पुणे कॅंटोन्मेंट विधानसभा मतदार संघात कॉंग्रेस, आर. पी. आय (कवाडे गट ) आघाडीचे अधिकृत उमेदवार रमेश बागवे यांच्या प्रचारानिमित सोमवार पेठमधील नरपतगीर चौकाजवळ कोपरा सभा संपन्न झाली . या सभेस कॉंग्रेस पक्षाचे प्रचारप्रमुख नारायण राणे , अखिल भारतीय कार्यकारीणीचे सचिव व महाराष्ट्राचे सहप्रभारी शोराज वाल्मिकी , प्रसिद्ध सिनेअभिनेत्री नगमा , महाराष्ट्र प्रदेश महिला कॉंग्रेस कमिटीच्या अध्यक्षा कमल व्यवहारे , पुणे शहर जिल्हा कॉंग्रेस कमिटीचे अध्यक्ष संजय बालगुडे , उमेदवार रमेश बागवे , आमदार अनंतराव गाडगीळ , विरोधी पक्षनेते व स्थानिक नगरसेवक अरविंद शिंदे , नगरसेविका लक्ष्मी घोडके , नगरसेवक सुधीर जानजोत , नगरसेविका लता राजगुरू , नगरसेवक अविनाश बागवे , माजी महापौर रजनी त्रिभुवन , स्थायी समिती माजी अध्यक्ष अनिस सुंडके , सदानंद शेट्टी , रशीद शेख , हाजी नदाफ , भगवान धुमाळ , शुक्ला महाराज , पुणे कॅंटोन्मेंट कॉंग्रेसचे ब्लॉक अध्यक्ष असिफ शेख , पुणे कॅंटोन्मेंट बोर्डाचे सर्व माजी उपाध्यक्ष व नगरसेवक , कॉंग्रेस पक्षाचे सर्व पदाधिकारी आणि कार्यकर्ते मोठ्या संख्येने उपस्थित होते .

यावेळी कॉंग्रेस पक्षाचे प्रचारप्रमुख नारायण राणे यांनी सांगितले कि , नरेंद्र मोदी हे महाराष्ट्राच्या बाबतीत सुडाचे राजकारण करीत आहे , त्यांनी मुंबई मधील भारतीय रिसर्व्ह बँकेचे मुख्यालय गुजरात मध्ये हलविण्याचा प्रयत्न असून देशाची आर्थिक राजधानी म्हणून असणारी मुंबईचे महत्व कमी करण्याचे काम होत आहे . मुंबई मध्ये समुद्रकिनारी असणारी गोदी मधून मालवाहतुकीचे काम चालते , हि गोदी स्थलांतर करून या गोदीतील असंख्य कामगारांना बेरोजगार होणार आहेत . त्यातून त्यांनी महाराष्ट्राला तोडण्याचा प्रयत्न तसेच वेगळा विदर्भ करण्याचा प्रयत्न करण्याचा डाव त्यांनी रचला आहे . भारतीय जनता पार्टीच्या जाहिरातीमध्ये शिवछत्रपतीचा आशीर्वाद मागता परंतु महाराज उत्तम प्रशिक्षक होते , त्यांनी जनतेला फसविण्याचे काम केले नाही . नरेंद्र मोदींच्या मंत्रिमंडळात बारा मंत्र्यांवर गुन्हे आहेत . त्यामुळे भाजपला सत्ता मिळवायची आहे त्यामुळे त्यांच्या बोलण्याला बळी पडू नका उद्धव ठाकरे कधी आमदार झाले नाही त्यांना मुख्यमंत्री व्हायचे आहे , कॉंग्रेसने नेहमीच विकासकामांच्या जोरावर प्रचार केला , जनतेसाठी विविध कल्याणकारी योजना कॉंग्रेसने राबविल्या . या विकासकामांवरच महाराष्ट्राला नंबर वनचे राज्य आहे . अजित पवार यांनी देखील सत्तेमध्ये असताना मुख्यमंत्रीबरोबर काम केले , तेव्हा अजित पवारांनी का विरोध केला नाही असा सवाल त्यांनी व्यक्त केला , पुण्याचे विकास पुरुष म्हणजे रमेश बागवे , त्यासाठी जनतेने रमेश बागवे यांना साथ देण्याचे आवाहन त्यांनी केले .

यावेळी पुणे कॅंटोन्मेंट विधानसभा मतदार संघात कॉंग्रेस, आर. पी. आय (कवाडे गट ) आघाडीचे अधिकृत उमेदवार रमेश बागवे यांनी सांगितले कि , कॉंग्रेसने विकासकामांच्या जोरावरच जनतेला मते मागत आहे त्यामुळे विकासकामे केल्यामुळेच मागील वेळी मतदारांनी मला भरघोस मतांनी निवडून दिले . पुणे कॅंटोन्मेंट विधानसभा मतदार संघ झोपडपट्टी मुक्त करून मतदार संघाचा विकास करण्यसाठी आगामी विधानसभा निवडणुकीत कॉंग्रेस पक्षाला साथ देण्याचे आवाहन त्यांनी केले .
यावेळी संगीता तिवारी , विठ्ठल थोरात , रशीद खिजर , भगवान धुमाळ , शुक्ला महाराज , करण मकवानी , नगरसेवक अविनाश बागवे आदींनी मनोगते व्यक्त केली . या कार्यक्रमाचे सूत्रसंचालन वाल्मिक जगताप यांनी केले .

पुणे : ऐतिहासिक पार्श्‍वभूमी असणार्‍या व बारा बलुतेदारांच्या कसबा मतदार संघावर कायमच अन्याय झाला असून, राजकीय इच्छाशक्तीच्या अभावी कसब्याचा विकास खुंटला आहे, अशी कडवी टीका राष्ट्रवादी काँग्रेसचे उमेदवार दीपक मानकर यांनी केली. प्रचार फेरीदरम्यान स्थानिक व्यापारी वर्गाकडून दीपक मानकर यांना चांगला प्रतिसाद लाभला. यावेळी प्रसिद्ध उद्योगपती रसिक धारीवाल यांची कन्या जान्हवी धारीवाल यांनी मानकर यांचे औक्षण करून त्यांना निवडणुकीकरीता शुभेच्छा दिल्या.
गेले अनेक वर्षे प्रस्थापितांनी कसब्याचा विकास केला नसून, जुन्या वाड्यांना एफएसआय देणे असो वा वाहतुकीचा प्रश्न असो ते अद्याप कायम आहे. सुरक्षिततेच्या दृष्टीने अत्यावश्यक असलेले सीसीटीव्ही कॅमेरे अजुनही बसविण्यात आलेले नाहीत. शनिवारवाडा, महात्मा फुले वाड्याच्या आजुबाजूचा परिसराचा विकास अजुनही झालेला नाही. १९८७ च्या विकास आराखड्यातील प्रस्तावित रस्ता रुंदीकरणाचा प्रश्न अजुनही कायम आहे. मंडईतील अनेक व्यापार्‍यांचा, पुलावरील बुरुड समाजाचे पुनर्वसन किंवा गंज पेठेतील भोई समाज, चांभार गल्लीतील चटई कामगारांच्या स्टॉलचा प्रश्न अजूनही अनुत्तरीत आहे. घोरपडी पेठ, नाना पेठ, भवानी पेठ, गंज पेठ येथील भांडी व्यापार्‍यांचे स्थलांतराच्या प्रश्नांना आश्‍वासनापलीकडे काहीच पदरात पडले नसून, त्यांना वाटाण्याच्या अक्षता लावण्यात आल्या आहेत. मतदार संघातील धार्मिक व ऐतिहासिक स्थळांच्या बाबतीतही अत्यंत दुर्लक्षीत दृष्टीकोन दिसून येत आहेत. यामुळेच कसबा मतदारसंघ हा म्हणावा तसा विकसित झालेला नाही.
पुण्यातील या सर्वांत जुन्या व ऐतिहासिक मतदार संघात नियोजनपूर्वक काम केल्यास पुण्याचा ऐतिहासिक वारसा जपत त्याला आधुनिकतेची झळाळी आणता येणे सहज शक्य आहे. मात्र, गरज आहे ती बदलाची. मतदार संघाच्या फेर रचनेत मुस्लिम समाज मोठय़ा प्रमाणावर या मतदार संघात आले आहेत.
मात्र, त्यांचा विकास अजुनही योग्य पद्धतीने झालेला नाही. जो प्रश्न येथील नागरिकांचा तोच प्रश्न येथील झोपडपट्टय़ांचा. मतदार संघातील असलेल्या पाचही झोपडपट्टय़ांच्यापुनर्वसनाच्या प्रश्नांवर कोणतीही ठोस कारवाई करण्यात आलेली नाही. झोपडपट्टय़ांचे पुनर्वसन या मतदार संघाच्या दृष्टीने अत्यंत महत्त्वाचे असून, माझा प्रय▪प्राधान्याने या दृष्टीने असणार आहे.
प्रचारफेरी दरम्यान दीपक मानकर यांना मतदार संघात लक्षणीय प्रतिसाद लाभला. दीपक मानकर यांच्या प्रचार फेरीचे आयोजन त्रिशुंड्या गणपतीपासून ते नानापेठ येथील बारेनिवासपर्यंत करण्यात आले होते. या पदयात्रेत राष्ट्रवादी काँग्रेसचे अनेक कार्यकर्ते व पदाधिकारी उपस्थित होते. यामध्ये राजेश सोनवणे, राजेंद्र जाधव, प्रकाश लांडगे, रवी कावणेकर, सोहम हंबीर, प्रशांत सोनवणे, जीवन मोकाशी, हिमांशु कुदळे आदी मान्यवर उपस्थित होते.

पर्वती विधानसभा मतदार संघाचे कॉंग्रेस-पीपल्स रिपब्लिकन पार्टी (कवाडे) उमेदवार अँड़ अभय छाजेड यांच्या पदयात्रेला शिवदर्शन भागात मतदारांचा भरपावसात उत्स्फूर्त प्रतिसाद मिळाला. पंजाला मत म्हणजे विकासाला मत, एकच मत पर्वती मतदारसंघाच्या विकासा साठी असे आवाहन करत निघालेल्या या पदयात्रेला महिलांसह अबालवृद्धांचा चांगला प्रतिसाद मिळाला.

शिवदर्शन भागातील राजीव गांधी ई-लर्निंग स्कूलपासून या पदयात्रेला प्रारंभ झाला. या पदयात्रेत अँड़ अभय छाजेड यांच्या समवेत उपमहापौर आबा बागुल, अमित बागुल, महेश वाबळे, हरीश जाधव, गणेश लगट, स्वप्निल नाईक, विजय बिबवे, अनिकेत निकाळजे, राजाभाऊ पोळ, दिलीप गायकवाड यांच्यासह शेकडो कार्यकर्ते व महिला सहभागी झाल्या होत्या.

राजीव गांधी ई-लर्निंग स्कूलपासून सुरु झालेली पदयात्रा पुढे शिवदर्शन वसाहत, निर्मल बाग सोसायटी, चौगुले शोरूम, तुरे निवास, तावरे कॉलनी, तावरे बेकरी, अरण्येश्‍वर मंदिर, शिंदे हायस्कूल रस्ता, संजयनगर, गवळी वाडा, सारंग सोसायटी असा मार्गक्रमण करीत रूपा हॉटेल येथे समाप्त झाली.

पदयात्रा अरण्येश्‍वर भागात असताना वरुनराजाने हजेरी लावली. मात्र, भरपावसातही हातात पंजाचे चित्र असलेले झेंडे घेवून नाचणारे कार्यकर्ते, ठिकठिकाणी फटाक्यांच्या आतषबाजी करीत व औक्षणाने छाजेड यांचे स्वागत केले जात होते. या भागातील सर्व व्यापार्‍यांचा तसेच रहिवाशांच्या घराघरात जावून छाजेड यांनी त्यांना मतदान करण्याचे आवाहन केले

कसबा विधानसभा मतदार संघाचे राष्ट्रवादी चे उमेदवार माजी उपमहापौर दीपक मानकर यांनी आज काढलेल्या प्रचारफेरीत माजी महापौर मोहनसिंग राजपाल आणि अनेक मान्यवर नागरिक सहभागी झाले होते . अनेक ठिकाणी त्यांचे स्वागत झाले तर महिलांसह अनेकांना यावेळी मानकर यांच्यासमवेत आपले छायाचित्र काढण्याचा मोह हि आवरला नाही त्या सर्वांना प्रतिसाद देत मानकर यांनी गाठी भेटींची अनोखी फेरी आज पार पडली

गेल्या पाच वर्षांत सर्वसामान्यांना काय हवे, हे पाहून राज्य शासन, केंद्र शासनाच्या योजना लोकांपर्यंत पोहोचविल्या. लोकांनी हाक मारताच लगेच धावून जात शिवाजीनगर मतदारसंघातील लोकांची कामे केली. विरोधकांनी मात्र गेली पंचवार्षिक निवडणूक झाल्यापासून मतदारसंघातील लोकांकडे साधे ढुंकूनही बघितले नाही. त्यामुळे मतदार त्यांना घरचा रस्ता दाखविल्याशिवाय राहणार नाहीत, असा विश्‍वास शिवाजीनगर मतदारसंघातील काँगेस-आरपीआय (कवाडे गट) चे अधिकृत उमेदवार विनायक निम्हण यांनी बोलून दाखविला.
राष्ट्रवादी काँगेसच्या आमदारांनी आपला निधी कुठे खर्च केला, हे दाखवून द्यावे. फक्त नेत्यांच्या पुढे पुढे करण्याशिवाय त्यांनी गेल्या पाच वर्षांत दुसरे काम केलेले नाही. मतदारसंघाची सीमारेषाही त्यांना माहीत असू नये, यासारखे दुसरे दुर्दैव नाही. पाच वर्षांत त्यांना जनता का दिसली नाही ? आताच का उफाळून आले जनतेवरचे प्रेम? असा खडा सवालही निम्हण यांनी राष्ट्रवादी काँगेसच्या उमेदवारांना केला.
भाजपवाल्यांचीही तीच गत आहे. कुठल्या तरी लाटेत आम्ही विजयी होऊ, हा फुगा याही निवडणुकीत मतदार फोडल्याशिवाय राहणार नाहीत. लाट ही क्षणिक असते. ती थोपवून ठेवता येत नसते, हे भाजपवाल्यांना कुणीतरी जाऊन सांगण्याची आवश्यकता आहे. शिवाजीनगर मतदारसंघासाठी त्यांना उमेदवार मिळू नये, यातच सर्वकाही आले. मनसेचा उमेदवार तर आपला प्रभाग सोडून बाहेर गेलेला दिसत नाही. त्यामुळे तो लोकांना माहीत असण्याचा काही संबंधच नाही. तसेच मतदारसंघातल्या समस्या माहीत असणेही दुरापास्तच आहे. गत निवडणुकीत राज्यात इतर ठिकाणी निवडून आलेल्या मनसे आमदारांनी काय दिवे लावले, हे सर्वांना माहीत आहे. त्यामुळे ते निवडून आल्यावर काय करणार, हे मतदारांनाही ठाऊक आहे.
माझे पक्षांतर्गत विरोधक नाहीत. मात्र, सध्या ज्या अफवा उठवल्या जात आहेत, त्या केवळ गैरसमजातून येत आहेत. पक्षातील आम्ही सर्वजण एकजुटीने निवडणुकीला सामोरे जात आहोत, हे माझ्या विरोधकांनी लक्षात घ्यावे. घरातल्या लोकांचा राग हा क्षणिक असतो. तो राग केव्हाच निवळला आहे. त्यामुळे तेही पक्षाचे काम करीत आहेत.

पुणे कॅंटोन्मेंट विधानसभा मतदार संघाचे कॉंग्रेस, पीपल्स रिपब्लिकन पार्टीचे (कवाडे गट ) आघाडीचे अधिकृत उमेदवार रमेश बागवे यांची आज प्रभाग क्रंमांक ४० मधील रास्ता , मंगळवार पेठ परिसरात पदयात्रा काढण्यात आली होती . ताई लक्षात ठेवा पंजा , दादा लक्षात ठेवा पंजा, आले रे आले पंजावाले असे नारे देत पदयात्रेमध्ये उत्साहपूर्ण वातावरणात कार्यकर्ते सहभागी झाले होते . फटाक्यांच्या आतिषबाजी करून जोरदार स्वागत करण्यात येत होते .

रास्ता पेठमधील संत कबीर चौकापासून या पदयात्रेस सुरुवात झाली . हि पदयात्रा संत कबीर चौक , क्वार्टर गेट , रास्ता पेठ , सोमवार पेठ पोलिस लाईन , ससून क्वार्टर्स , बरके आळी , लडकत पेट्रोल पंप , सदानंद नगर , कमला नेहरू हॉस्पिटल , भीमनगर , मंगळवार पेठ , श्रमिक नगर , कडबा कुट्टी , शिवाजी आखाडा , पी. एम. सी. कॉलनी , जुना बाजार येथे पदयात्रेचा समारोप करण्यात आला .

या पदयात्रेत विरोधी पक्षनेते व स्थानिक नगरसेवक अरविंद शिंदे , स्थायी समिती माजी अध्यक्ष सदानंद शेट्टी , स्थानिक नगरसेविका लक्ष्मी घोडके , माजी नगरसेविक लक्ष्मण आरडे , वाल्मिक जगताप , बाळासाहेब घोडके , राजेश शिंदे , भगवान धुमाळ , लतेंद्र भिंगारे , साधना अंबिके , माधव बारणे , रवि आरडे , शाम पवार , दीपक निनारीया , प्रशांत भालेराव , नरेंद्र खंडेलवाल , पप्पू कराळे , शाकसन शेट्टी , सागर बारणे , अमर पवार , आयाज खान , रजनी खेडेकर , रविंदरसिंग बेदी , मेन्वेल शिवले , आकाश भिवरे , रियाझ शेख , विजय नाईक , पप्पू कांबळे , युसुफ शेख , रोहित परदेशी आदी कार्यकर्ते सहभागी झाले होते .

————————————-
कसबा विधानसभा मतदार संघानंतर खडकवासल्यातही परिवर्तनाची लाट असल्याचा दावा राष्ट्रवादीकडून करण्यात येतो आहे खडकवासला मतदारसंघावर राष्ट्रवादीचा झेंडा फडकविण्याचा निर्धार , महापौर दत्ता धनकवडे, युवक अध्यक्ष अजित बाबर पुणे जिल्हा परिषदेचे उपाध्यक्ष, राष्ट्रवादीचे शहर अध्यक्ष काका चव्हाण, माजी आमदार कुमार गोसावी पंचायत समिती सदस्य नितीन दांगट यांनी एकत्रितपणे केला आहे
पुणे महापालिका हद्दीलगच्या ३४ गावांमध्ये झपाट्याने नागरिकरण वाढले आहे. या गावांचा महापालिकेत समावेश करण्यासाठी प्रयत्न करणार असल्याचे खडकवासला विधानसभा मतदारसंघातील राष्ट्रवादीचे अधिकृत उमेदवार दिलीप बराटे यांनी सांगितले.
पुणे महापालिकेत तीन वेळा नगरसेवक म्हणून मोठे काम केले आहे. उत्तमनगर, कोंढवे -धावडे, शिवणे, कोपरे या गावांसाठी जीवन प्राधिकरणाची पाणीपुरवठा योजना पूर्ण करून येथील पिण्याच्या पाण्याचा प्रश्न सोडविला आहे. शिवगंगा खोर्‍यातील व रांजणे, खामगांव, मावळ, मोगरवाडी, व घेरासिंहगड येथील वाड्यावस्त्यांवरील पिण्याच्या पाण्याचा प्रश्न कायमस्वरूपी सोडविण्यासाठी प्रय▪करणार असल्याचेही दिलीप बराटे यांन यावेळी स्पष्ट केले. छत्रपती शिवाजी महाराजांच्या पदस्पर्शाने पवण झालेल्या सिंहगड किल्यावर संपूर्ण महाराष्ट्राचा जाज्वल्य अभिमान असणारे नरवीर तानाजी मालुसरे यांच्या त्यागाची व शौर्याची आठवण करून देणारे ‘स्वराज्य निष्ठा शिल्प’ उभारण्यासाठी आयोजन करण्यात आले आहे. उपमुख्यमंत्री अजित पवार, खासदार सुप्रिया सुळे यांच्या मार्गदर्शनाखाली खडकवासला विधानसभा मतदारसंघात खानापूर, नर्‍हे, धायरी, वडगांव खुर्द, कोंढवे आदी गार्डन व काकडे सिटी (वारजे) या ठिकाणी सबस्टेशनची ऊर्जा विभागाच्या माध्यमातून कोट्यवधी रुपयांची कामे मार्गी लावण्यासाठी दिलीप बराटे यांनी पुढाकार घेतला आहे. पुणे महानगरपालिका हद्द व लगतच्या गावांमध्ये उड्डाणपूल, उद्याने, मोठे व प्रशस्त रस्ते, कचरा निर्मूलनासाठी बायोगॅस प्लॅंटची निर्मिती, नाट्यगृह, पाणीपुरवठा योजना, मतदारसंघात सुसज्ज असे रुग्णालय, ई – लर्निंग स्कूल, तंत्रशिक्षण, बिझनेस व कर्मशिअल हब, युवकांचे सशक्तीकरण तसेच बचत गटातील महिलांनी तयार केलेल्या वस्तूंसाठी बचत बाजार स्थापन करण्यासाठी पुढाकार घेणार असल्याचेही दिलीप बराटे यांनी सांगितले.
कोंढवे धावडे, उत्तमनगर, न्यू कोपरे, शिवणे येथे दिलीप बराटे यांची पदयात्रा काढण्यात आली. त्यामध्ये हजारो नागरिक, कार्यकर्ते सहभागी झाले होते. कोणत्याही परिस्थितील यावेळी खडकवासला विधानसभा मतदारसंघावर राष्ट्रवादीचा झेंडा फडकविण्याचा निर्धार यावेळी व्यक्त करण्यात आला. माजी आमदार कुमार गोसावी, पुणे महापालिकेचे महापौर दत्ता धनकवडे, पुणे जिल्हा परिषदेचे उपाध्यक्ष शुक्राचार्य वांजळे, खडकवासला विधानसभा मतदारसंघाचे अध्यक्ष काका चव्हाण, पुणे जिल्हा परिषदेच्या माजी सदस्या हर्षदाताई वांजळे, शेखर दांगट पाटील, पंचायत समिती सदस्य नितीन दांगट, कोंढवे धावडेचे उपसरपंच अतुल धावडे, माजी नगरसवेक शैलेश चरवड, सुरेशअण्णा गुजर, अहिरेगावचे माजी उपसरपंच सत्यनारायण आबा वांजळे, मारुती किंडरे, रमेश धावडे, गणेश धावडे, युवराज मोरे, माणिक मोकाशी, त्र्यंबक मोकाशी, विजय गायकवाड, बाळासाहेब दांगट या पदयात्रेत सहभागी झाले होते. दिलीप बराटे यांनी आज घरोघरी जाऊन ज्येष्ठ नागरिक, तरुण, महिला यांच्या गाठीभेटी घेतल्या. यावेळी नागरिकांनी बराटे यांना विविध समस्यांची जाणीव करून दिली. खडकवासला विधानसभा मतदारसंघातील सर्वच पदाधिकारी एक दिलाने राष्ट्रवादी कॉंग्रेसचे उमेदवार दिलीप बराटे यांचा प्रचार करीत आहेत.

———————————————
कसबा विधानसभा मतदार संघात लाट आहे पण ती नरेंद्र मोदी यांची नाही तर परिवर्तनाची लाट आहे , या मतदार संघात कसबा विधानसभा मतदारसंघातील राष्ट्रवादीचे उमेदवार दीपक मानकर यांच्या प्रचाराने चांगलीच रंगत आणली आहे.
राष्ट्रवादी पक्षाचे उमेदवार दीपक मानकर यांनी काल कसबा विधानसभा मतदार संघातून अनेक जुन्या इमारतींबाबत अभ्यास करून जुन्या वाड्यांचा प्रश्न आपण लवकरच मार्गी लावणार असल्याचे आश्‍वासन दिले. येथे लाट आहे पण ती परिवर्तनाची आहे आपल्या उमेदवारीमुळे येथील प्रश्न आता रेंगाळत पडणार नाही तर वेगाने सुटतील अशी आशा मतदारांच्या कडून व्यक्त होते आहे असे यावेळी मानकर यांनी सांगितले
त्यांच्या प्रचारानिमित्त पदयात्रेचे आयोजन करण्यात आले होते. शनिवारपेठ येथून सुरू झालेली पदयात्रा केसरीवाडा, नारायण पेठ, मोदी गणपती, मुंजोबाचा बोळ, चित्रशाळा चौक, प्रभात प्रेस, माती गणपती येथील गुप्ते मंगल कार्यालय येथे समारोप करण्यात आला. यावेळी दीपक जगताप, भगवान पालकर, दत्ता सागरे, सुरेश बांदड, कैलास कांबळे, रजनी पाचंगे, घारेताई व अनेक स्थानिक गणपती मंडळांचे अध्यक्ष उपस्थित होते. पुणे शहरातील बोहरी समाजाचे धर्मगुरू अब्देअली भाईसाहब यांना वाढदिवसाच्या शुभेच्छा देवून मानकर यांनी त्यांचा आशीर्वाद घेतला. धर्मगुरू अब्देअली भाईसाब यांनी मानकर यांना निवडणुकीत आपला पाठिंबा जाहीर केला. कसबा विधानसभा मतदारसंघात शनिवार, नारायण व सदाशिव पेठेमध्ये मोठय़ा प्रमाणावर जुने वाडे आहेत. गेली अनेक वर्षे विविध कारणांमुळे त्यांचा विकास झालेला नसून, मोडकळीस आलेले हे वाडे धोकादायक ठरण्याची शक्यता निर्माण झाली आहे.
या वाड्यांचा विकास साधताना भाडेकरू व मालक या दोघांचाही समन्वय साधून विकास करण्याबाबत मानकर यांनी दिशा दिली. आपण लवकरच भाडेकरू व मालक यांच्याशी समन्वय साधणार असून यातून नक्कीच सकारात्मक मार्ग निघेल, अशी मला आशा आहे. वाडा मालकांचे नुकसान होऊ न देता विकसकांना जादा एफएसआय देवून या ठिकाणी मध्यम स्वरूपाचे गृहप्रकल्प उभारणीला माझे प्रोत्साहन राहील. ऐतिहासिक वास्तूंच्या आजूबाजूचा परिसर विकासापासून वंचित राहिला आहे. राज्य व केंद्र शासनाच्या जाचक अटींमुळे हा विकास रखडला असून, पुरातत्व विभागाकडे आपण या अटी शिथिल करण्याची मागणी करणार असल्याचे जाहीर केले. विकास करताना मात्र पुण्याची ओळख असणारी वाडासंस्कृती जतन करून विकास करणार असल्याचे मानकर यांनी सांगितले. अनेक वर्षांपासून येथील नागरिक जीव मुठीत घेवून राहत आहेत. त्यांना आतातरी आपल्या हक्काचे घर मिळावे, याकरीता मी प्रयत्न करणार आहे