(फाईल फोटो )
पुण्याच्या ससून रुग्णालयातच आणि परिसरातील अस्वच्छता पाहून डेंग्यूच्या डासांची उत्पततेची येथे होवू शकते असा निष्कर्ष काढून पुणे महापालिकेने ससून रुग्णालयाला नोटीस बजावली आहे . हि नोटीस बजावल्याने येथील रुग्णांसह , डॉक्टर , कर्मचारी आदींचे आरोग्य धोक्यात आल्याचे वृत्त , वुत्तवाहिन्यांनी दिले आहे दरम्यान यावर ससून रुग्णालयाचे प्रशासन आणि अधिष्ठाता यांचे म्हणणे समजू शकले नाही

पुणे- पुण्यातील न-हे-आंबेगाव येथे इमारत कोसळून एका तरुणाचा मृत्यू झाल्याप्रकरणी पोलिसांनी बिल्डर आणि जागामालकासह तिघांना शनिवारी अटक केली. त्यांच्याविरुद्ध सदोष मनुष्यवधाचा गुन्हा दाखल केला आहे. न्यायालयाने त्यांना सहा दिवसांची पोलिस कोठडी सुनावली.
किशोर पितांबर वडगामा (वय 48, रा. नऱ्हे गाव), रणजित संभाजी देसाई (वय 40, रा. सहकारनगर) आणि कैलास कृष्णा कंक (वय 48, रा. बिबवेवाडी) अशी अटक केलेल्यांची नावे आहेत.
नऱ्हे ग्रामपंचायतीच्या हद्दीत शुक्रवारी पहाटे तीनच्या सुमारास “पिताराम कॉम्प्लेक्‍स‘ ही इमारत कोसळून संगणक अभियंता संदीप दिलीप मोहिते (वय 29) यांचा मृत्यू झाला. शिवाय इमारतीत राहणाऱ्या नऊ कुटुंबांचे संसार उद्‌ध्वस्त झाले. या घटनेनंतर सिंहगड पोलिसांनी काल चौघांना चौकशीसाठी ताब्यात घेतले होते. त्यानंतर शनिवारी सदोष मनुष्यवधाचा गुन्हा दाखल करण्यात आला.
नऱ्हे ग्रामपंचायत हद्दीत बांधण्यात आलेल्या “पिताराम कॉम्प्लेक्‍स‘ची जागा रणजित देसाई आणि सीताबाई ज्ञानोबा रानवडे यांची आहे. त्या जागेवर व्ही. के. असोसिएट्‌सचे मालक किशोर वडगामा आणि प्रकाश रामचंद्र कंधारे यांनी इमारत बांधली. त्यांच्यासह आरसीसी डिझायनर डेलकॉन कंपनीचे बाळ कुलकर्णी आणि पिताराम कॉम्प्लेक्‍सचे आर्किटेक्‍ट, आरसीसी कन्सल्टंट, कंत्राटदार, बांधकाम साहित्य पुरवठादार आणि त्यांच्या सहाय्यकांची चौकशी करण्यात येत आहे. चौकशीनंतर या दुर्घटनेस जबाबदार प्रशासकीय अधिकारी, लोकप्रतिनिधी आणि संबंधितांवरही गुन्हा दाखल करण्यात येणार असल्याची माहिती पोलिस सूत्रांनी दिली.
पिताराम कॉम्प्लेक्‍समधील रहिवासी इमारत कोसळण्यापूर्वी वेळीच घराबाहेर पडल्याने एक तरुण वगळता सर्वांचे जीव वाचले. केवळ अंगावरील कपड्यानिशी बाहेर पडलेल्या रहिवाशांचे संसार उपयोगी साहित्य ढिगाऱ्याखाली दबल्यामुळे त्यांना अडचणींना सामोरे जावे लागत आहे.
इमारतीमधील काही रहिवाशी नातेवाइकांच्या घरी आणि इतरत्र राहण्यास गेले आहेत. परंतु त्यांचे सोन्याचे दागिने, रोख रक्‍कम, मोबाईल, बॅंक पासबुक, एटीएम कार्ड आणि महत्त्वाची कागदपत्रे ढिगाऱ्याखाली अडकले आहेत. त्या वस्तू आणि कागदपत्रे ढिगाऱ्यातून सापडतील या आशेने काही जण त्याचा शोध घेत आहेत. दुर्घटनेच्या दिवशी ढिगारा उपसताना सापडलेले काही दागिने आणि रोख रक्कम असलेली पर्स आणि पासपोर्ट पंचनामा करून पोलिसांनी संबंधितांना सुपूर्त केला आहे. सर्व काही जमीनदोस्त झाल्यामुळे साधा चहा प्यायचा तरी खिशात पैसे नाहीत. काही रहिवाशांनी शुक्रवारी रात्री बाजूच्या इमारतीत आसरा घेतला. शनिवार उजाडताच ढिगारा उपसताना आपले सामान मिळेल, या अपेक्षेने तेथील रहिवाशी दुर्घटनाग्रस्त इमारतीच्या परिसरात आले. महत्त्वाच्या वस्तू मिळाव्यात यासाठी त्यांचा जीव टांगणीला लागला आहे.सहाव्या मजल्यावर राहणारे प्रकाश यादव यांना पासपोर्ट आणि पत्नीची पर्स मिळाली. पार्किंगमध्ये मोटारीत महत्त्वाची कागदपत्रे अडकली आहेत; परंतु संपूर्ण ढिगारा उपसल्यानंतरच काही वस्तू हाती लागण्याची शक्‍यता आहे.
महापालिका हद्दीलगतच्या गावांमधील अनधिकृत बांधकामाची पाहणी करण्यासाठी तलाठ्यांची पथके नियुक्त करण्यात येतील. येत्या सोमवारपासून ही पाहणी केली जाईल. महापालिकेने मदत केल्यास, अनधिकृत बांधकामाविरुद्ध कारवाई केली जाईल, असे प्रभारी जिल्हाधिकारी प्रदीप पाटील यांनी शनिवारी सांगितले.
दुर्घटना घडल्यानंतर, कारवाईसंदर्भात पाटील म्हणाले, ‘त्या इमारतीच्या पहिल्या दोन मजल्यावर वाहनतळ आणि त्यावर चार मजले बांधण्यास परवानगी देण्यात आली होती. बांधकाम व्यावसायिकाने त्यावर आणखी एक अनधिकृत मजला बांधला होता. तेरा गुंठे जागेवर ही इमारत बांधली होती. त्याला अकृषी प्रमाणपत्र देण्यात आले होते. त्या इमारतीचे प्लिंथ चेकिंग नगररचना विभागामार्फत झाले होते. मात्र, बांधकाम पूर्णत्वाचा दाखला देण्यात आला नव्हता. संबंधित बांधकाम व्यावसायिकांविरुद्ध गुन्हा दाखल करण्यात आला आहे.‘‘
‘प्रांत अधिकारी, निवासी उपजिल्हाधिकारी, नगर रचना विभागाचे व महापालिकेचे अधिकारी यांची बैठक सोमवारी घेण्यात येईल. त्यामध्ये अनधिकृत बांधकामाच्या पाहणीबाबतचा तपशील ठरविला जाईल. त्यानुसार, अशा बांधकामांची पाहणी करून अहवाल तयार केला जाईल. जिल्हाधिकारी कार्यालयाकडे ती बांधकामे पाडण्यासाठी कर्मचारीवर्ग आणि यंत्रसामग्री नाही. महापालिकेने ती उपलब्ध करून दिल्यास, अनधिकृत बांधकामांविरुद्ध कारवाई केली जाईल. यापूर्वीच्या मोहिमेत 22 इमारतींविरुद्ध कारवाई करण्यात आली होती,‘‘ असे त्यांनी सांगितले.पाटील म्हणाले, ‘नोंदणी विभागाच्या दुय्यम सहनिबंधकांनाही अशा इमारतीच्या खरेदी विक्रीची नोंदणी न करण्याची सूचना देण्यात येईल. नोंदणी महानिरीक्षक यांना आम्ही त्यासंदर्भात कळविणार आहोत.‘‘

पुणे-
नगर जिल्ह्यातील जवखेडा मधील पाथर्डी येथील दलित कुटूबियांवर झालेल्या अत्याचार विरोधात पुणे लष्कर भागातील विविध सामाजिक संघटनांनी आज सकाळी महात्मा गांधी रस्त्यावरील ट्रायलक चौकात ” रास्ता रोको ” आंदोलन करण्यात आले . गेले अनेक दिवसापासून नगर जिल्ह्यामध्ये दलित समाजावर अन्याय अत्याचार वाढत आहेत ,त्याविरोधात वेळोवेळी आंदोलन घेऊन सुद्धा हे अत्याचार थांबत नाहीत त्यामुळे या अत्याचाराला विरोध करून निषेध करण्यासाठी ” रास्ता रोको ” आंदोलन करण्यात आले . या आंदोलनाचे आयोजन संदीप भोसले , रोहिदास गायकवाड , जगन्नाथ गायकवाड , विठ्ठल केदारी , रणजीत परदेशी , अनिल जगताप , संजय सोनावणे , भगवान गायकवाड , अक्षय गायकवाड , वसंतराव साळवे , घनश्याम सुसगोहेर , श्याम औचरे , रवि शिंदे , शशिकांत मोरे , विनोद साळवे , कुमार शिंदे , सुजित म्हस्के , मोहन यादव , अशोक चेटपेल्ली , उमेद कांबळे , विनोद चव्हाण , विक्रम मोरे , उमेश कदम , अनिरुद्ध सोनवणे , अक्षय चाबुकस्वार , सतीश वाघेला , सुनील जगताप , जितेंद्र कांबळे , नितीन म्हस्के , संदीप गाडे , पोपट गायकवाड , रमेश गाडे , तुकाराम मोरे , सागर परदेशी , मोहन जगताप , गंगाधर आंबेडकर , सनी भोसले आदी आंबेडकर चळवळीतील मोठ्या संख्यने कार्यकर्ते सहभागी झाले होते .

यावेळी जवखेडा दलित हत्याकाडाचा निषेध असो … , नगर जिल्हा पोलिसांचा निषेध असो । , या हात्याकाडाच्या रोपींना लवकरात लवकर अटक करण्यात यावी अन्यथा दहा दिवसाच्या आत आरोपींना अटक न झाल्यास पुणे कॅम्प बंदचा इशारा देण्यात आला , असे आंदोलनाचे सयोजक संदीप भोसले यांनी दिला .

पुणे – महाराष्ट्र राज्याचे माजी मुख्यमंत्री व कॉंग्रेस पक्षाचे नेते नारायण राणे यांनी बाजीराव रोडवरील अत्रे सभागृहातील ” अक्षरधारा ” या पुस्तक प्रदर्शनास भेट देऊन पुस्तकांची खरेदी केली , त्यांच्यासमवेत विद्याधर अनास्कर उपस्थित होते .

पुणे कॅम्प मधील सेंटर स्ट्रीटवरील राहणारे उर्मिलाबेन कीर्तीकुमार शहा यांचे हृदयविकाराच्या झटक्याने निधन झाले . त्या ७३ वर्षांच्या होत्या . त्यांच्या मागे २ मुले , २ मुली , सुना, जावई , नातवंडे असा परिवार आहे .

भारतीय जनता युवा मोर्चा पुणे कॅम्प विभागाचे अध्यक्ष सागर शहा यांच्या त्या मातोश्री होत्या .तसेच , पुणे कॅम्प मधील सेंटर स्ट्रीटवरील केशवलाल माणिकलाल या कपड्याचे फर्मचे व्यापारी अमर शहा यांच्या त्या मातोश्री होत्या . त्यांच्यावर शंकरशेठ रोडवरील मुक्तिधाम स्मशानभूमीत अंत्यसंस्कार करण्यात आले . अंत्यसंस्कार समयी पुणे कॅम्प भागातील व्यापारी बांधव , सर्व सामाजिक , राजकीय क्षेत्रातील मान्यवर व्यक्ती उपस्थित होते .

पुणे शहर कॉंग्रेस कमिटी व पुणे कॅंटोन्मेंट विधानसभा मतदार संघातर्फे पोलादी पुरुष सरदार वल्लभभाई पटेल यांची जयंती व राष्ट्रमाता माजी पंतप्रधान स्व. इंदिराजी गांधी यांची पुण्यतिथीनिमित अभिवादन सभा झाली . यावेळी या महापुरुषांच्या प्रतिमेस माजी राज्यमंत्री रमेश बागवे यांच्याहस्ते पुष्पहार अर्पण करून विनम्र अभिवादन केले . तसेच ,संकल्प दिन म्हणून सर्व कॉंग्रेस कार्यकर्त्यांनी सामुहिकपणे सामाजिक एकता आणि अखंडतेची शपथ घेतली . या शपथेचे वाचन माजी राज्यमंत्री रमेश बागवे यांनी केले .

पुणे कॅम्प भागातील इस्ट स्ट्रीटवरील राणी लक्ष्मीबाई उदयानजवळील इंदिरा गांधी चौकामध्ये हा कार्यक्रम झाला . यावेळी पुणे शहर कॉंग्रेस कमिटीचे अध्यक्ष अभय छाजेड , नगरसेवक सुधीर जानजोत , अविनाश बागवे , नगरसेविका लता राजगुरू , लक्ष्मी घोडके , माजी स्थायी समिती अध्यक्ष रशीद शेख ,शिक्षण मंडळ उपाध्यक्ष नुरुद्दीन सोमजी, पुणे कॅंटोन्मेंट बोर्डाचे माजी नगरसेवक मंजूर शेख , करण मकवानी , प्रसाद केदारी , शैलेन्द्र बिडकर , संगीता पवार , विनोद मथुरावाला , गौतम महाजन , निझाम काझी , पुणे कॅंटोन्मेंट ब्लॉक कॉंग्रेस कमिटीचे अध्यक्ष असिफ शेख , राजाभाऊ चव्हाण , वाल्मिक जगताप ,रमेश अय्यर , अड. अनुपमा जोशी , प्रदीप परदेशी , सुजित यादव , स्मिता मुळीक , विठ्ठल थोरात , लतीफ शेख , अझीम गुडाकुवाला, अरविंद अंगीरवाल, अच्युत निखळ , क्लेमंट लाझरस , सुरेंद्र परदेशी , विनोद मोगरे , रशीद खिजर , जोस्वा रत्नम आदी मान्यवर , कॉंग्रेस शहर पदाधिकारी , महिला कॉंग्रेस ,युवक कॉंग्रेस , एन. एस. यू. आय . , सेवा दल व कार्यकर्ते उपस्थित होते.

यावेळी माजी आमदार रमेश बागवे यांनी सांगितले कि , देशाची अखंडता टिकविण्यासाठी आपण सर्वांनी एकत्रित आले पाहिजे , देशाच्या अखंडतेला धक्का लावण्याचे काम सध्याचे सरकार करत आहे . त्यासाठी या सरकारची संकुचित वृत्ती बदलण्यासाठी कॉंग्रेस कार्यकर्त्यांनी आपला पक्षासाठी एकत्रित आले पाहिजे . राज्य हे लोकशाही पद्धतीने चालले पाहिजे , परंतु सध्याचे सरकार हे वेगळा विदर्भ करण्याचे बोलते , तर दुसरीकडे एकता दौड काढता ? हा काय प्रकार चालला आहे , विरोधी निर्णय घेणाऱ्या या सरकारला लोकशाहीच्या माध्यमातून धडा शिकविण्यासाठी कॉंग्रेस कार्यकर्त्यांनी एकत्रित या . असे आवाहन त्यांनी केले . गुजरात सरकारचे मुख्यमंत्री होते तेव्हां त्यांनी कधीही वल्लभभाई पटेल यांची जयंती घेतली नाही आताच त्यांना जयंतीनिमित एकता दौड काढता , नगरला दलित हत्याकांड झाले , त्याची दखल अद्यापदेखील या सरकारने घेतली नाही , या हत्याकांडातील पिडीत कुटुंबीयाची भेट घेवून सांत्वन केले नाही . हे सरकार सत्तेसाठी असून त्यांना जनतेचे कोणतेच सुख दुख नाही .

या कार्यक्रमात उपस्थितांचे स्वागत आणि सूत्रसंचालन राजाभाऊ चव्हाण यांनी केले तर आभार पुणे कॅंटोन्मेंट ब्लॉक कॉंग्रेस कमिटीचे अध्यक्ष असिफ शेख यांनी मानले .

मुंबई : द मलाबार हिल क्लब आयोजित महाराष्ट्र राज्य सब ज्युनीयर स्नूकर स्पर्धेत पुण्याचा सुरज राठी ने महाराष्ट्र नंबर १ खेळाडू २०१४-२०१५ चा किताब शुक्रवार दिनांक ३१ ऑक्टोबर रोजी सायंकाळी ५ वाजता मिळविला. हा मोठा किताब मिळवण्या साठी सुरज ने मुंबईच्या रोहन सहानी वर ३:२ ने मात केली.

स्पर्धेच्या अंतिम सामन्यात एकही फ्रेममध्ये पराभूत न होता पोहोचलेल्या सुरजने पहिल्या फ्रेममध्ये ७८-६२ असा विजय मिळवला. पण दुसऱ्या फ्रेममध्ये त्याला ५९-६७ असे पराभवाला सामोरे जावे लागले. तिसऱ्या फ्रेममध्ये त्याने सामन्यात पुन्हा पुनरागमन करत ५९-५५ असा विजय घेत आघाडी घेतली. चौथ्या फ्रेममध्ये सहानीने ७०-४४ अशी फ्रेममध्ये बाजी मारत सामना २-२ असा बरोबरीत आणला. पण पाचव्या निर्णायक फ्रेममध्ये सुरज राठीने आपला खेळ उंचावत ५८-३८ असा विजय मिळवत महाराष्ट्र नंबर १ चा किताब व जेतेपद पटकावले.

विजयात भर म्हणजे सुरज राठीने महाराष्ट्र राज्य सब ज्युनीयर बिलीयर्ड स्पर्धेत देखील महाराष्ट्र नंबर २ खेळाडू २०१४-२०१५ चा किताब मिळविला.

१८ वर्षाचा सुरज हा नेस वाडिया कॉलेज मध्ये पहिल्या वर्षात शिकत असून पूना क्लब येथे स्नूकर खेळतो. माझ्या या यशामधे पूना क्लब चे मार्केर्स तसेच सिनिअर खेळांडूचा व अर्थात माझे वडील शाम राठी यांचा मोठा सहयोग आहे असे सुरज म्हणाला.

मुंबईत सध्या चालू असलेल्या महाराष्ट्र राज्य ज्युनीयर स्नूकर स्पर्धेत देखील सुरज राठीची विजयी घोडदौड चालुच आहे.

पुणे – सरदार वल्लभभाई पटेल यांच्या जयंतीनिमित्त महावितरणच्या पुणे परिमंडलातील मंडल व विभागीय कार्यालयात राष्ट्रीय एकतेची शपथ घेण्यात आली.
पुण्यातील रास्तापेठ येथील मुख्य अभियंता कार्यालयात या कार्यक्रमाचे आयोजन केले होते.
यावेळी महावितरणचे मुख्य अभियंता निळकंठ वाडेकर, अधिक्षक अभियंता अंकुश नाळे, उपमहाव्यवस्थापक योगेश खैरनार, सहाय्यक महाव्यवस्थापक (मानवसंसाधन), धैर्यशील गायकवाड, उपमुख्य औद्योगिक संबंध अधिकारी रामगोपाल अहिर, वरीष्ठ व्यवस्थापक माधुरी राऊत आदी उपस्थित होते.
उध्दव कानडे यांनी राष्ट्रीय एकता दिवस शपथेचे वाचन करुन ती उपस्थितांकडून वदवून घेतली.