प्रयागराज मधल्या महाकुंभाला उपस्थित राहण्याचे भाग्य लाभले: पंतप्रधान नरेंद्र मोदी

नवी दिल्‍ली, 5 फेब्रुवारी 2025 

पंतप्रधान नरेंद्र मोदी यांनी आज प्रयागराज येथे महाकुंभाला भेट दिली आणि संगमावर जाऊन पवित्र स्नान केले. 

एक्स या समाज माध्यमावर लिहिलेल्या स्वतंत्र संदेशात त्यांनी म्हटले आहे:

“प्रयागराज येथे महाकुंभाला जाण्याचा पवित्र योग आला हे भाग्य. संगमावर स्नान करणे हा दिव्य संयोगाचा क्षण आहे आणि या कुंभमेळ्यात सहभागी होणाऱ्या कोट्यवधी जनांप्रमाणे मी सुद्धा येथील दिव्यत्वाच्या अनुभूतीने भारून गेलो आहे.

शांती, शहाणीव, उत्तम आरोग्य आणि सुसंवाद यांचा  आपणा सर्वांना माता गंगेचा आशीर्वाद लाभो.”

प्रयागराज महा कुंभात आज पवित्र संगमात स्नान केल्यानंतर पूजा अर्चा करण्याचे  परम भाग्य लाभले. माता गंगेचा आशीर्वाद मिळाल्याने अतिशय शांत वाटते आहे. संपूर्ण देशाला सुख शांती आणि समृद्धी यांचा लाभ व्हावा अशी कामना मां गंगेकडे केली. हर – हर गंगे

प्रयागराज मधल्या दिव्य भव्य महा कुंभामध्ये श्रद्धा, भक्ती आणि अध्यात्म यांचा संगम प्रत्येकाला भारावून टाकत आहे. पावन पूर्ण कुंभातील स्नानाची काही क्षणचित्रे. 

पंतप्रधान नरेंद्र मोदी बुधवारी प्रयागराजला पोहोचले. महाकुंभमेळ्यादरम्यान त्यांनी संगमात स्नान केले. भगव्या रंगाचे कपडे परिधान करून, हातात आणि गळ्यात रुद्राक्षाची माळ घालून त्यांनी सूर्याची प्रार्थना केली आणि सुमारे 5 मिनिटे मंत्रांचा जप करत राहिले.संगम नाक्यावर गंगा पूजेदरम्यान पंतप्रधानांनी माता गंगेला दूध आणि साडी अर्पण केली. पंतप्रधानांनी उत्तर प्रदेशचे मुख्यमंत्री योगी आदित्यनाथ यांच्यासोबत बोटीचा प्रवासही केला. मोदींचा महाकुंभ दौरा सुमारे 2 तास चालला.

पुणे-रात्री सवा बारा ते सकाळी साडेआठ च्या दरम्यान झोपलेल्या ३६ वर्षीय युवकाचे पाकीट आणि मोबाईल चोरून भामट्याने तब्बल २६ लाख ३५ हजार रुपये लांबविल्याची घटना आज सकाळी उघडकीस आली. विमानतळ पोलीसांनी अज्ञात चोर्त्याविरुद्ध गुन्हा दाखल केला आहे.

या घटनेतील फिर्यादी प्रोसिडा हॉटेल , संजय पार्क येथे झोपले असताना अज्ञात चोरट्याने हि चोरी करून रात्रीतून क्रेडीट कार्ड ,आणि मोबाईलचा वापर करून विविध बँकेतून २६ लाख ३५ हजार काढून पोबारा केला. फौजदार हर्शल घागरे अधिक तपास करत आहेत.

पुणे-प्रसिद्ध शिवव्याख्याते ह. भ. प. शिरीष महाराज मोरे यांनी आत्महत्या केल्याचे धक्कादायक वृत्त समोर आले आहे. शिरीष महाराज हे संत तुकाराम महाराजांचे 11 वे वंशज होते. त्यांनी आत्महत्या नेमकी का केली? याचे कारण अद्याप स्पष्ट झालेले नाही.संत तुकाराम महाराजांचे 11 वे वंशज, प्रसिध्द व्याख्याते, राष्ट्रीय स्वयंसेवक संघाचे प्रचारक आणि शिवशंभो प्रतिष्ठानचे अध्यक्ष शिरीष महाराज मोरे यांनी आज सकाळी राहत्या घरात गळफास घेऊन आत्महत्या केल्याचे निदर्शनास आले. या घटनेने राज्यात एकच खळबळ उडाली आहे. हे वृत कळताच देहू परिसरात शोककळा पसरली आहे. मात्र, त्यांनी आत्महत्या का केली, याचे कारण अद्याप समजलेले नाही.शिवव्याख्याते म्हणून मोरे यांचा मोठा नावलौकिक होता. दुर्दैव म्हणजे नुकताच त्यांचा विवाह ठरला आणि टिळा सुध्दा झाला होता. “ज्याच्या कपाळावर टिळा नाही, त्यांच्याकडून खरेदी करणे टाळा,” असे आवाहन शिरीष महाराज हे हिंदूंना करत होते. हिंदूंवर होणाऱ्या अन्याय अत्याचारावर ते कायम भाष्य करत होते. ’लव्ह जिहाद’, ’उद्योग जिहाद’, ’लॅण्ड जिहाद’, ’फूड जिहाद’, धर्मांतरण या सारख्या प्रकरणावरही त्यांचे भाष्य गाजले होते.

 कै.श्रीमती लक्ष्मीबाई दगडूशेठ हलवाई दत्तमंदिर ट्रस्टतर्फे घोषणा
पुणे :  शतकोत्तर रौप्यमहोत्सव संपन्न झालेल्या श्रीमती लक्ष्मीबाई दगडूशेठ हलवाई दत्तमंदिर ट्रस्टतर्फे देण्यात येणारे अत्यंत मानाचे गुरु महात्म्य पुरस्कार यंदा विज्ञाननिष्ठ अध्यात्माचे प्रणेते अभिजीत पवार, ज्येष्ठ इतिहास संशोधक पांडुरंग बलकवडे आणि लोकमान्य मल्टिपर्पज सोसायटीचे संस्थापक अध्यक्ष डॉ. किरण ठाकूर यांना प्रदान करण्यात येणार आहेत. रविवार, दिनांक ९ फेब्रुवारी रोजी सायंकाळी ५:३० वाजता बालगंधर्व रंगमंदिर येथील कार्यक्रमात प्रदान करण्यात येतील, अशी माहिती दत्तमंदिर ट्रस्टचे अध्यक्ष राजेंद्र बलकवडे यांनी पत्रकार परिषदेत दिली. 
पत्रकार परिषदेला कार्यकारी विश्वस्त अ‍ॅड. प्रताप परदेशी, खजिनदार अ‍ॅड. रजनी उकरंडे, उत्सव प्रमुख सुनिल रुकारी, उत्सव उप प्रमुख अक्षय हलवाई, विश्वस्त महेंद्र पिसाळ, अ‍ॅड. शिवराज कदम जहागिरदार, डॉ. पराग काळकर, युवराज गाडवे आदी उपस्थित होते. श्री दत्त महाराजांची प्रतिकृती असलेले सन्मानचिन्ह, महावस्त्र व रुपये २५,०००/- असे पुरस्काराचे स्वरुप आहे. पुरस्कारांचे हे तीसावे वर्ष असून मंदिराचे यंदा १२७ वे वर्ष चालू आहे
कार्यक्रमात खासदार श्रीमंत शाहू महाराज छत्रपती यांच्या हस्ते हे पुरस्कार प्रदान करण्यात येणार आहेत. यावेळी एमआयटी विश्वशांती विद्यापीठाचे संस्थापक अध्यक्ष डॉ. विश्वनाथ कराड, श्रीमंत दगडूशेठ हलवाई सार्वजनिक गणपती ट्रस्टचे अध्यक्ष सुनील रासने आदी मान्यवर उपस्थित राहणार आहेत. डॉ. किरण ठाकूर हे लोकमान्य चे संस्थापक असून सुरुवातीपासून त्यांनी समावेशक विकासाच्या तत्वज्ञानाला पुढे नेले आहे. प्रख्यात पत्रकार म्हणून त्यांची ओळख असून तरुण भारत च्या माध्यमातून दिलेल्या योगदानाबद्दल त्यांना गौरविण्यात येणार आहे.

इतिहास संशोधन क्षेत्रात तसेच मोडी लिपीच्या अभ्यासात भरीव योगदान देत, इतिहासातील अनेक संदर्भ समोर आणून सामान्यांपर्यंत आपल्या इतिहास पोहोचविणा-या पांडुरंग बलकवडे यांना गुरुमहात्म्य पुरस्काराने गौरवण्यात येईल. तसेच, अभिजीत पवार यांनी उद्योग, प्रसार माध्यम व सामाजिक क्षेत्रात अनेक वर्षांपासून बहुमूल्य योगदान दिले आहे. गेली अनेक वर्ष विज्ञाननिष्ठ अध्यात्म व प्राचीन भारतीय तत्वज्ञान, वेद उपनिषद व धर्मग्रंथांचा सखोल अभ्यासक म्हणून त्यांची ओळख युवा पिढीला आहे. अध्यात्मिक पुनरुत्थानाच्या भरीव कार्यासाठी त्यांचा ट्रस्टतर्फे गौरव करण्यात येणार आहे.

– प्रो लाईफ कॅन्सर सेंटर आणि रिसर्च इन्स्टिट्यूटचा उपक्रम
पुणे:- कर्करोगाविरोधातील लढ्यात मोलाचे योगदान देत असंख्य रुग्णांना नवजीवन देण्याचे कार्य करणाऱ्या संस्थांना पुण्यातील प्रो लाईफ कॅन्सर सेंटर आणि रिसर्च इन्स्टिट्यूट कडून एका विशेष कार्यक्रमात गौरविण्यात आले. जागतिक कर्करोग दिनाचे औचित्य साधून मंगळवारी या गौरव समारंभाचे आयोजन करणात आले होते.
प्रो लाईफ कॅन्सर सेंटर आणि रिसर्च इन्स्टीट्यूटचे प्रमुख डॉ. सुमित शहा यांच्या हस्ते या संस्थाचालकांना स्मृतीचिन्ह आणि मानपत्र देवून गौरविण्यात आले. गौरव करण्यात आलेल्या संस्थांमध्ये कॅन्सर पेशंट एड असोसिएशनच्या श्रीमती सप्रू मॅडम, नाग फाऊंडेशनचे डॉ. इनामदार, मुकुल माधव फाऊंडेशनचे जितेंद्र जाधव, जगेश रोकडे , केअर इंडिया मेडिकल सोसायटीच्या श्रीमती तस्लिमा मॅडम, हेल्पिंग हँड संस्थेच्या शैला नाईक , मुदिता – ॲन अलायन्स फॉर गिव्हिंग संस्थेचे माधव चव्हाण यांचा या गौरवमूर्तीमध्ये समावेश आहे. 
या संस्था आणि संस्थाचालकांनी कॅन्सर विरोधातील लढाईमध्ये अमूल्य योगदान देत असंख्य रुग्णांना नवजीवन देण्याचे काम केले आहे. त्यांच्या कार्याचा गौरव करण्याची संधी आम्हाला मिळली याबद्दल प्रो लाईफ कॅन्सर सेंटर आणि रिसर्च इन्स्टिट्यूट स्वतःला धन्य समजते अशा भावना डॉ. सुमित शहा यांनी यावेळेस व्यक्त केल्या.

पुणे: राष्ट्रवादी काँग्रेस पार्टी, पुणे शहरातर्फे शहराध्यक्ष दिपक मानकर यांच्या मार्गदर्शनाखाली आज सायंकाळी बुधवार पेठेतील समाधान चौक येथे अभिनेता राहुल सोलापूरकर याच्या निषेधार्थ आंदोलन करण्यात आले. छत्रपती शिवरायांच्या इतिहासाची मोडतोड करून बेताल वक्तव्ये करणाऱ्या सोलापूरकर याचा यावेळी तीव्र निषेध करण्यात आला. यावेळी छत्रपती शिवरायांच्या प्रतिमेला पुष्पहार अर्पण करण्यात आला. आणि सोलापूरकर याच्या प्रतिमेला जोडे मारत त्याचा निषेध करण्यात आला. यावेळी या आंदोलनाचे नेतृत्व माजी विरोधी पक्षनेते दत्ता सागरे यांनी केले. यावेळी पक्षाच्या पदाधिकाऱ्यांनी जाहीर निषेधाच्या घोषणानी परिसर दनाणून सोडला. यावेळी माजी नगरसेवक शांतीलाल मिसाळ, पुणे शहर महिला अल्पसंख्याक अध्यक्ष नूरजहां शेख, शहर सरचिटणीस शीतल जवंजाळ, शहर दिव्यांग अध्यक्ष पंकज साठे,ग्राहक संरक्षण अध्यक्ष राजेंद्र घोलप, कसबा अध्यक्ष सुप्रिया कांबळे, कसबा कार्याध्यक्ष गोरखनाथ भिकूले, कसबा उपाध्यक्ष संतोष हत्ते, कसबा युवक अध्यक्ष गजानन लोंढे, शिवाजीनगर मतदारसंघ अध्यक्ष अभिषेक बोके, शिवाजीनगर कार्याध्यक्ष बाळासाहेब आहेर, पुणे कँन्टोमेंट अध्यक्ष नरेश जाधव, पुणे कँन्टोमेंट कार्याध्यक्ष राहुल तांबे, ओबीसी अध्यक्ष अतुल जाधव, युवक उपाध्यक्ष गिरीश मानकर, मारुती आवरगंड, नेईम शेख, सुनीता चव्हाण, संजय लाड,शाम शेळके, विजय जाधव, अतुल जाधव, सादिक पटेल, अमूल कलाल, रोहिदास जोरी, फाय्याज खान, प्रदीप चोपडे आदी पदाधिकारी उपस्थित होते.

मराठी पत्रकार परिषदेचा पुरस्कार सोहळा संपन्न

पिंपरी, पुणे (दि. ४ फेब्रुवारी २०२५) सेलू येथे राज्यस्तरीय आदर्श जिल्हा पत्रकार संघ व आदर्श तालुका पत्रकार संघ पुरस्कार वितरण सोहळा आणि तालुकाध्यक्षांचा मेळावा शनिवारी आयोजित करण्यात आला होता. यावेळी मराठी पत्रकार परिषदेचा वसंतराव काणे आदर्श तालुका पत्रकार संघ पुरस्कार ‘पिंपरी चिंचवड पत्रकार संघाला देऊन गौरविण्यात आले.
मराठी पत्रकार परिषद आयोजित रंगाअण्णा वैद्य आदर्श जिल्हा व वसंतराव काणे आदर्श तालुका पत्रकार संघ पुरस्कार वितरण सोहळा आणि अध्यक्षांचा मेळावा परभणी जिल्ह्यातील सेलू येथे मराठी पत्रकार परिषदेचे मुख्य विश्वस्त एस. एम. देशमुख यांच्या अध्यक्षतेखाली मोठ्या थाटात संपन्न झाला.
याप्रसंगी परिषदेचे विश्वस्त किरण नाईक, शरद पाबळे, अध्यक्ष मिलिंद अष्टीवकर, प्रमुख वक्ते तथा प्रसिद्ध निवेदक विशाल परदेशी, स्वागताध्यक्ष विनोद बोराडे, परिषदेचे कार्याध्यक्ष शिवराज काटकर, सरचिटणीस प्रा. सुरेश नाईकवाडे, कोषाध्यक्ष मन्सूर शेख, विजय जोशी, राज्य प्रसिद्धीप्रमुख संदीप कुलकर्णी, सुनील वाळुंज, सह प्रसिद्धीप्रमुख भरत निगडे, महिला आघाडी अध्यक्षा शोभा जयपूरकर, डिजिटल मीडिया प्रदेशाध्यक्ष अनिल वाघमारे, मुंबई मराठी पत्रकार संघ अध्यक्ष दीपक कैतके, अक्रिटेशन कमिटी राजा आदाते, उपाध्यक्ष गणेश मोकाशी, पुणे जिल्हाध्यक्ष सुनील लोणकर, परिषद प्रतिनिधी एम. जी. शेलार, पिंपरी चिंचवड पत्रकार संघ अध्यक्ष अनिल वडघुले, अध्यक्ष डिजिटल मीडिया पिंपरी चिंचवड विनय सोनवणे, महावीर जाधव, राकेश पगारे, कार्याध्यक्ष अविनाश आदक, संतोष गोतावळे, रामकुमार शेडगे यांसह राज्यभरातून सर्व जिल्हा व तालुका पत्रकार संघ प्रमुख पदाधिकारी उपस्थित होते.
राज्यभर पत्रकारांच्या प्रश्नांसाठी पुन्हा रस्त्यावर उतरून आंदोलन करणार – एस. एम. देशमुख
पत्रकारांच्या प्रश्नासाठी मराठी पत्रकार परिषदेने सातत्याने पाठपुरावा केला. पत्रकारांच्या संरक्षणासाठी कायदा व्हावा, यासाठी रस्त्यावर उतरून आंदोलने केली. अखेर सरकारने २०१७ मध्ये पत्रकार संरक्षण कायदा केला. पण प्रत्यक्षात या कायद्याची अंबलबजावणी होत नाही. कारण या कायद्याचे नोटिफिकेशन निघाले नाही. पत्रकार संरक्षण कायद्यासह सरकार पत्रकारांच्या इतर प्रश्नांकडे जाणीवपूर्वक दुर्लक्ष करीत आहे. त्यामुळे आता पुन्हा एकदा मराठी पत्रकार परिषद राज्यभर रस्त्यावर उतरून पत्रकारांच्या विविध प्रश्नांसाठी आंदोलन करणार आहे असा इशारा मराठी पत्रकार परिषदेचे मुख्य विश्वस्त एस. एम. देशमुख यांनी यावेळी दिला.