पुणे : महाराष्ट्र साहित्य परिषद ही महाराष्ट्रातील आद्य साहित्य संस्था असून, मराठी भाषेचे आणि साहित्याचे जतन आणि संवर्धन करण्याचे महत्त्वाचे काम करत आहे. या परिषदेच्या शाखा महाराष्ट्रातील विविध जिल्ह्यांत पसरलेल्या असून, सोलापूर ही त्यापैकी एक महत्वाची शाखा आहे. संस्थेतर्फे अनेक साहित्यिक उपक्रम राबविले जातात. परिषदेतर्फे ज्येष्ठ संगणकतज्ज्ञ, लेखक डॉ. दीपक शिकारपूर ह्यांचा गौरवपत्र प्रदान करून विशेष सन्मान करण्यात आला.
या प्रसंगी डॉ. शिकारपूर यांचे ‌‘आधुनिक तंत्र एआय व सर्वसामान्यांवर होणारा परिणाम‌’ या विषयावर अभ्यासपूर्ण व्याख्यान झाले. मंचावर मसाप सोलापूर शाखा अध्यक्ष श्रुतीश्री वडगबाळकर, उपाध्यक्ष दत्त सुरवसे, सदस्य जे. जे. कुलकर्णी व किशोर चांडक उपस्थित होते.
डॉ. शिकारपूर गेली चार दशके माहिती तंत्रज्ञान क्षेत्रात कार्यरत आहेत. विविध वृत्तपत्रातून येणारे लेख, 59 पुस्तके, अभ्यासपूर्ण व्याख्याने, समुपदेशन या मार्गाने ते युवापिढी सक्षम व कौशल्यतेने परिपूर्ण घडवू इच्छित आहेत. दृष्टिहीन विद्यार्थीही संगणक साक्षर व्हाव्ोत यासाठी डॉ. शिकारपूर यांची विविध पुस्तके ब्रेल लिपिमध्ये रुपांतरीत करण्यात आली आहेत. ज्यांचा वापर राज्यभरातील अनेक दृष्टिहीन विद्यार्थी नियमितपणे करीत आहेत. त्यांच्या या कार्याबद्दल राष्ट्रीय दृष्टिहीन संघ महाराष्ट्रतर्फे डॉ. शिकारपूर यांचा जागतिक पुस्तक दिनानिमित्त सन्मानपत्र देऊन गौरव करण्यात आला होता.

सांस्कृतिक कार्यक्रमांचे आकर्षक सादरीकरण
पुण्यातील विविध शाळांतील बालकांनी घेतला बालनाट्यांचा आनंद
पुणे : पुण्यातील अण्णा भाऊ साठे नाट्यगृहात आज (दि.20) पासून बालरंगभूमी परिषदेच्या माध्यमातून पहिल्या बालरंगभूमी संमेलनाची सुरुवात रंगतदार शोभायात्रेने झाली. बालरंगभूमी परिषदेच्या अध्यक्षा ॲड. निलीम शिर्के-सामंत यांच्यासह अनेक मान्यवर आणि बालप्रेक्षकांनी या सोहळ्याला मोठ्या संख्येने हजेरी लावली.
सकाळच्या सत्रात जळगाव, नाशिक, रत्नागिरी, अहिल्यानगर येथील बालकलावंतांच्या गाजलेल्या बालनाट्यांचे प्रभावी सादरीकरण करण्यात आले. यात म्हावरा गावलाय गो (नाट्यरंग, जळगाव), विंडो 98 (मोहिनीदेवी रुंगठा शिक्षण मंडळ, नाशिक), फुलपाखरु (नाट्यआराधना, अहिल्यानगर), दहा वजा एक (दामले विद्यालय, रत्नागिरी) यांनी सादर केलेल्या बालनाट्यांना उपस्थित बालप्रेक्षकांनी उत्स्फूर्त प्रतिसाद दिला.
यानंतर प्रख्यात चित्रकार अरुण दाभोळकर यांच्या हस्ते कलादालनाचे उद्घाटन करण्यात आले. याव्ोळी ज्येष्ठ अभिनेत्री सविता मालपेकर यांच्यासह बालरंगभूमी परिषदेच्या अध्यक्ष ॲड. नीलम शिर्के-सामंत यांच्यासह पदाधिकाऱ्यांची उपस्थिती होती. चित्रकार अरुण दाभोळकर यांनी सोप्या पद्धतीने चित्रे कशी काढावीत या विषयी युक्ती सांगत प्रात्याक्षिकांसह चित्रे काढून दाखविली. हा कार्यक्रम सुधा करमरकर रंगमंचावर झाला.
आकर्षक शोभायात्रा
दुपारी 3.30 वाजता शोभायात्रेचा शुभारंभ शिळीमकर विद्यालय, बिववेवाडी येथून करण्यात आला. कार्यक्रमामध्ये महाराष्ट्रातील बालकलावंतांसह पुणे शहरातील विविध शाळा, संस्थांनी पारंपरिक वेशभूषेत सहभागी होत चित्ररथांच्या माध्यमातून महाराष्ट्राच्या सांस्कृतिक वारशाचे दर्शन घडविले. महापुरुषांच्या व्ोशभूषा केलेले बालकलावंत, फुगे आणि फुलांनी सजविलेला चित्ररथ आकर्षणाचा केंद्रबिंदू ठरला. शोभायात्रेत लेडीज इंग्लिश मिडियम स्कूल, ठेंगोडे येथील विद्यार्थिनींनी अध्यात्म आणि ऐतिहासिक विषयांवर सादरीकरण केले, तर मावळ्यांच्या वेशभूषेत साकारलेल्या पारंपरिक चित्ररथाला प्रेक्षकांकडून विशेष दाद मिळाली. विशेष मुलांच्या सेवा संस्थेतील विद्यार्थ्यांनी या वेळी प्रभावी सादरीकरण करत उपस्थितांचे लक्ष वेधले. नंदुरबार शाखेने सादर केलेल्या आदिवासी नृत्याला तसेच मंगळवेढा शाखेने सादर केलेल्या भरतनाट्यम नृत्याला प्रेक्षकांनी भरभरून दाद दिली. जळगाव शाखेच्या बालकलावंतांचे लेझीम नृत्य, तर उत्कर्ष मतिमंद विद्यालयाच्या विद्यार्थ्यांचाही उत्स्फूर्त सहभाग होता. पुणे आणि नाशिक शाखांच्या विद्यार्थ्यांनी अनोखे सादरीकरण केले. रत्नागिरी शाखेने सादर केलेल्या आधुनिक भारत विषयावरील चित्ररथ विशेष आकर्षण ठरला. बालरंगभूमी गीताला उपस्थितांनी दाद दिली. शोभायात्रेची सांगता लोकशाहीर अण्णा भाऊ साठे स्मारक येथे झाली.

संमेलन प्रवेशद्वाराचे उद्घाटन
अण्णा भाऊ साठे स्मारक रंगमंदिराच्या प्रवेशद्वाराजवळ संमेलनाध्यक्ष नटवर्य मोहन जोशी यांच्या हस्ते फीत कापून संमेलन प्रवेशद्वाराचे औपचारिक उदघाटन करण्यात आले. या व्ोळी बालरंगभूमी परिषदेच्या अध्यक्ष ॲड. निलम शिर्के-सामंत, बालरंगभूमी परिषदेचे उपाध्यक्ष शैलेश गोजमगुंडे, दीपा क्षीरसागर, प्रमुख कार्यवाह सतीश लोटके, कोषाध्यक्ष नंदकिशोर जुवेकर, सहकार्यवाह दिपाली शेळके, आसेफ अन्सारी शेख, कार्यकारिणी सदस्य धनंजय जोशी, दीपक रेगे, अनंत जोशी, वैदेही चवरे सोईतकर, योगेश शुक्ल, आनंद जाधव, त्र्यंबक वडसकर, नागसेन पेंढारकर आदी उपस्थित होते.

हिंदू सेवा महोत्सवात वंदे मातरम् कार्यक्रमांतर्गत वीरमाता, वीरपत्नी सन्मान सोहळा

पुणे : राष्ट्रीय एकता आणि देशभक्तीचे प्रतीक असलेले, बंकिमचंद्र चट्टोपाध्याय यांनी रचलेले रवींद्रनाथ टागोर यांनी संगीतबद्ध केलेले ‘वंदे मातरम्’ हे प्रेरणागीत पुण्यातील तब्बल ३ हजार शालेय विद्यार्थ्यांनी एकत्रित गायले. यावेळी ‘भारत माता की जय’ आणि ‘जय हिंद’ चा एकच जयघोष स.प. महाविद्यालयाच्या मैदानावर घुमला. तीन हजार विद्यार्थ्यांचा एकसंध आवाज आणि त्यातून व्यक्त झालेल्या देशप्रेमाने वातावरण भारावून गेले.

हिंदू आध्यात्मिक सेवा संस्थेतर्फे हिंदू सेवा महोत्सवाचे आयोजन स.प.महाविद्यालयाच्या मैदानावर करण्यात आले आहे. त्यामध्ये सामुहिक वंदे मातरम कार्यक्रमांतर्गत वीरमाता, वीरपत्नी सन्मान सोहळ्याचे आयोजन करण्यात आले होते. यावेळी मेजर जनरल अमर कृष्णा (नि.), हिंदू आध्यात्मिक सेवा संस्थेचे राष्ट्रीय संयोजक गुणवंत कोठारी, संस्थेचे अध्यक्ष अशोक गुंदेचा, संस्थेचे महामंत्री किशोर येनपुरे, विंग कमांडर विनायक डावरे (नि.), अर्चना सिंग, माजी सैनिक सुनील काळे, यावेळी उपस्थित होते.

कार्यक्रमात वीरमाता, वीरपत्नी यांचा सन्मान करण्यात आला. राज्याच्या विविध भागातून वीरमाता, वीरपत्नी यावेळी उपस्थित होत्या. वंदे मातरम् या गीताचा इतिहास यावेळी कार्यक्रमात सांगण्यात आला. त्यानंतर विद्यार्थ्यांनी समूहगान सादर केले.

अशोक गुंदेचा म्हणाले, विद्यार्थ्यांमध्ये देशभक्तीची भावना रुजवण्यासाठी विद्यार्थ्यांना सहभागी करुन कार्यक्रमाचे आयोजन करण्यात आले होते. यावेळी राष्ट्रीय एकात्मतेचे प्रतीक ठरलेल्या वंदे मातरम् या गीताच्या निर्मिती मागील संपूर्ण इतिहास उलगडण्यात आला.

अमर कृष्णा म्हणाले, विद्यार्थ्यांनी चारित्र्य घडविण्यावर भर द्यायला हवा. चारित्र्यसंपन्न व्यक्तीच राष्ट्रनिर्माणात आपले योगदान देऊ शकते. चारित्र्य, प्रामाणिकपणा, शिस्त या गुणांचा विकास करण्यावर भर दिला तरच तुम्ही देशासाठी काहीतरी चांगले काम करू शकाल.

पुणे- शहरातील विविध जिममधील व्यायाम करणाऱ्या तरुणांना शरीरयष्टी चांगल्याप्रकारे व्हावी याकरिता स्टेरॉईड इंजेक्शन मेफेटर्मिन सल्फेट इंजेक्शन बेकायदेशीररित्या विक्री केल्याप्रकरणी दोन जणांवर शिवाजीनगर पोलिसांनी कारवाई केली आहे. याप्रकरणी आरोपींवर गुन्हा देखील दाखल करण्यात आला असून आरोपींच्या ताब्यातून पाच हजार रुपयांचे बेकायदेशीर 14 स्टेरॉईड इंजेक्शन जप्त करण्यात आली आहे.

शिवाजीनगर पोलीस ठाण्याचे वरिष्ठ पोलीस निरीक्षक चंद्रशेखर सावंत यांनी माहिती दिली की, या प्रकरणात दीपक बाबुराव वाडेकर( वय -32 ,राहणार- खडकी, पुणे) व साजन अण्णा जाधव (वय- 25 ,राहणार- औंध,पुणे) यांच्यावर गुन्हा दाखल करण्यात आला आहे. याबाबत आरोपी विरोधात पोलीस हवालदार तेजस रमेश चोपडे यांनी तक्रार दाखल केलेली आहे. संबंधित आरोपी हे नतावाडी येथील इराणी वस्तीकडे जाणाऱ्या रस्त्यावर एका कारमध्ये बेकायदेशीर स्टेरॉईड इंजेक्शन घेऊन थांबले असल्याची माहिती पोलिसांना मिळाली. सदर आरोपींकडे औषधे बिल नसताना औषध घेणाऱ्या व्यक्तीच्या जीवीतास धोका किंवा आरोग्यास गंभीर इजा होऊ शकते हे माहिती असताना देखील, संबंधित औषधे अवैधरीत्या प्राप्त करून गैरवापर करण्याचे उद्देशाने अनाधिकाराने बेकायदेशीररित्या कब्जात बाळगल्याचे दिसून आले आहे.

संबंधित इंजेक्शन त्यांनी कोठून आणली आहेत, ते कोणाला विक्री करणार होते ,त्यांचे अन्य साथीदार कोण आहेत याबाबत पुढील तपास शिवाजीनगर पोलीस करत आहे.सातव्या मजल्यावरून लिफ्टच्या डक्टमध्ये पडून तरुणाचा मृत्यूकोंढवा परिसरातील येवलेवाडी याठिकाणी पिरॅमिड कन्स्ट्रक्शनच्या एका इमारतीचे बांधकाम सुरू आहे. सदर ठिकाणी कामगारांच्या सुरक्षेच्या दृष्टीने निष्काळजीपणाने कोणतीही उपाययोजना न केल्यामुळे, ठेकेदार याच्या हाताखाली काम करणारा त्यांचा मुलगा सनी डक्टर सोनी ( वय 19) हा इमारतीच्या सातव्या मजल्यावरून लिफ्टच्या मोकळ्या डक्टमधून खाली पडून जागीच मयत झाला आहे. सदर मृत्यूस कारणीभूत ठरल्याने त्याचे वडील डाक्टर दिनेश कुमार रामसमुज द्विवेदी (वय 37 ,राहणार- येवलेवाडी ,पुणे )यांच्यावर कोंढवा पोलीस ठाण्यात गुन्हा दाखल करण्यात आला आहे. याबाबत आरोपी विरोधात केशरीनारायण सोनी (वय 21 ,राहणार -बलरामपुर ,उत्तरप्रदेश) यांनी पोलिसांकडे फिर्याद दाखल केली आहे.

पुणे, दि. २०: भारतीय सैन्यदल, नौदल व वायुदलामध्ये अधिकारी पदासाठी होणाऱ्या भरतीकरीता उमेदवारांना कंम्बाईन्ड डिफेन्स सिर्व्हिसेस (सी.डी.एस) परीक्षेची पूर्व तयारीच्याअनुषंगाने २० जानेवारी ते ४ एप्रिल २०२५ या कालावधीत छात्रपूर्व प्रशिक्षण केंद्र, नाशिक रोड, नाशिक येथे प्रशिक्षण आयोजित करण्यात येणार आहे, अशी माहिती जिल्हा सैनिक कल्याण अधिकारी ले.कर्नल सतेश हंगे यांनी दिली आहे.

प्रशिक्षणार्थीना निःशुल्क प्रशिक्षण, निवास व भोजन देण्यात येणार आहेत. प्रवेशाकरीता उमेदवार हा कोणत्याही शाखेचा पदवीधर असावा. लोकसंघ आयोग नवी दिल्ली मार्फत घेण्यात येणाऱ्या सी.डी.एस. परीक्षेकरिता ऑनलाईनपद्धतीने अर्ज केलेला असावा. जिल्ह्यातील इच्छुक उमेदवारांनी जिल्हा सैनिक कल्याण कार्यालय येथे १५ जानेवारी २०२५ रोजी पर्यंत मुलाखतीस हजर राहावे. मुलाखतीच्यावेळी सैनिक कल्याण विभागाच्या www.mahasainik.maharashtra.gov.in संकेतस्थळावर सीडीएस ६४ प्रशिक्षणाकरीता किंवा जिल्हा सैनिक कल्याण कार्यालयाने दिलेले प्रवेशपत्र व त्यासोबत असलेली परिशिष्टांनुसार प्रती व ते पूर्ण भरून तीन प्रती सोबत घेऊन यावे.

अधिक माहितीसाठी प्रभारी अधिकारी, छात्रपूर्व प्रशिक्षण केंद्र, नाशिक रोड, नाशिक training.pctonashik@gmail.com या ईमेल पत्त्यावर व दूरध्वनी क्रमांक ०२५३-२४५१०३२ किंवा व्हॉटसअप क्र. ९१५६०७३३०६ (प्रवेशपत्र मिळविण्यासाठी) असून कार्यालयीन वेळेत प्रत्यक्ष अथवा दूरध्वनीवर संपर्क करावा, असे आवाहन लेफ्टनंट कर्नल श्री. हगे यांनी केले आहे.

पुणे: “मागील काही वर्षांपासून वडगावशेरी मतदारसंघातली पुणे-नगर रस्ता वाहतूक कोंडीच्या विळख्यात अडकला आहे. नागरिक त्रस्त झाले असून त्यांना यामुळे विविध समस्यांना सामोरे जावे लागत आहे. यावर ठोस उपाययोजना राबवणे क्रमप्राप्त असल्याने वाघोली-शिरूर दरम्यान पुलाचे काम त्वरित सुरू करण्यात यावे”, अशा आशयाचे निवेदन आमदार बापूसाहेब पठारे यांनी केंद्रीय मंत्री नितीन गडकरी यांची प्रत्यक्ष भेट घेऊन दिले.

नागपूर येथे सुरू असलेल्या हिवाळी अधिवेशनाच्या दरम्यान बापूसाहेब पठारे यांनी नितीन गडकरी यांची भेट घेतली. भेटीदरम्यान संवाद साधत मतदारसंघातील वाहतूक कोंडी संबंधित परिस्थीती मांडली. गडकरी यांनीही या समस्येवर उपाययोजना राबवण्याबाबत सकारात्मकता दर्शवली.

येत्या फेब्रुवारी महिन्यात सदर पुलाच्या कामाचे भूमिपूजन होईल, असा विश्वास पठारे यावेळी व्यक्त केला.

बापूसाहेब पठारे मागील चार दिवसांपासून हिवाळी अधिवेशनाला उपस्थित आहेत. अधिवेशनात त्यांनी वडगावशेरी मतदारसंघातील वाहतूक कोंडी सोडवण्याची ठोस उपाययोजना राबवण्याची मागणी केली आहे. तसेच, लोहगाव येथे ससून रुग्णालयाच्या धर्तीवर उपजिल्हा रुग्णालय तातडीने सुरू करण्याबाबतही मागणी केली.

निवडून आल्यानंतर पठारे यांनी मतदारसंघात पाहणी दौरा करून विविध समस्यांचा आढावा घेतल्याचे दिसून येते. पठारे यांनी सुरू केलेले काम मतदारसंघाचे चित्र नक्की पालटणार, असा आशादायी सूर नागरिकांमधून ऐकायला मिळतोय.

पुणे- येथील नांदेड सिटी पोलीसांनी सराईत गुन्हेगार साजन विनोद शहा,आणि कुणाल शिवाजी पुरी यांना 02 गावठी पिस्टल व 01 जिवंत काडतूस सह पकडले आहे.

या संदर्भात पोलिसांनी सांगितले कि,’नांदेड सिटी पोलीस स्टेशनचे तपास पथकातील पोलीस अंमलदार पुरुषोत्तम गुन्ला व योगेश झेंडे यांना बातमीदार मार्फत बातमी मिळाली की,पोलीस अभिलेखावरील गुन्हेगार साजन शाहा व कुणाल पुरी यांच्याकडे प्रत्येकी एक गावठी पिस्टल असून दोघे आंबाईदरा येथे येणार आहेत वगैरे खात्रीशीर बातमी मिळण्याने मा. वरिष्ठ पोलीस निरीक्षक नांदेडसिटी यांच्या मार्गदर्शनाखाली तपास पथकातील अधिकारी वअंमलदार यांनी सदर ठिकाणी जाऊन सापळा लावून साजन विनोद शहा वय 19 वर्षे रा.धायरी गाव भैरवनाथ मंदिरा जवळ फ्लॅट नं.302 पोकळे क्रिस्टल बिल्डिंग धायरी पुणेकुणाल शिवाजी पुरी वय.18 वर्ष रा. फ्लॅट नंबर 2 विश्व कॉर्नर बिल्डिंग भैरवनाथ मंदिरा सामोरं धायरी पुणे
यांचेकडून कि. रु 70,500/- चे 02 गावठी पिस्टल व 01जिवंत काडतुस जप्त करण्यात आले.आहे यातील साजन शहा हा सराईत गुन्हेगार असून त्याचे विरुद्ध खुनाचा प्रयत्न, दरोडा, मारामारीचे एकूण 06 गुन्हे दाखल आहेत
सदरची कारवाई अप्पर पोलिस आयुक्त, पश्चिम प्रादेशिक विभाग, प्रवीणकुमार पाटील , पोलिस उप आयुक्त परिमंडळ -3 संभाजी कदम , सहाय्यक पोलिस आयुक्त, सिंहगड विभाग अजय परमार यांचे मार्गदर्शनाखाली नांदेड सिटी पोलीस स्टेशनचे वरिष्ठ पोलीस निरीक्षक अतुल भोस, पोलीस उपनिरीक्षक शिवाजी बुनगे, पोलीस अंमलदार – पुरुषोत्तम गुन्ला, योगेश झेंडे, राजू वेगरे, अक्षय जाधव, प्रशांत काकडे, यांच्या पथकाने केली आहे

पुणे-

लोहगाव येथून महाड येथे लग्नासाठी जाणार्‍या खासगी बसला ताम्हिणी घाटात अपघात झाला असून त्यात ५ जण ठार झाले तर २७ जण जखमी झाले आहेत.हा अपघात शुक्रवारी सकाळी पावणे दहा वाजण्याच्या सुमारास घडला. सर्व २७ जखमींना माणगाव येथील स्थानिक रुग्णालयात दाखल केले आहे.

या अपघातात ३ महिला व २ पुरुषांचा मृत्यु झाला आहे. संगिता धनंजय जाधव, गौरव अशोक दराडे, शिल्पा प्रदिप पवार, वंदना जाधव अशी चार मृत्यु पावलेल्यांची नावे असून एका पुरुषाचे नाव अजून समजलेले नाही.

याबाबत माणगाव पोलीस ठाण्याचे पोलीस निरीक्षक निवृत्ती बोर्‍हाडे यांनी सांगितले की, पुण्याहून खासगी बस (एम एच १४ जी यु ३४०५) महाड येथे लग्नासाठी जात होती. ताम्हिणी घाटात एका वळणावर बसचालकाचे नियंत्रण सुटले व बसने कठड्याला धडक दिली. त्यानंतर घाटात खाली काही अंतरावर पलटी झाली. बस पलटी झाल्याने बसखाली दबून ५ जणांचा जागीच मृत्यु झाला. जाणार्‍या येणार्‍यांनी याची माहिती दिल्यावर पोलीस,रुग्णवाहिका व रेस्क्यु पथक तातडीने तेथे रवाना झाले. त्यांनी बसमधील २७ जखमींना माणगाव येथील रुग्णालयात दाखल केले आहे.

लोहगाव येथील जाधव कुटंबीय महाडमधील बिरवाडी येथे लग्न समारंभाला जात होते. त्यावेळी ताम्हिणी घाटातील धोकादायक वळणावर चालकाचे नियंत्रण सुटून बस पटली झाली, असे रायगडचे पोलीस अधीक्षक सोमनाथ घरगे यांनी सांगितले.