पुणे – तुळशीबागेतील वाकणकर वाड्यास सोमवारी(ता.3) मध्यरात्री लागलेल्या भीषण आगीत कटलरी साहित्याचे दुकान आणि कपड्याचे गोडाऊन खाक झाले. आगीचे कारण निश्‍चित समजू शकले नाही. मात्र, यात मोठ्या प्रमाणावर वित्त हानी झाल्याचा प्राथमिक अंदाज आहे.
बुधवार पेठेतील तुळशीबागेत केदार पंढरीनाथ वाकणकर यांचा वाडा आहे. ते सध्या राहण्यास नवी पेठेत आहेत; परंतु या वाड्यात त्यांचे जनरल स्टोअर्स आणि कपड्याचे गोडाऊन आहे. वाड्यालगत इमारतींमध्ये नागरिक राहत असून कपडे, स्टेशनरी आणि कटलरी साहित्याची दुकाने आहेत.
वाकणकर वाड्यास सोमवारी मध्यरात्री एकच्या सुमारास आग लागल्याची माहिती मिळाली. त्यानंतर अग्निशामक दलाच्या नऊ गाड्या आणि दोन पाण्याचे टॅंकर तातडीने घटनास्थळी पोचले. त्यांनी प्रथम शेजारच्या रहिवाशांना सुरक्षित स्थळी हलविले. इतरत्र आग लागू नये, याची खबरदारी घेत अग्निशामक दलाच्या जवानांनी चारही बाजूंनी पाण्याचा मारा केला. मुख्य अग्निशमन अधिकारी प्रशांत रणपिसे, सहायक विभागीय अधिकारी दत्तात्रेय नागलकर, स्टेशन अधिकारी प्रकाश गोरे, समीर शेख, राजेश जगताप, संजय रामटेके, प्रकाश उमराटकर, गजानन पाथरूडकर, विजय भिलारे यांच्यासह इतर जवानांनी अथक प्रयत्न करीत अर्ध्या तासात आग आटोक्‍यात आणली, असे मध्यवर्ती अग्निशमन केंद्राचे अधिकारी गोरे यांनी सांगितले.

पुणे-पुणे-वैकुंठ स्मशानभूमीतील प्रलंबित कामे १५ मार्च पूर्वी पूर्ण करून इतर
समस्यांचे ही कायमस्वरूपी निराकरण करू असे वचन म न पा चे भवन विभागाचे
अधिक्षक अभियंता राजेंद्र राउत यांनी दिले.ते आज वैकुंठ स्मशानभूमीतील
प्रलंबित कामांची व अन्य समस्यांची पहाणी केल्यानंतर बोलत होते.वैकुंठ
मधील समस्यांबाबत प्रशासनाकडे सातत्याने पाठपुरावा करणारे भाजप चे
सरचीटणिस संदीप खर्डेकर यांच्यासह कार्यकारी अभियंता संदीप
खांडवे,कनिष्ठा अभियंता हांडे व अन्य कर्मचारी यावेळी उपस्थित
होते.यावेळी प्रामुख्याने खालील कामे १५ मार्च पूर्वी पूर्ण करण्याचे
निश्चित करण्यात आले-
१) वैकुंठातील सर्व अंतर्गत रस्त्यांचे काम (कॉंकरीटीकरण करणे )
२) विद्युत दाहिनी समोरील झाडांचे पार तसेच विसाव्याचे ओटा दुरुस्त
करणे/डागडुजी करणे.
३) विद्युतदाहिनी मधील अस्थी गोळा करण्याच्या ठिकाणी कुंपण घालणे तसेच
तेथील शेड चे गळके पत्रे बदलने.
४) सध्या सुरु असलेले कॅन्टीन,रिसेप्शन इमारत,स्वच्छतागृह,वाचमन केबिन व
दहन क्रिया शेड चे बांधकाम ही १५ मार्च पूर्वी पूर्ण करून त्यांचा वापर
सुरु करणे.तसेच रिसेप्शन इमारतीत पास देण्याची व्यवस्था करण्यास ही
मान्यता देण्यात आली.या इमारतीत अंत्यविधि करणारे गुरुजी,न्हावी तसेच
कर्मचार्यांना विश्राम घेता यावा अशी व्यवस्था असेल.
५) ज्या मोकळ्या जागेत अनेक सन्माननीय व्यक्तींचे दहन केले जाते ती
संपूर्ण जागा थाक ठीक करणे व तेथे नागरिकांना बसण्यासाठी तयार करण्यात
येणारी व अर्धवट बांधकाम झालेली इमारत पुढील बजेट तरतूदीतून पूर्ण करणे.
६) पुढील बजेट तरतूदीतून आणखी दोन विद्युत दाहिण्या उभारणे.
७) वैकुंठ च्या मागच्या बाजूस दोन जुनी बांधकामे असून त्यांचा प्रेमी
युगल व मद्यापिंकडून गैरवापर होत असल्याचे निदर्शनास आले आहे.त्यामुळे ही
बांधकामे पाडून टाकावीत असे ही निश्चित करण्यात आले.
याव्यतिरिक्त वैकुंठ च्या मागील बाजूस नदीत राख टाकण्यात येते (लाकडा
वरील अंत्यसंस्कारा नंतर सावडण्याचा विधि झाल्यावर उरलेली रक्षा ) हे
सर्वथा गैर असून यातून नदीतील प्रदुषण वाढत असून हे त्वरित थांबवावे व
यावर कायम स्वरूपी पर्याय शोधावा अशी मागणी ही श्री.खर्डेकर यांनी केली
आहे.मात्र हे काम भवन अंतर्गत येत नसल्याने याबाबत आयुक्तंकडे पाठपुरावा
करणार असल्याचे संदीप खर्डेकर यांनी स्पष्ट केले.
तसेच स्मशाणभूमीच्या आवारात कॅन्टीन च्या उभारणीस माझा व्यक्तीश: पाठिंबा
असून याचा उपयोग मयता ची वाट बघणारे आप्तेष्ट,बाहेर गावाहून अंत्यविधि
साठी येणारे नागरिक,रात्री अपरात्री येणारे नागरिक यांना व्हावा व येथे
माफक दरात सेवा मिळावी.जागरूक पुणेकर स्मशान भूमीत कॅन्टीन हा विषय कसा
स्वीकारतात याचा प्रशासनाने चाचपणी करूनच हे कॅन्टीन सुरु करावे असे ही
संदीप खर्डेकर यांनी स्पष्ट केले आहे.एकूणच वैकुंठ पुढील महिन्यापासून
काट टाकेल व पुणेकरांना अधिक सुविधा उपलब्ध होतील असा विश्वास आजच्या
निर्णयांवरून वाटत असल्याचे ही खर्डेकर यांनी सांगितले.

   क्रांतीवीर लहूजी वस्ताद साळवे मातंग समाज अभ्यास आयोगाच्या शिफारशीची अंमलबजावणी होण्याबाबत मागणी पूर्ण करण्याकरिता समाज कल्याण आयुक्तांलय महाराष्ट्र राज्याच्या पुणे विभागाच्या  कार्यालयासमोर  अन्याय विरोधी आंदोलनाच्यावतीने ” आमरण उपोषण आंदोलन ” करण्यात आले .

       अन्याय विरोधी आंदोलनाचे अध्यक्ष नवनाथ चांदणे यांच्या नेतृत्वाखाली आंदोलन करण्यात आले . या आंदोलनात माजी गृहराज्यमंत्री रमेश बागवे , माजी आमदार उत्तमप्रकाश कंधारे , अन्याय विरोधी आंदोलनाचे सचिव अशोक शेडगे , उपाध्यक्ष दादाराव देवकुळे , मधुकर चांदणे , विठ्ठल थोरात , सुरेश अवचिते , प्रकाश बगाडे , अनंत बगाडे , अशोक शेडगे , रमेश चांदणे , संतोष माने , अशोक लोखंडे , राजाभाऊ लोखंडे , अनिल जाधव , संभाजी शिंदे , अनिल हातागळे , भास्कर पाटोळे , सुरेखा खंडाळे व अन्य मान्यवर पदाधिकारी आणि कार्यकर्ते सहभागी झाले होते .

        या मागण्यांचे निवेदन राज्याचे मुख्यमंत्री देवेंद्र फडणवीस यांना पाठविण्यात आले . शासनाच्यावतीने  मातंग समाजाच्या विकासासाठी क्रांतीवीर लहूजी वस्ताद साळवे मातंग समाज अभ्यास आयोगाच्या शिफारशी केलेल्या ८२ शिफारशीपैकी ६८ शिफारशीला राज्य मंत्रीमंडळाने मान्यता देण्यात आलेल्या आहेत . शासनाने यासाठी संबधीत विभागांना जबाबदारी दिलेली आहे . याबाबत शासन निर्णय ३१ डिसेंबर २०११ रोजी झालेला असून शासनाने अध्यादेशही जारी केलेला आहे . परंतु महाराष्ट्र शासनाच्या जबाबदारी देण्यात आलेल्या विभागाकडून अंमलबजावणीस मोठा विलंब होत असल्याचे दिसून येत आहे . त्यामुळे हि बाब मातंग समाज बांधवासाठी अन्यायकारक आहे . तरी या शासनाच्यावतीने  मातंग समाजाच्या विकासासाठी क्रांतीवीर लहूजी वस्ताद साळवे मातंग समाज अभ्यास आयोगाच्या शिफारशीची अंमलबजावणी करण्याच्या मागणीसाठी अन्याय विरोधी आंदोलनाच्यावतीने ” आमरण उपोषण आंदोलन ” करण्यात आले .

पुणे :

‘पुणे शहर राष्ट्रवादी काँग्रेस’च्या वतीने अन्नधान्य पुरवठा बंद विरोधी आंदोलन करण्यात आले. महाराष्ट्र शासनाने धान्य पुरवठा बंद व रॉकेल पुरवठा कमी केल्याने गोर गरीब जनतेवर होणार्‍या अन्यायाविरोधी आंदोलन करण्यात आले. पक्षाच्या वतीने अन्नपुरवठा अधिकारी धनाजी पाटील यांना निवेदन सादर करण्यात आले. हे आंदोलन आज दिनांक 3 फेब्रुवारी रोजी सकाळी 11 वाजता ‘राष्ट्रवादी काँग्रेस’च्या वतीने संपुर्ण महाराष्ट्रभर करण्यात आले.

महागाईच्या विळख्यात सर्वसामान्य जनता आधीच होरपळत असताना राज्यातील दारिद्रयरेषेवरील (एपीएल) एक कोटी 77 लाख केसरी शिधापत्रिकाधारक कुटुंबांचा धान्य पुरवठा बंद करण्याचा निर्णय केंद्र व राज्य सरकारने घेतल्याने हे शिधापत्रिकाधारक मध्यमवर्गीय गहू, तांदुळ या धान्यापासून वंचित राहणार आहेत. रॉकेल कपातीबरोबरच पामतेल, साखर, डाळी जीवनावश्यक वस्तू यापूर्वीच गायब झाल्याने राज्यातील सव्वा लाख रेशन दुकानदारांना टाळे लागणार अशी स्पष्ट चिन्हे दिसू लागली आहेत.

अजुनही 3 लाख 87 हजार लोक अजुनही या योजनेपासून वंचित आहेत, अशी माहिती यावेळी अधिकार्‍यांनी दिली.

डॉ. बाबासाहेब आंबेडकर पुतळा येथे हे आंदोलन करण्यात आले. यावेळी महापौर दत्तात्रय धनकवडे, अंकुश काकडे, माजी महापौर मोहनसिंग राजपाल, कमल ढोले-पाटील, सुभाष जगताप, रर्वींद्र माळवदकर यांची भाषणे झाली.

यावेळी नगरसेवक प्रदीप गायकवाड, महेंद्र पठारे, महाराष्ट्र प्रदेश लीगल सेलचे अध्यक्ष भगवानराव साळुंखे, राजलक्ष्मी भोसले, अशोक राठी, नितीन उर्फ बबलू जाधव, दीपक जगताप, गणेश माथवड, मिलींद वालवडकर, शिल्पा भोसले, शशीकला कुंभार, मनाली भिलारे, विपुल म्हैसुरकर, राकेश कामठे सुरेश बांदल तसेच पुणे शहरातील सर्व पदाधिकारी, सेलचे पदाधिकारी व कार्यकर्ते या आंदोलनात सहभागी झाले होते.

 पुणे – जिल्ह्याच्या  उपजिल्हाअधिकारी  ज्योती कदम यांना राष्ट्रीय मतदार दिनी दिल्लीमध्ये भारतीय निर्वाचन आयोगकडून नुकत्याच झालेल्या महाराष्ट्र विधानसभा सार्वत्रिक निवडणुकीत पर्वती विधानसभा मतदार संघाचा  सर्वात कमी कालावधीत निकाल लावल्याबद्दल   त्यांना माजी राष्ट्रपती ए . पे. अब्दुल कलाम यांच्याहस्ते स्मृतीचिन्ह , प्रमाणपत्र आणि चाळीस हजार रुपये रोख रक्कमेचे पारितोषिक मिळाल्याबद्दल त्यांचा महसूल कर्मचारी संघटनेच्यावतीने राज्याचे अध्यक्ष लक्ष्मीकांत पाचारणे यांच्या हस्ते पुष्पगुछ देऊन सन्मानित करण्यात आले .

    यावेळी शिक्षण खाते कर्मचारी संघटनेचे अध्यक्ष अनिल वाघमारे ,  महसूल कर्मचारी संघटनेचे पुणे जिल्हा अध्यक्ष दीपक चव्हाण , कोशाध्यक्ष संजय साखरे , शिवाजी खांडेकर , सतीश चांदेकर ,सुरेश मोकाशी ,  नायब तहसीलदार राजेंद्र सिंदकर व अन्य पदाधिकारी आणि कार्यकर्ते उपस्थित होते .

    ज्योती कदम यांनी पर्वती विधानसभा मतदार संघाचा  सर्वात कमी कालावधीत निकाल १ तास ५० मिनिटांत लावला होता , त्यामुळे त्यांचा हा गौरव करण्यात आला . अशी माहिती  शिक्षण खाते कर्मचारी संघटनेचे अध्यक्ष अनिल वाघमारे यांनी दिली . यावेळी पुणे  जिल्ह्याच्या  उपजिल्हाअधिकारी  ज्योती कदम यांनी या गौरवाबद्दल सांगितले कि , सर्वांच्या सांघिक कौशल्याने आम्ही हे यश प्राप्त केले आहे . त्यामुळे त्यांनी सर्वांचे आभार मानले . या पुढील काळात देखील कमीत कमी वेळेत निकाल लावण्याचा विक्रम करण्याचे त्यांनी सांगितले .