जनसंघ- भाजपाच्या ज्येष्ठ कार्यकर्त्यांचा निर्धार

पुणे-कोथरूड विधानसभा निवडणुकीत भाजपा महायुतीचे उमेदवार चंद्रकांतदादा पाटील यांना किमान दीड लाखाचे मताधिक्य मिळवून देऊन विजयी करणार, असा निर्धार जनसंघ आणि भाजपाच्या सर्व ज्येष्ठ कार्यकर्त्यांनी व्यक्त केला. जनसंघापासून ते भारतीय जनता पक्षापर्यंतच्या प्रवासात कोथरुड मध्ये संघटन उभारणीसाठी काम करणाऱ्या ज्येष्ठ कार्यकर्त्यांचा मेळावा कोथरूडमध्ये संपन्न झाला.

यावेळी जगन्नाथ कुलकर्णी, शिवराम मेंगडे, बाळासाहेब मोकाटे, शाम सातपुते , शशिकला मेंगडे, ललिता भावेताई, बाळासाहेब शेडगे, प्रताप चोरघे, बाळासाहेब शेडगे, दिलीप उंबरकर, गणेश पाचलकर, जनार्दन क्षीरसागर, राजाभाऊ जोरी, योगेश थत्ते, भगवान मोहिते, सुधीर पाचपोर, प्रशांत हरसुले, ॲड. वर्षा डहाळे यांच्यासह भाजपचे सर्व ज्येष्ठ पदाधिकारी आणि कार्यकर्ते उपस्थित होते.

जनसंघापासून ते भारतीय जनता पक्षाच्या उभारणीच्या प्रवासात अनेक कार्यकर्त्यांनी जीवाची बाजी लावून काम केले. त्यामुळे कोथरूड मतदारसंघात हिंदुत्व आणि पर्यायाने भाजपाचा बालेकिल्ला झाला. हा किल्ला अभेद्यच आहे. गेल्या निवडणुकीत चंद्रकांत पाटील यांना जे मताधिक्य मिळाले; त्यात लाख मतांची भर घालण्यासाठी प्रचार करु! असा निर्धार कार्यकर्त्यांनी व्यक्त केला.

तसेच, चंद्रकांतदादा पाटील यांनी गेल्या पाच वर्षांत मतदारसंघात प्रचंड कामे केली आहेत. या सर्व कामांची जाणीव मतदारांना आहे.” अशी भावना कार्यकर्त्यांनी व्यक्त केली.

पुणे-वाढत्या महागाईच्या काळात, समाजातील गरीब, कष्टकरी वर्गातील पालकांना त्यांच्या पाल्यांना दर्जेदार शिक्षण मिळावे. शिक्षणापासून कुणीही वंचित राहू नये, या उद्देशाने, पर्वती विधानसभा मतदारसंघातील उर्वरित ५ प्रभागात राजीव गांधी ई लर्निंग स्कुलच्या धर्तीवर ई लर्निंग स्कुल ची उभारणी आगामी पाच वर्षात केली जाईल. असे आश्वासन पर्वती विधानसभा मतदारसंघातील अपक्ष उमेदवार आबा बागुल यांनी शुक्रवारी दिले.

पुण्यासारखं महानगर एकीकडे ऑक्सफर्ड ऑफ द ईस्ट , विद्येचं माहेरघर अशी बिरुद मिरवत असतानासुद्धा, त्याच पुण्यात अजूनही समाजातील आर्थिक दुर्बल घटक हे दर्जेदार शिक्षणापासून वंचित आहेत. त्यामुळेच दूरदृष्टी, नाविन्याची कास आणि समाजातील प्रत्येक घटकाचा विचार यालाच प्राधान्य देऊन मी पुणे महानगरपालिकेतर्फे राजीव गांधी अकॅडमी ऑफ ई-लर्निंग २०११ मध्ये सुरु केली, असल्याचे बागुल यांनी सांगितले.

आज गेल्या १३ वर्षांपासून गुणवत्तापूर्ण शिक्षणामुळे देशात एक रोल मॉडेल आणि देशातील पहिले ई लर्निंग स्कुल ठरले आहे आणि अल्पावधीत लोकप्रियही झाले आहे, असे आबा बागुल यांनी सांगितले. आजमितीला स्कुलमधील माजी विद्यार्थी विविध क्षेत्रात उच्च पदांवर यशस्वी व्यावसायिक कारकीर्द करत आहेत. दहावी बारावी मध्ये टॉपर ठरलेले विद्यार्थी आयआयटी सारख्या सर्वोच संस्थांमध्ये प्रवेश मिळवून तेथील गुणवंत विद्यार्थ्यांच्या बरोबरीने टॉपर ठरत आहेत. काही विद्यार्थी आयपीएस अधिकारी तर काही अभियांत्रिकी क्षेत्रात नाव उज्ज्वल करत आहेत. गेले अनेक वर्षे सातत्याने दहावी -बारावी आणि अन्य परीक्षांच्या निकालांमध्ये शंभर टक्क्यांची परंपरा कायम राखणाऱ्या ई स्कुलमधील ५०० विद्यार्थ्यांनी आयआयटीमध्ये तर जेईईमध्ये १००० पेक्षा अधिक विद्यार्थ्यांनी घवघवीत यश मिळवले. इतकेच नव्हे तर राजेश अग्रवाल हा ई स्कुलचा माजी विद्यार्थी जेईई मेन्स परीक्षेत देशात प्रथम आला आहे. ‘नासा’ सारख्या अंतराळ संशोधन करणाऱ्या अमेरिकन संस्थेमध्ये दोन विद्यार्थीही पात्र ठरले. हे ई स्कुलसाठी, पुणेकरांची मान अधिक उंच करणारी बाब आहे.

महापालिकेच्या शाळेत १ हजार ५०० पेक्षा जास्त प्रतीक्षा यादी असणारे हे पुण्यातील नव्हे, तर राज्यातील एकमेव स्कुल आणि हीच येथील दर्जेदार शिक्षणाची ग्वाही आहे. हीच ज्ञानगंगा संपूर्ण भारतात पोहोचावी यासाठी मी तत्कालीन पंतप्रधान आणि ज्येष्ठ अर्थतज्ज्ञ डॉ. मनमोहन सिंग याची भेट घेऊन ही कल्पना त्यांना दिली व असा शैक्षणिक प्रकल्प देशभर राबवू असेही म्हंटले होते, असे आबा बागुल यांनी सांगितले. त्यामुळेच निवडून आल्यावर पर्वती मतदार संघात ५ प्रभागांमध्ये ५ ई लर्निंग स्कूल उभारणारच, असे म्हणतच उपस्थित शेकडो नागरिकांनी टाळ्यांचा कडकडाटात प्रतिसाद दिला.

पुणे-खडकवासला विधानसभा मतदारसंघातील भाजपा-महायुतीचे अधिकृत उमेदवार भिमराव (आण्णा) तापकीर यांच्या गाव भेट दौऱ्याला आज येथे चांगला प्रतिसाद मिळाला . तापकीर यांचे बोलणे , वावरणे ,लोकांशी चर्चा करणे यातून अनेकांनी गाव भेट दौऱ्यात भेटला ‘आपला माणूस ‘ अशी प्रतिक्रिया दिली आहे.

तीन वेळा आमदार राहूनही कसला गर्व नाही कि हम कारे सो वृत्ती नाही दिसली दिसला तो आपल्यातलाच एक आपला माणूस .. अशा शब्दात गावकऱ्यांनी त्यांचे स्वागत केले. या दौऱ्याची सुरुवात जांभळी येथे पांडुरंगाच्या दर्शनाने करण्यात आली. यावेळी त्यांनी ग्रामस्थांशी संवाद साधून त्यांच्या समस्या जाणून घेतल्या आणि त्यांच्या प्रश्नांसाठी झटण्याची ग्वाही दिली.

बहुली येथे श्री कालभैरवनाथ मंदिरात दर्शन करून त्यांनी ग्रामस्थांशी संवाद साधला , भगतवाडी येथे विठ्ठलसेवा मंडळाच्या कार्यक्रमात सहभाग घेतला पोटेवाडी येथे ग्रामस्थांचे स्वागत स्वीकारून त्यांच्याशी चर्चा केली सांगरुण येथे पांडुरंग दर्शन व संवाद.मांडवी खुर्द ,मांडवी बुद्रुक खडकवाडी ,अगळंबे खडकवाडी ,कुडजे खडकवाडी येथे गावकऱ्यांशी संवाद साधला .

यावेळी या दौऱ्यात माजी उपमहापौर दिलीप भाऊ बराटे, कृषी उत्पादन बाजार समिती संचालक दत्तभाऊ पायगुडे, उद्योजक गजानन पायगुडे, राजाभाऊ जोरी, संतोष चोरघे, पुणे ग्रामीण उपाध्यक्ष सचिन पायगुडे, तसेच भाजपा ग्रामीण अध्यक्ष नवनाथ तागुंदे, महिला अध्यक्ष दिपाली ताई वाव्हळ आणि महायुतीचे सर्व पदाधिकारी उपस्थित होते.

गाव भेटी दरम्यान आमदार भिमराव तापकीर यांनी त्यांच्या कार्यकाळातील विकास कामांचा आढावा घेतला आणि आगामी काळातही शाश्वत विकास आणि गावांच्या प्रगतीसाठी कटिबद्ध असल्याचे सांगितले.

पुणे -नवचैतन्य हास्य योग परिवाराचे सदस्य चंद्रकांतदादा पाटील यांच्यावर प्रचंड खूश असून, चंद्रकांतदादांसारखा लोकप्रतिनिधी कधीही पाहिला नाही, अशी भावना नवचैतन्य हास्य योग परिवाराचे कार्याध्यक्ष मकरंद टिल्लू यांनी व्यक्त केली. नवचैतन्य हास्य योग परिवाराच्या वतीने कोथरूड विभागाचा आनंद मेळावा आयोजित करण्यात आला होता. या कार्यक्रमात ते बोलत होते.

यावेळी कोथरुड विधानसभा मतदारसंघातील भाजपा महायुतीचे उमेदवार चंद्रकांतदादा पाटील, नवचैतन्य हास्य योग परिवाराचे संस्थापक विठ्ठल कांटे सर, सुमन काटे, जयंत दशपुत्रे, भाजपा प्रदेश प्रवक्ते संदीप खर्डेकर, भाजपा कोथरुड दक्षिणचे अध्यक्ष डॉ संदीप बुटाला, सरचिटणीस गिरीश खत्री, अनुराधा एडके, नगरसेविका हर्षाली माथवड यांच्या सह हास्य योग परिवाराचे सदस्य मोठ्या संख्येने उपस्थित होते.

मकरंद टिल्लू म्हणाले की, माणसांना सृजनशील बनविण्यासाठी चंद्रकांतदादा पाटील यांनी गेल्या पाच वर्षांत विविध प्रकारचे सामाजिक आणि सांस्कृतिक कार्यक्रम राबविले. दादांनी राजकारणापेक्षा समाजकारणाला जास्त महत्त्व दिलंय. असा राजकारणी सामाजिक जीवनात पाहणं मोठं कठीण आहे. आजच्या धकाधकीच्या जीवनात नकारात्मक माणसांऐवजी सकारात्मक माणसांना साथ दिली पाहिजे, अशी भावना व्यक्त केली. यावेळी विठ्ठल काटे यांनी आपल्या भावना व्यक्त करताना दादांच्या कामाचे कौतुक करुन आशीर्वाद दिले.

चंद्रकांतदादा पाटील म्हणाले की, आज जगात प्रत्येकजण आनंदाच्या शोध आहे. हास्य योग परिवाराशी गेल्या पाच वर्षांत खूप जोडला गेलोय, याचा आनंद होतो. ह्या परिवाराने समाजातील नकारात्मकता बाजूला ठेवून सकारात्मकता वाढविण्यासाठी यज्ञ आरंभिला आहे. कोथरूड हे माझं कुटुंब आहे. त्यामुळे कुटुंबातील सदस्यांना ज्या गोष्टी लागतात, त्या गोष्टींचा उपलब्ध करुन देण्यावर भर आहे. त्यातून सुखी समाज निर्माण करण्याचा प्रयत्न असल्याची भावना व्यक्त केली.

पुणे-राज्यातील विधानसभा निवडणुकीचे अनुषंगाने पंतप्रधान नरेंद्र मोदी यांच्याकडून महाराष्ट्रात शुक्रवार पासून सभा सुरू झाल्या आहे. राज्यात विविध जिल्ह्यात पंतप्रधान नरेंद्र मोदी यांची जाहीर सभा होणार आहे. मात्र, बारामती मध्ये पंतप्रधान नरेंद्र मोदी याची सभा नको, असे अजित पवार यांनी मत व्यक्त केले होते. याबाबत खुलासा देताना राज्याचे उपमुख्यमंत्री अजित पवार म्हणाले, एका पत्रकाराने मला विचारले की, बारामतीत पवारांची सभा आहे का? तर मी म्हटल की, देशातील राष्ट्रीय नेते जेव्हा राज्यात येतात, तेव्हा ते जिल्ह्यात सभा घेतात. पुण्यात देखील त्यांची सभा असून पुण्यात बारामती येतोच ना, त्यामुळे पंतप्रधान नरेंद्र मोदी यांची तालुका स्तरावर नाही, तर जिल्ह्यात सभा होणार असल्याचे त्यांनी स्पष्ट केले आहे. बारामतीत भाजपच्या कोणत्याही नेत्यांनी येऊ नये, कारण राज्यात अनेक ठिकाणी खूप काम असून मी एकटा तिथे पुरेसा आहे, असेही अजित पवार म्हणाले.

पुणे शहरातील वडगाव शेरी मतदार संघात महायुतीचे उमेदवार सुनील टिंगरे यांच्या प्रचारार्थ अजित पवार यांची जाहीर सभा शुक्रवारी आयोजित करण्यात आली. यावेळी अजित पवार यांनी पत्रकारांशी बोलताना सांगितले की, 2014 साली पंतप्रधान नरेंद्र मोदी यांची बारामतीत सभा झाली होती, त्यावेळेस ती गोष्ट वेगळी होती. तेव्हा तिथे अजित पवार नावाचा कोण तरी व्यक्ती उभा होता आणि तेव्हा त्यांना अजित पवारला पराभूत करायचे होते, म्हणून त्यांनी बारामतीत सभा घेतली होती. आता त्यांना पराभूत करायचे नाही, तर मला निवडून आणायचे आहे. म्हणून त्यांनी सभा नाही घेतली.

एका पुस्तकात जेष्ठ नेते छगन भुजबळ यांच्या संदर्भात धक्कादायक दावा करण्यात आला आहे. परंतु भुजबळ यांनी हे आरोप फेटाळून लावले आहे. यावर अजित पवार म्हणाले की, छगन भुजबळ यांनी याबाबत पुरेसा खुलासा केला आणि ते या बाबत न्यायालयात देखील जाणार आहे असे त्यांनी सांगितल आहे.अलीकडे निवडणुकीचे दिवस जसजसे जवळ येत आहे, तसे विरोधकांकडून महत्त्वाचे प्रश्न जाणीवपूर्वक बाजूला करून नवीन नरेटीव्ह सेट केला जात आहे. हा निवडणुकीचा मुद्दा नाही. राज्य पुढील पाच वर्षांसाठी कोणाच्या हातात द्यायचे, हा मतदारांच्या समोर महत्वाचा मुद्दा आहे, असेही अजित पवार म्हणाले.

पुणे- मतदार राजाला एकच विनंती आहे की, कृपया भूलथापांना बळी पडू नका. महाराष्ट्रातील उद्योग पळवले गेले, यात काही सत्यता नाही. जगातली सगळ्यात जास्त गुंतवणूक ही भारतामधील महाराष्ट्रात होते. खोटं बोलणं आमच्या रक्तात नाही.असे येथे उपमुख्यमंत्री अजित पवार यांनी म्हटले आहे.

आज उपमुख्य मंत्री अजित पवार यांनी , राष्ट्रवादी काँग्रेस पक्ष तथा महायुतीचे विधानसभा निवडणुकीचे अधिकृत उमेदवार सुनिल टिंगरे यांच्या प्रचारार्थ जाहीर सभेत उपस्थितांना संबोधित केलं. दिवाळीचा सण आपण सगळ्यांनी उत्साहात साजरा केला. आता मात्र तमाम पदाधिकाऱ्यांनी व कार्यकर्त्यांनी जोमानं कामाला लागावं, असं आवाहन यावेळी केलं.

ते म्हणाले,’ यंदाच्या विधानसभा निवडणुकीत गाफिल राहून अजिबात चालणार नाही. सर्वांनी एक जीवानं कामं करायची आहेत. काहीजण दमदाटी करू पाहत आहेत. परंतु वस्तुस्थिती ही आहे की, या लोकांना विधिमंडळाचा दरवाजा मी दाखवला. मात्र माझं एकच सांगणं आहे की, कुणाकडे लक्ष देऊ नका. आपल्याला आपल्या मतदारसंघाचा विकास करायचा आहे. कामाच्या बाबतीत आम्ही सगळ्यांना समान न्याय देण्याचा प्रयत्न करत आहोत. लोकशाहीर अण्णाभाऊ साठे यांचं चिराग नगरमध्ये स्मारक उभारायचं आहे, त्याच्याकरता ३०० कोटी रुपयांची तरतूद केली आहे. अल्पसंख्याक समाजाच्या हितासाठी मार्टी संस्था आपण काढली आहे. सर्व समाज घटकाला आपला वाटावा असा जाहीरनामा राष्ट्रवादी काँग्रेस पक्षानं सादर केला आहे.राज्य सरकारनं सुरू केलेल्या तमाम शासकीय योजना जशा की, माझी लाडकी बहीण योजना, वीजबिल माफी, मुलींना मोफत शिक्षण, प्रशिक्षण भत्ता, एक रुपयात पीक विमा आदी योजना आपल्याला पुढची पाच वर्षे सुरूच ठेवायच्या आहेत. या योजना विरोधक बंद पाडू पाहत आहेत. आपल्याला शिव-शाहू-फुले-आंबेडकरांच्या विचारांवर चालणाऱ्या महाराष्ट्राला पुढे न्यायचं आहे. केंद्र सरकार आपल्या विचारांचं असल्यानं राज्याला बळकट करण्याचं काम आम्ही करत आलो आहोत.