पुणे : पर्वती विधानसभा मतदारसंघातील अपक्ष उमेदवार आबा बागुल यांची हजारो महिला व काँग्रेस कार्यकर्त्यांच्या सहभागाने निघालेल्या विकास यात्रेने सर्व पर्वती मतदारसंघात विकास पाहिजे तर आबाच पाहीजे या घोषणांनी दुमदुमून गेला. तत्पूर्वी बागुल यांनी पर्वती पायथा येथील श्री महादेव मंदिरात जाऊन दर्शन घेत, नारळ अर्पण करीत पदयात्रेला सुरुवात केली. यावेळी हेमंत बागुल, अमित बागुल व प्रमुख कार्यकर्ते उपस्थित होते.
प्रारंभी पासून काँग्रेसचे निष्ठावंत असलेल्या बागुल यांनी अपक्ष म्हणून अर्ज भरला असला तरी, पर्वती विधानसभा मतदारसंघातील काँग्रेसचे अनेक कार्यकर्ते व पदाधिकारी बागुल यांच्या पाठीशी खंबीरपणे उभे राहिले आहेत.
आबा बागुल यांच्या पदयात्रेची आज सकाळी दहा वाजता अप्पर बस डेपो येथून मोठ्या दिमाखात सुरुवात झाली. यावेळी उपस्थितांनी हातात बागुल यांचे फोटो व त्यांचे निवडणूक चिन्ह असलेले ‘हिरा’ चे कट आउट घेऊन, आबांच्या विजयाचा जयघोष केला. आबा तुम आगे बढो हम तुम्हारे साथ हे. हिऱ्या सारखे व्यक्तिमत्त्व असलेल्या आबांना हिरा हे निवडणूक चिन्ह मिळाले हे आबांच्या विजयाचे संकेत आहेत, पर्वतीचा विकास हा केवळ आबा बागुल करू शकतात, यावेळी आमच्या श्रावणबाळाला विधानसभेवर पाठविणारच अशा भावना अनेकांनी या पदयात्रेदरम्यान बोलून दाखविल्या.
अप्पर बस डेपो येथून सुरू झालेली ही पदयात्रा वाजत गाजत अप्पर,सुप्पर,महेश सोसायटी, इंदिरा नगर, बिबवेवाडी गावठाण, बिबवेवाडी ओटा मार्गी वाळवेकर लॉन्स येथे दुपारी दोनच्या सुमारास पोहचली. या पदयात्रेदरम्यान जागोजागी लाडक्या श्रावण बाळ आबा बागुल यांचे औक्षण करून त्यांना ओवाळून विजयाच्या शुभेच्छा दिल्या. तसेच चौकाचौकात बागुल यांचे परिसरातील कार्यकर्ते व पदाधिकारी यांनी हार, पुष्पगुच्छ देऊन बागुल यांचे स्वागत करीत त्यांना विजयी करून देण्याचा निर्धार व्यक्त केला. फटाक्यांची आतिषबाजी, बँडचा निनाद, हलगीचे वादन व बागुल यांच्या नावाचा जयघोष अशा शाही थाटात ही पदयात्रा मार्गस्थ होत होती. पदयात्रेदरम्यान रस्त्याच्या आजूबाजूला असलेल्या नागरिकांनी उस्फूर्तपणे बागुल यांच्याशी हस्तांदोलन करून त्यांना शुभेच्छा दिल्या.
पर्वती विधानसभा मतदारसंघ हा जागृत नागरिकांचा मतदार संघ असून, येथील विकास गेली पंधरा वर्षे मागे का पडला हा प्रश्न सर्वच नागरिकांच्या मनात आहे. त्यामुळे हा मागे पडलेला विकास भरून काढण्यासाठी अधिक वेगाने व जिद्दीने काम करण्याची गरज आहे. त्यासाठी पर्वती विधानसभा मतदारसंघाच्या सर्वांगिण विकासासाठी मी ही निवडणूक लढवत असून, भविष्यातील सुखदायी व आनंद देणारा पर्यावरणवादी मतदारसंघ करण्याचा माझा संकल्प आहे. त्यास नागरिकांनी पाठींबा द्यावा, असे आवाहन आबा बागुल यांनी पदयात्रेच्या शेवटच्या टप्प्यात भाषण करताना केले.
पदयात्रेत पर्वती मतदारसंघातील प्रमुख कार्यकर्ते व पदाधिकारी मोठ्या संख्येने सहभागी झाले होते. यामध्ये जयकुमार ठोंबरे, नीता नेटके, बेबी राऊत, सुनीता नेमुर, राजिया बिलारी, इंगवले ताई, महाराणा प्रताप मंडळ, अखिल अप्पर मित्र मंडळ, दुर्गा माता नवरात्री उत्सव, पंचशील मित्र मंडळ, निळं वादळ ग्रुप आदीसह शेकडो कार्यकर्ते व पदाधिकारी होते.

पुणे –
महायुती सरकार म्हणून आम्ही मतदार यांच्या समोर जाताना अडीच वर्षातील विकासाची शिदोरी घेऊन जात आहे. लाडकी बहिण योजना माध्यमातून दीड हजार रुपये महिलेच्या बँक खात्यात जाणार आहे ती रक्कम वाढवणे आश्वासन सरकारने दिले आहे. आघाडी मधील नेते ही योजना बंद करण्यासाठी धडपड करत असताना काही नेते हो योजना स्वतःच्या कार्यालयातून राबवत दुटप्पी भूमिका घेत आहे. नौटंकी करण्याचे काम आघाडी करत असून आम्ही ताकदीने ही योजना पुढे नेणार आहे कारण हा सामाजिक विषय आहे. महिलांचे संसार यावर चालणार नसले तरी त्यांच्या दैनंदिन गरजा भागवण्यासाठी ही रक्कम उपयोगी पडत आहे. या निवडणुकीत महिला गेम चेंजर ठरणार आहे असे मत भाजप नेते प्रवीण दरेकर यांनी पत्रकार परिषदेत व्यक्त केले.
यावेळी प्रवक्ते संदीप खर्डेकर, अमोल कवीटकर, हेमंत लेले, पुष्कर तुळजापूरकर उपस्थित होते.
दरेकर म्हणाले, विधानसभा निवडणुकीत महविकास आघाडी फसव्या घोषणा देण्यात आघाडीवर आहे. फेक नारेटिव्ह माध्यमातून अवास्तव खोटे मुखवटे लावले आहे ते जनता यंदा निवडणुकीत उतरवल्या शिवाय राहणार नाही. कर्जमाफी , सातबारा कोरा करण्याच्या, वीजबिल माफी अशा घोषणा उध्दव ठाकरे यांनी सत्तेत असताना दिल्या पण त्यांची पूर्तता केली नाही. हिरवी शाल पांघरून ते हिंदुत्ववादी भूमिका घेत आहे. लोकसभा निवडणुकीत आघाडीकडून जे संभ्रमित करण्यात आले ,त्याचा वचपा यंदाच्या निवडणुकीत जनता घेईल. लखपती दीदी, एसटी प्रवासात ५० टक्के सवलत, शेतकरी यांना केंद्र आणि राज्य सरकारकडून सन्मान निधी मिळत आहे. शेतकरी कर्जमाफी निर्णय देखील झाला आहे. शेतकरी कृषी पंप यांना वीज माफी करण्यात आली आहे. उध्दव ठाकरे यांच्या काळात सिंचन प्रकल्पांना कोणती मंजुरी मिळू शकली नाही पण देवेंद्र फडणवीस यांनी १०६ सिंचन प्रकल्प मंजुरी दिली. रोजगार बाबत आघाडी सरकार असताना राज्य गुंतवणुकीस मागे गेले होते पण युती काळात पुन्हा आपण गुंतवणूक मध्ये अग्रेसर राहिलो आहे. सरकार आल्यावर पुढील १०० दिवसातील व्हिजन आमचे तयार आहे. जीवनावश्यक वस्तू दर स्थिर ठेवणे प्रयत्न केले जातील. तरुणांना रोजगार हमी देण्यात येत आहे. समाजातील सर्व घटकांना न्याय देणे प्रयत्न युती सरकार करत आहे.
पुण्यात मेट्रो जाळे पसरत आहे तीन विस्तारित मार्गांना मंजुरी देण्यात आली आहे. रिंग रोड माध्यमातून वाहतूक कोंडी सोडवली जात आहे. राज्यातील जनतेला विश्वास देणे काम आमच्या माध्यमातून होत आहे. परंतु दुसऱ्या बाजूला आघाडी नेते महिला सन्मान गोष्टी करून त्यांना अर्वाच्च भाषेत त्यांचे नेते बोलणे करत आहे. वैफल्यग्रस्त ते झाल्याने त्यांची अशी वक्तव्य होत आहे. खासदार संजय राऊत यांनी नेहमी प्रमाणे गरळ ओकत आहे आता ते छत्रपती शिवाजी महाराज यांचे मंदिर बांधणे गोष्टी ते करतात. पण याबाबत आम्हीच सकारात्मक निर्णय घेतला. आघाडी नेत्यांना केवळ विशिष्ट लोकांचे लांगूलचालन पाहिजे आहे. केवळ हातात संविधान घेऊन नौटंकी करण्याचे काम काँग्रेस नेते राहुल गांधी करत आहे.त्यांनी संविधान मेळावा घेण्यापेक्षा अंतःकरणात संविधान हवे याकडे लक्ष्य द्यावे. भाजपने नेहमी संविधान सन्मान करून त्याचे रक्षण केले. लोक आता सजग झाले असून ते आता महायुती सोबत राहतील. राज्याचे उज्वल भविष्यासाठी युती काम करत असून आघाडी सरकार हे स्थगिती सरकार होते हे लोकांनी पाहीले आहे. नवाब मलिक यांचा प्रचार भाजपचे कार्यकर्ते करणार नाही हे आम्ही ठरवलेले आहे त्यामुळे मतदारसंघात युतीच्या उमेदवाराचे काम करण्यात येईल असे दरेकर यांनी स्पष्ट केले.
जेष्ठ नेते शरद पवार खोट्या गोष्टी सातत्याने मांडत आहे.त्यांच्या मार्गदर्शनाखाली उध्दव ठाकरे यांचे सरकार असताना जीएसटी बैठकीत व्यापारी अडचणी मांडू शकले नाही. अजित पवार केवळ दोन बैठकीस गेले नाही परंतु इतर सर्व जीएसटी बैठकींना ते हजर राहिले आहे. कोणता तरी नरेटिव्ह सेट करण्यासाठी ते प्रयत्नशील आहे. बारामती मध्ये पुढील पिढीचे नेतृत्व पाहिजे असे शरद पवार सांगून योगेंद्र पवार यांचे नेतृत्व पुढील तीस वर्षाकरिता लागत आहे बाकीच्या युवा पिढीने केवळ त्यांचे झेंडे वाहण्याचे काम करावयाचे का असा टोला देखील यावेळी दरेकर यांनी लगावला आहे.

पुणे-कोथरूड विधानसभा मतदारसंघातील भाजपा महायुतीचे उमेदवार चंद्रकांतदादा पाटील यांच्या निवडणूक प्रचार्थ बाणेर-बालेवाडी भागात बाईक रॅली काढण्यात आली. या रॅलीला मोठा प्रतिसाद मिळाला. बाणेरकरांकडून या रॉलीचे जंगी स्वागत करण्यात आले.

विधानसभा निवडणुकीसाठी भाजपा महायुतीने चांगलीच आघाडी घेतलेली आहे. कोथरूड विधानसभा मतदारसंघातील महायुतीचे उमेदवार चंद्रकांतदादा पाटील यांनी नागरिकांच्या आणि प्रथितयश व्यक्तींच्या घरोघरी भेटी घेऊन संपर्क अभियान राबविले आहे. त्यासोबतच आज भाजपा कोथरूड उत्तर मंडलच्या वतीने महायुतीचे उमेदवार चंद्रकांतदादा पाटील यांच्या प्रचारार्थ बाणेर- बालेवाडी भागात बाईक रॅलीचे आयोजन करण्यात आले होते. मोझे कॉलेज, साई चौक, ममता चौक, दसरा चौक – बालेवाडी गावठाण, बालेवाडी- ग्रामदैवत भैरवनाथ मंदिर, बालेवाडी- भीमनगर, पाण्याची टाकी, लक्ष्मीमाता मंदिर, चाकणकर मळा, बालेवाडी फाटा, माधव बाग, छत्रपत्री शिवाजी महाराज स्मारक, बाणेर गावठाण, दत्तमंदिर, बाणेर गावठाण, राघुनाना चौक मुरकुटे गार्डन, युतिका सोसायटी – चांदेरे चौपाटी, अंजोर सोसायटी आदी मार्गे ही रॅली मार्गस्थ झाली. तर माजी नगरसेविका ज्योती कळमकर यांचे जनसंपर्क कार्यालय येथे रॅलीचा समारोप झाला.

या रॅलीला अभूतपूर्व प्रतिसाद मिळाला. ढोल-ताशाच्या गजरात, फटाक्यांच्या आतिषबाजीमध्ये आणि पुष्पवृष्टीने ठिकठिकाणी चंद्रकांतदादा पाटील यांचे जंगी स्वागत करण्यात आले. तर अनेक चौकांमध्ये महिलांकडून औक्षण करुन आ. पाटील यांना शुभेच्छा देण्यात आल्या. यावेळी आमदार पाटील यांनी बैलगाडीचेही सारथ्य करत, साऱ्यांचेच लक्ष्य वेधले.

यावेळी भाजप उत्तर उत्तर मंडलचे अध्यक्ष सचिन पाषाणकर, गणेश कळमकर, प्रल्हाद सायकर, नगरसेवक अमोल बालवडकर, नगरसेविका ज्योती कळमकर, स्वप्नाली सायकर, लहू बालवडकर, राहुल कोकाटे, रोहन कोकाटे, उमाताई गाडगीळ, अस्मिता करंदीकर यांच्या सह भाजपचे सर्व पदाधिकारी उपस्थित होते.

पुणे, दि. ६ नोव्हेंबर, २०२४ : आमच्यासारख्या अनेक बहिणींना सिद्धार्थ शिरोळे आणि शिरोळे परिवाराने कायमच मदतीचा हात दिला आहे. काही कुटुंबांना उभं करण्यात त्यांचा सिंहाचा वाटा आहे. त्यामुळे आमच्यासाठी सिद्धार्थ शिरोळे हे कायमच लाडके भाऊ आहेत, अशी प्रतिक्रिया संगमवाडी गावठाणातील विठ्ठल मंदिरात झालेल्या महिला मेळाव्यात उमटली.

भाजप महिला आघाडीच्या वतीने संगमवाडी गावठाणात विठ्ठल मंदिर येथे झालेल्या या मेळाव्याला सुमारे चारशे महिलांनी उपस्थिती लावली होती. सुजाता सिद्धार्थ शिरोळे, अॅड. वर्षा डहाळे यांनी मेळाव्यात महिलांना मार्गदर्शन केले.

पंतप्रधान नरेंद्र मोदी आणि देवेंद्र फडणवीस यांनी घेतलेली महिला सन्मान आणि आत्मनिर्भरतेच्या भूमिकेला पूरक काम सिद्धार्थ शिरोळे करत आहेत. शिवाजीनगर मतदारसंघाचा विकास करताना त्यांनी महिलांच्या समस्या सोडवण्याकडे विशेष लक्ष दिले आहे. आपल्या या लाडक्या भावाला आपण पुन्हा विधानसभेत पाठवले पाहिजे, असे आवाहन यावेळी अॅड. वर्षा डहाळे यांनी उपस्थितांना केले.

संगमवाडी परिसरातील महिला या मेळाव्याला मोठ्या प्रमाणात उपस्थित होत्या. या महिलांनी त्यांचे वैयक्तिक अनुभव यावेळी सांगितले. घरातल्या आजारपणाचा विषय असो, मुलांच्या प्रवेशाचा मुद्दा असो की घराच्या डागडुजीचा प्रश्न असो, या सगळ्या विषयांसाठी शिरोळे कायम मदत करतात. त्यांचे अनेक कुटुंबांशी जिव्हाळ्याचे संबंध आहेत. त्यामुळे ते आमच्या कुटंबाचा एक भाग, अगदी जिवाभावाचे लाडके भाऊ बनले आहेत, असे उद्गार या महिलांनी काढले.  

मेळाव्याला शिवाजीनगर महिला आघाडी अध्यक्ष अपर्णा कुऱ्हाडे, महिला आघाडी शहर सरचिटणीस भावना शेळके, नगरसेविका स्वाती लोखंडे, राजश्री काळे, मेळाव्याच्या संयोजिका सुजाता सोरटे आदी उपस्थित होत्या.

तिहेरी तलाक, लाडकी बहीण अशा योजनांमुळे मोदी सरकारची महिलांविषयीची आदराची भूमिका अधोरेखित झाली आहे. महायुतीच्या राज्यात महिला सुरक्षित आणि आत्मनिर्भर बनल्या आहेत. ही स्थिती टिकवण्यासाठी सिद्धार्थ शिरोळे यांना पुन्हा विधानसभेत पाठवू या, असे आवाहन अॅड. वर्षा डहाळे यांनी यावेळी केले.

पुणे, ६ नोव्हेंबर २०२४

समाजातील शोषित, पीडित, उपेक्षितांना नेतृत्व देवून त्यांना शासनकर्ती जमात करण्याचे महामानव, भारतरत्न डॉ.बाबासाहेब आंबेडकर यांचे स्वप्न पुर्ण करण्यासाठी कांशीराम साहेब आयुष्यभर झटले. बहुजन समाज पक्षाने तळागाळातील समाजाला नेतृत्व देत उत्तर प्रदेशसारख्या देशातील सर्वात मोठ्या राज्यात सत्ता मिळवली. आता महाराष्ट्रातही उपेक्षित वर्गाचा राजकीय प्रतिनिधी बसपाच्या माध्यमातून कायदेमंडळात पोहचेल,असा विश्वास बसपचे प्रदेश महासचिव,पश्चिम महाराष्ट्र प्रभारी, वडगाव शेरी मतदार संघाचे उमेदवार डॉ.हुलगेश चलवादी यांनी बुधवारी (ता.६) व्यक्त केला.

देशाच्या आयरन लेडी, उत्तर प्रदेशचे कणखर नेतृत्व, माजी मुख्यमंत्री मायावती यांची येत्या १७ नोव्हेंबर रोजी पुण्यातील येरवडा येथे महासभेला संबोधित करणार आहेत. दुपारी १२ वाजता येरवडा प्रादेशिक मनोरूग्णालय मैदान, कॉमर झोन येथे आयोजित या सभेसाठी समाजातील अनेक बुद्धिवंत, विचारवंत आणि समाजसेवकांना आमंत्रित करण्यात आले आहे, असे डॉ.चलवादी म्हणाले. राज्यात गेल्या काही वर्षात मराठा आरक्षणाचे आंदोलन बरेच गाजले.उपेक्षितांना विकासाच्या पुढील पंगतीत आणण्यासाठी आरक्षणाची तरतूद करण्यात आली आहे. बसपाचे आरक्षणाला समर्थन आहे.राज्यातील मराठा आरक्षणाचा मुद्द्यावर बसपा योग्य मार्ग काढू शकतो. अशात मराठा आरक्षण आंदोलनाचे नेते मनोज जरांगे यांची नुकतीच भेट घेत त्यांना देखील सभेचे निमंत्रण देण्यात आल्याचे डॉ.चलवादी म्हणाले.

पुणेरी पगडी आणि संविधानाची प्रत यावेळी बसपच्या शिष्टमंडळाकडून जरांगे यांना देण्यात आली.यावेळी बसपाचे प्रदेश सचिव सुदीप गायकवाड आणि स्वप्नील शिर्के प्रामुख्याने उपस्थित होते.जरांगेची मराठा आरक्षण आंदोलनातील भूमिका प्रेरणादायी आहे.सर्व समाजाने एकत्रित येवून यशस्वी नवीन राजकीय समीकरणे जुळवून आणता येईल,अशी भावना डॉ.चलवादी यांनी या भेटीनंतर व्यक्त केली.वडगाव शेरी मतदार संघात पक्षाचा कॅडर घरोघरी जावून मतदारांना बसपाची भूमिका आणि विचार समजावून सांगत आहे. मतदारांना येणाऱ्या काळात पक्षाकडून केल्या जाणाऱ्या विकासकामांची ‘गॅरंटी’दिली जात असल्याचे देखील डॉ.चलवादी म्हणाले.