला डॉक्टरशी ओळख झाली. त्याने आपण म्हणू तसाच अहवाल देण्यासाठी तिच्यावर दबाव आणल्याचे निदर्शनास आले.

मुख्यमंत्री देवेंद्र फडणवीस यांनी साताऱ्याचे पोलिस अधीक्षक तुषार दोशी यांच्याशी चर्चा केली आणि महिला डॉक्टरने सुसाइड नोटमध्ये नमूद केलेल्या पोलिसांवर तसेच इतर सर्व आरोपींवर कठोर कारवाई करा, असे आदेश दिले. दोशी म्हणाले की, मुख्यमंत्र्यांच्या आदेशानुसार पोलिस उपनिरीक्षक बदनेला निलंबित करण्यात आले आहे. प्रशांत बनकर पोलिस नसून सामान्य नागरिक आहे.

यंदा दिवाळी झाली तरी पाऊस महाराष्ट्रात सुरु आहेच . आगामी पाच दिवस पुन्हा एकदा राज्यात जोरदार पाऊस होण्याची शक्यता हवामान विभागाने आपल्या ताज्या अंदाजात वर्तवली आहे . बहुतांश ठिकाणी यलो अलर्ट देण्यात आलाय. या काळात विजांच्या कडकडाटासह आणि वादळी वाऱ्यासह हलका ते मध्यम पाऊस होण्याची शक्यता आहे .यंदा अतिवृष्टीने महाराष्ट्र बेजार झालाय. शेतकऱ्यांना चक्क काळी दिवाळी साजरी करावी लागली. हाता-तोंडाशी आलेले पीकच काय जमीन सुद्धा पावसाने खरवडून नेली. मात्र, आता पुन्हा पावसाचा अंदाज वर्तवल्याने चिंता व्यक्त होते आहे .

24 ऑक्टोबर, शुक्रवार

पालघर, ठाणे, मुंबई, रायगड, रत्नागिरी, सिंधुदुर्ग, धुळे, नंदुरबार, नाशिक आणि नाशिक घाट, अहिल्यानगर, पुणे आणि पुणे घाट, कोल्हापूर आणि कोल्हापूर घाट, सांगली, सातारा, सातारा घाट, सोलापूर, छत्रपती संभाजीनगर, जालना, परभणी, बीड, हिंगोली, नांदेड, लातूर, धाराशिव, अकोला, बुलढाणा, चंद्रपूर, गडचिरोली, वाशिम, यवतमाळ या जिल्ह्यांना यलो अलर्ट देण्यात आला आहे. येथे विजांच्या कडकडाट आणि वादळी वाऱ्यासह हलका ते मध्यम स्वरूपाचा पाऊस होण्याची शक्यता.

25 ऑक्टोबर, शनिवार

पालघर, ठाणे, मुंबई, रायगड, रत्नागिरी, सिंधुदुर्ग, धुळे, नंदुरबार, जळगाव, नाशिक आणि नाशिक घाट, अहिल्यानगर, पुणे आणि पुणे घाट , सांगली, सातारा, सातारा घाट, सोलापूर, छत्रपती संभाजीनगर, जालना, परभणी, बीड, लातूर, धाराशिव, अकोला, अमरावती, भंडारा, बुलढाणा, चंद्रपूर, गडचिरोली, गोंदिया, नागपूर, वर्धा, वाशिम, यवतमाळ या जिल्ह्यांना यलो अलर्ट देण्यात आला आहे. येथे विजांच्या कडकडाट आणि वादळी वाऱ्यासह हलका ते मध्यम स्वरूपाचा पाऊस होण्याची शक्यता.
26 ऑक्टोबर, रविवार

पालघर, ठाणे, मुंबई, रायगड, रत्नागिरी, धुळे, नंदुरबार, नाशिक आणि नाशिक घाट , अहिल्यानगर, पुणे आणि पुणे घाट, सोलापूर, नांदेड, लातूर, धाराशिव, अकोला, अमरावती, भंडारा, बुलढाणा, चंद्रपूर, गडचिरोली, गोंदिया, नागपूर, वर्धा, वाशिम, यवतमाळ या जिल्ह्यांना यलो अलर्ट देण्यात आला आहे. येथे विजांच्या कडकडाट आणि वादळी वाऱ्यासह हलका ते मध्यम स्वरूपाचा पाऊस होण्याची शक्यता.

27 ऑक्टोबर, सोमवार

रायगड, अहिल्यानगर, पुणे आणि पुणे घाट, बीड, अकोला, अमरावती, बुलढाणा, गडचिरोली, नागपूर, यवतमाळ या जिल्ह्यांना यलो अलर्ट देण्यात आला आहे. येथे विजांच्या कडकडाट आणि वादळी वाऱ्यासह हलका ते मध्यम स्वरूपाचा पाऊस होण्याची शक्यता.
28 ऑक्टोबर, मंगळवार

सिंधुदुर्ग, कोल्हापूर आणि घाट कोल्हापूर, नांदेड, चंद्रपूर, गडचिरोली, गोंदिया, नागपूर या जिल्ह्यांना यलो अलर्ट देण्यात आला आहे. येथे विजांच्या कडकडाट आणि वादळी वाऱ्यासह हलका ते मध्यम स्वरूपाचा पाऊस होण्याची शक्यताय.