पुणे, २७ मार्च २०२५ – सिंबायोसिस स्किल्स अँड प्रोफेशनल युनिव्हर्सिटी (SSPU) च्या ऑटोमोबाइल अभियांत्रिकी विद्यालयाच्या विद्यार्थ्यांनी नुकताच कल्याणी टेक्नोफोर्ज लिमिटेड (थर्मल प्रोसेसिंग डिव्हिजन), रांजणगाव, एमआयडीसी  येथील औद्योगिक दौऱ्यात भाग घेतला. या दौऱ्यामुळे विद्यार्थ्यांना अत्याधुनिक औद्योगिक तंत्रज्ञान आणि प्रगत उत्पादन प्रक्रियांचा अनुभव मिळाला, जो त्यांच्या शिक्षणात महत्त्वपूर्ण योगदान देणारा ठरला.दौऱ्यादरम्यान, विद्यार्थ्यांना व्हॅक्यूम फर्नेस ऑपरेशन्स, हीट ट्रीटमेंट प्रक्रिया, आणि साहित्य चाचणी प्रयोगशाळांबद्दल मूल्यवान माहिती मिळाली. विद्यार्थ्यांना उच्च-गुणवत्तेच्या घटकांच्या उत्पादनामध्ये या तंत्रज्ञानांचा महत्त्वपूर्ण टप्पा समजावून घेता आला. त्यांना ऑटोमोटिव्ह, निर्माण, टूलिंग, खनिज, एरोस्पेस, संरक्षण, आणि रेल्वे यांसारख्या उद्योगांमध्ये वापरल्या जाणाऱ्या प्रगत हीट ट्रीटमेंट उपायांची प्रत्यक्ष पाहणी करण्याचा अनोखी संधी मिळाली.दौऱ्याने विद्यार्थ्यांना कल्याणी टेक्नोफोर्ज लिमिटेड कशी विविध उद्योगांची मागणी पूर्ण करण्यासाठी प्रगत तंत्रज्ञानाचा वापर करते, यावर देखील प्रकाश टाकला. विद्यार्थ्यांना औद्योगिक तज्ञांशी संवाद साधण्याची संधी मिळाली, थर्मल प्रोसेसिंग, साहित्य चाचणी, आणि गुणवत्ता आश्वासन प्रक्रियांबद्दल माहिती घेता आली.दौऱ्यावर विचार व्यक्त करताना, सुमित दुबल, प्राध्यापक, ऑटोमोबाइल अभियांत्रिकी विद्यालय, म्हणाले, “हा दौरा विद्यार्थ्यांना औद्योगिक क्षेत्रातील वास्तविक अनुप्रयोगांचा अमूल्य अनुभव देणारा ठरला. यामुळे त्यांना उच्च-गुणवत्तेच्या उत्पादन प्रक्रियांची आणि तंत्रज्ञानांची समज प्राप्त झाली, जी आधुनिक जगाला आकार देणाऱ्या उद्योगांमध्ये महत्त्वपूर्ण भूमिका बजावतात.”

पुणे, दि. 27: मावळ तालुक्यातील वेहेरगाव, कार्ला येथील श्री एकविरा देवी चैत्री उत्सव 4 एप्रिल रोजी सुरू होत असून या कालावधीत जुन्या मुंबई-पुणे महामार्गावरील जड, अवजड वाहतुकीवर काही निर्बंध घालून वाहतूक पर्यायी मार्गाने वळविण्यात येत असल्याचे आदेश जिल्हाधिकारी जितेंद्र डूडी यांनी जारी केले आहेत.

या आदेशानुसार यात्रा कालावधीत कार्ला फाटा ते श्री एकविरा देवी पायथा मंदिर दरम्यान पूर्ण वेळ अवजड व मोठ्या वाहनांना प्रवेश निषेध (नो एंट्री) करण्यात येत आहे. मध्यरात्री १२.०१ वाजल्यापासून ते रात्री १२ वाजेपर्यंत जुना मुंबई-पुणे व पुणे-मुंबई महामार्गावारील कुसगाव बुद्रुक टोलनाका लोणावळा ते वडगाव फाटा, वडगाव मावळ असे अवजड व मोठ्या वाहनांना प्रवेश निषेध करण्यात येत आहे.

जुना मुंबई-पुणे महामार्गावरुन पुणे बाजूकडे जाणारी जड-अवजड व मोठी वाहने यांना लोणावळा येथील कुसगाव बु. टोलनाका मार्गे एक्सप्रेस हायवेने उर्से टोलनाक्यामार्गे पुणे शहराकडे जाण्याकरीता वळविण्यात येणार आहे. पुण्याकडून मुंबईकडे जाणारी जड अवजड व मोठी वाहने ही वडगाव येथील तळेगाव फाटा येथून उर्से खिंडीतून मुंबईकडे जाण्याकरीता द्रुतगती महामार्गाचा वापर करावा. नागरिकांनी वाहतुकीत केलेल्या बदलाची नोंद घेवून सहकार्य करावे, असे आवाहनही श्री. डूडी यांनी केले आहे.

• विभागीय आयुक्त डॉ. चंद्रकांत पुलकुंडवार

टूलिंग उद्योगांच्या वाढीसाठी क्लस्टर विकसित करण्यासाठी प्रयत्न करण्यात येतील – जिल्हाधिकारी जितेंद्र डूडी

पुणे, दि. २७: राज्यात उद्योगस्नेही वातावरण निर्माण करण्याचे राज्यशासनाचे धोरण असून जिल्ह्यामध्ये अधिकाधिक आणि विविध क्षेत्रातील उद्योग यावेत यासाठी प्रशासनातर्फे निश्चितपणे प्रयत्न करण्यात येतील, अशी ग्वाही विभागीय आयुक्त डॉ. चंद्रकांत पुलकुंडवार यांनी दिली. उद्योगांच्या समस्या सोडविण्यासाठी विविध प्रशासकीय विभागांनी सामुहिक दृष्टीकोन ठेऊन एकत्रित प्रयत्न करावेत, असे निर्देशही त्यांनी दिले.

जिल्ह्यातील विविध औद्योगिक संघटनांसोबत उद्योजकांच्या विविध प्रश्नांच्या सोडवणुकीबाबत मराठा चेंबर ऑफ कॉमर्स, इंडस्ट्रीज ॲण्ड ॲग्रीकल्चरचे सभागृह येथे आयोजित बैठकीत ते बोलत होते. यावेळी पुणे मनपा आयुक्त डॉ. राजेंद्र भोसले, कोल्हापूर परिक्षेत्राचे विशेष पोलीस महानिरीक्षक सुनील फुलारी, जिल्हाधिकारी जितेंद्र डूडी, पिंपरी चिंचवड शहरचे अतिरिक्त पोलीस आयुक्त वसंत परदेशी, पुणे ग्रामीण पोलीस अधीक्षक पंकज देशमुख, पुणे विभागाचे उद्योग सहसंचालक शैलेश राजपूत, जिल्हा उद्योग केंद्राच्या महाव्यवस्थापक अर्चना कोठारी यांच्यासह विविध विभागांचे प्रमुख अधिकारी उपस्थित होते.

डॉ. पुलकुंडवार म्हणाले, मुख्यमंत्री यांच्या १०० दिवसाच्या कृती आराखड्यांतर्गत राज्यात अधिकाधिक गुंतवणूक आकर्षित करण्याच्या दृष्टीने उद्योगांना सर्व ते सहकार्य तसेच सुविधा उपलब्ध करून देण्याचे निर्देश आहेत. त्यासाठी उद्योजकांच्या समस्या जाणून घेऊन त्या सोडविण्याच्यादृष्टीने दर दोन महिन्याला बैठक आयोजित करण्यात येत आहे. या बैठकीत उद्योजकांनी मांडलेल्या समस्या, अडचणींवर चर्चा केली जात असून संबंधित विभागांनी पुढील बैठकीपूर्वी त्यावर कार्यवाही करावी, असे निर्देशही त्यांनी दिले.

उद्योगांना वीज, पाणी, रस्ते आदी पायाभूत सुविधा महाराष्ट्र औद्योगिक विकास महामंडळाने प्राधान्याने द्याव्यात. त्यासाठी प्रस्ताव मंजुरी, निधीबाबतचे शासनाच्या पातळीवरील मंजुरीचे प्रश्न सोडविण्यासाठी पाठपुरावा करण्यात येईल. महावितरणने अखंडित वीजपुरवठ्यासाठी फीडर, उपकेंद्रे, वीज वाहिन्या आदी यंत्रणा अद्ययावत कराव्यात. औद्योगिक वसाहतीतील रस्ते निर्मिती व दुरुस्तीला एमआयडीसीने गती द्यावी. या प्रस्तावांच्या मंजुरीसाठी प्रयत्न करू.

पुणे महानगर प्रदेश विकास प्राधिकरण, जिल्हा परिषद तसेच महसूल विभागाने समन्वयाने रस्त्यांवरील अतिक्रमणे मोकळी करावीत. सार्वजनिक बांधकाम विभाग, भारतीय राष्ट्रीय महामार्ग प्राधिकरण यांनी यापैकी त्यांच्या हद्दीतील रस्त्यांचे तात्काळ डांबरीकरण करून वाहतूक सुरू करावी. रस्ते अतिक्रमण मुक्त ठेवण्याची व सुस्थितीत राहतील याची जबाबदारी संबंधित यंत्रणेची राहील.

पुणे शहरातील एकात्मिक वाहतूक आराखडा मंजुरीच्या टप्प्यात असून मंजुरीनंतर लवकरच कार्यवाहीला सुरुवात होईल. पुणे बाह्यवळण मार्गालाही गती देण्यात आली असून येत्या दोन वर्षात हा मार्ग पूर्ण होण्याच्या दृष्टीने कार्यवाही सुरू आहे. वाहतुकीच्या अनुषंगाने अल्पकालीन आणि दीर्घकालीन उपाययोजनांना लागणारा आवश्यक वेळ पाहता तात्काळ करण्यासारख्या उपाययोजना हाती घेऊन उद्योगांना वाहतूक कोंडीपासून दिलासा द्यावा, असेही ते म्हणाले.

टूलिंग उद्योगांच्या वाढीसाठी क्लस्टर विकसित करण्यासाठी प्रयत्न करण्यात येतील
–जिल्हाधिकारी जितेंद्र डूडी

जिल्हाधिकारी डूडी म्हणाले, टूल बनविणारे लघू उद्योग हे मोठ्या उद्योगांसाठी पूरक तसेच कोणत्याही क्षेत्रासाठी महत्त्वाचे आहेत. ते विखुरलेले असल्याने त्यांना सुविधा पुरविण्यात येत असलेल्या समस्या सोडविण्याच्या दृष्टीने जागा तसेच अन्य सुविधा उपलब्ध करुन त्यांचा समूह (क्लस्टर) विकसित करण्यासाठी व खासगी क्षेत्रातील उद्योगांच्या समस्या सोडविण्यासाठीही प्रयत्न करण्यात येतील, असेही ते म्हणाले.

पुणे- मुंबई हा देशातील सर्वात मोठा औद्योगिक कॉरिडॉर व्हावा असा प्रशासनाचा प्रयत्न राहणार आहे. त्यासाठी उद्योजकांच्या समस्यांबाबत नियमितपणे बैठका आयोजित करुन त्या वेगाने सोडविण्यावर भर राहील.

महाराष्ट्र उद्योग, व्यापार आणि गुंतवणूक सुविधा (मैत्री २.०) पोर्टल या एकाच व्यासपीठावरुन उद्योगांना सर्व परवानग्या, सुविधा देण्याची व्यवस्था तयार करण्यात आली आहे. पोर्टलमध्ये समाविष्ट नसलेल्या उद्योजकांच्या विविध विभागांशी संबंधित समस्या, परवानग्यांचे प्रश्न सोडविण्यासाठी एमआयडीसीने प्रत्येक औद्योगिक वसाहतीत एक खिडकी व्यवस्था करावी. एक खिडकी विभागाने संबंधित विभागांशी समन्वय साधून उद्योजकांच्या समस्या सोडवाव्यात, असे निर्देशही श्री. डूडी यांनी दिले.

मनपा आयुक्त डॉ. भोसले म्हणाले, एमआयडीसी तसेच उद्योगांनी आपल्या परिसरात औद्योगिक निवासी संकुले उभारावीत; जेणेकरून मनुष्यबळाचा प्रवासाचा वेळ वाचू शकेल. कौशल्य विकास प्रशिक्षणासाठी पुढाकार घ्यावा. महानगरपालिकेशी संबंधित उद्योगांच्या समस्या गतीने सोडविण्यात येतील, असे त्यांनी यावेळी सांगितले.

उद्योजकांना कोणत्याही घटकाकडून त्रास देण्याचा प्रयत्न होत असल्यास त्यांची ओळख गुप्त ठेऊनही पोलीस विभागाकडून उपद्रव देण्याऱ्यांवर कठोर कारवाई करण्यात येत आहे, असे पोलीस अधीक्षक श्री. देशमुख यांनी सांगितले.

बैठकीस महाराष्ट्र औद्योगिक विकास महामंडळ, सार्वजनिक बांधकाम विभाग, महावितरण, माथाडी कामगार मंडळ, कामगार विभाग, पोलीस, जिल्हा परिषद आदी विभागांचे वरिष्ठ अधिकारी उपस्थित होते.

केंद्रीय मंत्री मुरलीधर मोहोळांची कमालीची तत्परता

अपघाग्रस्त पुणेकराला तातडीने पोर्ट ब्लेअरहून पुण्यात आणले

एअर एम्बुलंन्सची उपलब्धता केल्याने रुग्णावर तातडीचे उपचार

एअर एम्बुलंस रात्री ९ः३० वाजता पुणे विमानतळावर पोहोचली…

पुणे विमानतळ ते पूना हॉस्पिटलचे अंतर कापले अवघ्या १३ मिनिटांत

मोहोळ यांच्या सूचनेनंतर पुणे पोलिसांचा ग्रीन कॅारिडॅार

पुणे- सिंहगड रोड येथील लोहपात्रे कुटुंबिय सहपरिवार (पती, पत्नी, मुलगा) अंदमान निकोबार/ पोर्ट ब्लेअर येथे सहपरिवार फिरायला गेले होते. काल २६ मार्च रोजी संध्याकाळी सौ. शोभना मंगेश लोहपात्रे यांचा एका छोट्या बेटावर जबरदस्त अपघात झाला. त्यांच्या दुचाकीला एक भरधाव वाहनाने उडवले. त्या छोट्या बेटावर वैद्यकीय सुविधा उपलब्ध नसल्याने रात्री उशिरा केंद्रीय मंत्री मुरलीधर मोहोळ यांच्या मदतीने त्यांना उपचारांसाठी एअरफोर्सच्या मदतीने अंदमान/ पोर्ट ब्लेयर येथे रात्री १.३०-२ वाजता आणले. त्यांच्या डोक्याला मोठा मार लागल्याने अंतर्गत रक्तस्त्राव झाला आहे.

आज सकाळी मोहोळ यांच्या मदतीने एक Air Ambulance उपलब्ध झाली असून आज रात्री 9.30 वाजता ही Air Ambulance पुणे विमानतळावर येणार आहे.मुरलीधर मोहोळ यांनी तिथून पूना हॉस्पिटलपर्यंत पुणे पोलिसांना ग्रीन कॉरिडॉर करण्याच्या सूचना दिल्या आहेत. शोभना यांच्या उपचारांसाठी एक एक मिनिट महत्वाचा आहे.

पुणे , 27 मार्च 2025: एमआयटी वर्ल्ड पीस युनिव्हर्सिटी (एमआयटी-डब्ल्यूपीयू) , पुणे हॅक एमआय-डब्ल्यूपीयू 2025 दरम्यान मेक इन एमआयटी-डब्ल्यूपीयू पॅव्हेलियनमध्ये एरोस्पेस , रोबोटिक्स , ऑटोमोटिव्ह इंजिनीअरिंग आणि शाश्वत तंत्रज्ञान यामधील उत्कृष्ट मॉडेलच्या नवकल्पनांचे प्रदर्शन केले. या कार्यक्रमाची विविध योजना भव्य क्लबद्वारे करण्यात आली.

उघड उघड प्रसार भारती , महासंचालक सनीजी यांनी केले. पाच फाउंड्री आणि ऊर्जा संवर्धन सल्लागार शाम अर्जुनवाडकर , आणि विप्रो टेक्नॉलॉजीचे , ग्लोबल एमडीएम प्रॅक्टिस हेड , योगेश जोशी यांनी स्टॉल्सना भेट दिली . तसेच, पेटीशी संवाद साधला आणि त्यांच्या नावांची पूर्ण माहिती.

या प्रदर्शनात नाविन्यपूर्ण पूर्ण भर दिला. ज्यामध्ये केम-ई-कार , इलेक्ट्रॉनिक निमंत्रणाशिवाय तंतोतंत हालचाल शोधणारे रासायनिक उर्जा असलेल्या वाहनांचा समावेश आहे. स्पेस टेक्नॉलॉजी रिसर्च ग्रुप ( STeRG) ने एरोस्पेस घटकांमध्ये कौशल्य शोधून प्रगत अवकाशयान प्रणाली प्रदर्शित केली. अतिरिक्त , टीम फिनिक्सने सानुकूल- नियंत्रण नियंत्रक थेट स्वायत्त अनुप्रयोग , रेकॉर्ड आणि कृषीचे वैशिष्ट्य असलेले ड्रोन तंत्रज्ञानाचे सादरीकरण केले. शिवाय , स्कायट्रूपर्स ( स्कायट्रूपर्स ) ने कॉमेण्टिक एरोमॉडेलिंगसाठी डिझाइन केलेले उच्च-कार्यक्षमतेचे विमान प्रदर्शित केले. टीम ड्रिर्सने फॉर्म्युला 1- मार्गदर्शक ज्वलन “प्राइमस” चेवरण केले , तर एक्सेलेसर्स इलेक्ट्रिकने इलेक्ट्रॉनिक वाहन तंत्रज्ञान त्यांची पार्श्वभूमी प्रदर्शित केली.

योजना सनीजी यांनी किंमतची सर्जनशीलता आणि नाविन्यपूर्णतेची प्रशंसा केली. मेक इन एमआयटी-डब्ल्यूपीयू पॅव्हेलियन हेच्या भारताचे नाविन्यपूर्ण परिसंस्थेचे प्रतिनिधित्व करत आहे. त्यांनी भाषण केले की अभित्रिकी उत्कृष्टतेसाठी तरुण मनाचे समर्पण , वास्तविक-जागतिक तंत्रज्ञान तंत्रज्ञान तंत्रज्ञानावर विद्यापीठाचे लक्ष केंद्रित करणे , अभियांत्रिकी आणि संशोधक भविष्याच्या आकारात हे नवोन्मेषक निवडक भूमिका असा विश्वास आहे.

शाम अर्जुनवाडकर यांनी पॅव्हेलियनमध्ये प्रदर्शित केलेले प्रकाशित एरोस्पेस , लोकशाही आणि ऑटोमोटिव्ह अभित्रिकी यासह विविध तंत्रज्ञानाचे तंत्रज्ञान भविष्यातील प्रतिबिंबित असल्याचे सांगितले. भविष्यातील ગાંધીનગર तंत्रज्ञानाच्या सीमा ढकलण्यासाठी आणि नवीन स्वायत्त स्थापत्य पार्किंगच्या प्रयत्नांचे कौतुक केले.

एमआयटी डब्ल्यूपीयूचे प्र-कुलगुरु व हॅक एमआयटी-डब्ल्यूपीयूचे मुख्य संयोजक डॉ. मिलिंद पांडे म्हणाले , “ या कार्यक्रमाचा उद्देश अभ्यासामध्ये ‘माइंड टू मार्केट’ आणि ‘पर टू प्रोडक्ट’ हे तत्व रुजवणे आहे. शोध सर्वांसाठी सक्षम बनवू शकतो. आत्मनिर्भर भारत आणि स्टार्टअप इंडिया मिशनला समर्थन देते. शैक्षणिक आणि व्यावसायिक यांच्यातील योगदानाला चालना दिली , या प्रदर्शनासाठी तज्ञांनी तज्ञांशी संवाद साधला.

पुणे-नुकतीच पुण्यनगरी चे खासदार आणि केंद्रीय राज्यमंत्री मुरलीधर मोहोळ यांनी पुणे बार असोसिएशनच्या शिष्टमंडळ आणि पुणे बार असोसिएशनचे अध्यक्ष अॅड. हेमंत झंझाड यांच्यासह केंद्रीय कायदे आणि न्याय मंत्री अर्जुन राम मेघवाल यांची भेट घेतली. यावेळी बार असोसिएशनच्या वतीनं मेघवाल यांना विविध मागण्यांचे निवेदन देण्यात आले.वकील संरक्षण कायदा देशभर लागू करा असे साकडे यावेळी पुणे बार असोसिएशन घातले शिवाय पुण्यातील नोटरीसंदर्भातील प्रलंबित विषयावरही यावेळी सकारात्मक चर्चा केली .
पुण्यात वाढलेली खटल्यांची संख्या वकिलांची संख्या त्या दृष्टीने करायच्या उपाययोजना या संदर्भात सविस्तर चर्चा या भेटीदरम्यान झाली. पुण्यनगरीचा खासदार या नात्याने शहरातील वकील व्यवसाय करणाऱ्या वकील बांधवांच्या दृष्टीने देखील दैनंदिन कामकाजाच्या दृष्टीने व्यवस्था इमारती बेसिक इन्फ्रास्ट्रक्चर याबाबतीत सर्वतोपरी मदत करण्याचे यावेळी असोसिएशनच्या पदाधिकाऱ्यांना मुरलीधर मोहोळ यांनी आश्वस्त केले.
देशभर वकिलांवर ती होत असलेल्या अत्याचार, मारहाण आणि अन्याय याला वाचा फोडण्यासाठी व केंद्राने वकील संरक्षण कायदा लवकरात लवकर लागू करावा, पुण्यात उच्च न्यायालयाचे खंडपीठ व्हावे,तसेच भविष्यामध्ये पण एडवोकेट अमेंडमेंट अॅक्ट हे बिल वकिलांच्या हितासाठी विचार करून तयार करण्यात यावे व राज्यातील व पुणे शहरातील विविध नोटरींच्या समस्या संदर्भात व ज्युनियर वकिलांना राहण्यासाठी विविध योजना अंतर्गत घरे व स्टायपेंड पण मिळावे या सह इतर मागण्यांसाठी पुणे बार असोसिएशनचे अध्यक्ष हेमंत झंजाड, रवींद्र शिंदे, पंकज महाजन यांनी नागरी विमान वाहतूक मंत्री मुरलीधर मोहोळ यांच्या समवेत देशाचे कायदा मंत्री अर्जुन मेघवाल यांची दिल्लीमध्ये संसदेत प्रत्यक्ष भेट घेतली व त्याबाबतचे निवेदन कायदा मंत्र्यांना देण्यात आले.
कायदामंत्री अर्जुन मेघवाल यांनी लवकरात लवकर देशभर एडवोकेट प्रोटेक्शन ॲक्ट हा कायदा लागू करण्यात येईल असे आश्वासन पुणे बार असोसिएशनला दिले तसेच विविध शासकीय योजनेअंतर्गत वकिलांना जास्तीत जास्त सवलती देण्याचे आश्वासन यावेळेस त्यांनी दिले तसेच एडवोकेट अमेंडमेंट बिल हे यापुढे देशभरातील सर्व बार असोसिएशन कडून सूचना मागवल्या नंतर लागू करण्यात येईल असेही आश्वासन दिले

• प्रभाग क्रमांक दोन मध्ये आयोजन ; माजी उपमहापौर डाॅ. सिद्धार्थ धेंडे यांचा पुढाकार

पुणे

मुस्लिम समाज बांधवांचा पवित्र रमजान महिना सुरू आहे. त्यानिमित्त पुणे महापालिकेच्‍या प्रभाग क्रमांक दोन मध्ये रोजा इफ्तार पार्टी मोठ्या उत्साहात पार पडली. सामाजिक एकोपा व सलोखा जपण्यासाठी गेल्या १८ वर्षांपासून माजी उपमहापौर डाॅ. सिद्धार्थ धेंडे यांच्‍या पुढाकाराने हा उपक्रम आयोजित केला जात आहे. सर्व धर्मांमध्ये समानतेची जाणीव निर्माण करून आपापसांतील बंधुभाव वाढवण्याच्‍या उद्देशाने होणारा हा कार्यक्रम समतेची बीजे रोवतो, असे प्रतिपादन उपस्थिती मान्यवरांनी व्यक्त केल्या.

माजी उपमहापौर डाॅ. सिद्धार्थ धेंडे यांच्या पुढाकाराने इफ्तार पार्टीचे आयोजन करण्यात आले होते. पुणे महापालिकेच्या प्रभाग दोन मधील डॉ. सिद्धार्थ धेंडे क्लिनिक, स्वराज मित्र मंडळ शनी मंदिर समोर या इफ्तार पार्टीचे आयोजन करण्यात आले होते. या वेळी मान्यवरांनी आपल्या भावना व्यक्त केल्या.

यावेळी शास्त्रीनगर पोलिस स्टेशनच्या पोलिस निरिक्षक मेहेर मॅडम, क्राईम पोलिस निरिक्षक विजय ठाकर, उपनिरीक्षक सुर्वे, माजी नगरसेवक हनिफ शेख, माजी नगरसेवक अय्युब शेख , माजी नगरसेवक अशोक कांबळे, रिपब्लिकन युवा मोर्चाचे अध्यक्ष राहुल डंबाळे , भाजपचे प्रवक्ते मंगेश गोळे, नाना नलावडे, नामदेव घाडगे, सरबजीत सिंग सिद्ु, बादशाह सय्यद, डॅनियल मगर , रिझवाना शेख, अक्रमभाई, यासिन भाई, अकबर शेख ईफ्तेकार अंसारी, मुनिर शेख, नासिर शेख, फहिम शेख, फैयाझ शेख, अशोक विटकर , अशिष शिंदे , राकेश चौरे , गुलाब गायकवाड, महापुरे , महेश वाघ , मोहम्मद भाई , अमजद मकदुम आदीसह विविध जाती-धर्मातील समाजबांधव उपस्थित होते.

भारत देश हा संविधानाची मूल्य जपतो. येथे प्रत्येकाला स्वातंत्र्य आहे. प्रभागातील मैत्री भावना व सामाजिक सलोखा अबाधित ठेवण्यासाठी डाॅ. सिद्धार्थ धेंडे सर्व समाजाला सोबत घेउन गेली १८ वर्ष हा उपक्रम करत आहेत. त्यांचे कार्य हे सर्व समाजाला प्रेरणा देणारे आहे, असे मनोगत उपस्थित मान्यवरांनी यावेळी बोलताना सांगितले.या कार्यक्रमात माजी उपमहापौर डाॅ. सिद्धार्थ धेंडे यांच्‍या पुढाकाराने शिरखुर्मा आणि सुका मेवाचे वाटप करण्यात येते. यंदाच्‍या वर्षीही ही परंपरा कायम ठेवण्यात आली आहे. स्वराज मित्र मंडळ यांनी सर्वांचे स्वागत केले .

सर्व जाती-धर्मातील लोकांमध्ये भाईचारा कायम टिकावा, यासाठी आम्‍ही १८ वर्षांपासून हा उपक्रम घेत आहोत. संविधानाने ज्‍या मानवी मुल्‍यांची रुजवणूक केली आहे. त्‍याच्‍या अंमलबजावणीचा प्रयत्‍न प्रभाग दोन मधील सर्वच नागरिकांकडून केला जात आहे. सर्वधर्म समभाव ही भावना प्रभाग क्रमांक दोन मध्ये जपली जात असल्‍याचे दिसते.

• डाॅ. सिद्धार्थ धेंडे, माजी उपमहापौर, पुणे महापालिका.

पुणे-जबरीने मोबाईल हिसकावून लुटणा-या सराईतास पकडून पोलिसांनी त्याचाकडून ३ दुचाकी वाहने आणि ३८ मोबाईल हस्तगत केले आहेत . या संदर्भात पोलिसांनी सांगितले कि,’
फिर्यादी हे दि.२४/०३/२०२५ रोजी पहाटे ०३/२० वाजताचे सुमारास भाजी मंडई हडपसर पुणे येथे रिक्षाची वाट पाहत असताना दोन अनोळखी तरुणांनी मोटर सायकलवरुन येवुन फिर्यादी यांचे हातातील मोबाईल जबदरस्तीने हिसकावून नेल्याने हडपसर पोलीस स्टेशन गु.र.नं.३२७/२०२५ भारतीय न्याय संहिता कलम ३०९ (४),३ (५) प्रमाणे गुन्हा दाखल करण्यात आला आहे.
दाखल गुन्ह्याचे गांभिर्य ओळखून पोलीस उपआयुक्त, परिमंडळ ५, डॉ. राजकुमार शिंदे यांच्या मार्गदर्शनाप्रमाणे व वरिष्ठ पोलीस निरीक्षक संजय मोगले, पोलीस निरीक्षक (गुन्हे) निलेश जगदाळे, यांच्या सुचनांप्रमाणे तपास पथक प्रभारी अधिकारी पोलीस उप निरीक्षक हसन मुलाणी, सत्यवान गेंड, व तपास पथक अंमलदार अभिजीत राऊत, तुकाराम झुंजार, अमोल दणके, महाविर लोंढे यांचे पथक काम करीत असताना, तपास पथकास मिळालेल्या गोपनीय माहीती चे आधारे आरोपी विकास ऊर्फ आकाश सुरेश वाघीरे वय २१ वर्षे रा. मेट्रो स्टेशन, दळवी हॉस्पीटलजवळ, शिवाजीनगर पुणे व एक विधीसंघर्षग्रस्त बालक यांना ताब्यात घेतले. त्यांचेकडे गुन्ह्याचे अनुषंगाने चौकशी करता त्यांनी गुन्हा केल्याची कबुली दिली. आरोपींकडून त्यांनी गुन्ह्यातील जबरदस्तीने चोरून नेलेला मोबाईल व गुन्हा करण्यासाठी वापरलेली दुचाकी ही काढून दिल्याने ती जप्त करण्यात आली आहे. तसेच आरोपी कडे अधिक तपास करता त्यांनी चंदननगर पोलीस ठाणे हद्दीत अशाच प्रकारचा गुन्हा केल्याचे निष्पन्न झाले आहे. आरोपी हे गुन्हा करण्यासाठी चोरीच्या दुचाकीचा वापर करीत असल्याचे निष्पन्न झाले आहे. आरोपीकडे केले तपासात त्यांचेकडून
१) हडपसर पोलीस ठाणे गु.र.नं ३२७/२०२५ भारतीय न्याय संहिता कलम ३०९(४),३(५) २) लोणीकाळभोर पोलीस स्टेशन गु.र.नं.१३५/२०२५ भारतीय न्याय संहिता कलम ३०३(२) ३) खडकी पोलीस स्टेशन गु.र.नं ३२६/२०२४ भारतीय न्याय संहिता कलम ३०४(२), ३(५) असे गुन्हे उघडकीस आले आहेत.
तसेच आरोपींकडून ३८ मोबाईल हस्तगत केले असून त्याचा तपास चालु आहे. आरोपींताकडून एकूण ३८ मोबाईल, ३ दुचाकी असा किं. रू ५,२०,०००/-चा मुद्देमाल हस्तगत करण्यात आला आहे. दाखल गुन्हयाचा पुढील तपास सहा. पोलीस निरीक्षक अर्जुन कुदळे हे करीत आहेत.सदरची कामगिरी ही अप्पर पोलीस आयुक्त,मनोज पाटील, पोलीस उप आयुक्त, परिमंडळ ५ डॉ. राजकुमार शिंदे, यांचे मागदर्शनाखाली सहाय्यक पोलीस आयुक्त, हडपसर विभाग अनुराधा उदमले, वरिष्ठ पोलीस निरीक्षक हडपसर पोलीस स्टेशन संजय मोगले, पोनि (गुन्हे) निलेश जगदाळे, यांचे सुचनांप्रमाणे तपास पथकाचे प्रभारी अधिकारी पोलीस उप निरीक्षक हसन मुलाणी, सत्यवान गेड, पो. अंमलदार अविनाश गोसावी, दिपक कांबळे, निलेश किरवे, चंद्रकांत रेजितवाड, अजित मदने, अमोल दणके, कुंडलीक केसकर, अमित साखरे, अभिजीत राऊत, तुकाराम झुंजार, महाविर लोढे, महेश चव्हाण, बापु लोणकर, यांचे पथकाने केली आहे.

……गेल्या पंचवीस वर्षात रुपये तीन कोटी रकमेचा समाजसेवेसाठी निधी समर्पण
पुणे-“समाजकार्यात सेवानिवृत्त बँक कर्मचारी,अधिकारी किती सक्षम असू शकतात ज्यांच्या आर्थिक मदतीमुळे व सामाजिक कार्यातून समाजाला दिशा व प्रेरणा मिळते हे बँक ऑफ महाराष्ट्र निवृत्त कर्मचारी संघटनेने गेल्या पंचवीस वर्षात भरीव कामगिरी करून दाखविले आहे” असे प्रतिपादन गडचिरोली येथील सामाजिक कार्यकर्ते व “आम्ही आमच्या आरोग्यासाठी” संस्थेचे संस्थापक डॉ सतीश गोगुलवार यांनी केले.
भारतीय मजदुर संघाशी संलग्न असलेल्या बँक ऑफ महाराष्ट्र रिटायर्ड एम्प्लॉइज वेलफेअर ऑर्गनायझेशनद्वारा आयोजित नवी पेठ येथील निवारा सभागृहात “सामाजिक कृतज्ञता निधी समर्पण” समारंभात प्रमुख पाहुणे म्हणून डॉ गोगुलवार बोलत होते.डॉ गोगुलवार यांनी पुढे सांगितले “आदिवासी बांधवांशी संवाद सुरू केल्यानंतर तेथील लोकांच्या प्रश्नाचा अभ्यास केला.आरोग्य,रोजगार याचबरोबर सेंद्रिय शेती कडे देखील लक्ष देण्याची गरज आहे तेथील हवामानातील बदल ही लक्षात घेतला पाहिजे.त्याप्रमाणे तेथे कार्य केले पाहिजे”.
या वेळी शुभदा देशमुख यांनी गडचिरोली येथील महिलांसाठी बचतगट द्वारे चालणाऱ्या विविध उपक्रमाची तसेच महिला सक्षमीकरणासाठी करत असलेल्या कार्याची माहिती दिली
कार्यक्रमाच्या अध्यक्षस्थानी संस्थेचे संस्थापक बाळासाहेब फडणवीस होते.नारायण अचलेर कर,मोहन घोळवे,भास्कर माणकेश्वर,संतोष गदादे, डॉ सुनील देशपांडे,शुभदा देशमुख,अर्चना सोहनी, डॉ संजय बारगजे यांची यावेळी मुख्य उपस्थिती होती.
“दरवर्षी समाजात काम करणाऱ्या विविध संस्थांच्या प्रकल्पाची व कार्याची पाहणी केली जाते.समाजातील उपेक्षित,दिव्यांग,गतिमंद, एड्सग्रस्त,तसेच अनेक वैद्यकीय सेवा,पर्यावरण,कृषी,शैक्षणिक क्षेत्रात काम करणाऱ्या अनेक संस्थांना संघटनेच्या सदस्यांनी स्वतःचे पैसे टाकून आत्तापर्यंत तीन कोटी रुपयांपर्यंत मदत केली असल्याचे बँक ऑफ महाराष्ट्र निवृत्त कर्मचारी संघटनेचे महासचिव नारायण अचलेरकर यांनी यावेळी सांगितले.भविष्यातहीअसे समाजकार्य चालूच राहील अशी ग्वाही या वेळी दिली.यावेळी स्मरणिकेचे प्रकाशनही पाहुण्यांच्या हस्ते करण्यात आले.
आदर्श गो सेवा,महामानव बाबा आमटे बहुउद्देशीय संस्था,स्वामी विवेकानंद जीवनज्योत संस्था,नर्मदालय,अल्पपरिवार,आरोग्य भारती,भटके विमुक्त विकास प्रतिष्ठान,चैतन्य ज्ञानपीठ,आस्था फाउंडेशन,प्रीतम फाऊंडेशन,शिवसमर्थ संस्था,सिद्धार्थ सामाजिक विकास संस्था यासह एकूण ७९ संस्थांना यावर्षी निधी वितरित करण्यात आला.
कार्यक्रमाचे प्रस्ताविक नारायण अचलेरकर यांनी केले.बाळासाहेब फडणवीस यांनी पाहुण्यांचे स्वागत केले.मोहन घोळवे यांनी कार्यक्रमाची माहिती दिली.पाहुण्याचा परिचय मनीषा साने ह्यांनी करून दिला. मुकुंद भस्मे यांनी आभार मानले.
पसायदान ऋजुता सरोदे यांनी गायिले
कार्यक्रमास सेवा संस्थांचे प्रमुख,सामाजिक कार्यकर्ते,महाराष्ट्र बँकेतील देशभरातून आलेले प्रतिनिधी मोठ्या संख्येने उपस्थित होते.

महाराष्ट्र प्रदेश काँग्रेस कमिटीने दिला तीव्र आंदोलन करण्याचा इशारा
हडपसरमधील सर्व्हे नं. १५ मधील मॅटर्निटी होमसाठी असणारे आरक्षण, हेमंत करकरे उद्यान, सर्व्हे नं.१६ मधील धोबी घाट आणि शहिद सौरभ फराटे स्मारकासाठी आरक्षित केलेली जागा खासगी बिल्डरच्या घशात घातली जात आहे, असा आरोप महाराष्ट्र प्रदेश काँग्रेस कमिटीने केला असून ही जागा विकसित करुन वाचवा अशी विनंती महापालिका आयुक्त डॉ. राजेंद्र भोसले यांच्याकडे केली आहे.

पुणे महापालिकेच्या विकास आराखड्यानुसार हडपसर येथील सर्व्हे नं. १५ व सर्व्हे नं. १६ मध्ये मॅटर्निटी होम (एमएच ३१) साठी १५०२.०० चौरस मीटर जागा आरक्षित करण्यात आलेली आहे. तसेच सर्व्हे नं. १६ मध्ये धोबी घाटसाठी ५०० चौरस मीटर जागा आरक्षित केली आहे. याप्रमाणे, सर्व्हे नं. १६ मध्ये शहिद सौरभ फराटे स्मारकाच्या विकासासाठी ठराव मंजूर करण्यात आलेला आहे, जो १९ जुलै २०१८ रोजी सर्वसाधारण सभेत सभा क्रमांक ३२, विषय क्रमांक ७३९, व ठराव क्रमांक २०९ नुसार एकमताने मंजूर करण्यात आला होता. तसेच सर्व्हे नं. १५ व १६ मधील जागांवर जलसंपदा विभाग व महापालिकेने वृक्षारोपणासाठी केलेल्या करारानुसार शहीद हेमंत करकरे उद्यान विकसित केले आहे. तसेच, या जागेवर मोठा उजवा कालव्याच्या उत्तरेकडील जागेवर उद्यान आरक्षित असल्याची माहिती महापालिकेने दिली आहे.

या सर्व जागांचा संबंध पाटबंधारे विभागाशी असून, आरक्षण निहाय विकास व विनियोगासाठी महापालिकेने अनेक वेळा जलसंपदा विभागाशी पत्रव्यवहार केला आहे. अशी माहिती महाराष्ट्र प्रदेश काँग्रेस कमिटीचे आणि माजी आमदार मोहन जोशी, स्वाभिमानी महिला संस्थेच्या अध्यक्षा पल्लवी सुरसे, प्रशांत सुरसे यांनी निवेदनाव्दारे दिली.

विकास आराखड्यानुसार, मॅटर्निटी होम (एमएस ३१) साठी सर्व्हे नं. १५ व १६ मध्ये अनुक्रमे ७५१.०० चौरस मीटर जागा असे एकूण १५०२.०० चौरस मीटर आरक्षित करण्यात आलेली आहे. महापालिकेने जलसंपदा विभागाकडे पत्रव्यवहार करून कार्यकारी अभियंता खडकवासला जलसंपदा विभागांकडून २१ ऑगस्ट २०१९ रोजी पत्र प्राप्त केले होते, त्यानुसार या जागेचे मूल्य ३ कोटी २५ लाख १८ हजार ३०० रुपये २८ऑगस्ट २०१९ रोजी डिमांड ड्राफ्ट काढून रक्कम संबंधित विभागाला अदा केलेली आहे.

परंतु महाराष्ट्र कृष्णा खोरे विकास महामंडळाच्या बैठकीत ३१ जानेवारी १८ रोजी झालेल्या ठरावानुसार सर्व्हे नं. १६ चा उल्लेख आहे, परंतु सर्व्हे नं. १५ चा उल्लेख कॅनॉलसाठी संपादित जागेवर ७/१२ अंमल नसल्यामुळे दिसून येत नाही. यामुळे महापालिका संबंधित जागा ताब्यात घेण्यास अडचणींचा सामना करत आहे. जललसंपदा विभागाकडून सर्व्हे नं. १५ चा उल्लेख करण्याची प्रक्रिया सुरू असून, तसेच महापालिकेकडे अनेक वेळा पत्र व्यवहार झाल्याचे सुद्धा माहिती अधिकारात दिसून येते.

आत्ताच्या ग्लोबल वार्मिंगच्या काळामध्ये उद्यानामध्ये अशा प्रकारचा निर्णय घेणे हे चिंताजनक आहे, वाढती उष्णता व वाढते तापमान पाहता उद्याने टिकली व वाढली पाहिजेत झाडे टिकली पाहिजे असे धोरण महापालिकेच्या असताना उद्यानामध्येच आरक्षण स्थलांतरित करण्याचा प्रयत्न का केला जातो ? हा नागरिकांसमोर फार मोठा प्रश्न आहे. महापालिकेने तात्काळ कार्यवाही करावी अन्यथा नागरी आंदोलन केले जाईल. असा इशाराही देण्यात आला आहे.

मोकळा श्वास घेण्याचे एकमेव ठिकाण

खाजगी बांधकाम व्यवसायिकाच्या व स्वतःच्या फायद्यासाठी माजी नगरसेवकाच्या हट्टापोटी, प्रशासनातील काही अधिकाऱ्यांच्या हस्तक्षेपामुळे वरिष्ठ नेते व वरिष्ठ अधिकारी यांना धोबी घाट आणि शहीद सौरभ फराटे स्मारकाच्या बाबत अंधारात ठेवून सर्व्हे नं. १५ मधील आरक्षण स्थलांतरित करण्याचा उद्योग सुरू केला. यामुळे शहीद हेमंत करकरे उद्यान अडचणीत आणले गेले. खरंतर सातववाडी, गोंधळे नगर, १५ नंबर, आकाशवाणी, लक्ष्मी कॉलनी, गंगानगर या परिसरातील ज्येष्ठ नागरिक महिला, युवक व लहान मुलांना व्यायामासाठी व खेळण्यासाठी तसेच मोकळा श्वास घेण्याचे एकमेव ठिकाण आहे. आरक्षण स्थलांतरित झाल्यास या उद्यानाचा श्वास कोंडला जाईल यामुळे या परिसरातील नागरिकांची विशेषता जेष्ठ नागरिकांची फार मोठी गैरसोय होईल.

अचानक जागा बांधकाम व्यावसायिकाकडे गेल्याने संशय

महापालिकेने केलेल्या कार्यवाही कागदपत्रानुसार ही जागा जलसंपदा विभागाची होती. तसेच या मॅटर्निटी होमच्या जागेसाठी महापालिकेने ३ कोटी २५ लाख १८ हजार ३०० रुपये एवढी मोठी रक्कम सर्व्हे नं. १५ व १६ मधील आरक्षणासाठी जलसंपदा विभागाच्या महाराष्ट्र कृष्णा खोरे महामंडळास डिमांड ड्राफ्ट द्वारे अदा करूनही अचानक या सर्वे नंबरमधील ही जागा बांधकाम व्यवसायिकाच्या ताब्यात गेल्याने संशयास्पद व्यवहार दिसून येतो. ही बाब अत्यंत गंभीर आहे. यात आर्थिक गैरव्यवहाराचे संकेत मिळत असून, पुणे महापालिका प्रशासनाने दाखवलेल्या हलगर्जीपणाबाबत साशंकता निर्माण होते. असेही निवेदनात नमूद करण्यात आले आहे.

पुणे- डेक्कन एज्युकेशन सोसायटीच्या नवीन मराठी शाळेने कराटे मधील तीन मिनिटात सर्वाधिक पंचेस करण्याचा विश्वविक्रम करत इंटरनॅशनल बुक ऑफ वर्ल्ड रेकॉर्डमध्ये आपले नाव नोंदवले आहे. शाळेतील एकूण १२९६ विद्यार्थ्यांनी यात सहभागी होत एका मिनिटात ७५ पंच प्रत्येक विद्यार्थ्याने मारलेले आहेत.तसेच तीन मिनिटात प्रत्येक विद्यार्थ्याचे २२४ पंच झालेले आहेत.एकूण सर्व विद्यार्थ्यांचे मिळून २,९०,३०४ पंच नोंदवून विश्वविक्रम केला आहे. आयडियल तायक्वांदो कराटे, किक बॉक्सिंग असोसिएशनच्या संयुक्त विद्यमाने नवीन मराठी शाळेत या कार्यक्रमाचे आयोजन करण्यात आले होते. आयडियल तायक्वांदो, कराटे किक बॉक्सिंगचे अध्यक्ष संजय सोनवणे, इंटरनॅशनल बुक ऑफ वर्ल्ड रेकॉर्डचे परीक्षक शाकीर शेख डेक्कन एज्युकेशन सोसायटीचे पदाधिकारी राजेंद्र जोग ॲडवोकेट राजश्री ठकार,नवीन मराठी शाळेचे तायक्वांदो व कराटे प्रशिक्षक दिनेश भुजबळ, असोसिएशनचे प्रत्येक जिल्ह्याचे प्रमुख इत्यादी मान्यवर यावेळी उपस्थित होते.
विद्यार्थ्यांचा शारीरिक, मानसिक,शैक्षणिक, बौद्धिक विकास होऊन संरक्षणाबद्दल जाणीव जागृती निर्माण होण्यासाठी या उपक्रमाचे आयोजन करण्यात आल्याचे नवीन मराठी शाळेच्या मुख्याध्यापिका कल्पना वाघ यांनी आपल्या प्रास्ताविकातून सांगितले.
कार्यक्रमाच्या सुरुवातीला सरस्वती पूजन व दीपप्रज्वलन करण्यात आले. राष्ट्रगीत व राज्यगीत सादर करून प्रत्यक्ष पंच मारण्याचा एक एक मिनिटाचा सराव घेण्यात आला. त्यानंतर प्रत्यक्ष विश्वविक्रमासाठीचे पंच मारणे सुरू झाले.१२९६ विद्यार्थ्यांनी सर्व मान्यवरांच्या उपस्थितीत न थकता अचूक आपले लक्ष्य पूर्ण केले.
उपस्थित पाहुणे व पालक वृंदांकडून नवीन मराठी शाळेच्या विद्यार्थ्यांचे या विश्वविक्रमाबद्दल अभिनंदन करण्यात आले.
भाग्यश्री हजारे यांनी सूत्रसंचलन केले.अर्चना देव यांनी अतिथी परिचय करून दिला.योगिता भावकर यांनी आभार मानले. ज्येष्ठ शिक्षक तनुजा तिकोने, धनंजय तळपे व सर्व शिक्षकांनी नियोजनास सहाय्य केले.