• आयबीसी, पिंपरी चिंचवड चार्टर्ड अकाउंट्स’ संयुक्त विद्यमाने ‘महाराष्ट्र व्हिजन २०४७’ कार्यक्रम
• लोकप्रियतेपेक्षा लोकहिताला प्राधान्य देणारे मोदी सरकार

पिंपरी, पुणे (दि. २३ ऑक्टोबर २०२४) पाश्चात्य तसेच इस्लामिक मतप्रवाहाचा प्रसार आणि प्रचार वेगाने होत आहे, भारतीय संस्कृती टिकवण्यासाठी स्वधर्म, स्वराज्य, स्वदेश, स्व भूषा, स्व भाषा, स्व संस्कृती हा छत्रपती शिवाजी महाराजांचा मंत्र अंमलात आणून महाराष्ट्राच्या विकास व केंद्र सरकारच्या योजनांना पुढे नेण्यासाठी राज्यात डबल इंजिन सरकार आवश्यक आहे. आता सर्व नागरिकांनी सामाजिक ऐक्य मजबूत करणाऱ्या सरकारच्या मागे खंबीरपणे उभे रहावे असे आवाहन माजी खासदार तथा भारतीय सांस्कृतिक संबंध परिषदेचे माजी अध्यक्ष डॉ. विनय सहस्त्रबुद्धे यांनी केले.
इंडियन बिझनेस कौन्सिल, पिंपरी चिंचवड चार्टर्ड अकौंटंट आणि कंपनी सेक्रेटरी संयुक्त विद्यमाने ‘महाराष्ट्र व्हिजन – २०४७’ या संवाद कार्यक्रमाचे आयोजन ग. दि. माडगूळकर सभागृह निगडी येथे करण्यात आले होते. यावेळी डॉ. सहस्त्रबुद्धे यांनी उपस्थित यांची संवाद साधला व अखेरच्या टप्प्यात नागरिकांनी विचारलेल्या प्रश्नांना उत्तर दिले. व्यासपीठावर वरिष्ठ चार्टर्ड अकौंटंट नंदकिशोर लाहोटी, उद्योजक मनोज फुटाणे उपस्थित होते.
महाराष्ट्राने स्वातंत्र्य संग्रामामध्ये मोठे योगदान दिले आहे. तसेच राज्याच्या आणि देशाच्या प्रगतीमध्ये येथील उद्योगांचाही मोठा वाटा आहे. ज्याचा फायदा आर्थिक आणि सामाजिक आघाडीवर झालेला आहे. प्रगतीपथावर जात असताना विकासाला चालना देणारे सरकार आवश्यक असते २०१४ नंतर भारताच्या विकासाला आणि प्रगतीला भरपूर चालना मिळाली आहे. देशाच्या सकल राष्ट्रीय उत्पन्नात वाढ झाली आहे. अनेक पायाभूत सुविधा प्रकल्प उभे राहिले आहेत तर काही प्रकल्पांचे काम प्रगतीपथावर आहे. परिणामी आंतरराष्ट्रीय स्तरावर देखील भारताचा दबदबा वाढला आहे. याचे श्रेय पंतप्रधान नरेंद्र मोदी यांना द्यायलाच पाहिजे. महायुतीच्या नेतृत्वात सध्या राज्यात शेती, व्यवसाय, उद्योग या क्षेत्रांमध्ये मोठ्या प्रमाणावर गुंतवणूक होत असून रोजगार निर्मितीच्या अनेक संधी उपलब्ध झाल्या आहेत. बेरोजगारीचे प्रमाण घटले आहे हे त्यांनी आकडेवारीसह मांडले. महाराष्ट्राच्या विकासासाठी केंद्रात गतिमान सरकार असल्याने राज्यात डबल इंजिन सरकारची आवश्यकता आहे, राज्यातील सरकारने सर्वच क्षेत्रात चांगले काम केले असून अनेक विकासाभिमुख प्रकल्प, योजना सुरू आहेत त्यामुळेच विकासाला चालना देण्यासाठी सबका साथ, सबका विकास, सबका प्रयास हे धोरण महत्त्वाचे आहे, असे डॉ. सहस्त्रबुद्धे म्हणाले.
भारताने संघराज्य व्यवस्थेचा पुरस्कार केला आहे. देशांमध्ये ठराविक कालावधीनंतर निवडणुका होत असतात‌‌. लोकसभा, विधानसभा, स्थानिक स्वराज्य संस्थांच्या निवडणुका असा कार्यक्रम चालू असतो. या निवडणुकीत मोठ्या प्रमाणावर आर्थिक आणि मनुष्यबळ खर्ची पडते. याबाबत विचार करण्याची गरज आहे. पंतप्रधान नरेंद्र मोदी यांनी ‘एक देश एक निवडणूक’ अशी संकल्पना मांडली आहे. यावर राजकीय पक्षांबरोबरच सर्वसामान्यांनीही विचार करण्याची गरज आहे. त्यामुळे आर्थिक आणि मनुष्यबळावर होणारा अतिरिक्त खर्च टाळता येईल. हे देशाच्या दृष्टीने फायद्याचे आहे, असे मत डॉ. विनय सहस्त्रबुद्धे यांनी व्यक्त केले.
कार्यक्रमाचे सूत्रसंचालन आणि आभार राहुल चिंचोलकर यांनी मानले. या कार्यक्रमास इंडियन बिझनेस कौन्सिल, पिंपरी चिंचवड चार्टर्ड अकौंटंट आणि कंपनी सेक्रेटर सदस्य, उद्योजक बहुसंख्येने उपस्थित होते.

सामाजिक ऐक्य आवश्यक –
जातीपातीतील द्वेष संपवून आपली ओळख, सभ्यता, हिंदुत्व, संस्कृती, नीती टिकवणे अत्यंत आवश्यक आहे. हे टिकवून ठेवणाऱ्या तसेच महिला सक्षमीकरण, उद्योगाला चालना देणाऱ्या व संविधानाला अभिप्रेत सामाजिक ऐक्याचा पुरस्कार करणाऱ्या सरकारच्या मागे खंबीरपणे उभे राहायला हवे. हे सरकार लोकप्रियतेपेक्षा लोकहिताला प्राधान्य देणारे सरकार असल्याचेही त्यांनी सांगितले.

सामाजिक सलोखा ऐक्य परिषदेत अल्पसंख्याकांसह सर्व धर्म प्रतिनिधींची भूमिका

पिंपरी, पुणे (दि. २३ ऑक्टोबर २०२४) मागील अकरा वर्षांपासून निवडणूक काळात देशभर जाती – धर्मात तेढ निर्माण करीत, धार्मिक ध्रुवीकरण करून मतांची मागणी केली जात आहेत. त्यामुळे अल्पसंख्याकांसह सर्व छोट्या सामाजिक घटकांमध्ये असुरक्षिततेची भावना निर्माण झाली आहे. पुरोगामी विचारांचा पुरस्कार करीत शिव, फुले, शाहू, आंबेडकर यांच्या विचारांना आदर्श मानून महाराष्ट्र नेहमीच देशात अग्रेसर राहिला आहे. छत्रपती शिवाजी महाराजांच्या या भूमीत आगामी विधानसभा निवडणुकीत धार्मिक ध्रुवीकरण रोखण्यासाठी महाविकास आघाडीला पाठिंबा देण्याचा निर्णय सामाजिक सलोखा ऐक्य परिषदेत घेण्यात आला आहे अशी माहिती परिषदेचे अध्यक्ष मुफ्ती अहमद हसन कासमी यांनी दिली.
सामाजिक सलोखा ऐक्य परिषदेच्या वतीने बुधवारी चिंचवड येथे आयोजित केलेल्या पत्रकार परिषदेत बिशप सॅम्युअल साखरपेरकर, पास्टर नितीन काळे, शौल विश्वास कांबळे आदींसह विविध समाज प्रतिनिधी उपस्थित होते.
महाराष्ट्राच्या विकासात पिंपरी चिंचवड कामगार नगरीचे उल्लेखनीय योगदान आहे. आगामी विधानसभा निवडणुकीत पिंपरी राखीव मतदार संघातून नवीन, सुशिक्षित युवकाला संधी मिळावी अशी मागणी या सामाजिक सलोखा ऐक्य परिषदेत करण्यात आली. यामध्ये पैलवान दीपक सौदागर रोकडे या सुशिक्षित व स्वच्छ प्रतिमा असणाऱ्या उमेदवाराला महाविकास आघाडीकडून उमेदवारी मिळावी अशी विनंती राष्ट्रवादी काँग्रेस पार्टी शरदचंद्र पवार पक्षाचे राष्ट्रीय अध्यक्ष खासदार शरद पवार यांच्याकडे करण्यात आली आहे.
पैलवान दीपक रोकडे हे विविध सामाजिक संस्था, संघटना, मंडळ, ट्रस्ट, महिला बचत गट यांच्याशी उत्तम समन्वय व संपर्क साधून आहेत. युवकांमध्ये सामाजिक प्रबोधन व्हावे त्यांनी व्यसनापासून दूर राहावे, यासाठी रोकडे यांनी डॉ. अनिल अवचट यांच्या संस्थेच्या माध्यमातून पिंपरी, आकुर्डीतील विविध महाविद्यालयांमध्ये व्यसनमुक्ती, जनजागृती शिबिर आयोजित केली आहेत. आपले सण, उत्सव, संस्कृती याची जपवणूक व्हावी व बालवयातच याविषयी विद्यार्थ्यांवर संस्कार घडावेत, म्हणून विविध शाळांमधून बालसंस्कार शिबिरे, किल्ले बनवा स्पर्धा असे उपक्रम शिव वंदना ग्रुपच्या वतीने आयोजित केले आहेत. छत्रपती शिवाजी महाराजांची जयंती तसेच फुले, शाहू, आंबेडकर जयंती महोत्सवाचे भव्य आयोजन रोकडे यांनी केले आहे. भारत विकास परिषदेच्या माध्यमातून शिवजयंती निमित्त चित्रकला व निबंध स्पर्धा आयोजित केल्या आहेत. तसेच शिवकालीन मर्दानी खेळांना प्रोत्साहन देत युवक, युवतीचे सक्षमीकरण करीत समाज प्रबोधन करण्याचे उपक्रम देखील त्यांनी राबवले आहेत. महिलांमध्ये उद्योजकता वाढीस लागावी या उद्देशाने महिला बचत गटांना सण, उत्सव काळात विविध वस्तूंची विक्री करण्यासाठी स्टॉल उपलब्ध करून देऊन त्यांना मदत व प्रोत्साहन दिले आहे. सांस्कृतिक क्षेत्रात देखील त्यांचा उत्तम संपर्क आहे. शिक्षण, आरोग्य, पर्यावरण, क्रीडा अशा विविध क्षेत्रांमध्ये त्यांनी सामाजिक उपक्रम राबवले आहेत.
धर्मवीर छत्रपती संभाजी महाराज यांच्या विचारातून प्रेरणा घेऊन बलिदान दिनानिमित्त वढू बुद्रुक, तुळापूर ते पिंपरी पर्यंत शक्ती शौर्य ज्योत यात्रा काढून त्यांनी युवक संघटन उभारले आहे. शिवजयंती, तथागत गौतम बुद्ध जयंती ते महात्मा जोतीराव फुले जयंती या काळात नवभारत युवक विकास प्रतिष्ठानच्या माध्यमातून विविध सामाजिक प्रबोधनात्मक उपक्रम राबविले आहेत.
पैलवान दीपक सौदागर रोकडे हे बूस्ट एज्युकेशन सोसायटीचे संचालक तसेच निसर्गधरा पर्यावरण संस्थेचे अध्यक्ष आहेत. दीपक रोकडे यांची जन्मभूमी मराठवाड्यातील धाराशिव जिल्ह्यातील तुळजापूर असून कर्मभूमी पिंपरी चिंचवड आहे. स्वच्छ चारित्र्य आणि आश्वासक नेतृत्व म्हणून उच्चशिक्षित दीपक रोकडे यांना महाविकास आघाडीने पिंपरी राखीव विधानसभा मतदारसंघातून उमेदवारी द्यावी असे आवाहन खासदार शरदचंद्र पवार तसेच प्रदेशाध्यक्ष जयंत पाटील यांच्याकडे करण्यात आली आहे.

ज्योतिष वास्तु विश्व संशोधन केंद्रातर्फे पुरस्कार वितरण आणि पदवी प्रदान समारंभ उत्साहात
पुणे : ज्योतिष आणि वास्तुविद्या हे विज्ञान नाही किंवा त्याला कोणताही ठोस आधार नाही, हा गैरसमज दूर करणे आवश्यक आहे. ज्योतिष वास्तुविद्या शास्त्र विज्ञानाला धरूनच असून दैनंदिन जीवनात त्याची आवश्यकता आहे. या शास्त्राचा व्यापक प्रमाणावर प्रचार आणि प्रसार करण्याची आज आवश्यकता असल्याचे मत ज्योतिषाचार्य अनिल चांदवडकर यांनी व्यक्त केले.
ज्योतिष वास्तु विश्व संशोधन केंद्रातर्फे आयोजित पुरस्कार वितरण आणि पदवी प्रदान सोहळ्यात ते बोलत होते. पुण्यातील पद्मावती भागातील विणकर सभागृहात हा कार्यक्रम उत्साहात पार पडला. ज्योतिष शास्त्रातील भरीव योगदानासाठी रत्नमाला रमेश कुलकर्णी यांच्या हस्ते अनिल चांदवडकर यांना रत्नमाला पुरस्काराने सन्मानित करण्यात आले. या वेळी ॲड. सुनिता पागे यांनी संस्थेचे कौतुक करून विद्यार्थ्यांना मार्गदर्शन केले. संस्थेचे संस्थापक अध्यक्ष वेदमूर्ती उमेश रमेश कुलकर्णी गुरुजी यावेळी उपस्थित होते.  उमेश कुलकर्णी म्हणाले, वास्तुशास्त्र चार भिंतीचे शास्त्र नसून वास्तुशास्त्र हे जगण्याचे शास्त्र आहे. आपण लाखो, करोडो रुपयांचे घर विकत घेऊन समस्या विकत घेतो. या समस्यांपासून मुक्ती मिळवण्यासाठी एक लाख वास्तुतज्ञ घडवण्याचा संकल्प हाती घेतला आहे. या शास्त्राचा उपयोग करून आपले जीवन सुखी, निरोगी, आनंदी बनविण्यासाठी प्रत्येकाने हे शास्त्र शिकणे गरजेचे आहे. अथर्ववेदाचे उपवेद असलेल्या स्थापत्यशास्त्रामध्ये वास्तुशास्त्राचा समावेश होतो. त्यामुळे वैदिक संस्कृती वाचविण्यासाठी सर्वतोपरी प्रयत्न करणाऱ्या व्यक्ती आणि संस्थांचा उचित सन्मान व्हावा यासाठी या उपक्रमाचे आयोजन करण्यात आले होते.
लेखिका प्रिया मालवणकर शारदा पुरस्कार, ज्योतिष व काव्य पुस्तक लिखाणासाठी अंजली पोतदार यांना अक्षरलक्ष्मी पुरस्कार, वेदमूर्ती अनिरुद्ध इनामदार गुरुजी यांना वेदमार्ग दीपस्तंभ, उज्वला संख्ये यांना वास्तु विशारद, सागर घोडेराव यांना वास्तुभूषण, महेश कुलकर्णी यांना लोलक विशारद, सिद्धांत ओझरकर यांना अंक विशारद तर नितीन पेंडसे, श्रुती पिसे यांना वास्तुरत्न पुरस्काराने सन्मानित करण्यात आले.

प्रिया मालवणकर, अनिरुद्ध इनामदार व यशस्वी विद्यार्थ्यांनी आपले मनोगत व्यक्त केले. यशस्वी विद्यार्थ्यांनी वास्तुशास्त्र, ज्योतिष, लोलक विद्या यांमुळे आपल्या जीवनात कसे परिवर्तन झाले तसेच, आपल्या मार्गदर्शनाने सर्वसामान्य लोकांच्या आयुष्यातही झालेल्या अमुलाग्र बदलांची माहिती उपस्थितांना दिली. त्यातून या शास्त्रांचा उपयोग जीवनातील समस्या सोडविण्यासाठी कसा केला जाऊ शकतो, हे पटवून दिले. त्यामुळे या शास्त्रांचे महत्त्व किती मोठे आहे, हे उपस्थितांच्या लक्षात आले.

वास्तूशास्त्राचा अभ्यास यशस्वीपणे पूर्ण करणाऱ्या महाराष्ट्रासह देशभरातील तसेच परदेशातील सुमारे दीडशे विद्यार्थ्यांनी पदवी प्रदान करण्यात आली. कार्यक्रमाचे सूत्रसंचालन प्राची परांजपे यांनी केले. कार्यक्रमाची  सांगता विद्यार्थ्यांना प्रत्यक्ष वास्तूचे प्रात्यक्षिक करवून पसायदानाने करण्यात आली.

पुणे : दहा वर्षांपूर्वी डोंगर कोसळून संपूर्ण माळीण गाव मातीच्या ढिगाऱ्याखाली गाडले गेले. या स्मृती अद्यापही ताज्या असतानाच दरड कोसळण्याची भिती उराशी बाळगून पुनर्वसनाची वाट पाहत जीवन व्यथीत करणाऱ्या माळीणच्या पसारवाडी आणि उंडेवाडी या वाड्यांमध्ये यंदाची दिवाळी साजरी करण्यात आली. पुण्यातील दुर्गम प्रतिष्ठानची दिवाळी भेट स्विकारताना, ”आमच्या पिढ्यांनी अशी दिवाळी अनुभवली नाही”, अशी भावूक प्रतिक्रिया वयोवृद्धांनी व्यक्त केली.

दुर्गम भागातील आदिवासींची दिवाळी गोड व्हावी, शहरवासीयांप्रमाणे त्यांनाही हा दीपोत्सव उत्साहाने साजरा करता यावा, यासाठी पुण्यातील ‘दुर्गम प्रतिष्ठान’ संस्थेच्या वतीने रविवारी (ता. २०) डिंभे धरणाच्या कुशीत वसलेल्या पसारवाडी, उंडेवाडी (ता. आंबेगाव) या दुर्गम गावातील ३० आदिवासी कुटुंबांना दिवाळी फराळ, दोन महिन्याचा किराणा व नवीन कपडे असे साहित्य दिवाळी भेट देण्यात आले, संस्थेचे अध्यक्ष नंदकुमार जाधव, कार्याध्यक्ष डॉ. प्रसाद खंडागळे यांच्या नेतृत्त्वाखाली हा उपक्रम साजरा करण्यात आला.

गावातील ३० कुटुंबांना साखर, तेल, पोहे, रवा, बेसनपीठ, तूप, कडधान्य, डाळी, साबण, चहा पावडर, मसाले आदी महिनाभर पुरेल अशा किराणा मालासह दिवाळी फराळ, ब्लॅंकेट, कानटोपी, आकाश कंदील, बिस्किटे, सुगंधी तेल, साबण, पणती, उटणे, रांगोळी आदी जीवनावश्यक ५३ वस्तूंसह तीनशे वह्या, ४०० पुस्तके, ३० कंपास, ३० दप्तरे, वाटप करण्यात केले. यावेळी देण्यात आलेल्या सौर कंदिलामुळे या वाड्या उजळून निघणार आहेत. गावातील ५० महिलांना साड्या, ४० मुलामुलींना, तसेच १४ ज्येष्ठ नागरिक, ३२ पुरुषांना नवीन कपडेही देण्यात आले.

कार्यक्रमापूर्वी माळीण दुर्घटनेत मृत्युमुखी पडलेल्या ग्रामस्थांच्या स्मृती जागविण्यासाठी बांधण्यात आलेल्या स्मृती स्तंभाला फुलांची आरास करून श्रद्धांजली अर्पण करण्यात आली. गावात पोचताच गावकऱ्यांनी ढोल, झांज, लेझीम वाजवत पारंपरिक नृत्य करत मिरवणुकीने सर्वांचे स्वागत केले. गावकऱ्यांनी पुणेकरांच्या स्वागतासाठी पानाफुलांच्या मदतीने स्वागत कमान उभारली. घरोघरी रांगोळ्या काढून आकाश कंदील लावण्यात आले. छत्रपती शिवरायांच्या पुतळ्याचे पूजन करून कार्यक्रमाची सुरूवात झाली. ज्येष्ठ ग्रामीण साहित्यिक बबन पोतदार, विजया पोतदार यांनी आजी-आजोबांचे औक्षण केले.

‘दुर्गम प्रतिष्ठान’ संस्थेचे गणेश काळे, अमोल कुटे, स्वाती सेठ, श्रीकांत मोरे, रविंद्र पठारे, अॅड. प्रमोद पवार, कविता शिंदे, संजय ऐलवाड, सुनिल जगताप, माधवी येलारपूरकर, निलेश जांभळे यांच्या मार्गदर्शनाखाली कार्यक्रम यशस्वी झाला.

कार्यक्रमासाठी माजी आमदार प्रकाश देवळे, श्रीप्रसाद गिरी, रवि जाधव, राजूशेठ गिरे, अॅड. शिवराज कदम, नितीन शहा, प्रकाश जाधव, संतोष कस्पटे, सचिन झेंडे, सुरेश मांदळे, विनायक अवसरे, वाल्मिक ढोरकुले, अमोल मुंडे, प्रशांत पेंडसे, सिद्धेश जाधव, त्याच बरोबर महिला प्रतिनिधी रश्मी जाधव, सुनंदा मोरे, अपर्णा शेठ, नीलम खंडागळे, योगिणी परदेशी, रेष्मा मोरे, पूनम देशमुख, श्रृती जाधव, समृद्घी सेठ, सलोनी सेठ, सखी ग्रुप, आधार ग्रुप आदींनी सहकार्य केले.

पुणे- रात्री साडेदहा वाजता पुण्याला बोपदेव घाटातून येताना खासदार सुप्रिया सुळे यांना खडी मशीन चौक ते कात्रज दरम्यानच्या रस्त्याचे अकराल विक्राळ स्वरूप दिसले . अल्प काळ झालेल्या पावसाने या रस्त्यांना कसे महासागराचे रूप प्राप्त झाले ते त्यांनी याची देही याची डोळा अनुभवले , आणि दुचाकीस्वारांची अशा रस्त्यांवरून होणारी जीवघेणी कसरत देखील पाहिली . पण महापालिकेच्या प्रशासकाला काही त्यांनी शिव्या घातल्या नाहीत … पुण्याच्या या अवस्थेबाबत त्यांनी दुखः आणि खंत मात्र व्यक्त केली .

पुणे- मनसे कडून विधानसभेसाठी हडपसरला साईनाथ बाबर,कोथरूडला किशोर शिंदे तर खडकवासल्यात मयुरेश रमेश वांजळे उमेदवारी जाहीर झाली असून आज एकूण ४५ उमेदवारांची नावे मनसे नेते नितीन सरदेसाई यांनी घोषित केली.

मनसे अध्यक्ष राज ठाकरेंनी याआधी बाळा नांदगावकर (शिवडी, मुंबई), दिलीप धोत्रे (पंढरपूर), संतोष नागरगोजे (लातूर ग्रामीण), बंडू कुटे (हिंगोली विधानसभा), मनदीप रोडे (चंद्रपूर), सचिन भोयर (राजुरा), राजू उंबरकर (यवतमाळ) हे उमेदवार घोषित केले होते.आगामी विधानसभा निवडणुकीच्या पार्श्वभूमीवर महाराष्ट्र नवनिर्माण सेनेकडून उमेदवारांची दुसरी यादी जाहीर करण्यात आली आहे. विशेष म्हणजे या यादीत मनसे प्रमुख राज ठाकरे यांचे पुत्र अमित ठाकरे यांना देखील उमेदवारी देण्यात आली आहे. अमित ठाकरे यांना माहीम विधानसभा मतदारसंघातून उमेदवारी देण्यात आली आहे.

सोमवारी मनसेकडून राजू पाटील आणि अविनाश जाधव यांना उमेदवारी देण्यात आली होती. राजू पाटील कल्याण ग्रामीणमधून तर अविनाश जाधव ठाण्यातून विधानसभा निवडणूक लढणार आहेत. मनसेचे अध्यक्ष राज ठाकरे यांनी ही घोषणा केली आहे. वरळीत ठाकरे गटाचे आदित्य ठाकरे विरुद्ध मनसेचे संदीप देशपांडे यांच्यात लढत रंगणार आहे.दरम्यान, मनसे अध्यक्ष राज ठाकरे यांनी लोकसभा निवडणुकीत महायुतील बिनशर्त पाठिंबा जाहीर केला होता. काही उमदेवारांसाठी त्यांनी सभा देखील घेतल्या होत्या. मात्र, लोकसभा निवडणुकीत महायुतीला महाराष्ट्रात अपेक्षित यश मिळाले नाही. त्यानंतर राज ठाकरे यांनी आता विधानसभेसाठी स्वबळाचा नारा दिला आहे. राज ठाकरे महायुती, महाविकास आघाडी तसेच इतर कोणत्याही पक्षाला देणार नसल्याचे राज ठाकरे यांनी मागेच जाहीर केले. राज्यात विधानसभेची रणधुमाळी सुरू आहे. सर्व राजकीय पक्षांनी कंबर कसली आहे. यंदाच्या विधानसभेला महायुती, महाविकास आघाडी, परिवर्तन महाशक्ती या तीन मोठ्या आघाड्या असून इतर काही पक्ष एकटे लढत आहेत. त्यामुळे यंदाची निवडणूक चुरशीची होणार असल्याचे दिसून येत आहे.

शिवडी – बाळा नांदगावकर
वणी – राजू उंबरकर
चंद्रपूर – मनदीप रोडे
राजुरा – सचिन भोयर
लातूर ग्रामीण – संतोष नागरगोजे
हिंगोली – प्रमोद कुटे
पंढरपूर – दिलीप धोत्रे
कल्याण ग्रामीण – राजू पाटील
माहिम – अमित राज ठाकरे
भांडूप पश्चिम – शिरीष सावंत
वरळी – संदीप देशपांडे
ठाणे शहर – अविनाश जाधव
मुरबाड – संगीता चेंदवणकर
कोथरुड – किशोर शिंदे
हडपसर – साईनाथ बाबर
खडकवासला – मयुरेश रमेश वांजळे
मागाठणे -नयन कदम
बोरिवली – कुणाल माईणकर
दहिसर – राजेश येरुणकर
दिंडोशी – भास्कर परब
वर्सोवा – संदेश देसाई
कांदिवली पूर्व – महेश फरकासे
गोरेगाव – विरेंद्र जाधव
चारकोप – दिनेश साळवी
जोगेश्वरी पूर्व – भालचंद्र अंबुरे
विक्रोळी – विश्वजित ढोलम
घाटकोपर पश्चिम – गणेश चुक्कल
घाटकोपर पूर्व – संदीप कुलथे
चेंबूर – माऊली थोरवे
चांदिवली – महेंद्र भानुशाली
मानखुर्द शिवाजीनगर – जगदीश खांडेकर
ऐरोली – निलेश बाणखेले
बेलापूर – गजानन काळे
मुंब्रा कळवा – सुशांत सूर्यराव
नालासोपारा – विनोद मोरे
भिवंडी पश्चिम – मनोज गुळवी
मीरा भाईंदर – संदीप राणे
शहापूर – हरिश्चंद्र खांडवी
गुहागर – प्रमोद गांधी
कर्जत जामखेड – रविंद्र कोठारी
आष्टी – कैलास दरेकर
गेवराई – मयुरी बाळासाहेब म्हस्के
औसा – शिवकुमार नागराळे
जळगाव शहर – अनुज पाटील
वरोरा – प्रवीण सूर
सोलापूर दक्षिण – महादेव कोनगुरे
कागल – रोहन निर्मळ
तासगाव कवठे महांकाळ – वैभव कुलकर्णी
श्रीगोंदा – संजय शेळके
हिंगणा – विजयराम किनकर
नागपूर दक्षिण – आदित्य दुरुगकर
सोलापूर शहर उत्तर – परशुराम इंगळे

पुणे, दि.२२ : दिवाळी सणानिमित्त पुणे शहरातील मध्यवर्ती भागात बाजारपेठांमध्ये खरेदीकरीता ग्राहकांची मोठ्या प्रमाणात होणारी गर्दी लक्षात घेता शहरातील वाहतूक सुरळीत रहावी म्हणून ५ नोव्हेंबर २०२४ पर्यंत वाहतुकीत बदल करण्यात आले आहेत.

याअंतर्गत शिवाजीनगरवरून शिवाजी रोडने जाणारी चारचाकी वाहने स. गो. बर्वे चौकातून जाणारी वाहतूक जंगली महाराज रस्ता- टिळक चौक या पर्यायी मार्गाने वळविण्यात येत आहे.

स्वारगेटवरून बाजीराव रोडने शिवाजीनगरकडे पुरम चौक मार्गे जाणारी चारचाकी वाहने पुरम चौकातून डावीकडे वळून टिळक रोडने एस. पी. कॉलेज अलका चौक मार्गे इच्छितस्थळी जातील. आप्पा बळवंत चौकातून बुधवार चौकाकडे येणारी वाहतूक आवश्यकतेनुसार बंद करण्यात येईल. ही वाहने बाजीराव रोडने सरळ पुढे इच्छितस्थळी जातील.

फुटका बुरूज वरून जोगेश्वरी चौकाकडे येणारी वाहतूक आवश्यकतेनुसार बंद करण्यात येईल. त्यासाठी इच्छितस्थळी जाण्यासाठी शिवाजी रोडवरुन सरळ पुढे जाणारा पर्यायी मार्ग राहील. शनिपार चौकाकडून तसेच कुमठेकर रोडवरून मंडईकडे जाणारी वाहतूक आवश्यकतेनुसार बंद करण्यात येईल. याकरिता पर्यायी मार्ग म्हणून बाजीराव रोडने सरळ पुढे जाता येईल.

पार्किंग व्यवस्था
दिवाळीसणानिमित्त बाजारपेठेत बाजीराव रोड, शिवाजी रोड, लक्ष्मी रोड, कुमठेकर रोड, केळकर रोड व मंडई या भागात खरेदीसाठी येणाऱ्या नागरिकांनी आपली वाहने बाबू गेनू पार्किंग, मिसाळ पार्किंग, हमालवाडा पार्किंग व साने वाहनतळ याठिकाणी पार्क करावीत, अशा सूचना वाहतूक शाखेचे पोलीस उप आयुक्त अमोल झेंडे यांनी दिल्या आहेत.