क्रीडा,सामाजिक क्षेत्रातील गुणवंतांचा सत्कार –होप मेडिकेअर फाऊंडेशनच्या वतीने आयोजन 

पुणे: होप मेडिकेअर फाऊंडेशनच्या वतीने होणारा “सर्वधर्मीय स्नेहमेळावा” ९ नोव्हेंबर २०२५ रोजी एडी कॅम्प चौक नाना पेठ येथे उत्साहात पार पडला. कार्यक्रमाचे उद्घाटन संजय नहार यांच्या हस्ते दीपप्रज्वलनाने झाले तर डॅा.अमोल देवळेकर यांच्या संपर्क कार्यालयाचे उद्घाटन सुषमा अंधारे यांच्या हस्ते पार पडले.विविध क्रिडास्पर्धेतील विजेते संजय शर्मा,श्याम सहानी,स्वाती प्रसाद खोपकर,शब्बीर शेख,निलेश शिंदे,पूर्वा पाटील,अर्चना नायर,रोहित शर्मा तसेच सामाजिक क्षेत्रात कार्यरत असणारे राजू पराड,प्रविण येवले, राजू सावंत,मिना भालशंकर,निवास लादे,डॉ.श्रीकांत कांबळे,अतुल भालेराव,शांतीनाथ चव्हाण,संजय रणपिसे,नाना कांबळे,रमेश तेलावडे,रियाज खान,सुरेश भालेराव,संजय शिरोळे,दत्ता भिसे,संजय सोनवणे,महेंद्र रोकडे,बाळासाहेब शिंदे,गिरिधारी शहानी,दत्तू कांबळे यांचा विशेष सत्कार करण्यात आला.

मोहन जोशी,सुनिल कांबळे,रमेश बागवे,प्रशांत जगताप,रविंद्र माळवदकर,संजय मोरे,रफिक शेख,निलेश नवलाखा,ॲड.वैशाली चांदणे,डॅा.नित्यानंद ठाकूर,अमरनाथ सिंग,विकी फर्नांडिस,रामभाऊ पारिख,मायकल साठे यांच्यासह सर्व क्षेत्रातील मान्यवरानी शुभेच्छा दिल्या. या कार्यक्रमाचे सुत्रसंचालन दीपक म्हस्के यांनी केले. सणासुदीच्या पार्श्वभूमीवर या कार्यक्रमाला सर्वधर्मिय बांधवांनी मोठ्या संख्येने उपस्थित राहून कौटुंबिक वातावरणात एकमेकांच्या सुख-दु:खात सहभागी होत,आपलेपणाची भावना जपली.सुषमा अंधारे यांनी आपल्या भाषणात सर्वधर्म समभावाचे महत्व यावेळीअधोरेखित केले.’सार्वजनिक कार्यक्रम केवळ औपचारिकता न ठरता  कौटुंबिक आपुलकीची संमेलने व्हावीत’,अशी अपेक्षा संजय नहार यांनी व्यक्त केली. वक्त्यांनी यावेळी पूर्व पुण्यातील सर्वधर्मीय सलोखा आणि बंधुभाव वाढीस लागावा अशा सदिच्छा व्यक्त केल्या .डॉ.अमोल देवळेकर,डॉ.दीपा देवळेकर,डॉ.प्रज्ञावंत देवळेकर,डॉ.दीक्षा देवळेकर आणि  मित्र परिवाराच्या वतीने आभार मानण्यात आले.

मोहन जोशी,सुनिल कांबळे,प्रशांतजगताप,रविंद्र माळवदकर,रफिक शेख,विशाल धनवडे,गजानन थरकुडे,प्रशांत बधे,तेजेंद्र कोंढरे,मेहबूब नदाफ,निकिता मारटकर,संदिप लडकत,प्रदिप गायकवाड,बाबा नलगे,सरहदचे संजय नहार,रविंद्र धंगेकर,रमेश बागवे,अरविंद शिंदे,शिवसेना उपनेत्या सुषमाताई अंधारे,शिवसेना शहर अध्यक्ष संजय मोरे,रुग्ण हक्क परिषदेचे उमेश चव्हाण,चित्रपट निर्माते निलेश नवलाखा,ॲड.वैशाली चांदणे,डॅा.नित्यानंद ठाकूर,डॅा.योगेश असावा,डॅा.अरविंद जगताप,डॅा.प्रकाश वायकर,डॅा.गुरू टकले,डॅा.सिद्धार्थ शिंदे,अंकल सोनवणे,श्वेता-संग्राम होनराव,भाई जगताप,रमेश राक्षे,सुनिल निकुंभ,दया येसणे,सोनाली देवरे,संजय खोबरे,अमरनाथ सिंग,बाळासाहेब दरेकर,किशन सावतकर,शरद अष्टेकर,प्रतिक कालेकर,रवी शिंदे,संदिप पोळ,राजेश पाडळे,ज्येष्ठ शिवसैनिक रामभाऊ पारिख,उत्तम भुजबळ,चंदन साळुंखे,रुपेश पवार,सनी गवते,पृथ्वीराज पंडीत,अपर्णा साठे यासोबतच मायकल साठे,कपिल गायकवाड,भारत चकाले,आशीष खरात,मारुती उदागे,विकास सोनताटे,रामदास सोनवणे,विकी फर्नांडिस,रामदास सुर्यवंशी आदी मान्यवर उपस्थित होते

पुणे- पुणे महानगरपालिकेतील कर आकारणी आणि कर संकलन प्रमुख तथा उपायुक्त या पदावरून अविनाश सकपाळ यांची केलेली बदली आणि त्यांच्या जागेवर रवी पवार यांची केलेली निवड वादग्रस्त ठरली असून अवघ्या ५ महिन्यात सकपाळ यांची बदली का केली ? असा सवाल करत नव्या नियुक्ती वर देखील काही प्रश्न आता आपले पुणे,आपला परिसर या संस्थेने उपस्थित केले आहेत.महापालिकेती माजी विरोधीपक्षनेते उज्ज्वल केसकर,सुहास कुलकर्णी,प्रशांत बधे यांनी या संदर्भात महापालिका आयुक्त नवल किशोर राम यांना पत्र देऊन सकपाळ यांना त्यांची कारकीर्द पूर्ण होईपर्यंत कर आकारणी आणि कर संकलन प्रमुख पदावरून दूर करू नये अशी मागणी केली आहे. आणि रवी पवार यांच्या नियुक्तीला हरकत घेतली आहे. सकपाळ यांची अवघ्या ५ महिन्यापूर्वीच या पदावर नियुक्ती झाली होती आणि गेल्या वर्षी ३९ हजार नव्या मिळकतींचा शोध घेतले गेला आणि त्यावर मिळकत कर आकारणी केली गेली,मात्र यंदा पाच महिन्यातच सकपाळ आल्यावर त्यांनी पाच महिन्यांमध्ये 43 हजार 566 इतक्या नवीन मिळकती या आपल्या कराच्या रचनेमध्ये आणल्या म्हणजेच या पाच महिन्यातच त्यांच्या कामाचे कौशल्य दिसले तरीही त्यांची बदली करण्याचे काहीही कारण दिसत नाही आणि ज्या रवी पवारांना या पदावर आणले आहे ते शासकीय अधिकारी आहेत.त्यांना हे खाते समजून घेता घेता ३ महिने जातील.मुळात सरकारकडून डेपुटेशनवर जे अधिकारी येतात ते मुंबई प्रांतिक अधिनियम कलम 45 B या अंतर्गत विशिष्ट पदावर नियुक्ती म्हणूनच येणे अपेक्षित आहे.तसे मात्र झालेले नाही ते इथे आल्यावर त्यांना महापालिकेत कर आकारणी खाते दिले गेले या बाबी वर केसकर,कुलकर्णी आणि बधे यांनी आक्षेप घेतला आहे.

नेमके त्यांनी दिलेल्या पत्रात काय म्हटले आहे वाचा जसेच्या तसे………

मा. नवल किशोर राम IAS
आयुक्त,
पुणे मनपा
यांसी सप्रेम नमस्कार
विषय: – पुणे महानगरपालिकेतील कर आकारणी आणि कर संकलन प्रमुख तथा उपायुक्त या बदलीचा फेरविचार करणे बाबत.
माननीय महोदय,
श्री.अविनाश सकपाळ कर आकारणी व कर संकलन प्रमुख यांची खात्याच्या अंतर्गत आपल्या अधिकारामध्ये बदली केली, तो आपला अधिकार आहे त्याबाबत आमचे काही म्हणणे नाही.
मुळात सरकारकडून डेपुटेशनवर जे अधिकारी येतात ते मुंबई प्रांतिक अधिनियम कलम 45 B या अंतर्गत येणे अपेक्षित आहे. तशी नेमणूक आणि पाठवणूक होत नाही ही वस्तुस्थिती आहे.
माहिती जाणून घेतल्यानंतर असे लक्षात आले गतवर्षीच्या मालमत्ता मूल्यमापन वर्षभरात 39 हजार इतके झाले तर गेल्या पाच महिन्यांमध्ये 43 हजार 566 इतक्या नवीन मिळकती या आपल्या कराच्या रचनेमध्ये आल्या.
अभय योजना असू नये ही आमची भूमिका परंतु आपण विकासासाठी पैसे कमी पडतात म्हणून जाहीर केली आम्ही जी सूचना केली होती की ज्यांनी एकदा अभय योजनेमध्ये लाभ घेतला आहे त्यांना पुन्हा सवलत देऊ नये हे देखील आपण मान्य केले. यापूर्वीच्या सर्व अभय योजनांना आम्ही विरोध केला होता. महानगरपालिकेचे भय हवे अभय नको ही आमची भूमिका होती आणि आहे.
अविनाश सकपाळ यांनी पाच महिन्यापूर्वीच आपल्या पदाचा कार्यभार स्वीकारला होता.
त्यांचे काम देखील चालू होते. अभय योजनेचा प्रस्ताव त्यांनी मांडला होता.
नवीन नियुक्त रवी पवार यांना खाते समजून घेण्यासाठी पुढची दोन-तीन महिने नक्की जातील.
आमची विनंती आहे की आपण 31 मार्च 2026 पर्यंत विद्यमान उपायुक्त यांना त्यांच्या जागेवर कायम ठेवून त्यांच्याकडून योजना राबवून नवीन आर्थिक वर्षात म्हणजे एक एप्रिल 2026 नंतर नवीन रचना करावी.
ही विनंती
धन्यवाद.
आपले पुणे
आपला परिसर

उज्ज्वल केसकर
माजी विरोधी पक्षनेते

सुहास कुलकर्णी
माजी विरोधी पक्षनेते

प्रशांत बधे
माजी नगरसेवक
ukeskar@gmail.com
१०/११/२५

गांधी दर्शन शिबिर गांधी भवन येथे संपन्न

पुणे:आपल्या देशात लोकशाहीचे अंधार युग सुरू आहे. लोकशाही आयसीयु मध्ये आहे. १९५२ ते २०२५ पर्यंत निवडणूक आयोगावर गुन्हेगारी स्वरूपाचा आरोप कधीच झाला नव्हता. तो आता होतोय. लोकप्रतिनिधी, न्याय व्यवस्था, निवडणूक आयोग, पोलिस, यांच्यावरचा जनतेचा विश्वास उडत असताना मिडीयाची भूमिका महत्वाची आहे. लोकशाही आयसीयू त जायला लोक देखील जबाबदार आहेत.
अशावेळी माध्यमांनी कायम विरोधीपक्षाची भूमिका बजावली पाहिजे. असे मत ज्येष्ठ पत्रकार निखिल वागळे यांनी व्यक्त केले.

महाराष्ट्र गांधी स्मारक निधी आणि युवक क्रांती दल यांनी गांधी भवन, कोथरूड, पुणे येथे रविवारी २५ वे ‘गांधी दर्शन शिबिर संपन्न झाले. यावेळी ‘माध्यम आणि सद्यपरिस्थिती’ या विषयावर ज्येष्ठ पत्रकार निखिल वागळे यांनी आपले विचार मांडले.

या कार्यक्रमात ज्येष्ठ पत्रकार जयंत माईणकर यांनी ‘निवडणूक सुधारणेतील गैरप्रकार आणि अपेक्षित सुधारणा यावर विचार मांडले. तर ‘गांधी विचार आणि मी’ याबद्दल मनसोपचारतज्ज्ञ डॉ. रूपेश पाटकर यांचे व्याखाने झाले. अध्यक्षस्थानी महाराष्ट्र गांधी स्मारक निधीचे अन्वर राजन होते. व्यासपीठावर माजी सनदी अधिकारी लक्ष्मीकांत देशमुख उपस्थित होते.
निखिल वागळे म्हणाले की, प्रश्न विचारायला शिका हे आम्हाला पत्रकारितेतील गुरुंनी सांगितले. दाभोलकर, पानसरे, गौरी लंकेश लढले. पत्रकारांना भारतीय घटना शिकवण्याची गरज आहे. धर्मांधता, जातीयता याला पत्रकारांनी विरोध करायला हवा. सर्व समाज निद्रिस्त होतो तेव्हा कोणीतरी जागा होतो व सर्व देशाला जागा करतो त्यावर माझा विश्वास आहे. आपल्या देशात नेपाळ, बांगलादेश प्रमाणे हिंसक आंदोलने व्हावे असे मला वाटत नाही. मात्र लोकशाही आंदोलन व्हावे असे वाटते. चुकीच्या निर्णयांविरोधात मंत्री, अधिकारी यांच्या गाड्या आडवणे, उपोषण करणे अशी आंदोलने झाली पाहिजेत.

जयंत माईणकर – आपण पंतप्रधानांना प्रश्न विचारु शकत नाही. ही हुकुमशाही कडे वाटचाल आहे. पण नेहरुंनी या देशाच्या लोकशाहीचा पाया इतका मजबूत घातला आहे की, तो कोणालाही संपवता येणार नाही.

चोर पोलिसांच्या एक पाऊल पुढे असतो. यंत्रणेचा योग्य वापर केला तर निवडणूक निःपक्षपाती होवू शकते.

डॉ. रुपेश पाटकर म्हणाले की, भावनिक दारिद्र्य नष्ट करण्यासाठी माणसाने माणसाशी बोलले पाहिजे. गांधीजीकडुन मला हे समजले की, तुमच्या गरजा संपून जे उरते ते समाजाला द्या. गरजे पेक्षा जास्त साठवणे म्हणजे चोरी असे गांधी म्हणत. माझ्या कृतीतून तुम्ही पाहिलेल्या सर्वात गरजू माणसाला काय मदत होईल असा विचार करा. आणि त्याचे उत्तर होकारार्थी असेल तर ती कृती करा.

अन्वर राजन – कोणीतरी अवतार येईल व सुटका करेल यावर आमचा विश्वास नाही. बदल आपोआप होत नाही. त्यासाठी प्रयत्न करावे लागतात. आपण लोकशाही वाचवणारे सैनिक आहेत. लढत राहिले पाहिजे. आमचा प्रयत्न लोकांना सहभागी करून घेणे हा आहे. लोकशाही ही जीवन प्रणाली आहे. ती प्रगल्भ व्हावी यासाठी आमचा प्रयत्न आहे. हा कार्यक्रम त्याचाच भाग आहे.तेजस भालेराव यांनी सुत्रसंचालन केले.

– लायन्स क्लबतर्फे दिव्यांग विद्यार्थ्यांच्या शिक्षकांचा आनंद मेळावा

पुणे: जीवनात कधीही निराश होऊ नका, कारण प्रत्येक समस्येला उत्तर असते. त्यासाठी आपल्या आहारात सत्त्व, जगण्यात तत्त्व आणि बोलण्यात ममत्व, या त्रिसूत्रीचा अवलंब करावा, असा सल्ला प्रसिद्ध वक्ते आणि लायन्स क्लबचे माजी प्रांतपाल द्वारका जालान यांनी दिला. जीवनातील कुठल्याही समस्येचा सामना करताना, ‘गिव्ह अप’ न करता सातत्याने पाठपुरावा केल्यास मार्ग सापडतो, यावर विश्वास ठेवावा, असेही त्यांनी नमूद केले.

लायन्स क्लबच्या ‘हाक दिव्यांगांची, साथ लायन्स’ची या उपक्रमांतर्गत दिव्यांग विद्यार्थ्यांच्या शिक्षकांसाठी विशेष आनंद मेळाव्याचे आयोजन करण्यात आले होते. या मेळाव्यात द्वारका जालान यांनी ‘चलती रहे जिंदगी’ या विषयावर मार्गदर्शन केले. याप्रसंगी भारतीय जनता पक्षाचे महाराष्ट्र प्रदेश प्रवक्ते संदीप खर्डेकर प्रमुख पाहुणे म्हणून उपस्थित होते. तसेच लायन रमेश शहा, लायन दीपक शहा, लायन सीमा दाबके हे मान्यवर व्यासपीठावर होते. टिळक रस्त्यावरील न्यू इंग्लिश स्कूलमधील गणेश सभागृहात हा आनंद मेळावा झाला. यावेळी दिव्यांग विद्यार्थ्यांसाठी कार्यरत असणाऱ्या पाच संस्थांचा प्रातिनिधिक सत्कार करताना त्यांना उपयुक्त वस्तूंच्या संचाचे वाटप करण्यात आले.

द्वारका जालान यांनी आपल्या नर्मविनोदी शैलीतील भाषणाने श्रोत्यांना खिळवून ठेवले. मोबाईलने उपयुक्ततेपलीकडे जात आपले जगणे निष्क्रीय केले आहे, असे सांगून ते म्हणाले, जीवन रोज नव्याने मिळते आणि मृत्यू एकदाच येतो, हे लक्षात ठेवून, रोज जीवनाचा नव्याने आनंद घ्यायला शिकले पाहिजे. जन्म आमि मृत्यू यांच्यामधले जीवन हसत, आनंदाने जगण्याचा पर्याय निवडला पाहिजे. जीवन वाया घालण्यापेक्षा आस्वाद घेणे महत्त्वाचे आहे. कुठल्याही परिस्थितीत निराश होऊ नका, पाठपुरावा करत राहा. तक्रारी करण्यापेक्षा स्वीकार करा आणि जीवन आनंदी कसे होईल, इकडे लक्ष द्या. दिव्यांग विद्यार्थ्यांचे शिक्षक या मुलांच्या आयुष्यात आनंद फुलवण्याचे कार्य करत असल्याबद्दल त्यांनी शिक्षकांप्रती कृतज्ञता आणि गौरवाची भावना व्यक्त केली.

संदीप खर्डेकर म्हणाले, दिव्यांग विद्यार्थ्यांना कधी कधी कुटुंबीयही नाकारतात, पण त्यांचे शिक्षक मात्र देवदूताप्रमाणे त्यांच्यासाठी काम करतात. एरवी दिव्यांगांचे शिक्षक दुर्लक्षित, उपेक्षित राहतात, पण लायन्स क्लबच्या या उपक्रमाच्या माध्यमातून या सेवाव्रती शिक्षकांना दिलासा देण्याचे कार्य सुरू आहे, ही आनंदाची गोष्ट आहे.

रमेश शहा म्हणाले, दिव्यांग विद्यार्थ्यांचे शिक्षक अनेकदा उपेक्षित राहतात. प्रत्यक्षात ते सर्वांत महत्त्वाचे कार्य करतात. विशेष कौशल्याने ते अध्यापन करतात. त्यांच्याप्रती कृतज्ञता व्यक्त करण्याची संधी मिळावी, यासाठी हा आनंद मेळावा आयोजित केला आहे.

सीमा दाबके यांनी प्रास्ताविकात आनंद मेळाव्यामागील भूमिका स्पष्ट केली. या समारंभात ५० पेक्षा अधिक संस्थांना उपयुक्त वस्तूंचा संच भेट देण्यात येत आहे, असे त्या म्हणाल्या. नामदेव गरूड यांनी ब्रेल लिपीच्या माध्यमातून मान्यवरांचा परिचय करून दिला. मेघना जोशी यांनी सूत्रसंचालन केले. 

मेळाव्याच्या उत्तरार्धात म्यूझिकल तंबोला सादर करण्यात आला. सुहास दाबके, पूनम अष्टेकर, प्रीतम गांधी, महेंद्र शर्मा, विजय रोडे, संगीता झंवर, अनघा शहा, प्रवीण खुळे, मिलिंद तलाठी, सुरेश मेहता, शेखर शेठ, अनिल मंद्रुपकर, सुवर्णा सांडभोर, हर्ष नायर आदी उपस्थित होते.

१२ ते १५ नोव्हेंबर दरम्यान होणार स्पर्धा : ११६० खेळाडूंचा सहभाग

मुंबई, : महावितरण कंपनीच्या राज्यस्तरीय क्रीडा स्पर्धा २०२५-२६ चे आयोजन अमरावती येथील श्री हनुमान व्यायाम प्रसारक मंडळाच्या क्रीडा संकुलात दि. १२ ते १५ नोव्हेंबर दरम्यान करण्यात आले आहे. या स्पर्धेत १६ परिमंडलातील ११६० खेळाडू आठ संघाच्या माध्यमातून सहभागी होणार आहेत. 

वीज कर्मचाऱ्यांच्या क्रीडा कौशल्याला वाव देण्यासाठी महावितरणमध्ये दरवर्षी राज्यस्तरीय क्रीडा स्पर्धेचे आयोजन करण्यात येते. यंदाच्या स्पर्धेचे यजमानपद अमरावती परिमंडलाकडे आहे. या राज्यस्तरीय क्रीडा स्पर्धेचे उद्घाटन बुधवारी (दि. १२) सकाळी ९.१५ वाजता महावितरणचे अध्यक्ष व व्यवस्थापकीय संचालक श्री. लोकेश चंद्र यांच्या हस्ते होणार आहे. कार्यक्रमाच्या अध्यक्षस्थानी संचालक (संचालन/प्रकल्प) श्री. सचिन तालेवार राहतील तर प्रमुख पाहुणे म्हणून सहव्यवस्थापकीय संचालक श्री. दिलीप जगदाळे (कोकण प्रादेशिक विभाग) व श्री. आदित्य जीवने (छत्रपती संभाजीनगर प्रादेशिक विभाग), संचालक श्री. अनुदीप दिघे (वित्त), श्री. योगेश गडकरी (वाणिज्य) व श्री. राजेंद्र पवार (मानव संसाधन) तसेच आयोजन समितीचे अध्यक्ष व नागपूर प्रादेशिक संचालक श्री. परेश भागवत, स्पर्धेचे मुख्य समन्वयक व मुख्य औद्योगिक संबंध अधिकारी श्री. संजय ढोके उपस्थित राहणार आहेत.

या स्पर्धेत क्रिकेट, बॅडमिंटन, टेबल टेनिस, टेनिक्वाईट, कॅरम, कबड्डी, व्हॉलीबॉल, खो-खो, अॅथलेटिक्स, कॅरम आणि ब्रिज आदी २२ क्रीडा प्रकारांचा समावेश असून वैयक्तिक व सांघिक खेळ प्रकारातील विजेते व उपविजेत्यांना अनुक्रमे सुवर्ण व रौप्यपदकांनी गौरविण्यात येणार आहे. तसेच स्पर्धेतील सर्वसाधारण विजेत्या संघाला अजिंक्यपदाचा करंडक प्रदान करण्यात येईल. या राज्यस्तरीय क्रीडा स्पर्धेचा पारितोषिक वितरण कार्यक्रम शनिवारी (दि. १५) दुपारी ५ वाजता श्री हनुमान व्यायाम प्रसारक मंडळाच्या क्रीडासंकुलात होणार आहे.  

या राज्यस्तरीय क्रीडा स्पर्धेच्या आयोजनासाठी मुख्य अभियंता व आयोजन समितीचे कार्याध्यक्ष श्री. अशोक साळुंके, उपमुख्य औद्योगिक संबंध अधिकारी व आयोजन समितीचे सचिव श्री. मधुसूदन मराठे तसेच विविध समित्या पुढाकार घेत आहेत. 

पुणे :

गौरीकैलास ज्योतिष संस्थेच्या वतीने आयोजित वार्षिक ज्योतिष महोत्सव दिनांक ९ नोव्हेंबर २०२५ रोजी पुण्यातील हॉटेल प्रेसिडेंट (कर्वे रस्ता) येथे उत्साहात झाला. सकाळी साडेआठ ते सायंकाळी साडेसहा या वेळेत पार पडलेल्या या दिवसभराच्या कार्यक्रमात देशभरातील नामवंत ज्योतिषी, वास्तुशास्त्रज्ञ, संशोधक आणि विद्यार्थी मोठ्या संख्येने सहभागी झाले.कार्यक्रमाचे उद्घाटन अनिल चांदवडकर (नाशिक) यांच्या हस्ते झाले. अध्यक्षस्थानी पं. विजय जकातदार होते, तर स्वागताध्यक्ष म्हणून वेदमूर्ती पं. नंदकुमार जोशी यांनी उपस्थिती लावली. प्रमुख अतिथी म्हणून अतुलशास्त्री भगरे गुरुजी (नाशिक),  वास्तुमहर्षी रमेश पलंगे, पं. दिलीप अवस्थी, सौ. पुष्पलता शेवाळे, डॉ. सौ. जयश्री बेलसरे, सौ. जानकी पाचर्णे, रोहित वर्मा आणि सौ. शुभांगिनी पांगारकर यांनी सहभाग घेतला.गौरी केंजळे,कैलास केंजळे यांनी स्वागत केले.अपर्णा गोरेगावकर यांनी सूत्रसंचालन केले.अनेक पुस्तकांचे प्रकाशन मान्यवरांच्या हस्ते झाले. 

कार्यक्रमात कै. मनोहर केंजळे स्मृती पुरस्कार २०२५ डॉ. चंद्रकांत शेवाळे (दादा) यांना प्रदान करण्यात आला. त्यांच्या दीर्घकालीन ज्योतिष संशोधन कार्याची दखल घेत संस्थेने हा सन्मान दिला.दिवसभरात चार सत्रांमधून विविध विषयांवरील व्याख्याने आणि चर्चासत्रे घेण्यात आली.

अतुलशास्त्री भगरे म्हणाले,’ज्योतिष शास्त्र हा समस्या जाणून घेण्याचे आणि दुःख दूर करण्यासाठी मार्ग सांगणारे शास्त्र आहे.त्याचा अभ्यास करीत राहिले पाहिजे.संशोधन करीत राहिले पाहिजे.अशा मेळाव्यातून ज्योतिषाचार्यानी एकत्र येत राहिले पाहिजे आणि संवाद होत राहिला पाहिजे.अनिल चांदवडकर म्हणाले,’या क्षेत्रातील नवे जाणून घेतले पाहिजे आणि जगातील ज्ञानाच्या  सागरातुन थोडे थोडे घेत ज्ञान राहिले पाहिजे.चंद्रकांत शेवाळे म्हणाले,’जुन्या काळात वैदिक ज्योतिष हाच एक विषय होता.वैदिक ज्योतिष ही जननी आहे.आता ज्योतिष वर्तविण्याचे प्रवाह वाढले असून संशोधन होत राहिले पाहिजे.संस्थात्मक काम पुढे गेले पाहिजे.रमेश पलंगे म्हणाले पूर्वीच्या कालबाह्य परिभाषा आणि शब्द बदलून नवे शब्द ज्योतिष शास्त्रात रूढ केले पाहिजेत.

चर्चासत्रातून विचार मंथन

महोत्सवात विविध विषयांवर चर्चासत्रे पार पडली. पहिल्या सत्रात सौ. कविता काळे यांनी ‘झटपट पैसा कसा बघाल’, निलेश खरे यांनी ‘कस्पल इंटरलिंक’, सौ. सुषमा पलंगे यांनी ‘वास्तूतील अंतर्गत रचना’, तर गणेशशास्त्री शुक्ल यांनी ‘कवडीशास्त्र’ या विषयांवर मार्गदर्शन केले. उद्घाटन सत्राचे सूत्रसंचालन अपर्णा गोरेगावकर यांनी केले.दुसऱ्या सत्रात प्रदीप पंडित यांनी ‘अष्टकवर्ग कालनिर्णय’, अरुण खंदारे यांनी ‘ग्रहगतींचे गणित’ आणि सौ. पल्लवी चौहान यांनी ‘जुळ्या मुलांच्या कुंडल्या’ या विषयांवर चर्चा केली.

तिसरे सत्र ‘गोष्टी सांगू युक्तीच्या’ या मनोरंजक शैलीत पार पडले. कांतीलाल मुनोत, सौ. गौरी केंजळे, ॲड. सुनिता पागे, ज्योतिषरत्न नंदकिशोर जकातदार, डॉ. सौ. शिल्पा अग्निहोत्री आणि डॉ. निलेश बी. कुलकर्णी यांनी अनुभवकथनातून ज्ञानवर्धन केले.चौथे सत्र ‘पौष्टिक खिचडी’ या नावाने विविध आधुनिक व पारंपरिक विषयांचा संगम ठरले. एड. मालती शर्मा, डॉ. स्मिता गिरी, जितेंद्र वझे, मुग्धा पत्की, डॉ. श्यामला वाघ, संदीप सवाई, सौ. वैशाली साठे, सौ. अपर्णा पैठणकर आणि प्रसन्न भिडे यांनी वास्तूतील ऊर्जा, कृष्णमूर्ती पद्धत, पुनर्जन्म, उपाय-उपासना आणि ग्रहांची युती यांसारख्या विषयांवर विचार मांडले.सायंकाळी समारोप सत्रात आदिनाथ साळवी यांनी विद्यार्थ्यांना प्रेरणादायी मार्गदर्शन केले. प्रमाणपत्र वितरण आणि विद्यार्थ्यांच्या मनोगतांनी कार्यक्रमाचा समारोप झाला.

या प्रसंगी उपस्थित ज्योतिषप्रेमींसाठी विशेष लॉटरीचे आयोजन करण्यात आले होते. त्यातून पाच भाग्यवान विजेत्यांना आकर्षक बक्षिसे देण्यात आली. सर्व उपस्थितांना ‘फलादेशाचे तंत्र’ हे पुस्तक स्मृतिचिन्ह म्हणून भेट देण्यात आले.हा संपूर्ण महोत्सव ज्योतिष, वास्तु आणि अध्यात्माच्या रसिकांसाठी ज्ञान, प्रेरणा आणि आनंदाचा अनोखा मेळ ठरला. गौरीकैलास ज्योतिष संस्था पुणे यांनी आयोजित केलेला हा उपक्रम उपस्थितांसाठी संस्मरणीय आणि ज्ञानप्रद ठरल्याचे उपस्थित मान्यवरांनी नमूद केले.