————————————-
कसबा विधानसभा मतदार संघानंतर खडकवासल्यातही परिवर्तनाची लाट असल्याचा दावा राष्ट्रवादीकडून करण्यात येतो आहे खडकवासला मतदारसंघावर राष्ट्रवादीचा झेंडा फडकविण्याचा निर्धार , महापौर दत्ता धनकवडे, युवक अध्यक्ष अजित बाबर पुणे जिल्हा परिषदेचे उपाध्यक्ष, राष्ट्रवादीचे शहर अध्यक्ष काका चव्हाण, माजी आमदार कुमार गोसावी पंचायत समिती सदस्य नितीन दांगट यांनी एकत्रितपणे केला आहे
पुणे महापालिका हद्दीलगच्या ३४ गावांमध्ये झपाट्याने नागरिकरण वाढले आहे. या गावांचा महापालिकेत समावेश करण्यासाठी प्रयत्न करणार असल्याचे खडकवासला विधानसभा मतदारसंघातील राष्ट्रवादीचे अधिकृत उमेदवार दिलीप बराटे यांनी सांगितले.
पुणे महापालिकेत तीन वेळा नगरसेवक म्हणून मोठे काम केले आहे. उत्तमनगर, कोंढवे -धावडे, शिवणे, कोपरे या गावांसाठी जीवन प्राधिकरणाची पाणीपुरवठा योजना पूर्ण करून येथील पिण्याच्या पाण्याचा प्रश्न सोडविला आहे. शिवगंगा खोर्‍यातील व रांजणे, खामगांव, मावळ, मोगरवाडी, व घेरासिंहगड येथील वाड्यावस्त्यांवरील पिण्याच्या पाण्याचा प्रश्न कायमस्वरूपी सोडविण्यासाठी प्रय▪करणार असल्याचेही दिलीप बराटे यांन यावेळी स्पष्ट केले. छत्रपती शिवाजी महाराजांच्या पदस्पर्शाने पवण झालेल्या सिंहगड किल्यावर संपूर्ण महाराष्ट्राचा जाज्वल्य अभिमान असणारे नरवीर तानाजी मालुसरे यांच्या त्यागाची व शौर्याची आठवण करून देणारे ‘स्वराज्य निष्ठा शिल्प’ उभारण्यासाठी आयोजन करण्यात आले आहे. उपमुख्यमंत्री अजित पवार, खासदार सुप्रिया सुळे यांच्या मार्गदर्शनाखाली खडकवासला विधानसभा मतदारसंघात खानापूर, नर्‍हे, धायरी, वडगांव खुर्द, कोंढवे आदी गार्डन व काकडे सिटी (वारजे) या ठिकाणी सबस्टेशनची ऊर्जा विभागाच्या माध्यमातून कोट्यवधी रुपयांची कामे मार्गी लावण्यासाठी दिलीप बराटे यांनी पुढाकार घेतला आहे. पुणे महानगरपालिका हद्द व लगतच्या गावांमध्ये उड्डाणपूल, उद्याने, मोठे व प्रशस्त रस्ते, कचरा निर्मूलनासाठी बायोगॅस प्लॅंटची निर्मिती, नाट्यगृह, पाणीपुरवठा योजना, मतदारसंघात सुसज्ज असे रुग्णालय, ई – लर्निंग स्कूल, तंत्रशिक्षण, बिझनेस व कर्मशिअल हब, युवकांचे सशक्तीकरण तसेच बचत गटातील महिलांनी तयार केलेल्या वस्तूंसाठी बचत बाजार स्थापन करण्यासाठी पुढाकार घेणार असल्याचेही दिलीप बराटे यांनी सांगितले.
कोंढवे धावडे, उत्तमनगर, न्यू कोपरे, शिवणे येथे दिलीप बराटे यांची पदयात्रा काढण्यात आली. त्यामध्ये हजारो नागरिक, कार्यकर्ते सहभागी झाले होते. कोणत्याही परिस्थितील यावेळी खडकवासला विधानसभा मतदारसंघावर राष्ट्रवादीचा झेंडा फडकविण्याचा निर्धार यावेळी व्यक्त करण्यात आला. माजी आमदार कुमार गोसावी, पुणे महापालिकेचे महापौर दत्ता धनकवडे, पुणे जिल्हा परिषदेचे उपाध्यक्ष शुक्राचार्य वांजळे, खडकवासला विधानसभा मतदारसंघाचे अध्यक्ष काका चव्हाण, पुणे जिल्हा परिषदेच्या माजी सदस्या हर्षदाताई वांजळे, शेखर दांगट पाटील, पंचायत समिती सदस्य नितीन दांगट, कोंढवे धावडेचे उपसरपंच अतुल धावडे, माजी नगरसवेक शैलेश चरवड, सुरेशअण्णा गुजर, अहिरेगावचे माजी उपसरपंच सत्यनारायण आबा वांजळे, मारुती किंडरे, रमेश धावडे, गणेश धावडे, युवराज मोरे, माणिक मोकाशी, त्र्यंबक मोकाशी, विजय गायकवाड, बाळासाहेब दांगट या पदयात्रेत सहभागी झाले होते. दिलीप बराटे यांनी आज घरोघरी जाऊन ज्येष्ठ नागरिक, तरुण, महिला यांच्या गाठीभेटी घेतल्या. यावेळी नागरिकांनी बराटे यांना विविध समस्यांची जाणीव करून दिली. खडकवासला विधानसभा मतदारसंघातील सर्वच पदाधिकारी एक दिलाने राष्ट्रवादी कॉंग्रेसचे उमेदवार दिलीप बराटे यांचा प्रचार करीत आहेत.

———————————————
कसबा विधानसभा मतदार संघात लाट आहे पण ती नरेंद्र मोदी यांची नाही तर परिवर्तनाची लाट आहे , या मतदार संघात कसबा विधानसभा मतदारसंघातील राष्ट्रवादीचे उमेदवार दीपक मानकर यांच्या प्रचाराने चांगलीच रंगत आणली आहे.
राष्ट्रवादी पक्षाचे उमेदवार दीपक मानकर यांनी काल कसबा विधानसभा मतदार संघातून अनेक जुन्या इमारतींबाबत अभ्यास करून जुन्या वाड्यांचा प्रश्न आपण लवकरच मार्गी लावणार असल्याचे आश्‍वासन दिले. येथे लाट आहे पण ती परिवर्तनाची आहे आपल्या उमेदवारीमुळे येथील प्रश्न आता रेंगाळत पडणार नाही तर वेगाने सुटतील अशी आशा मतदारांच्या कडून व्यक्त होते आहे असे यावेळी मानकर यांनी सांगितले
त्यांच्या प्रचारानिमित्त पदयात्रेचे आयोजन करण्यात आले होते. शनिवारपेठ येथून सुरू झालेली पदयात्रा केसरीवाडा, नारायण पेठ, मोदी गणपती, मुंजोबाचा बोळ, चित्रशाळा चौक, प्रभात प्रेस, माती गणपती येथील गुप्ते मंगल कार्यालय येथे समारोप करण्यात आला. यावेळी दीपक जगताप, भगवान पालकर, दत्ता सागरे, सुरेश बांदड, कैलास कांबळे, रजनी पाचंगे, घारेताई व अनेक स्थानिक गणपती मंडळांचे अध्यक्ष उपस्थित होते. पुणे शहरातील बोहरी समाजाचे धर्मगुरू अब्देअली भाईसाहब यांना वाढदिवसाच्या शुभेच्छा देवून मानकर यांनी त्यांचा आशीर्वाद घेतला. धर्मगुरू अब्देअली भाईसाब यांनी मानकर यांना निवडणुकीत आपला पाठिंबा जाहीर केला. कसबा विधानसभा मतदारसंघात शनिवार, नारायण व सदाशिव पेठेमध्ये मोठय़ा प्रमाणावर जुने वाडे आहेत. गेली अनेक वर्षे विविध कारणांमुळे त्यांचा विकास झालेला नसून, मोडकळीस आलेले हे वाडे धोकादायक ठरण्याची शक्यता निर्माण झाली आहे.
या वाड्यांचा विकास साधताना भाडेकरू व मालक या दोघांचाही समन्वय साधून विकास करण्याबाबत मानकर यांनी दिशा दिली. आपण लवकरच भाडेकरू व मालक यांच्याशी समन्वय साधणार असून यातून नक्कीच सकारात्मक मार्ग निघेल, अशी मला आशा आहे. वाडा मालकांचे नुकसान होऊ न देता विकसकांना जादा एफएसआय देवून या ठिकाणी मध्यम स्वरूपाचे गृहप्रकल्प उभारणीला माझे प्रोत्साहन राहील. ऐतिहासिक वास्तूंच्या आजूबाजूचा परिसर विकासापासून वंचित राहिला आहे. राज्य व केंद्र शासनाच्या जाचक अटींमुळे हा विकास रखडला असून, पुरातत्व विभागाकडे आपण या अटी शिथिल करण्याची मागणी करणार असल्याचे जाहीर केले. विकास करताना मात्र पुण्याची ओळख असणारी वाडासंस्कृती जतन करून विकास करणार असल्याचे मानकर यांनी सांगितले. अनेक वर्षांपासून येथील नागरिक जीव मुठीत घेवून राहत आहेत. त्यांना आतातरी आपल्या हक्काचे घर मिळावे, याकरीता मी प्रयत्न करणार आहे

पुणे कॅंटोन्मेंट विधानसभा मतदार संघाचे कॉंग्रेस, आर. पी. आय (कवाडे गट ) आघाडीचे अधिकृत उमेदवार रमेश बागवे यांची आज घोरपडी परिसरात पदयात्रा काढण्यात आली होती . घोरपडी बाजारातील आयप्पा मंदिरापासून या पदयात्रेस सुरुवात झाली . आजच्या पदयात्रेत रमेश बागवे यांनी धम्मचक्र परिवर्तन दिनानिमित घोरपडी भागातील विकास नगर बुध्द विहारात जाऊन तथागत भगवान गौतम बुध्द आणि डॉ. बाबासाहेब आंबेडकर यांच्या प्रतिमांचे पूजन करून अभिवादन केले . तसेच घोरपडी भागातील मतदारांना विजयादशमीनिमित शुभेछा दिल्या. घोरपडी बाजारातील अय्यप्पा मंदिर , घोरपडी गावमधील श्रीनाथ मंदिरामध्ये जाऊन दर्शन घेतले . तर जामा मस्जिद मधील मुस्लिम बांधवांच्या नमाज पठनानंतर त्यांच्या भेटी घेतल्या . त्यानंतर घोरपडी बाजार , फैलवाली चाळ , रेल्वे गेट साईबाबा मंदिर , फिलिप्स चाळ , विकास नगर बुध्द विहार , श्रीनाथ महाराज मंदिर , मरिमाता नगर , भाजी मार्केट , जामा मस्जिद आदी भागात काढण्यात आली होती .

या पदयात्रेत पुणे कॅंटोन्मेंट ब्लॉक कॉंग्रेस अध्यक्ष असिफ शेख , माजी नगरसेविका मंगला मंत्री , प्रदीप परदेशी , तुषार मंत्री , अरविंद अंगिरवाल , महेश मिश्रा , संजय वाघमारे , महावीर परदेशी , भुजंगराव मसलखांब , अक्षय राजोरे , फ्रेंकी हिरेकेरूर , सिल्वेस्टार आनंदराज , प्रविण जाधव , राजेश गायकवाड , मुकेश टिकारे , शेखर कवडे , योगेश घोडके , रुपेश गायकवाड , विजय परदेशी , अखबर बशीर खान , निलेश घोडके , प्रेम परदेशी , आरोग्यम सेल्वम हिरालाल परदेशी , बंटी पिल्ले , विजय घिया आदी कार्यकर्ते उपस्थित होते

मार्केटिंग आणि प्रोजेक्शन चे आधुनिक तंत्र नरेंद्र मोदी अवलंबत आहेत हेच तंत्र त्यांनी केंद्रात सत्ता मिळविण्यासाठी वापरले होते आणि सत्ता मिळविल्यानंतरही वापरत आहेत बाकी नवीन काही नाही ,परदेश दौऱ्यांमध्ये मनमोहनसिंग यांनाही प्रचंड प्रतिसाद मिळत होता ते हि चांगली कामगिरी करीत परंतु त्यांनी कधी त्याचे मार्केटिंग आणि प्रोजेक्शन केले नाही . मनमोहन सिंग आणि मी असे आम्ही दोघे हि एकाच जमान्यातील राजकारणी आहोत फक्त सभा करायच्या आणि व्यासपीठावरून निघून जायचे एवढेच करीत असत . इंटरनेट सोशल मिडिया , वेब मिडिया व्हाटस अप कडे आम्ही लक्ष दिले नाही आता अन्य सर्वच पक्षातील तरुणाई हे पाहू लागली आहे असे सांगत राष्ट्रवादीचे अध्यक्ष शरद पवार म्हणाले , आताच्या सरकारला बहुमत आहे पण . पूर्वीच्या सरकारनेच घेतलेल्या निर्णयांचा अंमल सध्या दिसतो आहे भारत सरकार कडे २ वर्षे पुरेल एवढा धान्यसाठा असल्याचे वक्तव्य केले जाते पण यांचे सरकार आले मे महिन्यात मग धान्य पेरले कधी/ आणि उगवले कधी ? असा सवाल त्यांनी केला . आजकाल मार्केटिंग आणि प्रोजेक्शन आणि संवाद याकडे लक्ष दिले पाहिजे अशाच आशयाची गरज श्री पवार यांनी प्रतिपादित केली मोदी यांनी पंतप्रधान पदी असताना महाराष्ट्रात एवढ्या जास्त संख्येने सभा घेणे यावरूनच त्यांनी महाराष्ट्राच्या निवडणुकीला दिलेले महत्व लक्षात येते असे हि ते म्हणाले.
पुण्यात झालेल्या पत्रकार परिषदेत ते बोलत होते , यावेळी अजित पवार यांनी चालविलेल्या पृथ्वीराज चव्हाण यांच्यावरील टिके संदर्भात प्रश्न विचारला असता ते म्हणाले , मी कधी कोणाचे नाव घेत नाही , आणि व्यक्तिगत टीका हि करीत नाही आमच्या पक्षातील सहकाऱ्यांना असाच सल्ला देईल त्यांनी व्यक्तिगत टीका टाळून विकास कार्यक्रम मांडावेत आघाडी का कशी तुटली यावरील प्रश्नावर बोलताना ते म्हणाले , ‘ सोनिया गांधी ची आघाडी व्हावी अशीच पूर्णतः सकारात्मक भूमिका होती मात्र राज्यातील त्यांच्या पक्षाच्या फळी तून प्रतिसाद मिळाला नाही आणि आयत्यावेळी जिथे १३०/ १४० जागा लढायची तयारी करीत होतो तिथे राज्याची निवडणूक स्वबळावर लढायचा निर्णय घेण्याची वेळ आली एकाच दिवस उरला होता आणि राज्यातील काँग्रेस ने ११० उमेदवारांची यादी जाहीर केली होती आणि त्यात काही मतदारसंघ आमच्या वाटेचे होते अशा परिस्थितीत आमच्यापुढे पर्याय नव्हता आम्हाला २८५ जागा लढविण्याचे आव्हान स्वीकारावे लागले सर्वच राजकीय पक्ष स्वबळावर जनतेपुढे जात आहेत हि चांगली संधी असली तरी परिस्थिती अवघड आहे आणि आव्हानात्मक आहे असे हि ते म्हणाले आमची जी तयारी होती त्याहून दुप्पट जबाबदारी आता येवून पडली आहे पण दिवसेंदिवस
आत्मविश्वास हि वाढतो आहे आम्हाला नक्कीच बहुमत मिळेल असा विश्वास आहे
सिंचन घोटाळा हा राष्ट्रवादी विरोधात प्रचारासाठीच तयार केलेला विषय आहे ते म्हणाले १० वर्षात जिथे ३० हजार कोटी खर्च झाला त्यात ७० हजार कोटीचा घोटाळा होईलच कसा ?यासंदर्भात राज्याच्या प्रमुखांनी ‘ केवळ १ ते २ टक्के पाणी वाढले असे केलेले वक्तव्यही वस्तुस्थितीला धरून केलेले नव्हते असे ते म्हणाले .
वेगळ्या विदर्भाच्या प्रश्नावर बोलताना पवार म्हणाले ,महाराष्ट्राच्या निर्मिती साठी शेकडोंनी प्राण दिले हे राज्य एकसंघ राहावे अशीच इच्छा राहील , पण तरीही मला वाटते हा निर्णय राजकारण्यांनी घेवू नये तो जनतेवर सोपवावा जनमत घेवून त्यावर निर्णय व्हावा , स्वतंत्र विदर्भाच्या नावाने ज्यांनी निवडणुका लढविल्या त्यांना नाही हे हि त्यांनी नमूद केले , मुंबई हे सर्वधर्मियांचे शहर आहे सर्वांचे मुंबईच्या विकासात योगदान आहे मराठी – गुजराती हा वाद वाढवून असे अंतर वाढविणे आपल्याला मान्य नाही . आमचा मुख्यमंत्री कोण असेल याबाबत एखाद्या नेत्याचा चेहरा घेवून आम्ही निवडणूक लढवू शकत नाही असे सांगून ते म्हणाले निवडून आलेल्या विधिमंडळ सदस्यांचा कल पाहून निवड करण्याची पद्धत आमच्या पक्षात आहे भुजबळ – आर आर -क्षीरसागर अनिल देशमुख – अजित पवार अशी ८ ते १० मंडळी राज्याचे नेतृत्व उत्तम प्रकारे करू शकतील अशा ताकदीचे आहेत , सुप्रिया सुळे यांचे नाव घेतले नाही कारण त्यांना केंद्रात रस आहे राज्यात नाही असेही ते म्हणाले

माजी उद्योगमंत्री आणि काँग्रेसच्या निवडणूक प्रचार समितीचे प्रमुख नारायण राणे हे शनिवारी पुणे कॅन्टोन्मेंट आणि पर्वती विधानसभा मतदारसंघात सभा घेणार आहेत. सिंहगड रोडवर सायंकाळी सहा वाजता, तर कॅन्टोन्मेंटमध्ये सायंकाळी सात वाजता या सभा होणार आहेत.केंद्रात भाजपची सत्ता असली तरी सध्या वातावरण बदललेले आहे. मोदी लाट ओसरली असल्याने त्याचा फायदा विधानसभा निवडणुकीत होणार आहे. शहरातील मतदारांची मानसिकता बदलल्याने काँग्रेसला निश्‍चित फायदा होणार असल्याचा दावा पुणे शहर काँग्रेस कमिटीचे प्रभारी अध्यक्ष संजय बालगुडे यांनी पत्रकार परिषदेत केला आहे.
पुणे शहरातील आठही विधानसभा मतदारसंघांतील काँग्रेस आय पक्षाच्या उमेदवारांनी आज काँग्रेसभवनात संयुक्तरीत्या पत्रकार परिषद घेतली. यावेळी उमेदवारांनी सर्वच विधानसभा मतदारसंघातील परिस्थिती वेगळी असल्याने आणि मानसिकता बदलत असल्याने आमचा विजय निश्‍चित असल्याचे यावेळी नमूद केले. या पत्रकार परिषदेत शहर काँग्रेस निवडणुकीच्या दृष्टीने सक्रिय झाली असून, शहरात सगळ्या मतदारसंघांत परिस्थिती वेगळी असल्याने काँग्रेसचे उमेदवार हे सर्व ठिकाणी विजयी होणार असल्याचे यावेळी सांगण्यात आले.
पुणे शहर काँग्रेस कमिटीच्या प्रभारी अध्यक्षपदी नगरसेवक संजय बालगुडे यांची नियुक्ती करण्यात आल्यानंतर त्यांनी पत्रकार परिषद घेतली. यावेळी त्यांनी शहरातील सर्व कार्यकर्त्यांमध्ये समन्वय साधण्यात आला असून, प्रचारसाहित्य कार्यकर्त्यांपर्यंत पोहोचविण्यात आले असल्याचे नमूद केले. तसेच, आगामी काळात प्रचाराची मदार आता पक्षाचे राज्य आणि देशपातळीवरील नेतेमंडळी सांभाळणार असून, प्रचारसभांचे आयोजन करण्यात येऊन काँग्रेस प्रचाराची राळ उडवून देणार असल्याचे बालगुडे यांनी नमूद केले.

राजगुरूनगर : स्वतंत्र विदर्भाच्या नावाखाली आणि मुंबईला महाराष्ट्रापासून वेगळी करण्याचे अखंड महाराष्ट्राचे लचके तोडण्याची स्वप्ने पाहणार्‍या दिल्लीतील मोगलशाही सरकारचे प्रयत्न हाणून पाडले जातील, असा इशारा युवा सेना प्रमुख आदित्य ठाकरे यांनी राजगुरुनगर येथे दिला.खेड आळंदी विधानसभा मतदारसंघातील सेनेचे अधिकृत उमेदवार सुरेश गोरे यांच्या प्रचारार्थ आयोजित केलेल्या सभेत ते बोलत होते. पुढे बोलताना ते म्हणाले, शिवसेनेने मित्र म्हणून ज्यांना २५ वर्षे सांभाळले, प्रसंगी सर्व सुख दु:खात साथ दिली, त्याच मित्राने केवळ स्वार्थासाठी सहकारी मित्राच्या पाठीत खंजीर खुपसला असून महाराष्ट्रातील जनता त्यांना माफ करणार नाही. ही निवडणूक म्हणजे राज्याच्या स्वाभिमानाची लढाई असून भगव्याची ताकद काय आहे, ती या निवडणुकीत राज्यातील जनता दिल्लीत बसलेल्यांना दाखवून देईल. असा इशाराही त्यांनी यावेळी दिला.
आदित्य ठाकरे म्हणाले, युतीची बोलणी करण्यासाठी मी सेनेच्या इतर नेत्यांसमवेत भाजपच्या नेत्यांकडे गेलो होतो. परंतु चोवीस वर्षांचा हा मुलगा आमच्याशी काय बोलणी करणार? अशी भाजपच्या लोकांनी माझी संभावना केली. परंतु या निवडणुकीत युवा सेनेची ताकद काय आहे. ती तुम्हाला तरुणांच्या मतदानाच्या माध्यमातून दाखवून देतो, असे आव्हानही ठाकरे यांनी भाजपला दिले आहे.
अमोल कोल्हे म्हणाले, या आघाडी सरकारने तीन वेळा महाराष्ट्रातील जनतेची फसवणूक केलेली आहे. परंतु या विधानसभेच्या निवडणुकीत जनता काँग्रेस व राष्ट्रवादीला गाडल्याशिवाय राहणार नाही. खासदार आढळराव म्हणाले, गेल्या दहा वर्षाच्या काळात आ. दिलीप मोहितेंच्या गुंडगिरी व दहशतीला तालुक्यातील जनता कंटाळलेली आहे. यावेळी विजया शिंदे, दत्ता कंद यांची भाषणे झाले.
याप्रसंगी संपर्कनेते मनोहर गायखे, पुणे जिल्हा प्रमुख राम गावडे, शिवसेनेचे उमेदवार सुरेश गोरे, राजू जवळेकर, खेड बाजार समितीचे माजी सभापती रामदास ठाकूर, अतुल देशमुख, उपजिल्हाप्रमुख शिवाजी वर्पे, तालुका अध्यक्ष गणेश सांडभोर, महिला आघाडीच्या विजया शिंदे, प्रकाश वाडेकर, युवा सेना जिल्हाध्यक्ष अमृता गुरव, तालुका अधिकारी दत्ता कंद, नाना टाकळकर सह शिवसैनिक उपस्थित होते.

गंज पेठेतील महत्मा फुले स्मारकाला ऐतिहासिक पर्यटन केंद्राचा दर्जा मिळवून देण्यासाठी फुले स्मारकाचे अत्याधुनुकीकरण येथी २०० रहिवाश्याच्या सहभागाने करू अशी ग्वाही आज येथे कसबा विधानसभा मतदार संघाचे राष्ट्रवादी पक्षाचे उमेदवार दीपक मानकर यांनी दिली तसेच येथून जवळच असलेल्या मासे आळीतील व्यापाऱ्यांसाठी आधुनिक शीतगृह उभारण्याचा मनोदय हि आज येथे त्यांनी बोलून दाखविला या परिसरातील नागरिकांचे जीवनमान उंचावण्यासाठी आणि हा परिसर स्वच्छ -सुंदर -आणि संपन्न अशी पुण्याची वसाहत बनविण्यासाठी आपण कसोशीने राज्यसरकार आणि महापालिका यांच्याकडून या योजना राबवून घेवू असे ते म्हणाले , या परिसराच्या पूर्वेस असलेल्या टिंबर मार्केट परिसरातील नाला बंदिस्त करून – सुशोभीकरण करून त्यावर वाहनतळ उभारण्याची योजनाही अमलात आणण्यासाठी आपण प्रयत्न करू असे यावेळी त्यांनी सांगितले . जागतिक स्वच्छता दिनाचे ओचित्य साधून पंचहौद येथून अभियानाची सुरुवात त्यांनी येथून सफाई मोहीम राबवून केली आणि या परिसरातील नागरिकांशी संवाद साधला राष्ट्रवादी काँग्रेस चे अजय दराडे , मुनाफ शेख , जे व्ही पटेल , आयुब भाई , हनीफ कुरेशी , बाबा कुरेशी आदी मान्यवर कार्यकर्ते यावेळी त्यांच्या समवेत या अभियानात सहभागी झाले होते