56व्या इफ्फीकरिता माध्यम अधिस्वीकृतीसाठी अंतिम तारीख 5 नोव्हेंबर – त्वरित अर्ज करा!

माध्यमांसाठी वैशिष्ट्यपूर्ण संधी: इफ्फी 2025 मध्ये एफटीआयआयचा चित्रपट रसग्रहण अभ्यासक्रम

मुंबई, 29 ऑक्टोबर 2025

माध्यम प्रतिनिधी म्हणून 56 व्या आंतरराष्ट्रीय भारतीय चित्रपट महोत्सवामध्ये (इफ्फी) सहभागी होण्याची संधी तुम्ही शोधत आहात काय?

या अधिकृत पोर्टलच्या माध्यमातून माध्यम प्रतिनिधी म्हणून लगेच नोंदणी करा:

https://accreditation.pib.gov.in/eventregistration/login.aspx

गोव्यात पणजी येथे दिनांक 20 ते 28 नोव्हेंबर 2025 या कालावधीत 56 व्या इफ्फीचे आयोजन करण्यात येणार आहे. अधिस्वीकृत  माध्यम व्यावसायिकांना या महोत्सवातील चित्रपट सादरीकरणे, गट चर्चा, मास्टर क्लासेस तसेच जगभरातील सुप्रसिद्ध चित्रपट निर्माते आणि कलाकारांशी संवाद साधण्यासाठी आयोजित नेटवर्किंग सत्रे अशा विविध कार्यक्रमांमध्ये विशेषत्वाने प्रवेश दिला जाईल.

यामध्ये आणखी भर घालत, भारतीय चित्रपट आणि दूरचित्रवाणी संस्थेतर्फे (एफटीआयआय) 18 नोव्हेंबर 2025 रोजी चित्रपट रसग्रहण अभ्यासक्रमाचे आयोजन करण्यात आले असून यामध्ये केवळ अधिस्वीकृतीप्राप्त  माध्यम प्रतिनिधींना प्रवेश दिला जाणार आहे. यापूर्वी अशा अभ्यासक्रमात सहभागी होऊ न शकलेल्या पत्रकारांना यावर्षीच्या प्रवेशाच्या वेळी प्राधान्य दिले जाईल.

माध्यम प्रतिनिधींनी हे लक्षात घ्यावे की माध्यम अधिस्वीकृतीसाठीचे पोर्टल 05 नोव्हेंबर 2025 पर्यंतच खुले  असेल.

अर्जदारांनी पोर्टलवर दिलेल्या सूचनांचे काळजीपूर्वक पालन करावे आणि वैध ओळखपत्र तसेच व्यावसायिक अधिकारपत्रांसह सर्व आवश्यक दस्तावेज अपलोड करावेत अशा सूचना देण्यात आल्या आहेत. तपशीलवार पात्रता निकष आणि दस्तावेजीकरणविषयक मार्गदर्शक सूचना संबंधित संकेतस्थळावर उपलब्ध आहेत.

यासंबंधी कोणतीही मदत किंवा चौकशी साठी कृपया iffi.mediadesk@pib.gov.in येथे पीआयबी इफ्फी माध्यम सहाय्य  डेस्कशी संपर्क साधावा.

पत्रसूचना कार्यालयाचे प्रधान महासंचालक धीरेंद्र ओझा म्हणाले,

“इफ्फी हा जगभरातील वैविध्यपूर्ण चित्रपटीय आवाजांना एकत्र आणणारा महत्त्वाचा कार्यक्रम आहे. अधिस्वीकृती मिळवण्याची प्रक्रिया सुरळीतपणे पार पडणे सुनिश्चित करून घेण्याप्रती तसेच या प्रतिष्ठित सोहोळ्याची समग्र  माहिती मिळवण्यासाठी पत्रकारांना मदत करण्याप्रती पत्रसूचना कार्यालय कटिबद्ध आहे.” 

गोव्यात पणजीच्या नयनरम्य पार्श्वभूमीवर प्रदर्शनासाठी सज्ज झालेला इफ्फी सोहोळा जागतिक सहयोग आणि सर्जकतेची जोपासना करतानाच, भारताच्या चित्रपटीय वारशाचा उत्सव साजरा करतो. दर वर्षी 45,000 पेक्षा जास्त चित्रपट रसिक आणि व्यावसायिक या नऊ दिवसांच्या चित्रपटीय महोत्सवासाठी एकत्र येतात आणि जगभरातील प्रेक्षकांना प्रेरित करणाऱ्या, आव्हान देणाऱ्या आणि एकमेकांशी जोडणाऱ्या कथांचा रसास्वाद घेतात. आशियातील या प्रमुख चित्रपट उत्सवाचा भाग होण्याची संधी चुकवू  नका. आजच अर्ज करा आणि चित्रपटांच्या भव्य रंगमंचाकडे म्हणजेच इफ्फी 2025 कडे नेणारा तुमचा मार्ग निश्चिंत  करा!

महत्त्वाची माहिती:

👉🏻 माध्यमांना अधिस्वीकृतीसाठीचे पोर्टल:  accreditation.pib.gov.in/eventregistration/login.aspx

👉🏻 माध्यम अधिस्वीकृती पोर्टल 15 ऑक्टोबर ते 05 नोव्हेंबर 2025 या काळात सक्रीय असेल.

👉🏻 महोत्सवाच्या तारखा : 20 ते 28 नोव्हेंबर 2025

👉🏻 स्थळ: पणजी, गोवा.

👉🏻 चित्रपट रसग्रहण अभ्यासक्रमाची तारीख : 18 नोव्हेंबर 2025

👉🏻 मदतीसाठी ईमेल: iffi.mediadesk@pib.gov.in

जागतिक कन्या दिनानिमित्त डॉ. श्रीकांत शिंदे यांच्या उपस्थितीत आगामी मराठी चित्रपट “आशा” ची विशेष स्क्रीनिंग आयनॉक्स, नरिमन पॉईंट येथे पार पडलीमहिलांच्या सामर्थ्याचा आणि आशा सेविकांच्या निःस्वार्थ कार्याला प्रेक्षकांपर्यंत पोहचवण्याचा, दिग्दर्शक दीपक पाटील, निर्माते दैवता पाटील आणि निलेश कुवर यांनी केलेल्या प्रयत्नाला जवळपास ५०० आशा आणि अंगणवाडी सेविकांनी भरभरून दाद दिली.

यावेळी निर्मात्या दैवता पाटील म्हणाल्या, “एखादी स्त्री जेव्हा घराच्या चौकटीबाहेर पाऊल टाकते, तेव्हा तिला असंख्य अडचणींना सामोरे जावं लागतं — कधी घराबाहेरचा विरोध, तर कधी घराच्या आतलाच संघर्ष. तरीही ती थांबत नाही. प्रत्येक अडथळा ओलांडत, ती स्वतःला सिद्ध करण्याचा प्रयत्न करत पुढे जाते. ‘आशा’ चित्रपटातील नायिकाही अशीच आहे, आशा सेविका म्हणून काम करत असली, तरी ती हे फक्त नोकरी म्हणून करत नाही, तर तिच्यासाठी ते एक आवड आणि ध्यास आहे. म्हणूनच तिची कहाणी ही फक्त एका आशा सेविकेची राहत नाही, तर ती प्रत्येक स्त्रीची कहाणी बनते… बाईपणाच्या संघर्षाची आणि सामर्थ्याची गोष्ट ठरते.”

“आशा” या चित्रपटाला ६१ व्या महाराष्ट्र राज्य चित्रपट पुरस्कारांत सर्वोत्कृष्ट सामाजिक चित्रपट, दिग्दर्शक, अभिनेत्री आणि सहाय्यक अभिनेत्री या विभागांत पारितोषिके मिळाली आहेत.
आरोग्यसेविकांच्या सेवाभावावर आधारित हा चित्रपट महिलांच्या सक्षमीकरणाचा आणि संघर्षाचा हृदयस्पर्शी प्रवास दाखवतो.

पुरस्कार विजेते दिग्दर्शक दीपक पाटील म्हणाले, “सध्या मराठी सिनेमा नव्या वाटा शोधत आहे. विविध आणि आशयपूर्ण विषयांवर चित्रपट निर्माण होत आहेत, आणि प्रेक्षकही या नव्या प्रवाहाला मनापासून दाद देत आहेत. एका शिबिरादरम्यान आशा सेविकांचं काम जवळून पाहण्याची संधी मिळाली, तेव्हा मनात विचार आला, अरे, या कामामागचं जग किती मोठं आणि महत्त्वाचं आहे! यावर तर नक्कीच एक चित्रपट व्हायला हवा.
ही खरं तर एका वेगळ्या जगाची गोष्ट आहे. आपल्या समाजातच राहणारा हा एक वर्ग पण ज्याच्या आयुष्याबद्दल, संघर्षाबद्दल आणि त्यागाबद्दल आपल्याला फारसं माहिती नसतं. ‘आशा’ या चित्रपटाच्या माध्यमातून ती गोष्ट पहिल्यांदाच जगासमोर येणार आहे. ‘आशा’ हा सिनेमा फक्त आशा आरोग्य सेविकांचा नाही, तर घर सांभाळून, स्वतःची ओळख शोधणाऱ्या, प्रसंगी त्यासाठी झटणाऱ्या प्रत्येक स्त्रीचा आहे. तिच्या स्वप्नांचा, तिच्या जिद्दीचा आणि तिच्या न थकणाऱ्या प्रवासाचा आहे. मराठी प्रेक्षकांनी नेहमीच नव्या विषयांना आणि प्रामाणिक कथांना उघड मनाने स्वीकारलं आहे. म्हणूनच, ही वेगळी, अनोखी आणि भावस्पर्शी कहाणीही त्यांच्या मनाला नक्कीच भिडेल, असा विश्वास वाटतो.”

या सोहळ्यास डॉ. श्रीकांत शिंदे (खासदार, शिवसेना) श्री. प्रतापराव जाधव (केंद्रीय राज्य मंत्री – आयुष आणि आरोग्य व कुटुंब कल्याण) आणि शायना एन.सी. (राष्ट्रीय प्रवक्त्या, शिवसेना) उपस्थित होते.

डॉ. श्रीकांत शिंदे फाउंडेशन च्या पुढाकाराने झालेल्या या उपक्रमाने महिलांच्या सक्षमीकरणाचा आणि समाजातील त्यांच्या महत्त्वपूर्ण भूमिकेचा सन्मान केला. ह्यावेळी डॉ. श्रीकांत शिंदे म्हणाले, “
चित्रपट हे समाजप्रबोधनाचं एक प्रभावी आणि सशक्त माध्यम आहे. समाजातील विविध प्रश्न, भावना आणि संघर्ष जर चित्रपटाच्या माध्यमातून मांडले गेले, तर त्यातून दिला जाणारा संदेश नक्कीच लोकांच्या मनापर्यंत पोहोचतो. समाजात परिवर्तन घडवून आणण्याची ताकद सिनेमात आहे आणि याचं उत्तम उदाहरण म्हणजे ‘आशा’ हा चित्रपट. दिग्दर्शक दीपक पाटील आणि निर्माते निलेश कुवर आणि दैवता पाटील यांनी समाजातील अत्यंत महत्त्वाचा पण आजवर दुर्लक्षित राहिलेला घटक आशा सेविका यांच्या जीवनावर हा चित्रपट साकारला आहे. आपल्या गावखेड्यात आरोग्यसेवा, जनजागृती आणि समाजहितासाठी अखंड झटणाऱ्या या महिलांची कहाणी पहिल्यांदाच चित्रपटाच्या माध्यमातून लोकांसमोर येत आहे. या सुंदर उपक्रमाबद्दल आणि संवेदनशील प्रयत्नाबद्दल त्यांचं मनापासून अभिनंदन आणि कौतुक.”

चित्रपटात मुख्य भूमिकेत महाराष्ट्राची लाडकी रिंकू राजगुरू समवेत सायंकित कामत, उषा नाईक, शुभांगी भुजबळ, सुहास शिरसाट, दिशा दानडे, हर्षा गुप्ते, आणि दिलीप घारे यांचा समावेश आहे. चित्रपटाचे लेखन अंतरिक्ष श्रीवास्तव आणि दीपक पाटील यांनी केले आहे तर दाक्षिणात्य चित्रपट इंडस्ट्रीतील सुरेश सारंगम यांनी कॅमेराची धुरा सांभाळली आहे.

डॉ. श्रीकांत शिंदे यांच्या उपस्थितीत आगामी मराठी चित्रपट “आशा” ची विशेष स्क्रीनिंग आयनॉक्स, नरिमन पॉईंट येथे पार पडली

महिलांच्या सामर्थ्याचा आणि आशा सेविकांच्या निःस्वार्थ कार्याला प्रेक्षकांपर्यंत पोहचवण्याचा, दिग्दर्शक दीपक पाटील, निर्माते दैवता पाटील आणि निलेश कुवर यांनी केलेल्या प्रयत्नाला जवळपास ५०० आशा आणि अंगणवाडी सेविकांनी भरभरून दाद दिली.

यावेळी निर्मात्या दैवता पाटील म्हणाल्या, “एखादी स्त्री जेव्हा घराच्या चौकटीबाहेर पाऊल टाकते, तेव्हा तिला असंख्य अडचणींना सामोरे जावं लागतं — कधी घराबाहेरचा विरोध, तर कधी घराच्या आतलाच संघर्ष. तरीही ती थांबत नाही. प्रत्येक अडथळा ओलांडत, ती स्वतःला सिद्ध करण्याचा प्रयत्न करत पुढे जाते. ‘आशा’ चित्रपटातील नायिकाही अशीच आहे, आशा सेविका म्हणून काम करत असली, तरी ती हे फक्त नोकरी म्हणून करत नाही, तर तिच्यासाठी ते एक आवड आणि ध्यास आहे. म्हणूनच तिची कहाणी ही फक्त एका आशा सेविकेची राहत नाही, तर ती प्रत्येक स्त्रीची कहाणी बनते… बाईपणाच्या संघर्षाची आणि सामर्थ्याची गोष्ट ठरते.”

“आशा” या चित्रपटाला ६१ व्या महाराष्ट्र राज्य चित्रपट पुरस्कारांत सर्वोत्कृष्ट सामाजिक चित्रपट, दिग्दर्शक, अभिनेत्री आणि सहाय्यक अभिनेत्री या विभागांत पारितोषिके मिळाली आहेत.
आरोग्यसेविकांच्या सेवाभावावर आधारित हा चित्रपट महिलांच्या सक्षमीकरणाचा आणि संघर्षाचा हृदयस्पर्शी प्रवास दाखवतो.

पुरस्कार विजेते दिग्दर्शक दीपक पाटील म्हणाले, “सध्या मराठी सिनेमा नव्या वाटा शोधत आहे. विविध आणि आशयपूर्ण विषयांवर चित्रपट निर्माण होत आहेत, आणि प्रेक्षकही या नव्या प्रवाहाला मनापासून दाद देत आहेत. एका शिबिरादरम्यान आशा सेविकांचं काम जवळून पाहण्याची संधी मिळाली, तेव्हा मनात विचार आला, अरे, या कामामागचं जग किती मोठं आणि महत्त्वाचं आहे! यावर तर नक्कीच एक चित्रपट व्हायला हवा.
ही खरं तर एका वेगळ्या जगाची गोष्ट आहे. आपल्या समाजातच राहणारा हा एक वर्ग पण ज्याच्या आयुष्याबद्दल, संघर्षाबद्दल आणि त्यागाबद्दल आपल्याला फारसं माहिती नसतं. ‘आशा’ या चित्रपटाच्या माध्यमातून ती गोष्ट पहिल्यांदाच जगासमोर येणार आहे. ‘आशा’ हा सिनेमा फक्त आशा आरोग्य सेविकांचा नाही, तर घर सांभाळून, स्वतःची ओळख शोधणाऱ्या, प्रसंगी त्यासाठी झटणाऱ्या प्रत्येक स्त्रीचा आहे. तिच्या स्वप्नांचा, तिच्या जिद्दीचा आणि तिच्या न थकणाऱ्या प्रवासाचा आहे. मराठी प्रेक्षकांनी नेहमीच नव्या विषयांना आणि प्रामाणिक कथांना उघड मनाने स्वीकारलं आहे. म्हणूनच, ही वेगळी, अनोखी आणि भावस्पर्शी कहाणीही त्यांच्या मनाला नक्कीच भिडेल, असा विश्वास वाटतो.”

या सोहळ्यास डॉ. श्रीकांत शिंदे (खासदार, शिवसेना) श्री. प्रतापराव जाधव (केंद्रीय राज्य मंत्री – आयुष आणि आरोग्य व कुटुंब कल्याण) आणि शायना एन.सी. (राष्ट्रीय प्रवक्त्या, शिवसेना) उपस्थित होते.

डॉ. श्रीकांत शिंदे फाउंडेशन च्या पुढाकाराने झालेल्या या उपक्रमाने महिलांच्या सक्षमीकरणाचा आणि समाजातील त्यांच्या महत्त्वपूर्ण भूमिकेचा सन्मान केला. ह्यावेळी डॉ. श्रीकांत शिंदे म्हणाले, “
चित्रपट हे समाजप्रबोधनाचं एक प्रभावी आणि सशक्त माध्यम आहे. समाजातील विविध प्रश्न, भावना आणि संघर्ष जर चित्रपटाच्या माध्यमातून मांडले गेले, तर त्यातून दिला जाणारा संदेश नक्कीच लोकांच्या मनापर्यंत पोहोचतो. समाजात परिवर्तन घडवून आणण्याची ताकद सिनेमात आहे आणि याचं उत्तम उदाहरण म्हणजे ‘आशा’ हा चित्रपट. दिग्दर्शक दीपक पाटील आणि निर्माते निलेश कुवर आणि दैवता पाटील यांनी समाजातील अत्यंत महत्त्वाचा पण आजवर दुर्लक्षित राहिलेला घटक आशा सेविका यांच्या जीवनावर हा चित्रपट साकारला आहे. आपल्या गावखेड्यात आरोग्यसेवा, जनजागृती आणि समाजहितासाठी अखंड झटणाऱ्या या महिलांची कहाणी पहिल्यांदाच चित्रपटाच्या माध्यमातून लोकांसमोर येत आहे. या सुंदर उपक्रमाबद्दल आणि संवेदनशील प्रयत्नाबद्दल त्यांचं मनापासून अभिनंदन आणि कौतुक.”

चित्रपटात मुख्य भूमिकेत महाराष्ट्राची लाडकी रिंकू राजगुरू समवेत सायंकित कामत, उषा नाईक, शुभांगी भुजबळ, सुहास शिरसाट, दिशा दानडे, हर्षा गुप्ते, आणि दिलीप घारे यांचा समावेश आहे. चित्रपटाचे लेखन अंतरिक्ष श्रीवास्तव आणि दीपक पाटील यांनी केले आहे तर दाक्षिणात्य चित्रपट इंडस्ट्रीतील सुरेश सारंगम यांनी कॅमेराची धुरा सांभाळली आहे.