महाराष्ट्र नेत्र तज्ञ संघटनेच्या संयुक्त विद्यमाने आयोजन ;  आॅल इंडिया आॅप्थलोमोलॉजिकल सोसायटीचे अध्यक्ष डॉ.समर बसक यांची उपस्थिती
पुणे : पुणे नेत्रतज्ञ संघटनेची १७ वी वार्षिक परिषद ‘स्पेक्ट्रम २०२४’ चे आयोजन महाराष्ट्र नेत्रतज्ञ संघटनेच्या संयुक्त विद्यमाने औंधमधील भारतीय विज्ञान व संशोधन संस्था येथे करण्यात आले होते. परिषदेच्या उद््घाटन सोहळ्यास आॅल इंडिया आॅप्थलोमोलॉजिकल  सोसायटीचे अध्यक्ष डॉ.समर बसक, ज्येष्ठ नेत्रचिकीत्सक पद्मश्री तात्याराव लहाने प्रमुख पाहुणे म्हणून उपस्थित होते.

पुणे नेत्रतज्ञ संघटनेच्या अध्यक्ष डॉ.राधिका परांजपे, डॉ. नितीन कोलते, डॉ. आश्विनी मिसाळ, डॉ. वृषाली वरद आदींनी या परिषदेचे आयोजन केले होते. परिषदेत ब्रिटन, ओमान सह कलकत्ता, बंगळुरु, ओडिसा, जोधपूर, नवी दिल्ली, केरळ तामिळनाडू, गुजरात, महाराष्ट्रातून पुण्यासह मुंबई, नागपूर येथील तज्ञ सहभागी झाले होते.

डॉ. समर बसक म्हणाले, नव्या पिढीच्या तरुण डाॅक्टरांची विचार करण्याची क्षमता वेगळी असते. त्यांच्या विचारांना वेगळा पैलू असतो. त्यामुळे वेगवेगळ्या पिढीच्या डाॅक्टरांनी एकत्र येऊन काम केले पाहिजे. हेच आयुष्याचे तत्त्वज्ञान आहे.  

डॉ. राधिका परांजपे म्हणाल्या, या परिषदेत नेत्र विज्ञान क्षेत्रातील संशोधन, आधुनिक तंत्रज्ञान आणि नवीन उपाययोजना यांवर सखोल चर्चा झाली. परिषदेत भारतातील आणि परदेशातील आघाडीचे नेत्र तज्ञ, संशोधक आणि नेत्रचिकित्सा क्षेत्रातील व्यावसायिक सहभागी झाले होते.

; हिंदू सेवा महोत्सवाचे उद्घाटन
पुणे : हिंदू धर्म हा शाश्वत धर्म असून, या चिरंतन व सनातन धर्मातील आचार्य सेवाधर्माचे पालन करतात, हा सेवा धर्म म्हणजेच मानव धर्म आहे, असे गौरवोद्गार राष्ट्रीय स्वयंसेवक संघाचे सरसंघचालक डॉ. मोहन भागवत यांनी काढले.

हिंदू आध्यात्मिक सेवा संस्थेच्या वतीने शिक्षण प्रसारक मंडळीच्या महाविद्यालयाच्या मैदानात हिंदू सेवा महोत्सवाचे आयोजन करण्यात आले आहे.येत्या २२ डिसेंबर पर्यंत हा महोत्सव सुरु आहे. हिंदू संस्कृती, संस्कार आणि सामाजिक सेवाकार्याची माहिती सादर करण्यात आली आहे. महाराष्ट्रातील अनेक देवस्थाने, सामाजिक, धार्मिक संस्था, मठ मंदिरांच्या सेवाकार्याचा त्यात सहभाग आहे. त्याच्या उद्घाटन प्रसंगी सरसंघचालक डॉ. मोहन भागवत बोलत होते. 
यावेळी व्यासपीठावर स्वामी गोविंददेवगिरी महाराज, ज्योतिष तज्ञ लाभेश मुनीजी महाराज, इस्कॉनचे गौरांग प्रभू, शिक्षण प्रसारक मंडळीचे अध्यक्ष ॲड.एस. के जैन, उपाध्यक्ष श्रीकृष्ण चितळे, हिंदू सेवा महोत्सवाचे अध्यक्ष कृष्णकुमार गोयल, हिंदू आध्यात्मिक सेवा संस्थेचे राष्ट्रीय संयोजक गुणवंत कोठारी, हिंदू आध्यात्मिक सेवा संस्थेचे अध्यक्ष अशोक गुंदेचा आदी मान्यवर उपस्थित होते.
सरसंघचालक डॉ. भागवत पुढे म्हणाले की, सेवा करताना कायम प्रसिद्धी पासून दूर राहण्याचा आपला स्वभाव असतो. दिखाव्यासाठी सेवा न करता ती निरंतर करत राहणारे सेवेची कामना करतात.सेवेचा धर्म सांभाळताना अतिवादी न होता त्याचा मध्यम मार्ग आपण देशकाल परिस्थितीनुसार  स्वीकारायला हवा. मानव धर्म हाच विश्वाचा धर्म असून तो सेवेतून प्रकट व्हावा. आपण विश्वशांतीसाठी घोषणा देतो मात्र अल्पसंख्यांकांची काय अवस्था इतरत्र आहे हे लक्षात घेणे गरजेचे आहे. तीन हजार वर्षापेक्षा अधिक परंपरा असलेले शस्त्र, वाचन, इतिहास,स्वभाव आपले आहे. ते पाहणे आणि अंगीकारणे, पुढील पिढ्यांना त्यातून प्रेरणा देणे यासाठी असे हिंदू सेवा महोत्सवासारखे उपक्रम आहेत.पोट भरण्यासाठी आवश्यक ते केलेच पाहिजे पण गृहस्थाश्रमापलीकडे आपण जे जे मिळाले आहे ते सेवा रूपाने दुप्पट द्यायला हवे. जग आपले प्रतिपालक आहे.उपभोगाची वस्तू नाही  हि भावना असेल तर  परिवार समाज, गाव देश, राष्ट्र यांची  मुक्त सेवा करण्याची प्रेरणा आणि अनुकरण आपण करावे. यासाठी अशा महोत्सवातून सेवाव्रत घेऊन चालूया असा संदेशही त्यांनी दिला.  

यावेळी स्वामी गोविंद देव गिरी महाराज म्हणाले की, भूमी समाज परंपरा यातून राष्ट्र बनते.पुण्याच्या भूमीची सेवा छ. शिवाजी महाराजांनी केली असून राजमाता जिजाऊ यांनी पुण्यभूमीत गणेशाची स्थापना केलेली आहे.सर्व संस्कारांचे शिखर सेवा असून सेवा हि पूजा आहे. दानाचा अर्थ माझ्याजवळ जे आहे त्यातील दान हे शेअरिंग असून उपकार नाही.नव्या पिढीत भाव जागरणाचे काम या हिंदू सेवा महोत्सवातून होणार आहे.

इस्कॉनचे प्रमुख गौरांग प्रभू यांनी हिंदू सनातन धर्माअंतर्गत परोपकार, आचारविचार आणि साक्षात्कार हे ३ मुद्दे येतात. ते एकमेकांशी एकरूप झाले की आत्मसाक्षात्कारातून आपण त्यावर प्रभुत्व मिळवू शकतो. हिंदू, जैन, बौद्ध, शीख यातील कोणीच वेगळे नाही सर्व एकच आहेत.असे सांगितले. तर लाभेश मुनी महाराज यांनी आपल्या गौरवशाली धर्माचा आत्मा एकच असून सेवाकुंभ सुरु झाला आहे.येणाऱ्या पिढ्यांना संस्कृतीची परिभाषा सांगताना हिंदू सेवा महोत्सव अग्रस्थानी असेल. असेही ते म्हणाले.

पुणे-परभणी येथे पोलीसांच्या मारहाणीमुळे उच्च शिक्षित सोमनाथ सुर्यवंशी यांचा मृत्यू झाला त्याच्या चौकशीबाबत व केंद्रिय मंत्री अमित शहा यांनी डॉ. बाबासाहेब आंबेडकर यांच्या विरोधात केलेल्या बेताल वक्तव्‍याच्या निषेधार्थ आज पुणे शहर जिल्हा काँग्रेस कमिटीच्या वतीने जिल्हाधिकारी कार्यालय पुणे या ठिकाणी तीव्र आंदोलन करण्यात आले.

निषेध व्‍यक्त करताना शहराध्यक्ष अरविंद शिंदे म्हणाले की, ‘‘परभणीमध्ये झालेला प्रकार निंदनीय असून त्याचा करावा तेवढा निषेध कमीच आहे. उच्च शिक्षित सोमनाथ सूर्यवंशी यांच्या मृत्यूमुळे त्याचे कुटूंब उघड्यावर पडले असून त्याच्या कुटूंबाला न्याय मिळाला पाहिजे, त्याच्या मृत्यूची न्यायालयीन चौकशी झाली पाहिजे व त्याला ज्या ज्या पोलीसांनी मारहाण केली त्याच्यावरही कठोर कारवाई झाली पाहिजे कारण पोस्टमॉटम अहवालामध्ये तसा स्पष्ट उल्लेख पोलीसांनी मारहाण केल्याचा आलेला आहे तसेच आंदोलकांवर जे खोटे गुन्हे व कलमे पोलीसांनी दाखल केले आहेत ते त्वरीत मागे घेवून आंदोलकांची सुटका करावी.

केंद्रिय गृहमंत्री अमित शहा यांच्या सडक्या मेंदूतून व त्यांच्या RSS च्या वळचळणीत त्यांची उठाठेव असल्यामुळे त्यांचा कायमच दलितांबद्दल आकस आहे. त्यातूनच काल राज्यसभेत महामानव डॉ. बाबासाहेब आंबेडकर यांच्याबद्दल जे बेताल वक्तव्‍य केले त्याबद्दल त्यांनी त्वरीत माफी मागून आपल्या पदाचा राजीनामा द्यावा’’

यानंतर माजी गृहराज्य मंत्री रमेश बागवे म्हणाले की, ‘‘महामानव डॉ. बाबासाहेब आंबेडकर यांच्या राज्यघटनेमुळेच संपूर्ण देशात लोकशाहीचे राज्य असून सर्व जाती धर्मांचे लोक गुण्या गोविंदाने संपूर्ण देशात राहत आहेत. बाबासाहेबांची महिमा तडीपार अमित शहाला काय कळणार असे बागवे यांनी सांगितले.’’

सदर आंदोलनात प्रदेश सरचिटणीस ॲड. अभय छाजेड, नगरसेवक रफिक शेख, अजित दरेकर, लता राजगुरू, प्रदेश प्रतिनिधी मेहबुब नदाफ, पुणे शहर काँग्रेस अनुसूचित विभागाचे अध्यक्ष सुजित यादव, प्रकाश पवार, सतिश पवार, नितिन परतानी, प्रियंका रणपिसे, राजेंद्र मोहिते, अनिल जाधव, सुनिल काकडे, लतेंद्र भिंगारे, विनोद रणपिसे, रमेश सोनकांबळे, संजय कवडे, ॲड. राजश्री अडसूळ, सुंदरा ओव्‍हाळ, माया डुरे, देविदास लोणकर, अर्चना शहा, सीमा सावंत, रमेश सोनकांबळे, रविंद्र माझीरे, हेमंत राजभोज, विशाल जाधव, अविनाश अडसुळ, उहर्षद हांडे, सुरेश चौधरी, नुर शेख, संतोष हंगरगी, अनुसया गायकवाड,  आदीसह असंख्य काँग्रेस कार्यकर्ते सहभागी झाले होते.

आंदोलना नंतर अप्पर जिल्हाधिकारी, पुणे यांना मागण्यांचे निवेदन देण्यात आले. 

पुणे – पुणे आणि पिंपरी चिंचवड शहरातील प्रवाशांच्या सोयीसाठीरिंग रोड चा प्रकल्प राज्य शासनाने त्वरित मार्गी लावावा, अशी मागणी आमदार सिद्धार्थ शिरोळे यांनी पुरवणी मागण्यांच्या चर्चेत बोलताना काल (गुरुवारी) बोलताना केली.

या दोन्ही शहरांतील नागरिकांची वाहतूक कोंडीच्या समस्येतून सुटका होण्यासाठी रिंग रोड प्रकल्प त्वरित होणे आवश्यक आहे, याकडे आ.शिरोळे यांनी सभागृहाचे लक्ष वेधले.

पुणे रिंग रोड संकल्पना सुमारे २७ वर्षापूर्वी, १९९७ च्या प्रादेशिक आराखड्यात मांडण्यात आली होती. २०१४-१५ मध्ये महाराष्ट्र राज्य रस्ते विकास महामंडळाकडे पुणे रिंग रोडचे काम देण्यात आले. सुमारे १७० किलोमीटरचा हा रस्ता असून पुणे आणि पिंपरी चिंचवड शहरांच्या ट्रॅफिक समस्यांना आळा घालण्यासाठी हा प्रकल्प महत्त्वपूर्ण आहे.

विधानसभा निवडणुकीची आचारसंहिता जाहीर होण्यापूर्वीच मंत्रिमंडळाच्या बैठकीत ४२ हजार कोटी रुपयांच्या सुधारित प्रस्तावाला प्रशासकीय मान्यता देण्यात आली आहे. तसेच प्रकल्पाकरिता लागणाऱ्या भूसंपादनाचे कामही ९०टक्के पूर्ण झाले आहे. प्रत्यक्षात काम काही चालू झालेलं नाही, असे आ.शिरोळे यांनी सांगितले.

सद्यस्थितीत पुणे शहरामध्ये अनेक ठिकाणी रस्त्यांचे, उड्डाणपुलांचे आणि मेट्रोचे काम चालू असल्याने वाहतुकीमध्ये अडथळा येतो. सकाळी आणि संध्याकाळी नागरिकांना वाहतूक कोंडीत अडकून पडावे लागते, मनःस्ताप सहन करावा लागतो. प्रामुख्याने पुण्याची वाहतूक कोंडी फोडण्यासाठी रिंग रोड ची संकल्पना मांडण्यात आली. पण ती साकारण्यास खूप वर्षांचा विलंब झाला आहे. त्यात भूसंपादन होऊनही काही कारणाने प्रत्यक्ष काम रखडत असेल तर त्याला जबाबदार कोण? असा प्रश्नही आ.शिरोळे यांनी उपस्थित केला.

गेली २७ वर्षे रखडलेल्या रिंग रोड प्रकल्पाचे काम लवकरात लवकर चालू करण्यासाठी राज्य शासनाला निर्देश द्यावेत, अशी विनंती आ.शिरोळे यांनी अध्यक्षमहोदयांना केली.

पुणे- धनकवडी चव्हाण नगर कमानी जवळ असलेली मोबाईल शॉपी फोडून असंख्य मोबाईल चोरून न्नेणारे बिहारी चोरते सहकारनगर पोलिसांनी पकडले असून त्यांच्याकडून ६५ मोबाईल आतापर्यंत हस्तगत करण्यात आले आहेत.

आंतरराज्यातील घरफोडी करणा-या टोळीकडुन जप्त केलेले १७,८२,४७९ /- रु. किं. चे. विविध कंपनीचे एकुण ६५ मोबाईल फोन पोलीस आयुक्त अमितेश कुमार र यांचे हस्ते फिर्यादी यांना परत करण्यात आले.
दि.१४/०७/२०२४ रोजी फिर्यादी यांचे चव्हाणनगर कमानी शेजारी असलेले मोबाईल शॉपी दुकानाचे शटर उचकटुन आतमध्ये प्रवेश करुन अज्ञात चोरट्याने मोबाईल फोन चोरुन नेले होते. त्याबाबत सहकारनगर पोलीस स्टेशन येथे गु.र.नं २४६/२०२४ भा. न्या. संहिता कलम ३०५, ३३४ प्रमाणे गुन्हा दाखल करण्यात आला होता.
सदर गुन्ह्याचे तपासात घरफोडीतील आरोपी नामे १) मोबीन मुन्ना देवान वय ३६ वर्षे रा. बिरता चौक बसननगर, ठाणा घोडासन राज्य बिहार २) अरुण किशोरी सहा वय ५२ वर्षे रा. वार्ड नं १७ मोतीहारी मठिया डीह , ठाणा छतावणी राज्य बिहार ३) शमसाद आलम सरजउल अन्सारी वय ३६ वर्षे रा. अठमुहाण जिल्हा मोताहारी ठाणा झादौखद राज्य बिहार यांना ताब्यात घेवुन सहकारनगर पोलीस स्टेशन कडील दाखल गुन्ह्यात अटक करुन सदर आरोपीकडुन एकुण १७,८२,४७९/- रु.कि.चे. विविध कंपनीचे एकुण ६५ मोबाईल फोन जप्त केले आहेत. सदरचे मोबाईल फिर्यादी यांना पोलीस आयुक्त पुणे शहर श्री. अमितेश कुमार यांचे हस्ते परत केले आहेत.

पुणे-बेकायदेशीर रित्या पिस्टल विक्री साठी बाळगणाऱ्या आर्यन बापू बेलदरे, वय १९ वर्षे, रा. आई श्री व्हीला अर्पाटमेन्ट, फलॅट नंबर ३०४, तिसरा मजला, स्मा शन भुमी समोर, आंबेगाव बु, या विद्यार्थ्याला आंबेगाव पोलिसांनी अटक केली आहे.

आंबेगाव पोलीस स्टेशनचे हददीत वरिष्ठ पोलीस निरीक्षक शरद झिने यांचे मार्गदर्शनाखाली सहा. पो. निरीक्षक प्रियंका गोरे हे तपास पथकासह दत्तनगर परीसरात गस्त करीत असताना पोलीस अंमलदार धनाजी धोत्रे व निलेश जमदाडे यांना खास बातमीदामार्फत माहिती मिळाली की, आई श्री व्हीला अपार्टमेटचे बाजुला एका गाईच्या गोठ्यामध्ये एक इसम अंगात काळ्या रंगाचा गोल गळयाचा टी शर्ट व काळी ट्रक पॅन्ट, अंगाने मजबुत असलेल्या इसमाकडे पिस्टल आहे. वरील बातमीप्रमाणे माहिती मिळताच सदर ठिकाणी सापळा रचण्यात आला. काही वेळातच बातमी प्रमाणे सदर ठिकाणी वरिल वर्णनाचा एक इसम मिळुन आल्याने त्यास त्याचे नाव व पत्ता विचारले असता त्यांने त्यांचे नाव – १) आर्यन बापू बेलदरे, वय १९ वर्षे, काम शिक्षण, रा. आई श्री व्हीला अर्पाटमेन्ट, फलॅट नंबर ३०४, तिसरा मजला, स्मा शन भुमी समोर, आंबेगाव बु, पुणे. असे सांगितलेने सदर इसमांची अंगझडती घेता त्याचे ताब्यात एकुण ४०,१००/- रु.किं.चा एक पिस्टल व एक जिवंत राउंडसह अनाधिकाराने, बेकायदेशीररित्या गुन्हा करण्याचे उद्देशाने विक्री करीता बाळगल्याने मिळुन आले आहे. म्हणुन त्यांचे विरुध्द भारती विद्यापीठ पो स्टे, गुन्हा रजि नं. १०५७/२०२४ भारतीय हत्याराचा अधिनियम कलम ३ सह २५ महाराष्ट्र पोलीस अधिनियम कलम ३७ (१) (३) सह १३५, अन्वये गुन्हा दाखल केला असुन नमुद इसमास दाखल गुन्ह्यात अटक केली आहे. सदरची कामगिरी मा.अपर पोलीस आयुक्त, पश्चिम प्रादेशीक विभाग पुणे शहर, प्रविणकुमार पाटील मा.पोलीस उप-आयुक्त परिमंडळ-२ पुणे शहर, श्रीमती स्मार्तना पाटील मा. सहा. पोलीस आयुक्त स्वारगेट विभाग, पुणे श्री. राहुल आवारे, यांचे मार्गदर्शनाखाली आंबेगाव पोलीस स्टेशनकडील वरिष्ठ पोलीस निरीक्षक श्री. शरद झिने, सहा.पो. निरीक्षक प्रियंका गोरे, पोलीस अंगलदार शैलेंद्र साठे, हनमंत मासाळ, निलेश जमदाडे, धनाजी धोत्रे, प्रमोद भोसले, योगेश जगदाळे, विनायक पाडळे यांचे पथकाने केली.

अखिल भारतीय दैवज्ञ समाजोन्नति परिषद तर्फे आयोजन ; पुण्यात चार दिवसीय अधिवेशन व साहित्य संमेलनाचे आयोजन 
पुणे : जय जगन्नाथ शंकरशेट, जय विश्वकर्मा, जय दैवज्ञ… अशा घोषणा देत नारायण पेठेतील अष्टभुजा दुर्गादेवी मंदिरापासून भव्य शोभायात्रा काढण्यात आली. अखिल भारतीय दैवज्ञ समाजोन्नति परिषदेतर्फे आयोजित शोभायात्रेत समाजबांधवांनी मोठ्या संख्येने सहभाग घेत वाचनसंस्कृतीला चालना देण्याचा संदेश दिला. 
परिषदेतर्फे २१ वे अधिवेशन आणि १० वे दैवज्ञ साहित्य संमेलनाचे आयोजन दि. २२ डिसेंबर पर्यंत स्वारगेट जवळील गणेश कला क्रीडा मंच येथे करण्यात आले आहे. त्याचा प्रारंभ शोभायात्रेने झाला. यावेळी समाज श्रेष्ठी डॉ. गजानन रत्नपारखी, डॉ. आनंद पेडणेकर, अजय कारेकर, कुमार अणवेकर, सुरेंद्र शंकरशेठ, उदय गडकरी, मनमोहन चोणकर, सूर्यकांत कल्याणकर यांसह अनेक मान्यवर उपस्थित होते. 
नारायण पेठेतील अष्टभुजा दुर्गादेवी मंदिर, केसरी वाडा, रमणबाग शाळा, बालगंधर्व रंगमंदिर मार्गे अष्टभुजा दुर्गादेवी मंदिर येथे शोभायात्रेचा समारोप झाला. यामध्ये वाचनसंस्कृती विषयी तसेच समाज प्रबोधनात्मक  जनजागृती करण्यात आली. छत्रपती शिवाजी महाराजांच्या वेशातील कलाकार घोड्यावर बसून शोभायात्रेत सहभागी झाले होते. ठिकठिकाणी पालखी आणि ग्रंथांचे पूजन व औक्षण नागरिकांनी केले. तसेच पुष्पवृष्टी देखील करण्यात आली. 

श्री अष्टभुजा दुर्गादेवी इस्टेट ट्रस्ट, पुणे या संस्थेच्या यजमानपदाखाली हे आयोजन करण्यात आले आहे. अधिवेशन व संमेलनाला प्रवेश खुला असून पुणेकरांनी मोठया संख्येने सहभागी व्हावे, असे आवाहन यावेळी करण्यात आले.